تعليم ابنائنا سياسة اللي يضربك اضربه صح ام خطأ؟

[سلفي]

تعليم ابنائنا سياسة اللي يضربك اضربه صح ام خطأ؟


طبعا السؤال واضح... يعني لو افترضنا أن ولدك جاء إليك و اشتكى أن

أحدا من أصحابه أو غير أصحابه قد ضربه (و ما أكثر ما يتكرر هذا

الموقف في حياتنا اليومية خصوصا وقت جمعة الاهل في البيت العود )
،
ماذا سيكون ردة فعلك؟؟؟ اذا قلنا له : يا حبيبي إللي يضربك اضربه

والحين روح وبرد حرتك فية... فهل نكون بذلك قد علمناه كيفية الدفاع

عن النفس أم اننا قد زرعنا فيه العدوانية تجاه الآخرين؟؟؟ و إذا قلنا له

: يا حبيبي إذا ضربك مرة ثانية فقل له الله يسامحك وروح العب بعيد

عنه ... فهل نكون بذلك قد علمناه التسامح و العفو عن الآخرين أم هل

زرعنا فيه الجبن و الخوف من الناس؟؟؟ تساؤلات اطرحها

عليكم ..وأرجو من الجميع المشاركة... تحياتي وتقديري لكم .

[عضو المنتدى]

القاعده الشرعيه : العين بالعين والسن وبالسن !

والقاعده المسيحيه : من ضربك على خدك الأيمن أدر له خدك الأيسر !

ما دري حد يتفق معاي على كلامي ؟؟؟

[الامانه]

علمنا عيالنا اللي يظربك او يغلط عليك قوله
الله يسامحك ما علمناهم العين بالعين
والسن بالسن معلومه خاطئه

[الدوحه%]

والله انا دايما افكر في هالسالفه ,,, بس في البيت اقولهم انتو اخوان لا تتهاوشون بس عند الصج مثل المدرسه مثلا لا والف لا اللي يضربك اضربه ....
وحابه اسمع راي باقي الاعضاء
وتسلم على الموضوع

[قطريه ماركه]

اي يضربه عيل يضحك له لين ينتفه <<< لحد يقول راعية هوشات !!!

[غزلان]

على حسب سبب الضرب لأنه اذا ماضربه بيستغل هالشي وبيضربه بكل وقت

[غناتي1]

انا مع قول الامانه

(( علمنا عيالنا اللي يظربك او يغلط عليك قوله
الله يسامحك ما علمناهم العين بالعين
والسن بالسن معلومه خاطئه))

وهذه التعليمة في هذا الوقت غلط 000 لازم الولد يأخذ حقه والا بينلعب عليه

[هام السحاب]

طبعاً يضربه ويحرق ويهه تصطر بعد

[Riku3]

لو بالبيت لا .. لان اليهال يلعبون والاهل المفروض يتحكمون بالموضوع ويعلمونهم يحبون بعض.

اما بالمدرسه فاكيد الي يضربك اضربه ولاتعطيه فرصه !! .. بس لازم نعلمه مايبدى بضرب الناس علشان ماينضرب هو الثاني :) .

[alzaeem]

علموهم الادب واحترام الجميع والتسامح مع الاخرين والصفح عند المقدرة

[الساهرة]

اذا كان طفل طبعا خطأ انقول له هالكلام

لكن ان كان شخص كبير وانطق الا انقول له اللي يطقك كسر راسه
العين بالعين والسن بالسن والبادي اظلم اذا ماكسر راسه وهو طاقه اتصير عليه منقود
ويقال عنه جبان كل من جا طقه .


ولا شووووووو رايكم .........؟






الساهره

[الخير كله]

علموهم الادب واحترام الجميع والتسامح مع الاخرين والصفح عند المقدرة
بارك الله بقلمك

[WIFE]

أهلين
خير الامور الوسط...اليهال و خصوصا الصبيان معظم لعبتهم الطق و المصارعة...فلازم الياهل يكون فاهم اهو انطق خلال اللعب ولا واحد بس منيه و الطريج جاه و طقه...و بصراحة في يهال وايد و خصوصا في المدارس اذا شافو صبي ينظرب و ساكت بيسوونه ملطشة الصف كلن بيمر و يخبطه و بس حتى من دون سبب (من سوا نفسه سبوس العبو فيه الدجاج)...اننا نعود الياهل يدافع عن نفسه هذا شي مهم لكن بعد نعوده ما يجور أو يطق الناس من دون داعي...هذي جملتي لولدي ( اذا طقك و يقصد و مب لعب هاوشه و قوله بصوت مرتفع لاتطقني ) نظام خذوهم بالصوت لا يغلبوكم....و اذا كررها و طقك معناته متسبب فطقه...و الله يعينا على تربيتهم الطق هذي نقطة في بحر..
و تحياتي

[Night KNight]

.
.
●
●
.
.

مـۈضۈع حـڷۈ جذبنـي آڷعنـۈآن

آنآ من يۈم آني صغـير

مآخذ حقي آڷى بيدي

يآشآدخ يآمشدۈۈخ

في آنتظآر بآقي آڷآعضآء

.
.
●
●
.
.

[زقرتي ومزاجي]

والله مشكله ... اذا علمتوهم ياخذون حقهم .. باجر بيتهاوشون في البيت
وكل واحد بيضرب الثاني من الاخوان
واذا قلتو لهم اسكتو وعيب وهذا اخوك بياخذون حقهم في البيت ولا برع البيت

والله مشكله

[PoBox]

*


يضربه ويكسر راسه بعد
ولو ان هالقاعدة بعد فيها غلط
لكن
يطلع الولد شري اقشر ( مع تقويمه من الوالدين بالتربية )

احسن من انه يطلع مأكول حقه في كل مكان بكثرة المسامحة والطيبة الزايده

خصوصا ان زمننا الطيب فيه يتحول تلقائيا ل (ساذج او مسكين عرفا )

1) فمن يقدر على اخذ حقه ولم ياخذه طيبا من خاطره يمسى ( طيب )
2) اما من لم يقدر على أخذ حقه وتركه يسمى ( ضعيفا )

رقم (1) هو المطلوب وليس رقم (2)



لو كان الخيار بين هذا وذاك

اقوله اللي ضربك اضربه ولاتجيني تتبجبج
منها يزيد قوة ويعتمد على نفسه وليس ابويه

- الى سن معين طبعا وبحد معين ،،

[!الشايمه!]

الولد....صير اقشر....واحرق ويهه.....ونتفه.....
والبنت.....خل لسانج طويل....واللي يقول لج كلمة عطيه عشر.......@@

آخرتها بناكل بعض......وبنرتاح :)

تحية

[Darco]

*


يضربه ويكسر راسه بعد
ولو ان هالقاعدة بعد فيها غلط
لكن
يطلع الولد شري اقشر ( مع تقويمه من الوالدين بالتربية )

احسن من انه يطلع مأكول حقه في كل مكان بكثرة المسامحة والطيبة الزايده

خصوصا ان زمننا الطيب فيه يتحول تلقائيا ل (ساذج او مسكين عرفا )

1) فمن يقدر على اخذ حقه ولم ياخذه طيبا من خاطره يمسى ( طيب )
2) اما من لم يقدر على أخذ حقه وتركه يسمى ( ضعيفا )

رقم (1) هو المطلوب وليس رقم (2)



لو كان الخيار بين هذا وذاك

اقوله اللي ضربك اضربه ولاتجيني تتبجبج
منها يزيد قوة ويعتمد على نفسه وليس ابويه

- الى سن معين طبعا وبحد معين ،،




هذا الكلام (Thump up)..

الشيء الأهم من المسألة كلها, هو أن البادي منهم يتعاقب بشكل يخليه يفكّر ألف مرّة قبل لا يمارس عدوانيّته -اللي هي مكتسبة وليست فطريّة في أكثر الحالات في مجتمعنا-. العقاب يكون من عائلة الطفل الثاني أو من الطفل نفسه هذا يحدده الموقف, ومسألة المسامحة تزيد عدوانيّة الطفل المعتدي وتزيد ضعف المُعتدى عليه... طبعاً هذا لأننا نتكلم عن أطفال والقاعدة "قد" تختلف عند الكبار في بعض الحالات.

[barod]

طبعا اقوله الي اضربك اضربه علشان المعتدي ما يتعودها

[ضوى]

*


يضربه ويكسر راسه بعد
ولو ان هالقاعدة بعد فيها غلط
لكن
يطلع الولد شري اقشر ( مع تقويمه من الوالدين بالتربية )

احسن من انه يطلع مأكول حقه في كل مكان بكثرة المسامحة والطيبة الزايده

خصوصا ان زمننا الطيب فيه يتحول تلقائيا ل (ساذج او مسكين عرفا )

1) فمن يقدر على اخذ حقه ولم ياخذه طيبا من خاطره يمسى ( طيب )
2) اما من لم يقدر على أخذ حقه وتركه يسمى ( ضعيفا )

رقم (1) هو المطلوب وليس رقم (2)



لو كان الخيار بين هذا وذاك

اقوله اللي ضربك اضربه ولاتجيني تتبجبج
منها يزيد قوة ويعتمد على نفسه وليس ابويه

- الى سن معين طبعا وبحد معين ،،



والله صدقت يا بوكسينج

ولدي الكبير هادي وفقير ما يغلط على احد والكل يحبه ، جاه اخوه الصغير صار نشبة وياه هواش معاه الصغير يمد ايده عليه وهذا يسكت مرة مرتين ثلاث مايبي يكسره ويشلخ ويهه ، صبره نفذ صكه كف ذاك اليوم غير معالم ويهه قلت له يبه بتضربه اضربه بس لا تشوهه الله يخليك ، صار الحين ما يسكت عنه يضربه اذا تحرش فيه بس واذا الصغير جا يشتكي اقول له لك ويه تشتكي بعد والله ما الومه لو يذبحك بعد

بس برع البيت لا الكبير وايد محترم وفارض احترامه عالكل ما له بالهواش والضرب ولا حتى طولة اللسان الله يحفظه يارب

الصغير كله يضرب ومضروب فمخليته ولا اتدخل حتى لما ينضرب ادري فيه مشكلجي وراعي سوالف الا اذا حسيت انه صادق وعايلين عليه ذيك الساعة اشوف شسالفة واسمع منه وفي المدرس كله يدش بالهواش يقول لازم افزع حق ربعي لانه قالوا الفزعة :secret:اقول امحق فزعة اذا انت داش فيها

المراد لازم الياهل يتعلم ياخذ حقه خاصة لما يكون بسن يفهم فيه مو طبعا 5 واربع سنين لا اكبر شوي

[نبـــــراس]

احنا نقولهم اللي يضربك اضربه .. في هالزمن ما ينفع التسامح .

[shagrh]

الولد....صير اقشر....واحرق ويهه.....ونتفه.....
والبنت.....خل لسانج طويل....واللي يقول لج كلمة عطيه عشر.......@@

آخرتها بناكل بعض......وبنرتاح :)

تحية

هههههههههه عجبتنى ان اخرتها ناكل بعض ونرتاح
لا ايلى يطق او يأذى طقه على قد ما طاقك يعنى مو اذا طاقك كف تروح تشق راسه انت بعد عطه كف
لان بهالوقت الواحد اذا ماكان قوى ويرد الطقه بطقها مثلها قالو عنه ضعيف وكلووه
واحنا اهالينا علمونا على التسامح لكن يوم اختلطنا بالناس وكبرنا شفنا ايلى رونا عليه اهالينا مايمشى بره مع الناس
وطقه وراا طقه تعلمنا شلون ندافع عن رووحنا
فانا احاول اختصر الطريج على عيالى واعلمهم الدنيا بره شلون صايره
وللحين وعلى عمرنا وتجاربنا بالحياه كل يوم نكتشف نوعيه جديده من البشر

[عضو المنتدى]

علموهم الادب واحترام الجميع والتسامح مع الاخرين والصفح عند المقدرة

أتفق مع أخوي هزيم :nice:

المشكله أن الولد بيتعلم على العدائية وخلق المشاكل ويعيش

صراع مع ربعه والي حواليه ومع المجتمع .

وأحاديث النبي صلى الله عليه وسلم تعلمنا العفو والتسامح وكضم الغيض

مع المسلمين خاصه .

أما الرد على الضرب تخلق عدائيه وعدوانيه لشخصيه الطفل .