سؤال عن الرنج الفوج

[خالـــــد]

يا الربع توني مطلع رنج فوج من الوكاله

الربع قالو لي انو في مشكله في السوبر شارج اذا احتر يعلق عندك الموتر ولازم توقفه

هل هذا صحيح وايش الحل

وجزاكم الله خير

[ame32480]

اول شي مبرووك .. والله يعطيك خيره ويكفيك شرره ..

ياخوي انا عندي رنج فوج سوبر موديل 2006 .. وماصادتني هالمشكله كللش مب يوم ماخذت الموتر ..

وماتوقع انه صحيح هالكلام .. الناس كانو يقولون الرنج خراباته وايد .. ولا فيه خرابات ولا شي ..

[فلفل حار]

الكلام الي ذكرته اخوي سمعته من اكثر من واحد ايام مانزل السوبر جرج

بس ماتوقع انه صحيح ، هالموتر مصمم لاستخدام يومي

ان شاء الله اصحاب الرنجات يفيدونك

[م.قطري]

اخوي سوق الموتر وانت مرتاااح وماعليك من الكلام اسال مجرب ول تسال طبيب :)

[مستثمر111]

الشيخ انا مجرب السوبر وعندي واحد ولا فيه شي وسافرت عليه ولا اشتكيت منه ولا احلى الدفعه الاولي من 2006 كانت فيها المشكله وتروح الوكاله على الضمان يعدلونه

[الألماسي]

بالعكــس اخــوي . . من أروع السيارات و لا عليه مشاكــل . .

و السوالف " خـــــذ و خــــل " و انـا أخــوك . . وعن تجربه شخصيــّــه و حك يومي أحكــه و الحمدلله ما صادفت هـ المشكله خيــر شــر . .

مبروك المـوتر . . ويعطيك خيره و يكفيك شــره . .

[علي مهنا]

مرحبا الشيخ

مشكلة الفوج هي في السوبر جارج نفسه واحد من الربع عانى من نفس المشكله الي تتكلم عنهه ولو مب الضمان جان راحت عليه

يعني عندك الرنج العادي Hse مافيه الخراب مثل الي في الفوج

وسلامتك

[الوفـى طبعي]

زين شباب الرنج السبورت خرباته اكثر من الفوج ؟؟

[بن درهم]

هذا الكلام كان سنة 2005 اول مانزل السوبر على الرنج اسبورت وعقب تفادو المشكلة في الموديلات
الاحقة هذا والعلم عند الله

[فتى الجود]

يا الربع توني مطلع رنج فوج من الوكاله

الربع قالو لي انو في مشكله في السوبر شارج اذا احتر يعلق عندك الموتر ولازم توقفه

هل هذا صحيح وايش الحل

وجزاكم الله خير


يعطييك خير ويكفيك شر أنشاء الله

هههههههههههههههههههههههههه

أشدعوه الشيخ ربعك متأكد أنهم شافوا الرنج

ولا عبالهم
بانشي

ماعليك أستعمله وماعليك من هالكلام
بس سؤال اللى قالك هالكلام عندة رنج ؟؟؟

[صاحي لهم]

بالمبارك ع الموتر اخووي
وهالمشكله ف الاسبورت ال2005
اما الفووج ماسمعت حد اشتكى منه
وفااااااالك التوووفيق