المساعد الشخصي الرقمي

مشاهدة النسخة كاملة : المصرف يطرح خدمات online banking


Q_PG_S
12-10-2008, 09:13 AM
طرح مصرف قطر الاسلامي اليوم لعملائه خدمة online banking والتي تأتي ضمن الخطط الطموحة لتقديم أفضل خدمة مصرفيّة للعملاء.
وتتيح هذه الخدمة للعميل من الاستفسار عن حساباته المصرفية و التحويل بينها و الاستعلام عن الرصيد و أيضاً التحويل إلى الجهات الخيرية و دفع فواتير الخدمات
سهم المراقيب
12-10-2008, 09:26 AM
طرح مصرف قطر الاسلامي اليوم لعملائه خدمة online banking والتي تأتي ضمن الخطط الطموحة لتقديم أفضل خدمة مصرفيّة للعملاء.
وتتيح هذه الخدمة للعميل من الاستفسار عن حساباته المصرفية و التحويل بينها و الاستعلام عن الرصيد و أيضاً التحويل إلى الجهات الخيرية و دفع فواتير الخدمات

مرحبا أخوي ,, يا ليت تعطينا الرابط عشان نسجل ,,
دخلت الموقع وما لقيت شيء يخص online banking ,,

مشكور على الخبر وتقبل تحياتي ,,
الواعد
12-10-2008, 02:13 PM
لما تدخل الموقع بتحصل على اليمين تحت هالصورة

http://www.qib.com.qa/site/images/eBanking.jpg


بس لما اضغط عليها مايصير شيء
naklan
12-10-2008, 04:26 PM
طرح مصرف قطر الاسلامي اليوم لعملائه خدمة online banking والتي تأتي ضمن الخطط الطموحة لتقديم أفضل خدمة مصرفيّة للعملاء.
وتتيح هذه الخدمة للعميل من الاستفسار عن حساباته المصرفية و التحويل بينها و الاستعلام عن الرصيد و أيضاً التحويل إلى الجهات الخيرية و دفع فواتير الخدمات

اخوي مافيه شي جديد من 10 سنوات عندهم الهاتف المصرفي نفس الخدمات الي ذكرتها:omg:
Qt.1
12-10-2008, 07:34 PM
بنك الدوحه من زمان حاط هالخدمه تدفع حق الفيزا اتحول من رصيد لرصيد تدفع فواتيرك تعبئة كرت هلاا وخدمات كثيره غريبه من بنك بحجم بنك قطر الوطني توه يحط هالخدمه.....!!!
SomeOne
12-10-2008, 07:35 PM
خدماته ضعيفة
سيزن
13-10-2008, 01:40 AM
والله العلة >>>>> الدولي الاسلامي .... امحق بنك
Q_PG_S
13-10-2008, 11:41 AM
السلام عليكم و رحمة الله وبركاته

هذا توضيح للخدمة

http://www.qatarshares.com.qa/data/520/523/storm_1897773914_1439080981.jpg

Q_PG_S
سهم المراقيب
13-10-2008, 01:24 PM
اخوي ,, لا جديد يذكر في الموقع ,,

http://www.qib.com.qa/site/topics/index.asp?cu_no=1&temp_type=44#

اذا عندك رابط للInternet banking غير اللي موجود في الصفحه الرسميه يا ليت تحطه لنا ,,
sanad81
13-10-2008, 01:37 PM
نصيحة يا اخوان ..
اللي بامكانه الاستغناء عن هالخدمة لا يسجل فيها اصلا

انا ما جربتها بس قبل سنوات جربت خدمة اليميل و من يوم اشتركت فيها صرت استلم الكشف الشهري بالايميل فقط و كل ما اسألهم عن الكشف بالبريد العادي يقولون لي السستم فيه انك يجيك كشف شهري !!
و تميت على هالحال 5 شهور لين ما كلمت الاي تي عندهم مباشرة عشان يعدلون الوضع..


المهم .. ال online banking مب لعبة و خطير مثل ما الكل عارف و انا شخصيا ما اثق بالمصرف عشان اسلمهم رقبتي اون لاين..

والله من وراء القصد
م. عبدالعزيز
13-10-2008, 04:34 PM
السلام عليكم
خطوه موفقه من المصرف..
اتوقع بيريحنا من عناء الذهاب الى الفرع علشان كشف الحساب او الاتصال على 4448444 والانتظار علشان نعرف شغله بسيطه
وبالتوفيق :)
ahmad79
13-10-2008, 05:43 PM
شي جميل
SeYaSeEe
13-10-2008, 07:25 PM
الخدمات البنكيه اون لاين .. لا غنى عنها ..

والصراحه انا شخصيا .. مب فاهم ليش البنوك الاسلاميه ليش الى الان مب راضيين يعبرون عملائهم ..
Q_PG_S
14-10-2008, 09:32 AM
رابط الخدمة (http://https://ibank.qib.com.qa/efs/servlet/efs/jsp-ns/login.jsp?locale=en_US)
سهم المراقيب
14-10-2008, 09:47 AM
المهم .. ال online banking مب لعبة و خطير مثل ما الكل عارف و انا شخصيا ما اثق بالمصرف عشان اسلمهم رقبتي اون لاين..

والله من وراء القصد

مرحبا سند شكراً لك على النصيحه لكن الصفحات البنكيه تستخدم بروتوكولات آمنه وصعب اختراقها ,,

وبعدين تخيل انت في أمريكا ؟ تبي تضرب خط للدوحه 14 ساعه (اذا دايريكت) عشان كشف حساب ؟ ما تسوى يخوك ,,

=====================


الأخ Q_PG_S ,, الموقع لا يعمل لعله في قيد التطوير ,,
على العموم خطوه كبيره الى الأمام وكنا منتظرينها من زمان ,,
Q_PG_S
14-10-2008, 10:14 AM
اخوي هذا الرابط

الرابط الصحيح (http://ibank.qib.com.qa)

وانا الان فيه اجرب الخدمة
سهم المراقيب
14-10-2008, 11:05 AM
اخوي هذا الرابط

الرابط الصحيح (http://ibank.qib.com.qa)

وانا الان فيه اجرب الخدمة

تسلم اخي الفاضل ,, توني اشوف الديمو ,,
بس لازم نشترك في الخدمه عند أقرب فرع وناخذ الباسوورد ,,
م. عبدالعزيز
14-10-2008, 11:58 AM
رحت اليوم فرع الدفنه وسويت الطلب
يقولي الموظف بعد اسبوع بنتصل لك وبنعطيك الباسورد .. ما ادري الحال عند الكل ولا يعطيك الباسورد بنفس الوقت
سهم طايش
14-10-2008, 12:12 PM
رحت اليوم فرع الدفنه وسويت الطلب
يقولي الموظف بعد اسبوع بنتصل لك وبنعطيك الباسورد .. ما ادري الحال عند الكل ولا يعطيك الباسورد بنفس الوقت

ههههههههههه شدعوة اسبوع حاجز لكزس

اسبوع كامل علشان باسوورد

بيزرعونه و الحصاد بعد اسبوع و بيعطونك واحد:nice:
SomeOne
14-10-2008, 12:52 PM
ههههههههههه شدعوة اسبوع حاجز لكزس

اسبوع كامل علشان باسوورد

بيزرعونه و الحصاد بعد اسبوع و بيعطونك واحد:nice:

:(:(:(
barod
14-10-2008, 12:56 PM
انا بنك قطر الوطني الفرع الاسلامي قالي 21 يوم علشان يعطيني بطاقه الصراف الالي الجديده .. امحق خدمه
ثاني
15-10-2008, 05:19 PM
اخواني الصراحة مصرف قطر الإسلامي متأخر وبشدة
اانا عندي حساب في بنك الدوحة وبنك قطر الوطني وبنك التجاري كله فيها خدمات مصرفية على الانترنت ومن زماان بعد

اما مصرف قطر للاسف توه طرح الخدمة ورحت اقدم على لطلب اليوم قالي قدمة وبكرة تعال خذ الباسورد وهذا رابط المصرفية الاكترونية لمصرف قطر الاسلامية
https://ibank.qib.com.qa/

والي ملاحظة انا سالفة طويلة وعريضة من المصرف
حتى بالتلفون ماقدر اقدم طلب خدمة الانترنت
البنك التجاري فتحت حسابي فيه ورحت اليوم الثاني استلم بطاقة الصراف ودخلت الانترنت وحطيت بيانات بطاقة الصراف وسويت بنفسي خدمة الانترنت

ماقول غير الله يعين والله
وبنك الدوحة الله يهداهم كل شي بالانقليزي خخخخخخخ
والله شي غريب صراحةً ,, اعتقد الان بنك قطر الوطني البنك الوحيد المتطور في خدمة الانترنت المصرفية وبعدة التجاري والدوحة والاهلي وتمنى ان المصرف تكون خدماتته الامصرفية ممتازة
وشكرا لكم
م. عبدالعزيز
15-10-2008, 08:39 PM
أخوي ثاني يعطيك العافيه، ياريت تعطينا خبر في حال استلامك للباسورد لاني مستغرب من الموظف اللي قالي مر علي بعد اسبوع

اذا عطوك انت بكره عطني خبر لاهنت
كوكب
15-10-2008, 09:09 PM
انا رحت لهم اليوم الأربعاء 15/10 قالوا يوم السيت بيوصلك مسج بالباسورد واليوزر نيم وبنشوف
ثاني
15-10-2008, 09:18 PM
م عبدالعزيز
الله يعافيك
والله يخوك قدمت الطلب اهو قال اليوم الثاني تعال خذ الباسورد

لكن الله يستر كيف خدماتهم لاني شفت الديمو فمايندرى وياليت يكون بالعربي لو بالانقليزي مشكلة

لكن لحد الان افضل الخدمات المصرفية هي بنك التجاري وبنك قطر الوطني وبنك الدوحة وانا شفت خدمات البنك الاهلي المصرفية لكن مايندرى كيف ...
المهم نشوف بكرة اذا الباسورد طلع شي طيب واذا تاخر شي ثاني
لكن نتمنى من المصرف ان يقدم خدمات مصرفية على النت تكون ممتازة لاكن اقولك مستحيل يكون افضل من بنك قطر الوطني والبنك التجاري
لان انا ودي يكون اهناك بنك اسلامي متطور نفس البنوك الروبية
مثلا الحين شوف مصرف الراجحي الي في المملكة العربية السعودية
خدماتهم المصرفية متطوووورة جدا جدا جداً وانا عندي حساب لديهم واتابع كل شي عبر الانترنت هني في قطر
وبالتوفيق ان شاءالله
اخوكم ثاني
Q_PG_S
15-10-2008, 09:34 PM
انا عندي الخدمة و الحمد لله رائعة جدا و إن شاء الله بكتب تقرير عنها
ثاني
15-10-2008, 09:59 PM
Q_pg_s
يخوك يليتك تعجل
خوفي استلم الباسورد بعد اسبوع
وكيف الخدمة باللغة العربية ؟
واسموحة على الازعاج
م. عبدالعزيز
15-10-2008, 11:01 PM
م عبدالعزيز
الله يعافيك
والله يخوك قدمت الطلب اهو قال اليوم الثاني تعال خذ الباسورد

لكن الله يستر كيف خدماتهم لاني شفت الديمو فمايندرى وياليت يكون بالعربي لو بالانقليزي مشكلة

لكن لحد الان افضل الخدمات المصرفية هي بنك التجاري وبنك قطر الوطني وبنك الدوحة وانا شفت خدمات البنك الاهلي المصرفية لكن مايندرى كيف ...
المهم نشوف بكرة اذا الباسورد طلع شي طيب واذا تاخر شي ثاني
لكن نتمنى من المصرف ان يقدم خدمات مصرفية على النت تكون ممتازة لاكن اقولك مستحيل يكون افضل من بنك قطر الوطني والبنك التجاري
لان انا ودي يكون اهناك بنك اسلامي متطور نفس البنوك الروبية
مثلا الحين شوف مصرف الراجحي الي في المملكة العربية السعودية
خدماتهم المصرفية متطوووورة جدا جدا جداً وانا عندي حساب لديهم واتابع كل شي عبر الانترنت هني في قطر
وبالتوفيق ان شاءالله
اخوكم ثاني

انا كنت بالوطني بس حولت للمصرف لاني كنت ابغي اتعامل معاهم ببعض الخدمات مثل الوديعة والفيزا وغير جي الفرع قريب جدا للبيت ويفتح بالليل .. وفعلا الوطني عنده الانترنت ممتازه خدماته بس ماكنت مهتم وايد فيها لانه كان عندي معاهم حساب جاري ينزل الراتب وبس..

بخصوص الراجحي زين عيل بدز لك 240 ريال طلع لي كرت شحن حق خطي مال شركة موبايلي السعوديه :nice: اتغشمر طبعا والراجحي يمدحونه متطور :victory:

ان شاء الله المصرف يتطور ويستعدل لانه بدا بالفتره الاخيره يحاول يطور من نفسه ويسبق الدولي الاسلامي..

يتهئ لي انه فيه اللغة العربيه بالسستم
https://ibank.qib.com.qa/efs/servlet/efs/ar_QA/jsp-ns/login.jsp?language=ar&country=QA

يمكن اذا دخلت يقلب انجليزي مثل موقع eQtel :rolleyes2:


انا عندي الخدمة و الحمد لله رائعة جدا و إن شاء الله بكتب تقرير عنها

ننتظر شرحك الوافي مع اني شفت الديمو واتوقع حلو
م. عبدالعزيز
16-10-2008, 01:55 PM
باركولي استلمت اليوم الباسورد والحمد الله التسجيل شغال عندي
ثاني
16-10-2008, 03:09 PM
بالفعل اليوم استلمت الباسورد
لكن .... إلى متى يالمصرف

خدمة تحويل الاموال تحتاج الى ارسال فاكس إلى المصرف ووضع مدري وشو
لين متى هالتعقيد خخخخخخخخخ
ماقول غير الله يعين المهم ان الخدمة ممتازة وباللغة العربية
م. عبدالعزيز
16-10-2008, 03:41 PM
ههه كلمت الموظف قال ارسل فاكس قلت طيب ليه التعقيد بعطيك رقمي الشخصي وخلاص
عموما هي العملية معقدة كلها علشان الsecurity
خبرك هذي فلوس

والخدمة ممتازة باللغة العربيه انا اللي يهمني اتابع حساباتي من فتره لفتره بس باقي افعل تحويل الاموال وبس

بخصوص الفاكس فيه شي معين احطه؟ انا حطيت اسمي ورقمي الشخصي والحساب واليوزرنيم بالموقع والايميل ورقم الجوال<<

وتوقيعي بالنهايه وطرش اتوقع يكفي ...

بالتوفيق اخوي (ثاني)
ثاني
16-10-2008, 06:33 PM
صدقت اخوي م عبدالعزيز سكيوتي
بس يخليك تحس بين المصرف وبين بنك قطر الوطني وبنك التجاري خخخخخخخ
البنك التجاري انا فتحت فيه حساب في فيلاجو وثاني يوم جيت خذت بطاقة الصراف ودخلت النت حطيت المعلومات بموقعهم وسويت حق نفسي خدمة الانترنت وكل شي مفتوح التحويلات والخ ..
فمب مشكلة المهم ان بنك اسلامي في قطر سوا له خدمة انترنت
ياليت بعد من مصرف الريان التطور في فتح خدمات للانترنت ونشر صرافاتها الأالية في كل مكان لاني ماشوف لها صرافات ابد
الله يعطيكم العافية
م. عبدالعزيز
16-10-2008, 06:50 PM
أيه أخبر الوطني بعد علطول من بطاقة الصراف
ياريال الحمد الله على كل حال واتمنى لك التوفيق
سيدة اعمال فلسطنية
16-10-2008, 08:27 PM
عقبال الدولي
ابو منار
16-10-2008, 08:31 PM
حلوة كبداية لهم
Bin Hood
17-10-2008, 04:09 AM
شي طيب وحلو

بس كأن الجماعة تأخروا شوي