المساعد الشخصي الرقمي

مشاهدة النسخة كاملة : رايكم يهمني جدا جدا جا


ابن البيطار
10-10-2008, 06:45 PM
اخواني ابي رايكم في هالموضوع وان شالله راح اخذ فيه .

انا خسارتي في السوق الى الان تقريبا ثلث راس المال ومادري هل الخساره بتزيد او لا الله اعلم.

اليوم وانا قاعد افكر في الوضع السيء الا يرن التلفون .

الو من معاي الا واحد من الربع كنت اشترك معاه من زماان في بعض الشغلات التجاريه والله فتح عليه وعنده شركة مقاولات كبيره الحين .

امرني يالغالي . طبعا الرجال قالي انه داش في مشروع مع الدوله ومحتاج سيوله ويبي يدخل بعض الناس الي يعزون عليه شركاء معاه وعرض علي الدخول كاشريك بنسبة ربح بين 45الى 50% وممكن اكثر شوي مدة سنه بالضبط . المشروع مع الدوله والاوراق موجوده عنده عشان اتطمن وكل الضمانات المطلوبه .

انا محتار هل ابيع اسهمي بخساره وادش معاه في المشروع الي خلال سنه بيرجع لي كل خسايري .

او استمر في الاسهم ويمكن ترتد مره ثانيه . وعلى فكره لازم الاسهم ترتد بنسبة 50% تقريبا عشان تعوضني خسايري . يعني السهم الي الحين 40لازم يوصل 60 .

انا محتار بصراحه بين عرض رفيقي الي بيرجع لي خسايري ان شالله وانا مرتاح.

وبين البورصه الي ممكن خلال سنه ترتد اي لحظه وتعوض الخساير وزياده وممكن العكس .

اسف طولت عليكم انتوا شنهو رايكم لو كنتوا مكاني او اذا حد مر بنفس التجربه
عقاب
10-10-2008, 07:06 PM
عصفور في اليد ولا عشرة في الشجرة
sad-o-bas
10-10-2008, 07:10 PM
والله الشغل على المضمون وايد أحسن والبورصة ماتنضمن في جلسة التداول نفسها، الواحد مايعرف السواق إذا كان طالع أو نازل حتى في آخر نص ساعة..

أنا أقول مع هالأزمة الي فالعالم.. خلك مع الحكومة والمضمون.. والله يوفقك..

تحياتي
brWaz
10-10-2008, 07:16 PM
اخوي الدوله ماترسي مشروع على شركه مش معاها ضمان بنكي
وثانيان ديما مايكون في دفعه مقدم عشان المقاول يمشي حاله في البدايه
ثالثان انت ادرى بالمشروع الى رفيجك يتكلم عنه وبخبرتك تقدر تعرف اذا كان مجدي وبدون مخاطر وماشي في السليم
رابعا انت من زمان ماشفت صديقك يعني مايضر انك تسئل عن قدرات شركته الماليه ترى مش عيب خصوصان في حالات الشراكه
خامسا عروض وفرص مثل هذي ماتجي كل يوم لذلك تحس بنفسك تحت ضغط اتخاذ القرار

اما عن رائي المتواضع فهو لا تضع كل البيض في سله واحده
يعني اذا كان ولابد ساهم بنصف الرقم الي في بالك
الله يوفقك
:discuss:
عبير وردة
10-10-2008, 07:20 PM
انا برأي لا تشارك حد لان ما في امان لاي حد في هالدنيا لا صديق ولا اخ ولا غيره
خليك في الأسهم احسن ولما ترتفع وترجع راس مالك واذا كنت تملك مخ تجاري
وصبر وحنكة ممكن تفكر في مشروع خاص فيك لوحدك ..... والله يوفقك ويوفق الجميع وترجع فلوسنا.
دربوه
10-10-2008, 07:29 PM
نصيحه خل فلوسك تحت عينك

ياما صارت مصايب من وهم الاصحاب
SeYaSeEe
10-10-2008, 07:29 PM
عصفور في اليد ولا عشرة في الشجرة


بدون ما تفكر .. اذا االمشروع ان شاء الله بيردلك خسايرك . .لا والله ..

خللك مع المشروع .. وبلا حرقة اعصاب ..
ابن البيطار
10-10-2008, 11:55 PM
عصفور في اليد ولا عشرة في الشجرة

مافهمتك اخوي عقاب تقصد العصفور البورصه او المشاركه في المشروع.



والله الشغل على المضمون وايد أحسن والبورصة ماتنضمن في جلسة التداول نفسها، الواحد مايعرف السواق إذا كان طالع أو نازل حتى في آخر نص ساعة..

أنا أقول مع هالأزمة الي فالعالم.. خلك مع الحكومة والمضمون.. والله يوفقك..

تحياتي

بارك الله فيك اخوي وتسلم على رايك الطيب



اخوي الدوله ماترسي مشروع على شركه مش معاها ضمان بنكي
وثانيان ديما مايكون في دفعه مقدم عشان المقاول يمشي حاله في البدايه
ثالثان انت ادرى بالمشروع الى رفيجك يتكلم عنه وبخبرتك تقدر تعرف اذا كان مجدي وبدون مخاطر وماشي في السليم
رابعا انت من زمان ماشفت صديقك يعني مايضر انك تسئل عن قدرات شركته الماليه ترى مش عيب خصوصان في حالات الشراكه
خامسا عروض وفرص مثل هذي ماتجي كل يوم لذلك تحس بنفسك تحت ضغط اتخاذ القرار

اما عن رائي المتواضع فهو لا تضع كل البيض في سله واحده
يعني اذا كان ولابد ساهم بنصف الرقم الي في بالك
الله يوفقك
:discuss:

راي طيب من رجل طيب .




انا برأي لا تشارك حد لان ما في امان لاي حد في هالدنيا لا صديق ولا اخ ولا غيره
خليك في الأسهم احسن ولما ترتفع وترجع راس مالك واذا كنت تملك مخ تجاري
وصبر وحنكة ممكن تفكر في مشروع خاص فيك لوحدك ..... والله يوفقك ويوفق الجميع وترجع فلوسنا.

اللهم امين ومايخسر اي مسلم وتسلم على رايك اخوي.



نصيحه خل فلوسك تحت عينك

ياما صارت مصايب من وهم الاصحاب

بارك الله فيك نصيحه احترمها منك اخوي.


بدون ما تفكر .. اذا االمشروع ان شاء الله بيردلك خسايرك . .لا والله ..

خللك مع المشروع .. وبلا حرقة اعصاب ..


راي طيب ويمكن حرقة الاعصاب السبب الاول الي مخليني ادش شريك .
عقاب
11-10-2008, 12:06 AM
العصفور هو المشروع
المخفي
11-10-2008, 06:08 AM
ارفيجك فاز بالمناقصة ولا بيدخل المناقصة
عميد السوق
11-10-2008, 06:15 AM
أخوي إذا قررت تدش المشروع أوصيك بالتعاقد كتابة على كل ما تتفقون عليه ويكون العقد قانوني وعليه شهود ... هذا ما يأمر به الشرع .. والله يوفقك في أي مسار تختار
shams
11-10-2008, 07:02 AM
155 مليار دولار "طارت" من بورصات الخليج في أسبوع
اعني البورصة الوقت الحالي غير مضمونة العواقب
راقب الموقف باكر
الله معك
ابن البيطار
11-10-2008, 12:55 PM
العصفور هو المشروع

الحين فهمت يعطيك العافيه.



ارفيجك فاز بالمناقصة ولا بيدخل المناقصة

فاز والمشروع بيبداء شهر 11.



أخوي إذا قررت تدش المشروع أوصيك بالتعاقد كتابة على كل ما تتفقون عليه ويكون العقد قانوني وعليه شهود ... هذا ما يأمر به الشرع .. والله يوفقك في أي مسار تختار

ان شالله جزاك الله خير .



155 مليار دولار "طارت" من بورصات الخليج في أسبوع
اعني البورصة الوقت الحالي غير مضمونة العواقب
راقب الموقف باكر
الله معك

كلام طيب يالطيب والله يوفقك