الله عليكم ياهل قطر !

[بنت^البحرين1]

حالفني الحظ ان ازور دوحة الحب قبل رمضان بأيام قليلة ، وهالني مارأيت ،، فوالله عجز لساني عن الوصف وماتوقعت هذا البلد بهذا القدر من الجمال والحسن.زرت الكثير من البلدان وتعرفت على الكثير من بلدان شتى لكن، والله الواحد الاحد لم ارى شعبا طيبا كطيبة شعب (هل قطر).. أي كرم وأي نبل وأي خلق وأي طيبة أنتم أهلها ياهل قطر؟؟
فوالله لم ارى لكم مثيلا في كل بلدان الارض،طيبكم وحسن معشركم يخجل زائركم، حسن تعاملكم وكرمكم يثلج الصدور والله. ما أن نظل الطريق وانا برفقة عمي ويستدعي احدهم للسؤال الا وكان حاضرا لان يوصلنا الى المكان الذي نريد وبكل سرور، تاركا رقم هاتفه واسمه ومصرا على ان نقوم بالاتصال به في وقت حاجتنا.حتى حين قام احدهم بتوصيلنا الى مجمع فيلاجيو،اعطى عمي رقم هاتفه واسمه وطلب منه بعد ان يتسوق معنا، ان يتفضل معاه في المجلس . ( حتى علق عمي بعد ذهابه " شوفي شلون ؟ يحرجون الواحد بطيبهم هالقطاره") ولوجود بعض المعارف لدينا اتصلنا بهم للقائهم(وقت العصر)وتعمدنا ذلك حتى لايكون هناك حرج عليهم او ان نثقل كاهلهم باستقبالنا، فصدمنا بمجيئهم للفندق واصرارهم على ان يكون العشا عندهم في البيت ! وبما أنني الوحيدة "حرمه" في هذه السفره، فعلمت اني ساكون المدعوه الوحيده في بيت معارفي، فما أن دخلت حتى أحسست وأن الأرض تدور تحتي، فقد كان المجلس يعج بأكثر من 10 نساء:eek5:. وكلهم يعلمون بمجيئي ! " ويا حيالله هل البحرين، هذي الساعة المباركة" :shy: وأنا ماغير " الله يسلمج ، تسلمين حبيبتي ، ساعتج أبرك" دقائق معدودة وكان المكان والحاضرات أعرفهم منذ زمن بعيد. وكان على الجانب الآخر أهلي من الرجال، التقيت بهم في الفندق بعد العودة، فأصبحوا يتكلمون ويجزمون بأن مالهذه الطيبه والكرم مثيل في بلد زاروها من قبل. على قولة عمي " والله أني حبيتهم القطار"..
الكثير الكثير من المواقف في هذه الأربعة أيام ، ولامجال لكتابتها كلها فسيمل قارئها..

لكن هي مشاعر صادقه من القلب، أحببت أن أنقلها لكم، فتحية أجلال ومحبة وتقدير لكل شعب قطر الحبيب، فوالله مارأيت جمالا بجمال الدوحة ، ولا طيبة كطيبة شعب هل الدوحة

دااااااامت دياركم عامرة بالحب والكرم والطيبة
وحفظ الله لكم قطر وشعبها وأميرها

[hamoor4ever]

حياج ببلادج الثانيه اختي

[sad-o-bas]

إختي، شهادتج في هل قطر مجروحة أصلا، ومحد يقدر ينكر العمق الإجتماعي بين قطر والبحرين.. ويا هلا ومسهلا..

تحياتي لج إختي..

[رأس بروق]

وانا اقراء الموضوع وصدري يرتعش مادري ليش .. بس ماعليكم زود اختي اهل البحرين والله فيهم الخير .. اهل واجب وكرم لازم ان تبادل في هاي شي ..لو قليل .

[أمير المحبه]

اختي اهل البحرين وهل قطر كلهم واحد
اذا مابنساعد اهلنا البحرينيين وقت اللزوم والحاجه
متى بنساعدهم عيل وتنحطون فوق الراس

[بن عامر]

تشرفنا هذه الشهاده من اخت كريمه ومن شعب كريم ومن بلد كريم

[وهم قطر]

ماعليج زود كلنا اهل وخوان

اقل واجب وتقدير

[بنت المنتدى]

تنحطين ع الراس يالغاليهـ .. وآنا أموت بالبحرين حتى لو اروح وما اطلع من الدبلومات المهم اشم هواهااا:shy:

[سعد آل شريم]

مرحبا ومسهلا فيج أختي في ديرتج الثانيه قطر

[miss-qatr]

ماعليكم زود اختي :)


واحنا وياكم اهل .. بس فعلاً كلمه الحق تنقال


مثل هل قطر مافيه .. قولو تعصب بس بعد اقول مافيه :shy:




ياهلاااا ومرحباااافيك بينا اختي بنت البحرين

[هتـان قطر]

ماهي غريبه على اهل قطر ..هاذي عوايدنا من سنين..

وياهلا ومسهلا بك بيننا يا بنت البحرين..:nice:

[غناتي1]

مب غلط هذا كله 00000

انتي اصلا في بلادج 00 وبين اهلج واخوانج

كيف تستعربين طيب المعاملة من اخو لاخته

وكيف نستنكر الطيب من اهل الطيب 00

كفو عليكم يا أهل قطر هاذي الهقوة فيكم

تفرحون بالقريب والبعيد 000

[الجزيرة]

................. اختى هذا ايدل على طيبتج .......وطيبة أهل البحرين ... وكلنا شعب واحد

[مستثمره جديده]

فديت اهل قطر كلهم :shy:..

ماعليج زود حبيبتي واهل البحرين اهلنا وحبايبنا ويستاهلون

كل خير ويامرحبا فيكم في بلادكم الثانيه نورتوتوها وشرفتوها

بزيارتكم الغاليه :)

[almaf1a]

ياهلا ومرحبا فيج والبلاد بلادج
والله يدوم المحبه والالفى بينا

[بوخالد911]

يا هلا
؛؛؛

حياج الله

:nice::nice::nice:
وقطر والبحرين شعبٌ 1

:victory::nice::victory:
والبيت بيتكم

؛؛؛


بوخالد911

[nor85]

[QUOTE=miss-qatr;3221767][COLOR="Magenta"][SIZE="5"][I]ماعليكم زود اختي :)

مثل هل قطر مافيه .. قولو تعصب بس بعد اقول مافيه :shy:


:app:
:app2:

]

[سداوي&مدريدي]

ياهلا فيج أختي

ماعليكم زود

وحياج الله بينا

:nice:

[فارس الكلمة]

( حتى علق عمي بعد ذهابه " شوفي شلون ؟ يحرجون الواحد بطيبهم هالقطاره")


على قولة عمي " والله أني حبيتهم القطار"..

الصراحة .. أول مرة أسمع هذا التعبير عن هالقطر ..( القطار ) و ( هالقطارة )..؟!!

حياكم الله يا أهل البحرين .. و هذا بلادكم .. و هذه الساعة المباركة ..

[miss-qatr]

[QUOTE=miss-qatr;3221767][I]ماعليكم زود اختي :)

مثل هل قطر مافيه .. قولو تعصب بس بعد اقول مافيه :shy:


:app:
:app2:

]

:victory::victory:


[SIZE="5"]الصراحة .. [COLOR="Red"]أول مرة أسمع هذا التعبير عن هالقطر ..( القطار ) و ( هالقطارة )..؟!!
حياكم الله يا أهل البحرين .. و هذا بلادكم .. و هذه الساعة المباركة ..

وانا بعد .. بس سكت قلت يمكن معروف :secret:

[سهم بن سهم]

علاقات تاريخية متينه تؤكد على عمق الترابط بين الشعبين القطري والبحريني

http://www5.0zz0.com/2008/10/13/06/900991120.jpg

[simsim1963]

أهل البحرين والخليج كلهم فوق روسنا والله يديم المحبه ولا يفرق بيننا

[واحد ثقة]

مرحباً بك اختي فأنت في بيتك ولم تخرجي منه أساساً ،،

وتأكدي بأن أهل قطر دائماً يذكرون أهل البحرين بالخير ، وعندما يتكلم أي قطري عن البحريني فيجب عليه لاشعورياً أن يتطرق إلى طيبتهم وحسن معشرهم ،،

ومعروف بأن أهل البحرين يطلقون على القطريين لقب ( القطار ) أو ( القطارة ) أو ( القطاروة )

[الراقية]

حي الله ريحة هلي

وحي الله خوالي

نزلتي اهلا وحللتي سهلا

في بلدك وبين اهلج

[بوخالد2]

ياهلا ومرحبا فيج اختى

[فارس الكلمة]

ومعروف بأن أهل البحرين يطلقون على القطريين لقب ( القطار ) أو ( القطارة ) أو ( القطاروة )

لم أسمع من أصدقائي البحرينيين .. هذا الوصف .. إلا من هذا الموضوع ..!!

[عضو دائم]

نقول اهلاً " ببنت البحرين " في بلدك الثاني قطرالحب ... قطر الشمعة المضيئة ... وكرم الضيف واجب علينا .
وانتم اهلاً للدار ياااهل البحرين ... دمتم سالمين

[عذب الكلام 1]

http://www.almlf.com/get-10-2008-jg9gbz4w.gif (http://www.almlf.com)


نورتي الدوحه

[واحد ثقة]

لم أسمع من أصدقائي البحرينيين .. هذا الوصف .. إلا من هذا الموضوع ..!!

انا سمعته لين حفظته :omen2:

[الثاقب]

سبحان الله الكلمة تكررت قبل 150 سنه عندما قالت امرأه بحرينيه
الله عليكم ياهل قطر يا انتو شياطين-----شفتوا الطويله في البحر قلتوا بري طين

شكرا

[بــو فهــد]

يا هلا ومرحبا بج في بلادج ..
كلنا اهل وكلنا " ديره وحده " .. فـ مب غريب اللي صار لج :)

[ولد الجزيرة]

الصراحة .. أول مرة أسمع هذا التعبير عن هالقطر ..( القطار ) و ( هالقطارة )..؟!!

حياكم الله يا أهل البحرين .. و هذا بلادكم .. و هذه الساعة المباركة ..


يمكن اسم الدلع عندهم:weeping:

[بنت^البحرين1]

أحبتي "أخواتي وأخواني"

اشكركم جميعا على طيب كلامكم ، لكني يشهد الله لم أكتب موضوعي هذا الا من دافع حبي لهذا البلد الطيب والشعب الكريم، والذي أصبحت فعلا أتحين الفرص لأعاود السفر اليه كلما حانت لي الفرصه ..

بخصوص كلمة "القطارة" فهي كلمة متداولة لدينا في البحرين وبالخصوص في منطقة "الرفاع" وقليل ممن يستخدم كلمة " قطريين" ، هي كلمة أصبحت متداولة وليست تقليلا من شأنكم:stop: أحبتي ولكنه مصطلح اعتدنا على لفظه وأصبح يتوارث

شكرا لكم جميعا

[وثيقة قطرية]

اي صح قطر معروفة بهالشي وحياج الله في ديرتج الثانية قطر
أهل قطر فيهم الخير حق غيرهم بس بينهم وبين بعض كله حسد
وظلم مثل ماصاير معانا انتي اشكري ربج انج بحرينية
وامي بحرينية اصلا ماقصر الملك حل مشكلة البدون عندكم
واهني ظلم ومافي عدل ومايمشون عالقانون الا للي يحبون

والله كريم

[ورقــة أمــل]

اي صح قطر معروفة بهالشي وحياج الله في ديرتج الثانية قطر
أهل قطر فيهم الخير حق غيرهم بس بينهم وبين بعض كله حسد
وظلم مثل ماصاير معانا انتي اشكري ربج انج بحرينية
وامي بحرينية اصلا ماقصر الملك حل مشكلة البدون عندكم
واهني ظلم ومافي عدل ومايمشون عالقانون الا للي يحبون

والله كريم

بل بل :eek5:

[ضوى]

اي صح قطر معروفة بهالشي وحياج الله في ديرتج الثانية قطر
أهل قطر فيهم الخير حق غيرهم بس بينهم وبين بعض كله حسد
وظلم مثل ماصاير معانا انتي اشكري ربج انج بحرينية
وامي بحرينية اصلا ماقصر الملك حل مشكلة البدون عندكم
واهني ظلم ومافي عدل ومايمشون عالقانون الا للي يحبون

والله كريم



اختي الكريمة مو لانج بوثيقة قطرية تقللين من القطريين اشلون يعني ما فينا خير الا للغير الا الحمد لله الخير فينا وفي اهلنا وكل اللي يعز علينا والحسد موجود عند الكل مو بس عند هل قطر ، بس لا تعممين الله يخليج لانج بهاي الشي تظلمين هل قطر ، وما اظن قطر بخلت عليج بتعليم وشغل واذا السالفة سالفة جواز ان شاء الله بتتعدل الاوضاع وبعدها بتقولين الحمد لله انج قطرية ، والقانون ببلادنا يمشي علينا ويمشي عالكل واذا عالواسطات بكل بلد فيها مقبرة

اسفة اذا قلت لج هالكلام بس الصراحة اللي ما فيه خير لديرته اللي شالته وربته وكبرته وعلمته وما يعرف بلاد غيرها في ظني ما يستحق يحمل جنسية هالبلد

[بنت^البحرين1]

أخوي وثيقة قطرية ، اسمح لي أعارض كلامك وبشده
في قطر واعتقد كل من حواليكم يحسدكم على أميركم " الله يخليه لكم" وخصوصا بعد التغييرات والتطور اللي حصل واللي مازال مستمر في قطر
مسألة حصولك على جنسية قطرية ، اذا كنت لازلت على وثيقة قطرية يتطلب وقت واسمح لي اقولك المفروض انه يتطلب وقت، لان لو كل من هب ودم وقدم على جنسية قطرية وصار قطري، صارت البلاد فوضى واختلط الحابل بالنابل

واذا على البحرين فكلامك غلط اخوي، بالعكس الحين احنا اصبحنا نعاني مشكلة التجنيس العشوائي، اللي من يومها لو تقدر تعال تمشى في الرفاع شوف شلون انقلبت البلاد من عقب التجنيس،صرنا نخاف على أعيالنا، اول البيبان مفتوحة للفير والحين مب كفو واحد يهد باب بيته مبطل لان الجرايم زادت ، من سوالف الاغتصاب اللي كل يوم والثاني طالعين فيها " استوينا في تكساس مب البحرين" للسرقات للجرايم الثانية

اخوي التجنيس العادل محد يعترض عليه،والتجنيس للي يستحقونه كلنا نوقف معاه، لكن عشوائي ماعتقد لا في قطر ولا البحرين ولا اي دولة احد يبيه..

صدقني ان كان لك وتستحق الجواز القطري بتاخذه

اسفه طلعت عن صلب الموضوع، اسمحوا لي :shy:

[بوخالد911]

اي صح قطر معروفة بهالشي وحياج الله في ديرتج الثانية قطر
أهل قطر فيهم الخير حق غيرهم بس بينهم وبين بعض كله حسد
وظلم مثل ماصاير معانا انتي اشكري ربج انج بحرينية
وامي بحرينية اصلا ماقصر الملك حل مشكلة البدون عندكم
واهني ظلم ومافي عدل ومايمشون عالقانون الا للي يحبون

والله كريم

اووووووووووف

هدي اعصابج

!!@@!!

:omg::eek5::eek5::omg:

[الثاقب]

اي صح قطر معروفة بهالشي وحياج الله في ديرتج الثانية قطر
أهل قطر فيهم الخير حق غيرهم بس بينهم وبين بعض كله حسد
وظلم مثل ماصاير معانا انتي اشكري ربج انج بحرينية
وامي بحرينية اصلا ماقصر الملك حل مشكلة البدون عندكم
واهني ظلم ومافي عدل ومايمشون عالقانون الا للي يحبون

والله كريم

شوهتي سمعتنا بين الناس
صج خير تفعل شر تلقى لو انتي في بلادج الاصليه كان اكل ما عندج

[سداوي&مدريدي]

اي صح قطر معروفة بهالشي وحياج الله في ديرتج الثانية قطر
أهل قطر فيهم الخير حق غيرهم بس بينهم وبين بعض كله حسد
وظلم مثل ماصاير معانا انتي اشكري ربج انج بحرينية
وامي بحرينية اصلا ماقصر الملك حل مشكلة البدون عندكم
واهني ظلم ومافي عدل ومايمشون عالقانون الا للي يحبون

والله كريم

أهل قطر يد وحده وقلب واحد وهالكلام غير مقبول ابدا أختي

بومشعل مب مقصر معانا كل شي متوفر ولله الحمد

وأهل البحرين اخوانا وحبايبنا

هذي قطـــــــــر
هذي قطر تاريخها يرفع الراس
هي من بنات المجد والمجد منها
الطيب هي ساسه اذا كان له ساس
يومه تخير وين يسكن سكنها
في ظل ابو مشعل قطر باسها باس
ماتستريح الا السحاب يحضنها
بيديه لبسهاحمد عقد الماس
ولو تآمره يرهن حياته رهنها
قطرفعايل مالها حد وقياس
يشهد لها وقت الشدايد زمنها
ماقول بس بفعلها تشهد الناس
لوتنشد الخفجي تعلمك عنها

[سداوي&مدريدي]

عاش أميرٍ عز داره واشتهر

بالعزم والجود نال المستحيل

لين صارت دارنا مثل القمر

عاش أبو مشعل عسي عمره طويل

دارنا دار المروّة والفخر

واحة التاريخ للسائل دليل

زينها لي علها وبل المطر

واخضرت ريضانها عقب المسيل

واختلط نبت الوسامي بالزهر

مع نسيمٍ هاديء عذب عليل

ناشدٍ عن ديرتي دولة قطر

اهلها وافين جيل بعد جيل

طوّرت واستأمنت من بر وبحر

بالشرف والعز والسيف الصقيل

درةٍ فاقت علي كل الدرر

مالها بالكون في عيني مثيل

مرحبا يا مرحبا باللي حضر

من فؤاد لا يميل ولا يعيل

عد ما في الأرض من نبتٍ خضر

وعاش أبومشعل عسي عمره طويل

من غــــلاتك زان لي نظم القصيد
والحروف تناثرت لجل الكلام

لو اسافر واغترب عنك بعيد
تنقبض روحي وعني ما تنام

وسط قلبي عااايش حبك وحيد
ياذري للعز والناس الكرام

ساري اسمك مع مجري الوريد
لو نزل دمي كتب اسمك وحاام

ياثري الاجداد والعوز المجيد
يبقى نورك ساطع وسط العتاام

كل فارس فى حمى ارضك اكيد
يحكم العزه وبيديه الزمام

يكفي الميت علشانك شهيد
وان حيا بارضك تهنى بالسلام

مجدك الماضي وعزك فالجديد
ياشموخ ينحني لجله العظام

ياقطرنا كل ابونااا لك رصيد
حزه الشده تلاقينااا حزام

كل ابونااا بالوفا لاما نجيد
اجتمعناا نعشقك حب وغرام

كلنا لجلك عضيد مع عضيد
دام عزك يااااادارنااا دام دام

من غلاتك زان لي بدع النشيد
في غلاتك ينكتب احلاااااا الكلام

[S A L M A N]

نورتوا الدوحة انتي وكل اهلنا في الخليج

والعين اوسع لكم من الحاجب

[سيزن]

مرحباً بك اختي فأنت في بيتك ولم تخرجي منه أساساً ،،

وتأكدي بأن أهل قطر دائماً يذكرون أهل البحرين بالخير ، وعندما يتكلم أي قطري عن البحريني فيجب عليه لاشعورياً أن يتطرق إلى طيبتهم وحسن معشرهم ،،

ومعروف بأن أهل البحرين يطلقون على القطريين لقب ( القطار ) أو ( القطارة ) أو ( القطاروة )


نعم صحيح .........وانا سمعتها خمسين مليون مره.

[هجمة مرتدة]

اي صح قطر معروفة بهالشي وحياج الله في ديرتج الثانية قطر
أهل قطر فيهم الخير حق غيرهم بس بينهم وبين بعض كله حسد
وظلم مثل ماصاير معانا انتي اشكري ربج انج بحرينية
وامي بحرينية اصلا ماقصر الملك حل مشكلة البدون عندكم
واهني ظلم ومافي عدل ومايمشون عالقانون الا للي يحبون

والله كريم


أسلوب مقرف ومنفر.. أعوذ بالله!

بلادنا فيها خير حق شعبها أكثر من خيرها لغيرها!

وإن كان لك حق بتاخذه! أما أنك تقول "كله حسد، وظلم" عن أهل قطر فإنت ما تستاهل تكون قطري وحتى الوثيقة ما تستاهلها..

بلادنا الحمدلله مافيها حقد ولا حسد.. بل الكل يحسدنا على النعمة اللي فيها!! والحمدلله أهل قطر محبين للجميع بشهادة الكل..

بنت البحرين:

يبقون أهل البحرين أهلنا، ويعزون علينا.. وحبايبنا.. نقولها الحين قدامكم.. ووراكم دوم..

الف شكر على هالكلام الطيب واللي يدل على طيب معدنكم..

[alzaeem]

من ينكر المعروف والعرف بومه

[hamoor4ever]

اي صح قطر معروفة بهالشي وحياج الله في ديرتج الثانية قطر
أهل قطر فيهم الخير حق غيرهم بس بينهم وبين بعض كله حسد
وظلم مثل ماصاير معانا انتي اشكري ربج انج بحرينية
وامي بحرينية اصلا ماقصر الملك حل مشكلة البدون عندكم
واهني ظلم ومافي عدل ومايمشون عالقانون الا للي يحبون

والله كريم

كلامج غريب عجيب ، ولو قاعده بالبحرين كان عرفتي الظلم ، حمدي ربج انج عايشه في قطر وبين اهل قطر صج رد عجيب والله مالومهم يوم ماعطوج الجواز ، واذا حاسه بظلم عندنا ماودي اقول هالشي لكن اللي طق الباب يلقى الجواب ، اذا حاسه بالظلم تقدرين تتوكلين على الله تروحين البحرين تاخذين لج بحريني علشان تاخذين الجنسيه ولاتقعدين لج اهناك كم سنه ابرك لج ولنا ، دام هاذه عايشه بينا كل هالسنين تقولين عنا جذيه عيل مانلوم الاجانب

[hamoor4ever]

بخصوص اللهجه اخواني ترى لهجتهم تختلف شوي عنا ،، يقولون ( قطاره )
يعني قطريين وهاذي لهجه اهل البحرين

[حسين بن عاقول]

اي صح قطر معروفة بهالشي وحياج الله في ديرتج الثانية قطر
أهل قطر فيهم الخير حق غيرهم بس بينهم وبين بعض كله حسد
وظلم مثل ماصاير معانا انتي اشكري ربج انج بحرينية
وامي بحرينية اصلا ماقصر الملك حل مشكلة البدون عندكم
واهني ظلم ومافي عدل ومايمشون عالقانون الا للي يحبون

والله كريم

مشكلة الي يمشون ايديهم بالطوفة

الحكومة وفرت لنا كل شي ونت تقول ظلم

(((وفرت لك وظيفة من بدال الهياته فلشارع وراتب واسكان حكوميra للسينير ودراسة ببلاش باحسن الامكانيات وصرفت عليك من يومك ببطن امك واهتمت فيك لين ماكبرت وبتم تهتم فيك وتوفر لك كل الخدمات لين ماتموت وتقول ظلم؟؟!!!!))))

المهم مأبي اطلع من الموضوع

حياج الله اختي في بلدج الثاااني وحتى احنا نحب البحرين وايد

فمان الله

[ذيبه مزاجيه]

حياج بيتج و مطرحج على قولة اخوانا المصريين ^_*

وكل يوم تعالي .. وهذا واجبنا :)

:) :) :)والله يخلي قطر اميرا و حكومة و شعبا :) :) :)

[بنت^البحرين1]

تسلمون كلكم والله ماقصرتوا .. ومثل ماقالوا بعض الاخوان فعلا قطر والبحرين كلهم اهل وعيلة وحده وان شاءالله يتمون على طول جذي:nice:

[التيما]

ما عليكم زود اختي ..

[الدوحه%]

وعن مامضى سل قطر و انشد اكابيره--- ياما حضرنا وسرنا تحت علمانه---

وياما صبرنا على شره نبي خيره --- قطر بلدنا وحنا من قديم العهد سكانه ---هو دارنا يوم كلن حط له ديره-

,
,,,, والجواز القطري حق اللي يستاهله,,, اختي البحرينيه

حياج الله في بلادج يالغاليه وهذا من طيب اصلج والله

[بنت المنتدى]

شوهتي سمعتنا بين الناس
صج خير تفعل شر تلقى لو انتي في بلادج الاصليه كان اكل ما عندج




من ينكر المعروف والعرف بومه



كلامج غريب عجيب ، ولو قاعده بالبحرين كان عرفتي الظلم ، حمدي ربج انج عايشه في قطر وبين اهل قطر صج رد عجيب والله مالومهم يوم ماعطوج الجواز ، واذا حاسه بظلم عندنا ماودي اقول هالشي لكن اللي طق الباب يلقى الجواب ، اذا حاسه بالظلم تقدرين تتوكلين على الله تروحين البحرين تاخذين لج بحريني علشان تاخذين الجنسيه ولاتقعدين لج اهناك كم سنه ابرك لج ولنا ، دام هاذه عايشه بينا كل هالسنين تقولين عنا جذيه عيل مانلوم الاجانب



مشكلة الي يمشون ايديهم بالطوفة

الحكومة وفرت لنا كل شي ونت تقول ظلم

(((وفرت لك وظيفة من بدال الهياته فلشارع وراتب واسكان حكوميra للسينير ودراسة ببلاش باحسن الامكانيات وصرفت عليك من يومك ببطن امك واهتمت فيك لين ماكبرت وبتم تهتم فيك وتوفر لك كل الخدمات لين ماتموت وتقول ظلم؟؟!!!!))))

المهم مأبي اطلع من الموضوع

حياج الله اختي في بلدج الثاااني وحتى احنا نحب البحرين وايد

فمان الله




:nice::nice::nice::nice::nice::nice::nice::nice:


والحمدلله جوازي قطري ولو في يوم من الايام اسحبوه بعد بقول كفايه اني عشت على ارضها وبين شعبها :shy:

وقسم بالله القطري محظوظ والبحريني بعد ^_*


وياهلا ويامرحبا فيج للمره المليون ياعســــل

[(الفيصل)]

ليش جيتي قطر اصلاً في رمضان:anger1:

ماننصحك تجين صراحة
ونصيحتنا لك
^
^
^

تجينا بعد تنفيذ مشروع جسر قطر - البحرين المحبة
:nice:
يقولون يبدأ في يناير القادم 2009 تنفيذه وان مدة التنفيذ تبلغ 51 شهراً ويشمل التنفيذ قطاراً من المنامة الي قلب الدوحة
يعني مكانك (قلب الدوحة )
حياك الله

[بن علان]

سبحان الله الكلمة تكررت قبل 150 سنه عندما قالت امرأه بحرينيه
الله عليكم ياهل قطر يا انتو شياطين-----شفتوا الطويله في البحر قلتوا بري طين

شكرا

من الأمثلة الشعبية بس يا ريت تشرح ولك أطيب تحيه

[السيف5]

اختي الكريمة مو لانج بوثيقة قطرية تقللين من القطريين اشلون يعني ما فينا خير الا للغير الا الحمد لله الخير فينا وفي اهلنا وكل اللي يعز علينا والحسد موجود عند الكل مو بس عند هل قطر ، بس لا تعممين الله يخليج لانج بهاي الشي تظلمين هل قطر ، وما اظن قطر بخلت عليج بتعليم وشغل واذا السالفة سالفة جواز ان شاء الله بتتعدل الاوضاع وبعدها بتقولين الحمد لله انج قطرية ، والقانون ببلادنا يمشي علينا ويمشي عالكل واذا عالواسطات بكل بلد فيها مقبرة

اسفة اذا قلت لج هالكلام بس الصراحة اللي ما فيه خير لديرته اللي شالته وربته وكبرته وعلمته وما يعرف بلاد غيرها في ظني ما يستحق يحمل جنسية هالبلد

الله يرحم والديك على هالرد الوافي

بنت البحرين قطر والبحرين وكل الخليج كلها بلاد واحدة

[الثاقب]

من الأمثلة الشعبية بس يا ريت تشرح ولك أطيب تحيه

الطويله اسم لسفينه بحرينيه غزت دولة قبل 150 تقريبا
عندما اقتربت السفينه من الوكره اعتقد اهل قطر انها بري وهو برج صغير يصنع من الطين واحجاره وكون بارز في البحر للدلاله على ان المنطقه ضحله

وسميت الحرب بأسمها

فقالت احدى نساء البحرين
الله عليكم ياهل قطر يانتوا شياطين---- شفتوا الطويله في البحر قلتوا بري طين
وهذا البت يعود عمه الى 150 سنه
باي::victory:


منقول عن احد الشيبان

[ذوق]

عشق حياتي دوله البحرين...وشئ طبيعي الي يصير لج لأني لو مكانهم سويت اكثر *_*

[Bin Hood]

احسن شي في قطر اهلها

لو الريال القطري يربطونة بأهل قطر بدل الدولار

جان صار ريالهم ذهب

[سهم طايش]

اي صح قطر معروفة بهالشي وحياج الله في ديرتج الثانية قطر
أهل قطر فيهم الخير حق غيرهم بس بينهم وبين بعض كله حسد
وظلم مثل ماصاير معانا انتي اشكري ربج انج بحرينية
وامي بحرينية اصلا ماقصر الملك حل مشكلة البدون عندكم
واهني ظلم ومافي عدل ومايمشون عالقانون الا للي يحبون

والله كريم

الحمدلله اللي ما عطوك الجنسية القطرية

تاكلون و تنسون و اقل مشكلة تطعنون في الظهر

[jajassim]

الله يحييك أختي العزيزة ،، :nice:

[hxamad]

هاذى بلد بومشعل ماعليج زود أختى وهذا من بعض ماعندكم
وحياج أختي فى أى وقت أنتي بين أهلج وربعج

[بن علان]

الطويله اسم لسفينه بحرينيه غزت دولة قبل 150 تقريبا
عندما اقتربت السفينه من الوكره اعتقد اهل قطر انها بري وهو برج صغير يصنع من الطين واحجاره وكون بارز في البحر للدلاله على ان المنطقه ضحله

وسميت الحرب بأسمها

فقالت احدى نساء البحرين
الله عليكم ياهل قطر يانتوا شياطين---- شفتوا الطويله في البحر قلتوا بري طين
وهذا البت يعود عمه الى 150 سنه
باي::victory:

منقول عن احد الشيبان

مشكور يا الثاقب على الشرح والتوضيح .. ما قصرت .. قطر والبحرين شعب واحد

وعقب صدور حكم جزيرة حوار وانتهاء الخلاف حولها صارت الحكومتين على قلب واحد


احسن شي في قطر اهلها

لو الريال القطري يربطونة بأهل قطر بدل الدولار

جان صار ريالهم ذهب

كلامك من ذهب ومعدنك ذهب يا بن هود .. الله محيي أصلك

[بوحارب]

احسن شي في قطر اهلها

لو الريال القطري يربطونة بأهل قطر بدل الدولار

جان صار ريالهم ذهب

ما عليك زود يا بن هود :)


وثيقه قطرية هدي اعصابج والنعم بج وبأصلج :)

[وثيقة قطرية]

ما عليك زود يا بن هود :)


وثيقه قطرية هدي اعصابج والنعم بج وبأصلج :)


ان شاء واسفه

وحياج الله بديتج الثانيه بنت البحرين

ياديره امي
وابوي الله يعينه :secret:

[بنت^البحرين1]

اختي وثيقة اسمحي لي ، انا فتحت الموضوع حبا فيكم وابي اشكر كل قطري وقطرية على الترحيب والضيافة الكريمة
لايسلك الموضوع مسلك اخر ويصير مكان للشد والجذب، انتي تشنجتي وقلتي كلام المفروض تتريثين قبل تقولينه، وكردة فعل طبيعية جات النتيجة سلبية عليج من كل القطارة الموجودين اهني" كل قطري وقطرية" ومحد رضى على بلاده انج تقولين هالكلام، مسألة الجنسية وانج متبهدله بسبب تأخيرهم لج على حصولها هذي أمور روتينية ومثل ماقلت لج المفترض يكون فيها تريث مش كل من هب ودب ياخذها، بس بعد بنفس الوقت انتي بكلامج عفستي السالفة وقلبتيها عليج مب لج،شوفي اختي ، انتي لو عايشة في مكان ثاني والله اني اول وحده بعذرج بهالكلام، بس تبين الصراحه؟ والله ثم والله أقولج اياها لو قالوا لي عقب البحرين شنو تختارين؟ باقول قطر، ترى انتي عايشه في نعمه والله الناس حولج تحسدج عليها، لايغرج المشاكل والسوالف اللي تنكتب بس ترى شعب مافي اطيب منه وناس تلقين فيهم الخير والطيب والشهامه والفزعه، ولو تلفين البلدان كلها بتقولين ، ياحبي لج ياقطر وبتحمدين الله انج عايشه على ارض قطر حتى لو ماكان عندج جواز قطري، وترى صدقيني والله لو تلفين وين ماتلفين مابتلقين طيبة هل قطر،انا اقولج فوضي أمرج لرب العباد واصبري وان كان لج نصيب بتاخذينه الحين او بعدين


وعمااااااااااااااااار يالدوحة عماااااااااااااااااااااار:nice:

[وثيقة قطرية]

اختي وثيقة اسمحي لي ، انا فتحت الموضوع حبا فيكم وابي اشكر كل قطري وقطرية على الترحيب والضيافة الكريمة
لايسلك الموضوع مسلك اخر ويصير مكان للشد والجذب، انتي تشنجتي وقلتي كلام المفروض تتريثين قبل تقولينه، وكردة فعل طبيعية جات النتيجة سلبية عليج من كل القطارة الموجودين اهني" كل قطري وقطرية" ومحد رضى على بلاده انج تقولين هالكلام، مسألة الجنسية وانج متبهدله بسبب تأخيرهم لج على حصولها هذي أمور روتينية ومثل ماقلت لج المفترض يكون فيها تريث مش كل من هب ودب ياخذها، بس بعد بنفس الوقت انتي بكلامج عفستي السالفة وقلبتيها عليج مب لج،شوفي اختي ، انتي لو عايشة في مكان ثاني والله اني اول وحده بعذرج بهالكلام، بس تبين الصراحه؟ والله ثم والله أقولج اياها لو قالوا لي عقب البحرين شنو تختارين؟ باقول قطر، ترى انتي عايشه في نعمه والله الناس حولج تحسدج عليها، لايغرج المشاكل والسوالف اللي تنكتب بس ترى شعب مافي اطيب منه وناس تلقين فيهم الخير والطيب والشهامه والفزعه، ولو تلفين البلدان كلها بتقولين ، ياحبي لج ياقطر وبتحمدين الله انج عايشه على ارض قطر حتى لو ماكان عندج جواز قطري، وترى صدقيني والله لو تلفين وين ماتلفين مابتلقين طيبة هل قطر،انا اقولج فوضي أمرج لرب العباد واصبري وان كان لج نصيب بتاخذينه الحين او بعدين


وعمااااااااااااااااار يالدوحة عماااااااااااااااااااااار:nice:


شكرا لج وعلى ردج الجميل

وعماااااااااااااااار يالدوحة عمااااااااااااااااااااااااااااار

[عاشق N]

اختي اولا يعطيج الف عاافية على الموضوع الطيب اللي فعلا يستحق اوسمه مب وساام

وانتوا عندنا مثل الضيوف نحطكم بعيونا

مثل ماايقولون كلنا اعيال قريه وكلن يعرف خيه

وشهااادتج هااي وساام على صدري

كل الود

[الساهرة]

قطـــــــــــر وأهـــل قطــــــــــــــر

يشهد لهم القاصي والداني من عصور قديمه انهم اهل كرم من كانت القمه عسيره على الناس
وهذا مب مدح لبلدي ليشني قطريه لا لكنها بشهاده كل من زار قطر قديما وحديثا
الطيب والكرم في اهل قطر متوارث ولله الحمد والمنه مافينا بخيل







الساهره