المساعد الشخصي الرقمي

مشاهدة النسخة كاملة : سؤال للمختصين : عندي ارض في بريطانيا هل سأتضرر بالانهيار


الخفي
12-10-2008, 10:41 AM
السلام عليكم ورحمه الله وبركاته


للمختصين: هل الازمه اللي في العالم الان ستنعكس على اسعار الاراض في العالم
الزعفراني82
12-10-2008, 11:22 AM
ارضك في اي مدينه اخوي الكريم ؟ و ارضك سكنيه او تجاريه او زراعيه و كم مساحتها ؟
simsim1963
12-10-2008, 11:33 AM
مافيه شك
الزعفراني82
12-10-2008, 12:00 PM
مافيه شك


الحين انت لا عرفت وين مكان ارضه وما تعرف اي شي عن مواصفات العقار و علا طول قلت مافي شك علا اي اساس قلت هالشي اخوي الكريم العزيز ؟
الخفي
12-10-2008, 12:08 PM
الزعفراني : ارضي في كامبريدج شير وهي الان زراعيه والمكتب اللي شريتها منه افادني

ان الارض في خلال 3 - 5 سنوات ستتحول الى ارض سكنيه وبيرتفع سعرها بأذن الله وانا شفت الارض

هي خلف البنيان مباشره وفيه ناس واجد من لهل قطر والامارات اشترو من هالاراضي
FG
12-10-2008, 12:14 PM
البيوت أنخفضت بنسبة 1% فقط

بينما الأراضي أقرب للأستقرار

حسب تقرير

http://www.uklanddirectory.org.uk/index.asp
سهم المراقيب
12-10-2008, 04:56 PM
البيوت أنخفضت بنسبة 1% فقط

بينما الأراضي أقرب للأستقرار

حسب تقرير

http://www.uklanddirectory.org.uk/index.asp


أسعار العقارات في بريطانيا انخفضت منذ مطلع العام الحالي حتى مايو فقط بنسبة 15% ,,
يعني قبل لا تطلع بوادر أزمة الرهن العقاري ,, الحين النسبه أكيد أكبر ,,
hamoor4ever
12-10-2008, 05:45 PM
اللي سمعته ان الاراضي الزراعيه اللي في بريطانيا من شبه المستحيلات تتحول الى سكنيه الا نادرا
hard to get
12-10-2008, 08:11 PM
السكن
انخفضت أسعار المنازل العادية بمقدار 23 ألف جنيه إسترليني عن أعلى الأسعار التي بلغتها العام الماضي حسب "ناشين وايد"، أي ما نسبته 12.4% وهي أعلى نسبة انخفاض سنوية يشهدها قطاع البناء.

هذه الأرقام مبنية على عدد قليل من العمليات (فعمليات قروض الرهن انهارت بنسبة تزيد عن 90%) والصورة الحقيقية قد تكون أسوأ بكثير. وهناك دلائل على أن الشقق السكنية المشيدة حديثا في المدن الشمالية قد بيعت بنصف أسعارها الأصلية.

وتشهد عمليات إعادة الاستحواذ أو إعادة التملك تزايدا سريعا في شمال غرب إنجلترا، حيث أدت عمليات زيادة الطلب وقلة العرض إلى المزيد من عمليات الاستقراض.

ويقول خبراء إن الفرصة متاحة لمزيد من انخفاض الأسعار، وأما التوقع الرهيب فهو أن الأسعار ستنخفض بنسبة 35% عن مستواها الأعلى، وذلك يعني انخفاض سعر البيت العادي بقيمة 40 ألف جنيه إسترليني أخرى.

لكن المعهد الملكي للمساحين القانونيين أبلغ عن الارتفاع الأعلى في عمليات الإيجار الجديدة في تاريخها، وقال إن أرباح المؤجرين في تزايد.

http://www.aljazeera.net/NR/exeres/6B38BC18-310D-4531-8387-64DF60590BEE.htm
عكاس
12-10-2008, 10:00 PM
اذا مانزل سعرها بسبب ازمة الرهن العقاري فتأكد ان السعر نزل بسبب هبوط سعر صرف الجنيه الاسترليني‘ طبعا يعتمد كم كان سعر الصرف عندما قمت بشراء الارض
FG
12-10-2008, 10:05 PM
أسعار العقارات في بريطانيا انخفضت منذ مطلع العام الحالي حتى مايو فقط بنسبة 15% ,,
يعني قبل لا تطلع بوادر أزمة الرهن العقاري ,, الحين النسبه أكيد أكبر ,,

أتحدث عن شهر سبتمبر فقط
mubarak2000
13-10-2008, 04:29 AM
اللي سمعته ان الاراضي الزراعيه اللي في بريطانيا من شبه المستحيلات تتحول الى سكنيه الا نادرا

انا شريت ارض 60 الف , وين اقدر ابيعها
دربوه
13-10-2008, 04:46 AM
اخوي نصيحه بيعها واستثمر بشي ثاني ابرك لك

على الاقل تقدر تعوض خسارتك
محمد بن حمد
13-10-2008, 04:58 AM
اللي سمعته ان الاراضي الزراعيه اللي في بريطانيا من شبه المستحيلات تتحول الى سكنيه الا نادرا

صدقت اخوي وهذا شي عندهم يعتزون فيه ان الاراضي الزراعيه محد يجي صوبها ولو حولوها لسكنيه بقوم عليهم الف واحد من اصدقاء البيئه عندهم
وهذا شي قومي مثل الحدائق والعشب الاخضر وغيره

جات شركات تبيع اراضي زراعيه على انها بتتحول الى سكنيه قصت على الناس وخذت فلوسهم وللحين الشركات شغاله في البيع القطعه على ثلاثين الف ريال .. والمصيبه انهم حاطينها براس بروه على انها هي اللي تبيع كل ما سالت حد قالي احنا تابعين لبروه العقاريه وما اعتقد ان بروه عندها خبر
hamoor4ever
13-10-2008, 06:39 AM
صدقت اخوي وهذا شي عندهم يعتزون فيه ان الاراضي الزراعيه محد يجي صوبها ولو حولوها لسكنيه بقوم عليهم الف واحد من اصدقاء البيئه عندهم
وهذا شي قومي مثل الحدائق والعشب الاخضر وغيره

جات شركات تبيع اراضي زراعيه على انها بتتحول الى سكنيه قصت على الناس وخذت فلوسهم وللحين الشركات شغاله في البيع القطعه على ثلاثين الف ريال .. والمصيبه انهم حاطينها براس بروه على انها هي اللي تبيع كل ما سالت حد قالي احنا تابعين لبروه العقاريه وما اعتقد ان بروه عندها خبر

صح كلامك القضيه انهم قاعدين يبيعون الاراضي وهم يدرون انها ماراح تتحول سكنيه وقاعدين يلعبون على الوتر انها يمممممكن تتحول بعدين ان صار ماصار يقولون لك احنا قلنا لك يمكن يعني مش اكيد ، وباعو اراضي وايد والناس شرت بس لان السعر بسيط ومايدرون شالسالفه ولا سألو حد مختص او استفسرو من ناس افهم ، تبون اراضي رخيصه تلاقون حتى على ثلاثين الف ريال لكن يمكن بالصحرا واماكن مستحيله البناء فيها عيل شنو فايدتها .

بس تبي الصج العتب مب عليهم العتب علي اللي خلاهم يفتحون ويبيعون على الناس وين المسؤولين ولا احنا قاعدين بمكان اللي عنده حيله فاليحتال

اذا عندك لها شراي اخوي بيعها ولا عطها للشركه خل تبيعها لك على شخص ثاني بأى سعر وانت براحتك يااخوي
ahmad79
13-10-2008, 05:47 PM
الله يوفقك
SeYaSeEe
13-10-2008, 07:16 PM
الله يوفقك ،، ويرزقك بالحلال ..