وين خذتها يا ذيب

[ملكة البورصة]

بدون أي تردد ركبت السياره


للأسف الشديد يا بنات وين الحياء

من ساعتين فقط كنت اتغدى فاحد المطاعم الأمريكيه فشارع النصر انا وربي حافظني :nice:

قاعدة فقسم العائلات <<<<<< أبشروا هالمطعم لحد الآن فيه قسم للعائلات

بعد ما أكلت وخلصت جعله فيه العافيه :victory: صادفت بنات على طاوله وشاب جالس

على طاوله ثانيه بينهم بس ممر ( طبعا مو جالسين في قسم العائلات :tease: )

وطبعا مسلسل البلوتوث :omen2: شغال بس مادري ليش مسوين نفسهم مستحيين لان

مابينهم وبينه الأ خطوة اقصد ممر .....

المهم رحت غسلت يدي ورجعت عشان ادفع الا وتطورت الأمووور :eek5: واشوفهم

يسالفون مع بعض من بعيد لبعيد :nono:....

افا حسيت ان كل اللي فالمطعم اشباح مايبينون ومن بينهم أنا:) وكأن هم بس اللي فالمطعم ( لا حياء ولا مستحى):shy:

المهم قلت الله يستر عليهم :secret: وركبت سيارتي أبي ألحق على عياده الدوحه قبل زحمه

الناس

شوي واشوف الشاب اللطيف :thumbup1: ركب سيارته والحبايب طالعين وراة .... وللأسف الشديد

بدون أي تردد crazy ركبت البنت معاه والثانيه ركبت سيارتها بروحها:(

لا تعليق :pic:

انا خفت عالبنت لان شكلها صغيره:spider: وقلت هالذيب مثل ماتجاهل الناس اللي بالمطعم اكيد عنده

استعداد لاي مغامره :strong.....

وحياتكم مشيت وراهم بالسياره ولا مطارده جيمس بوند :fight:

لدرجه انه من الخرعه:eek: ماعرف وين يروح دخل مواقف ماكدونلدز وظهر escapeمنها

ودخل مواقف بيرجر كينج وظهر منهاescape

وانا دربق دربق :fight:وراااااااااااااااااهم :vampire:

للأسف الشديد ضيعتهم بسبه زحمه رمااااااااادا:anger1::anger1::anger1:

يارب تستر على بناتنا وتعقلهم :o

وتهدي شبابنا وتردعهم :this:

يا ترى وين خذتها ياذيب :whistling:

أتمنى ماينحذف الموضوع لجرأته ولكن يكون عبره لكل شخص :discuss::discuss:

اذ تغشيتي بابنت وركبتي فأنتي خشيتي وجهج عن الناس بس وين من ربج بتودين وجهج:court:

واذ انت يا شاب حاولت تضيعني وهربت وين بتهرب من ربك :no2: اللي بيده يقدر يخسف فيك الأرض

اللي تسوق عليها....

[بنت سعادة السفير]

الله يستر على الجميع

[ملكة البورصة]

آمين يا رب

[عـيـون قـطـر]

الله يستر علينا وعلى جميع المسلمين

[العمـادي]

وبعدين يحطون الذنب على الرجال
الصراحه البنت هي الي غلطانه في ذي الحاله

ولو تبغي الصراحه بعض البنات بايعينها ومو مسوين اعتبار حق حد
وكان نحن قاعدين في دوله اوروبيه

[الخفي]

يقول الله في كتابه العزيز ( يستخفون من الناس ولا يستخفون من الله ) الاخ طار بهم والله يطلع عليه

من فوق العرش لو اراد ان يهلكه لاهلكه ولا هي استحت من الله ولا هم استحو لكن سيقف امام

الله في يوم العرض وستنطق يده ورجله وستشهد عليه اذا اراد الله ان يقيم عليه الحجه

[سفيرالاحزان]

الله يستر على جميع المسلمين و المسلمات

[اناقه]

هاي يسمونها قلة ادب و قلة دين

قلعتهم

يستاهلون المصايب اللي تجيهم بسبة فعايلهم

بعدين ليش متعب نفسك و تلحقهم ... الحين هم ما حشمو نفسهم ولا خافو على نفسهم تفتكر انهم بيفتكرون في العالم ؟؟؟

[ملكة البورصة]

يا جماعه اللي خلاني اكتب هالموضوع والله يشهد اني لازدت عليه بس القهر والقهر المر اللي نشوفه

من هالتصرفات من البنات والشباب اللي هم فعمر مطالبين فيه بحق مجتمعهم ان يعطون فيه ...

حرام الوقت والجهد والطاقه اللي تضيع في سبيل هالشهوات وبعدين والله مال ألوم الجهات إذ وظفت

أجانب وأجنبيات بدل أهل البلاد ... تدرون ليش لان للاسف بعضهم يضيعون أعمارهم فهالسوالف ومايركزون

فمستقبلهم وبعدها يزحفون يرضون بأي وظيفه ويقولون ليش هالاجنبي راتبه أعلى وليش فلان وليش علان

وين الله يوفقهم وهم ما حمدوا ربهم على النعم..

[لاداعي]

الله يستر على بناات المسلمين أشوفهم مطبعينها هاليومين :(

[ملكة البورصة]

هالبنات يخربون على شريحه كبيرة من بناتنا اللي الله ساتر عليهم

الحين اي شاب بيشوف بنات بروحهم او بنت بروحها فمطعم او مكان بيظن بها ظن السوء

حسبي الله ونعم الوكيل وبعدين يطلعون فيها الشباب ( مانبي نتزوج وحده تسوق أو وحده تروح مجمع أو وحده

تطلع مع ربعها ) خذوا انتوا عاد , وين مانرقعها ............................ لا تعليق

[ســـهم]

في شهر رمضان كنت رايح اتعشى في مطعم أوتار مع احد الأصقاء

واحنا نسولف في انتظار وصول العشى دخل ثلاث بنات بصراحه حلوين الله يستر عليهم:shy:

طبعا متبرجات أشد التبرج كاشفات الثانيه بالترتيب كانت اكثرهم حيا

بحيث ان العباءه مفتوحه من الامام ولبسها تحت العباءه قميص طويل شوي فوق الركبه

بسبعه سنتمر تقريبا والشعر مسرح يلعب به هوى المكيف فأذا كانت هذه اشدهم حيا

فكيف البقيه

اخيرا بعد أن أخذو مواضعهم في المطعم طلبو ثلاث " بحريني " يعني معسل يعني شيشه

وعلى سماع أغنية الأماكن طاب السمر ومن ثم عرفت صنفهم



عموما لن أقول انهم اجنبيات او عربيات بل .....

في أمان اللــــــه

[6611]

الله يستر على بناتنا يارب

والله يستر من الي جاي

[فتى الجود]

على فكرة الحمدالله على سلامتك والحمدالله أنك ضيعتيه
لأن بالقانون لو أشتكى عليك
أنتى بتروحيين في سين وجيم مع الشرطة وتفتحين على عمرك باب مالة نهاية

خليهم يولون تاطردينهم ليش هي راضية وهو راضي

ويمكن أهلها راضيين

[بويوسف]

يا جماعه اللي خلاني اكتب هالموضوع والله يشهد اني لازدت عليه بس القهر والقهر المر اللي نشوفه

من هالتصرفات من البنات والشباب اللي هم فعمر مطالبين فيه بحق مجتمعهم ان يعطون فيه ...

حرام الوقت والجهد والطاقه اللي تضيع في سبيل هالشهوات وبعدين والله مال ألوم الجهات إذ وظفت

أجانب وأجنبيات بدل أهل البلاد ... تدرون ليش لان للاسف بعضهم يضيعون أعمارهم فهالسوالف ومايركزون

فمستقبلهم وبعدها يزحفون يرضون بأي وظيفه ويقولون ليش هالاجنبي راتبه أعلى وليش فلان وليش علان

وين الله يوفقهم وهم ما حمدوا ربهم على النعم..

شدخل الحين هالموضوع في الموضوع اللي كاتبته ... يوظفون اجانب عشان واحد او وحدة صيع ومغازلجية .. وكأن الاجانب على خلق قويم وتربية.

موضوع للاثارة وما منه فايدة تذكر وحذفه افضل.

[joOoreee]

اذا كان رب البيت للدف ضارب .. فما شيمة اهل الدار سوى الرقص

وين دور الأب ؟ وين دور الأم ؟ وين دور الأخ ؟

الله يستر علينا وعلى بناتنا وعلى أولأدنا .........

اللهم آآآآمين

http://www.uae-up.com/up2/uploads/d35f633f7e.gif

[ذيبه مزاجيه]

الله يهديهم و يستر عليهم ان شاء الله

ويصلح الحال اللي وصلوا له البعض من البنات و الشباب ان شاء الله

[سهم طايش]

يمكن بياخذون لفة و بيردون

عاد انتوا قاعدين حق الاوادم قعدة

[الخيميائي]

كل الامور تسير باتجاه راسمالي -----------------> متأثر من متابعة القنوات الاقتصادية :(

يعني الدولة خلاص غسلت يدها من هالامور ولازم البيت يربي والاسرة تربي والا السوق بيعادل نفسه بنفسه :(

والله المستعان

[فارس الكلمة]

وين خذتها يا الذيب ..؟

أخاف هي الذيبة .. و هو الضحية ..؟!!! :omg:

[سهم طايش]

بعد تبون الدولة تربي عيالكم

كل واحد يربي عيالة بنفسة و يحط بالة عليهم

بنات على 16 سنه حد يخليهم بروحهم في المطاعم و السينمات في القوايل و اخر الليل

[سهم طايش]

وين خذتها يا الذيب ..؟

أخاف هي الذيبة .. و هو الضحية ..؟!!! :omg:

اخاف انها من بنات بورنة :telephone:

[النعمه]

الله بستر علينا ان شاء الله

[miss-qatr]

وطبعا مسلسل البلوتوث :omen2: شغال بس مادري ليش مسوين نفسهم مستحيين لان

مابينهم وبينه الأ خطوة اقصد ممر .....

المهم رحت غسلت يدي ورجعت عشان ادفع الا وتطورت الأمووور :eek5: واشوفهم

يسالفون مع بعض من بعيد لبعيد :nono:....

افا حسيت ان كل اللي فالمطعم اشباح مايبينون ومن بينهم أنا:) وكأن هم بس اللي فالمطعم ( لا حياء ولا مستحى):shy:

المهم قلت الله يستر عليهم :secret: وركبت سيارتي أبي ألحق على عياده الدوحه قبل زحمه

الناس

شوي واشوف الشاب اللطيف :thumbup1: ركب سيارته والحبايب طالعين وراة .... وللأسف الشديد

بدون أي تردد crazy ركبت البنت معاه والثانيه ركبت سيارتها بروحها:(

لا تعليق :pic:

انا خفت عالبنت لان شكلها صغيره:spider: وقلت هالذيب مثل ماتجاهل الناس اللي بالمطعم اكيد عنده

استعداد لاي مغامره :strong.....

وحياتكم مشيت وراهم بالسياره ولا مطارده جيمس بوند :fight:

لدرجه انه من الخرعه:eek: ماعرف وين يروح دخل مواقف ماكدونلدز وظهر escapeمنها

ودخل مواقف بيرجر كينج وظهر منهاescape

وانا دربق دربق :fight:وراااااااااااااااااهم :vampire:
للأسف الشديد ضيعتهم بسبه زحمه رمااااااااادا:anger1::anger1::anger1:

ا....


ههههههههههههههههههههه


اول شي ماتشوفين شر ( رايحه عياده الدوحه )


ماكنت متوقعه ان الحال صار جذيه !!

والله امهاتنا واحنا صغار زرعو فينا ان البنت مثل الثوب الابيض اي شي ممكن يأثر عليها


وعلمونا ان البنت ماتطلع الا مع امها ..



ابي اعرف وش فيها البنت تطلع مع امها وخواتها ؟؟

حبكت يعني الا رفيقتي ولا مابي


الله واكبر عليهم من بنات


ربي تستر على بنات المسلمين

بس ارجع واقول ( أمثال امها ) دامهم مب قد يجيبون عيال ويربونهم

يجيبون ليش ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟



تحيه لك اختي ملكه :)

[سداوي&مدريدي]

الله يستر عليهم

والله لو انا منج مالحقهم ولا أخسر قطره بترول على هالأشكال

بنت مثل هذي اعوذب الله (( خل الدنيا تعلمها )) وبيجيها يوم :nice:

لا حيا ولا مستحى وين قاعدين احنا في الدوحه ولا لاس فيغس ؟

الله يستر على الجميع

[غيمة مطر]

اللــــــــــــــــــــــه يهديهـــــــــــــــــــم ...

[نورFROM قطر]

موضوع ماله داعي

[مستثمره جديده]

لوهي بنت ناس ومتربيه ماعطت هالشاب او غيره فرصه انه يقرب صوبها لكن هذي

شكلها من النوع الرخيص اللي عادي اي شخص يقدر يوصل لها ..

الله يستر علينا وعلى بناتنا ويهدي شبابنا ان شاءالله :)

[بوحارب]

انتي بنت والمفروض منج ما تسوين هالحركة

لأن لو انا كنت مطلع وحده <<<<< على سبيل المثال يعني :)

وجاتني وحده من الشارع وكلمتني بعطيها كف حلو وبقولها عن اللقافه

وبعدين ليش ما تطبخين الغدا فالبيت مثل الناس

يعني لازم مطاعم امريكية وهالسوالف

بس تعالي شلون اسعار المطعم

من زماااااااان ما دخلت مطعم راقي :weeping:




شدخل الحين هالموضوع في الموضوع اللي كاتبته ... يوظفون اجانب عشان واحد او وحدة صيع ومغازلجية .. وكأن الاجانب على خلق قويم وتربية.

موضوع للاثارة وما منه فايدة تذكر وحذفه افضل.

اي والله اشدخل من قلب :victory:

[مافيا قطر]

بوحارب شاى كرك وسندويش بيض ابرك لك وارخص وشد الهمه هاى الايام مدتيرم قرب:tease:

[بوحارب]

بوحارب شاى كرك وسندويش بيض ابرك لك وارخص وشد الهمه هاى الايام مدتيرم قرب:tease:


والله انك صادق

وبعدين من قال ان بروحي هالمطاعم

شقالوا لك عني فاضي عمل http://www.qatarshares.com.qa/data/481/484/storm_155844770_847823377.gif

اليوم استلمنا الجداول http://www.qatarshares.com.qa/data/481/484/storm_452211586_209437618.gif

[مافيا قطر]

ايوه اسمع كلام ماما واسمع كلا بابا واسمع كلام يور مدرس

[hxamad]

لاحول ولا قوة ألا بالله العظيم

[ملكة البورصة]

موضوع ماله داعي

مشكورة اختي

والموضوع له داعي وانا باسوي ثورة على هالظواهر اللأخلاقيه والدعم عندي :nice:......

واذ يظنون ان البيت والاهل يحكرون لهم ففي ناس حولهم وهم غافلين هالناس هم اللي

بيربونهم عدل

على قوله المثل

إذ انتي تاكلين التمر ترى في غيرج يعد .....................

وشاكره مرورج وربي يستر عليج

[ملكة البورصة]

[QUOTE=بوحارب;3220578]انتي بنت والمفروض منج ما تسوين هالحركة

لأن لو انا كنت مطلع وحده <<<<< على سبيل المثال يعني :)

وجاتني وحده من الشارع وكلمتني بعطيها كف حلو وبقولها عن اللقافه

وبعدين ليش ما تطبخين الغدا فالبيت مثل الناس

يعني لازم مطاعم امريكية وهالسوالف

بس تعالي شلون اسعار المطعم

من زماااااااان ما دخلت مطعم راقي :weeping:


بوحارب وين يبه شهالكلام

من قال اني لاحقتهم ابي اكلمهم لا تتكلم عن شي ماتعرف عنه اصلا في حد لحقهم وشاف شغله

معاهم ويكون فعلمك كلوا هوى

وبعدين اتمنى تنتقي كلامك ( بعطيها كف ؟؟؟؟؟؟؟؟؟) ليش يبه الدنيا فوضى وسايبه

[شيخ الشباب]

يمكن طلعت اخته من الرضاعه واكتشفوا هالشي في المطعم

شدعوه فلم هندي :tease: :tease:

[واحد ثقة]

لا بالله مهوب ذيب !

إلا ثعل مولعين في ذيله !

ماتشوفينه قام يرّوغ في المواقف !


من شق ستر الناس شقّوا ستاره
ومن ضحك بالثرمان يضحك بلا سن !

[ملكة البورصة]

شدخل الحين هالموضوع في الموضوع اللي كاتبته ... يوظفون اجانب عشان واحد او وحدة صيع ومغازلجية .. وكأن الاجانب على خلق قويم وتربية.

موضوع للاثارة وما منه فايدة تذكر وحذفه افضل.


اخوي بو يوسف شاكره مروك

الظاهر انت ماتنظر للموضوع بنظره شامله وانا ما الومك لانك رجل والرجل تفكيره تسلسلي

يربط الامور كلها حلقة بحلقه لحد مايوصل للصورة الكامله

الموضوع اذ تشوف مافيه فايده يمكن لك ولكن لغيرك فيه تنبيه وتحذير

الصورة الكامله اللي اقصدها عن توظيف الاجانب بدل القطرين

مو من حسن اخلاق الأجانب وانا اتكلم عن البعض

الأجنبي يركز في حياته وفي شغله ( أكل عيشه ) تلقاه يدرس ويجتهد ويعربد فنفس الوقت بس اذ

قدم فمكان شفعت له شهاداته وخبرته (بياض وجه )

بعض الشباب والشابات الله يهديهم يلعبون ومايركزون فدراستهم وفي حياتهم وهمهم الكماليات

والزبو واخرتها اذ يبون يشتغلون يقولون لك نبي اي وظيفه عندنا بس ابتدائيه او اعداديه

يرضون يالقليل وهذا كله نرجع به للسبب الحقيقي والمشكله اللي هم فيها واللي لازم احنا

كناس كبار وواعين وخايفين على مصلحتهم ان نوعيهم ونفهمهم ( كدور اضافي لدور الاسره )

وهالشريحه واااقع موجود ونشوفه ونتعايش معاه كل يوم وانت مو عايش في صندوق خاص

فيك تاكل وتشرب وترقد وتقول مالي خص في غيري:secret:......

اذ المجتمع فيه شريحه كبيره وفعمر لازم يعطون ويدروسوون ويجتهدون لان زمنهم اصعب

من زمنا والله شاهد انه زمن كله تحديات والحمد لله احنا فلتنا منه

ما اقول الا اللهم اهدي بناتنا وشبابنا وزوجهم واستر عليهم ويارب لا تجعلنا كالشياطين اللي

يشوفون المنكر ويتساهلون به

[ابوالجازي]

بعد تبون الدولة تربي عيالكم

كل واحد يربي عيالة بنفسة و يحط بالة عليهم

بنات على 16 سنه حد يخليهم بروحهم في المطاعم و السينمات في القوايل و اخر الليل

الله يجزيك الف خير اخوي على هالرد الطيب