شنطــــة ماركــــــــــــــــــــة ! ! ! دعـــــــوة للنقاش

[الأستشاري]

شنطــــة ماركــــــــــــــــــــة

من المظاهر(الشخصية) للمرأة القطرية العصرية( الفاشية ) شنطة ماركة . فبدونها لاتستطيع مسايرة المجتمع النسائي المخملي . وكما هو معروف فأن قيمة هذه الشنط مثل ( بربري) (ليفتون) (شانيل) وغيرها تباع بمبالغ تفوق راتب المرأة الشهري ورغم ذلك فأن اقتنائها لها يمثل فقط جانب إجتماعي لمسايره جيل النساء (الفاشي) والذي ظهر لنا في هذه السنوات مع إنتشار متاجر الماركات العالمية والتي كان الحصول عليها في السابق يتطلب السفر إلى (أكسفورد استريت ) لشرائها . وقد تلجأ البعض في محاولة لمسايرة الواقع المرير (للعصر الفاشي) إقتناء التقليد منها للمحافظة على زينتها .

المهم في ذلك هو ..... لماذا سيطرة هذه الشنطة الماركة على تفكير النساء ؟؟؟ولماذا تبذل الغالي والرخيص وتوفر الأموال وتقطع المسافات لأقنتاء أخر موديلات هذه الشنط ؟؟؟ وهل الشنطة الماركة اليوم جزء من زينة المرأة القطرية ؟؟؟

أنا لا أقصد كل النساء فهناك من تملك العقل وتحرص على زينتها (بأعتدال) وبعيده عن هذه المظاهر الفانية .



دعــــــــــــــــــــــــــــــوة للنقــــــــــــــــــــــــــاش

[بنت المنتدى]

الشنطه الماركه جزء لا يتجزاء من البرستيج المهم بالنسبه لأغلب النساء ..

يعني يا اخوي .. نفس مافيه شباب فيهم شغف الأقلام والأزره والله يعزكم النعل والسيارات و و و .... وأنتوا تشوفونه شي طبيعي ان الرجل يهتم بكشخته ترا حتى حنا نشوف هالشي عادي وطبيعي بصراحه ..


ومع ذلك انا حاطه لي لمت للشناط يعني فوق العشرة آلاف مستحيل أخذها لاني من النوع اللي اغير باستمرار وفشيله اصلاً اني اعيد في لبسها ..

أما الساعات هذي جنوني لو بـ50 عادي :shy:



لي متى نخش يعني وليش اصلاً .. لو الشخص عنده خير خل يلبس ويستانس أما اللي يتدين بس عشان الكشخه هذي الغلط بعينه ..



وأما بنعمة ربك فحدث .. صدق الله العظيم

[miss-qatr]

صباااح الخير اخوي :)



مظهر المرأه مب بس شنطه !!! وممكن مثل ماتقول في شنط تفوق قيمتها راتب مدير بجهه حكوميه :p


بس فيه بعد اللي تكون اسعارهم بمتناول الكل صح ولا لا ؟؟؟


يعني كل وحده عقلها براسها.. تشتري اللي تسمح لها مزانيتها باقتنائها ومافي داعي اتحط على نفسها مبلغ اهي مب قده !!!


وكل وحده اللي يريحها فيه البعض اتفضل التقليد وفيه البعض اتفضل الاصلي والبعض الأخر مايهمها ماركه الشنطه


الشي بالاول والاخير يعتمد على المره نفسها ومايفرضه المجتمع اللي حولها :)

تحياااااااااتي لك :)

[nor85]

والله اعقد اهي مسئله قناعه بالشيء والاستطاعه انا عندي اخت شنطها كلها ماركات واختي الثانيه بعد تحب تشتري بين فتره وفتره لكن انا صراحه تجيني الفكره واتردد اقدر اشتري بس اتراجع لان اخرتها بامل منها اعتقد اهي مسئله قناعه قبل اي شيء ثاني

[الزعفراني82]

و تبغوني اتزوج بعد

دام شنطه اغلا من راتب مديره لا خلاص هونت خلوني عزوبي العب معا ولدي احسن لي

اصلا هذا اسراف بس الي عنده يعني عادي يشتري بس بعد بالاخير مب حلوه يستخدمونه مره او مرتين او حتي 10 مرات بعدين يتفشلون يستخدمونه

و تقولون في غلاء بعد
تحياتي

[غناتي1]

اهم شئ في اللبس وغيره القناعة 000 والرضى الشخصي

والله يسلم التقليد اللي ساوى بين الغني والفقير

[الخير كله]

ويوم يسأل عن ماله فيما أفناه

[بنت^البحرين1]

بصراحه ، كل ما حاولت اني امتنع عن شراء الشنط اللي اسعارها مبالغ فيها ، واقول حرام والله اقط فيها هالسعر، تصير الشنطه في خاطري لدرجة اني ارقد واقوم وانا افكر فيها ومايهدى بالي الا لين حطيتها على جتفي
بس في الفتره الاخيرة ، قاعده احاول قدر الامكان اني اخفف من هوس الشنط واحكم عقلي قبل ماشتري:discuss: على قولة اخواني " افتحي لج بياعة شنط ":nice:

وبالنسبة للساعات انا مع اختي بنت المنتدى، لان الساعة تتم فترات طويلة وايد ومب حرام لو شريناها بذاك السعر فبالاخير مابتنقط او نخسر شي من وراها:tease:

[بوشهاب]

هلا اخوي

لي عوده جامده في هالموضوع بالذات

بس خلوني ارجع البيت لان الدوام خلص الحين
اتغدى واعين من الله خير وارتب بناة افكاري :) و بعدها بقول رايي اللي ماراح يعجب البعض

فمان الله

[أثر الفراشة]

موضوع في الصميم !
المشكلة صرت أشوف بنات صغار في الابتدائية والمتوسطة ما جات على الكبار بس ..
هناك أمور كثيرة في الحياة أكثر أهمية على كل حال !
ولكنه هوس ماركوي كما قلنا في السابق ..
ولو أننا نهتم بوجاهة قلوبنا وعقولنا أكثر من اهتمامنا بالأشياء المؤقتة
لكنا وكانوا .. الخ الخ

[WIFE]

أهلين
بصراحة اعتقد تواجد كم شنطة ماركة شي حلو حق المناسبات..اعياد... أعراس... بس أهم شي يكون موديل متوسط يعني ما ينعرف له سنة عشان ما يقولون قديمة...بس هل كل الشنط ماركات؟؟ لا طبعا مب سالفة مب ناقصين فقر ولا حوبه....الحين الناس مب لاقيه تاكل و احنا بنشيل كل شنطة سعرها طعش...الوسط زين في كل شي
وتحياتي

[SomeOne]

وشدخلك في سوالف الحريم

لا حول ولا قوة الا بالله

[ذيبه مزاجيه]

الصراحه .. انا انسانه اهتم بالكشخه بشكل يدخل العقل !!!

يعني اهم شي عندي الترتيب في لبسي و في شنطتي و في كل شي لدرجة ان الحمدلله وين ما اروح البنات يقولون لي كل شي عندج حلووووو وااايد ..

مب كل من شرت شنطه ماركة صارت كشيخه << الصراحه الاجانب عرفوا يقصون على الحريم صح و من قلب بعد .. يقول لك كل غالي مب كل احد يقدر عليه صار دلع يعني شوفوني انا عندي و انت ما عندك !! << هو كل واحد و ذوقه واختياره و تفكيره :) << طبعا لحد يزعل من كلامي و لكن كل شخص في قرارة نفسه يفكر جذي ابي اكون ((يونيك)) << اقصد نادر و تميز ..

وكل واحد يحب يتميز بشغله خاصه ولكن على قولة الاغلبيه اما بنعمة ربك فحدث << بالاسراف هل هذا هو ما قصده الله تعالى؟؟؟؟ << ترا من صجي اسأل عاد هالسؤال ما اتطنز اتمنى القى الاجابه الشافيه لهالتساؤل جزاكم الله خير :)!!

والله اللي عنده خير ما شاء الله تبارك الرحمن هو حر بماله اللي ما شاء الله في زياده و يقط البيزه وين ما يبي و متى ما يبي لانه مقتدر والله يزيد و يبارك ان شاء الله :)

وخبركم اللي دخلهم محدود ياخذون التقليد اللي اغلب اللي ياخذ الاصلي يقتهر لانه يقول شلون انا اشتري بالشيء الفلاني و هذي عنده نفس الشنطه بنفس الشكل تقريبا 90 او 95 % وفي الاخير تقليد !!!! شي يبط الجبد << وجهة نظر

والله اللي عنده ما عليه من غيره اللي ما عنده و دام انهم يبيعون الاصلي و قادرين يشترون .. و الله غيرهم عنده يدفع حق تقليد و يكشخ بها ^_* يعني مافيها شي والا الرزاق في السما و الحاسد في الارض!!

انا عن نفسي ما افوشر فكرت اشتري شنط اصليه بس استخسرت شاللي يحدني عاد علشان شنطه احذف فيها اغراضي اروح اراوي الناس ان عندي ؟؟ محد له عندي شي و لا انا نشاده افوشر قدام ناس لا يعجبهم العجب و لا الصيام في رجب لان في النهايه اذا ما انتقدوا شنطتي او ساعتي الاصليه بيلقون شي ينتقدونه و احاول جاهده اني ما اخلي شي وارضاء الناس غايه لا تدرك ههههههههههه

عندي يمكن كلام بس مالي بارض اكمل كتابه @_@ << فكه

بس اهم شي الزبده وصلت على ما اعتقد ان الماركه ما تبني الشخصيه و لكن اللي يبي يكون شخصيته على حساب الماركات هو يجبر نفسه و غيره ان الماركات هي كل شي وانها هي اللي ترز البني آدم !!! :)

وتحياتي للجميع

[أثر الفراشة]

وشدخلك في سوالف الحريم

لا حول ولا قوة الا بالله
ما أدري هل كان الرد من باب المزح ؟ :)
أعتقد ان الرجل معني بشكل أو بآخر بالمواضيع المشابهة ..
فهو في النهاية قد يكون أب / زوج / ولي أمر يحتاج أن يمول لشراء مثل هذه الأشياء !
ما أعتقد أن الظواهر العامة أو كل ما يلامس الشعور العام ينقسم لموضوعات "حريمية" وأخرى "رجالية" ..

[بدور]

الاستشاري مرحبا :nice:

الاذواق تتفاوت في اقتناء الاصلي والتقليد واللي عندها والله منعم عليها ليش ماتشتري

طيب فيه اغتر شال بآآآآلالالاف واقمشة صوف رجاليه بسعر خيالي واحذيه بآلاف وأزره وشنط ملابس وحقيبة سفر لليد

نفس ماركات الشنط النسائيه يعني تساوينا في الماركات

شفتهم عند عيالنا وسألتهم معقوله الرجاجيل عندهم اسعار غاليه مثلنا قالوا وبعد اغلى

يعني الرجال والحريم سواسيه بأغتناء الماركات الاصليه :victory:

[السامـي]

المهم في ذلك هو ..... لماذا سيطرة هذه الشنطة الماركة على تفكير النساء ؟؟؟ولماذا تبذل الغالي والرخيص وتوفر الأموال وتقطع المسافات لأقنتاء أخر موديلات هذه الشنط ؟؟؟ وهل الشنطة الماركة اليوم جزء من زينة المرأة القطرية ؟؟؟


لم تعد القلوب مخازن للأسرار..بل الحقائب كذلك.فكلما تظاهر صاحب
السر بقيمة (الحاوي)كثر الإعجاب والفضول.
مجرد هلوسة.:)

[!قطريـة بنت القمـر!]

الصراحه .. انا انسانه اهتم بالكشخه بشكل يدخل العقل !!!

يعني اهم شي عندي الترتيب في لبسي و في شنطتي و في كل شي لدرجة ان الحمدلله وين ما اروح البنات يقولون لي كل شي عندج حلووووو وااايد ..

مب كل من شرت شنطه ماركة صارت كشيخه << الصراحه الاجانب عرفوا يقصون على الحريم صح و من قلب بعد .. يقول لك كل غالي مب كل احد يقدر عليه صار دلع يعني شوفوني انا عندي و انت ما عندك !! << هو كل واحد و ذوقه واختياره و تفكيره :) << طبعا لحد يزعل من كلامي و لكن كل شخص في قرارة نفسه يفكر جذي ابي اكون ((يونيك)) << اقصد نادر و تميز ..

وكل واحد يحب يتميز بشغله خاصه ولكن على قولة الاغلبيه اما بنعمة ربك فحدث << بالاسراف هل هذا هو ما قصده الله تعالى؟؟؟؟ << ترا من صجي اسأل عاد هالسؤال ما اتطنز اتمنى القى الاجابه الشافيه لهالتساؤل جزاكم الله خير :)!!

والله اللي عنده خير ما شاء الله تبارك الرحمن هو حر بماله اللي ما شاء الله في زياده و يقط البيزه وين ما يبي و متى ما يبي لانه مقتدر والله يزيد و يبارك ان شاء الله :)

وخبركم اللي دخلهم محدود ياخذون التقليد اللي اغلب اللي ياخذ الاصلي يقتهر لانه يقول شلون انا اشتري بالشيء الفلاني و هذي عنده نفس الشنطه بنفس الشكل تقريبا 90 او 95 % وفي الاخير تقليد !!!! شي يبط الجبد << وجهة نظر

والله اللي عنده ما عليه من غيره اللي ما عنده و دام انهم يبيعون الاصلي و قادرين يشترون .. و الله غيرهم عنده يدفع حق تقليد و يكشخ بها ^_* يعني مافيها شي والا الرزاق في السما و الحاسد في الارض!!

انا عن نفسي ما افوشر فكرت اشتري شنط اصليه بس استخسرت شاللي يحدني عاد علشان شنطه احذف فيها اغراضي اروح اراوي الناس ان عندي ؟؟ محد له عندي شي و لا انا نشاده افوشر قدام ناس لا يعجبهم العجب و لا الصيام في رجب لان في النهايه اذا ما انتقدوا شنطتي او ساعتي الاصليه بيلقون شي ينتقدونه و احاول جاهده اني ما اخلي شي وارضاء الناس غايه لا تدرك ههههههههههه

عندي يمكن كلام بس مالي بارض اكمل كتابه @_@ << فكه

بس اهم شي الزبده وصلت على ما اعتقد ان الماركه ما تبني الشخصيه و لكن اللي يبي يكون شخصيته على حساب الماركات هو يجبر نفسه و غيره ان الماركات هي كل شي وانها هي اللي ترز البني آدم !!! :)

وتحياتي للجميع

والله كلامج اختي الغالية عين الصواب و وصف الله المبذرين بأنهم اخوان للشياطين ويسال البني ادم يوم القيامة عن ماله من اين اكتسبه وفيما انفقه .... الا يشتمل هذا الكلام على المبالغ الخيالية التي يضعها الناس في تلك الامور التي لا تسمن ولا تغني من جوع :) .... عن نفسي تقريبا نفسج احب اشتري كل شي بسعر معقول ويكون شكله مميز وحلو بحيث احس ان نادر اشوفه عند غيري بس السعر يكون بالمتوسط والمعقول اما المظاهر الكذابة هاي احس شغلات مالها داعي وفي حريم يكسرون ظهور ازواجهم بهالمظاهر اللي اقل ما اصفها بالغباء يعني شي ماله اهمية كبيرة بأهمية الماء والهواء وتحن على زوجها الا تبيه او على ابوها وتاخذه و فترة بسيطه وتقطه أي عقل هذا ؟؟ هل هالتصرفات سمعتوها في امهاتنا وجداتنا الاولين ؟؟ ادري في ناس بتقول انتي مال اول والدنيا تغيرت بس بقول العقل هو العقل بكل مكان وزمان ولنا في امهات المؤمنين قدوة حسنة لنا كنساء فلا تسرفوا وتذكروا الناس اللي مو لاقية حتى سقية الماء لا تقولون مالكم دخل يعني شنو ما نستانس بقول اللي يشتري اخرته ربحان وشاري الدنيا خسران والله يحاسبنا على قلوبنا سواء في قبورنا او يوم الحساب والعرض .... عسى الله يهدي نساء ورجال المسلمين اجمع من هالظواهر السلبية :) .....

[سحر الليالي]

اصلا سعر الشنطه اعلى من راتبي مرتين؟؟

[لله الحمد]

ياكثر القطريات في بانكوك عند اشناط التقليد هههههاي

بس الصراحة الحريم مخ مافي مع احترامي للاخوات

في المنتدى !!

يعني انتي بذمتج بتزيد كشختج او مركزج الاجتماعي

او جمالج او أي شي من هالخرابيط اذا اشتريتي

شنطه بقيمه 15000 ريال ؟؟

غير كلمة الله يهداها .. والله يصلحها

واذا انتي بنت .. واللي متقدم لج يدري ماعتقد بيقرب

مرة ثانيه ههههاي عسى ماشر .. !!

اشياء تبط الجبد ورب الكعبة

[ورقــة أمــل]

امممممممم
ماشتري ماركات بصراحه الا نادر كلش كلش
ومستحيل اشتري شنطة فوق 500 ريال
فما بال اللي بالالوف
من وجهة نظري هاي تبذير وقلة عقل

[غيمة مطر]

ياكثر القطريات في بانكوك عند اشناط التقليد هههههاي

بس الصراحة الحريم مخ مافي مع احترامي للاخوات

في المنتدى !!

يعني انتي بذمتج بتزيد كشختج او مركزج الاجتماعي

او جمالج او أي شي من هالخرابيط اذا اشتريتي

شنطه بقيمه 15000 ريال ؟؟

غير كلمة الله يهداها .. والله يصلحها

واذا انتي بنت .. واللي متقدم لج يدري ماعتقد بيقرب

مرة ثانيه ههههاي عسى ماشر .. !!

اشياء تبط الجبد ورب الكعبة

اخوي الكريم

الكلمه اللي ذكرتها ماله اي داعي ...

هوس الماركات صار غالب على السوق وعلى المجتمع حاليا ....

يعني قبل نادر اللي يشتري ماركه لانها غاليه وفي دول اوروبيه ...

لكن مع زيادة الدخل ومع وجود محلات الماركات عندنا شفنا الكل عنده ...

وماننسى السوق الصيني اللي ماتم شي ماقلدوه ...


ترى حتى الشباب يجمع له هالفلسين ويروح يشري له زرار ب7 الاف الماس مع قلم

والله مكثرهم بمحلات الماركات

والا ساعه ماركة مادري شنو بالشي الفلاني

يعني حتى الرجال يصرف على كشخته رغم التزاماته على بيته وعياله او تجميع مهر وتجهيزات العرس


مو بس شنطة الحريم ...


ياريت ننتقي الفاظنا قبل مانحطها

وياريت يكون عندنا بعد نظر ونشوف المشكله واصلها ..

[لله الحمد]

اخوي الكريم

الكلمه اللي ذكرتها ماله اي داعي ...

هوس الماركات صار غالب على السوق وعلى المجتمع حاليا ....

يعني قبل نادر اللي يشتري ماركه لانها غاليه وفي دول اوروبيه ...

لكن مع زيادة الدخل ومع وجود محلات الماركات عندنا شفنا الكل عنده ...

وماننسى السوق الصيني اللي ماتم شي ماقلدوه ...


ترى حتى الشباب يجمع له هالفلسين ويروح يشري له زرار ب7 الاف الماس مع قلم

والله مكثرهم بمحلات الماركات

والا ساعه ماركة مادري شنو بالشي الفلاني

يعني حتى الرجال يصرف على كشخته رغم التزاماته على بيته وعياله او تجميع مهر وتجهيزات العرس


مو بس شنطة الحريم ...


ياريت ننتقي الفاظنا قبل مانحطها

وياريت يكون عندنا بعد نظر ونشوف المشكله واصلها ..




شتبين لفظ افضل من كلمة مافي مخ !!

يعني الحين مره .. تشتري شنطة بمبلغ وقدرة .. يعني قولي فوق العشرين الف

وراتبها ما يتعدى العشرة ؟؟ شتقولين عنها هذي ؟؟ لاااء وتغير الشنطة بعد اللبسه

الثالثه !!

عشان تدلّع جدام رفيجاتها وتقول انا شاريتها بهالمبلغ !!

يبا ليش ؟؟ ياناس ابي اعرف .. شهالمنطق اللي تكلمون عنه انتوا ؟؟

الشباب اللي تتكلمين عنهم الصراحه ما اشوفهم اللي يشترون ازرة فوق 5000

الا اذا الماس او ذهب .. <<---- يعني الرجال ما يعرف لا حرام ولا حلال يعني

الذمة وسيعه وهذا ما ينطبق على معظم شباب هل قطر يعني تتكلمين عن الاقلية



واذا زعلتي من كلمة مافي مخ .. اعتقد المنطق اللي تكلمتي عنه ما يدش المخ بعد

[Bin Hood]

موضوع يستحق المناقشة

[الأستشاري]

الغيرة السبب الرئيسي الي تدفع الحريم لشراء شنطة ماركة

[غيمة مطر]

شتبين لفظ افضل من كلمة مافي مخ !!

يعني الحين مره .. تشتري شنطة بمبلغ وقدرة .. يعني قولي فوق العشرين الف

وراتبها ما يتعدى العشرة ؟؟ شتقولين عنها هذي ؟؟ لاااء وتغير الشنطة بعد اللبسه

الثالثه !!

عشان تدلّع جدام رفيجاتها وتقول انا شاريتها بهالمبلغ !!

يبا ليش ؟؟ ياناس ابي اعرف .. شهالمنطق اللي تكلمون عنه انتوا ؟؟

الشباب اللي تتكلمين عنهم الصراحه ما اشوفهم اللي يشترون ازرة فوق 5000

الا اذا الماس او ذهب .. <<---- يعني الرجال ما يعرف لا حرام ولا حلال يعني

الذمة وسيعه وهذا ما ينطبق على معظم شباب هل قطر يعني تتكلمين عن الاقلية



واذا زعلتي من كلمة مافي مخ .. اعتقد المنطق اللي تكلمتي عنه ما يدش المخ بعد


المشكله انت بعد تتكلم عن اقليه قليله من البنات ...

اعتقد معظم البنات اللي نشوفهم بالوسط النساااائي اللي اقرب لنا منكم هم شنط ماركات ماتتعدى راتب الوحده يعني ب4 او 6 الاف

الا ماندر وتاخذ دبل راتبها ...

يعني نفس الشباب اللي تتكلم عنهم حضرتك ...

واذا كلامي مايدش مخك يكفي يدش مخ وايد غيرك ...

[VIPLady]

الشنطه الماركه .. ومو بس الشنطه حتى الملابس الحين لها اسامي معينه والناس تعرف من اي محل و من اي بوتيك واي ماركه.. و الشوز والصنادل وكل شي ما جات على الشنطه

وانا اشوفه شي ضروري .. وجانب من البرستيج انه الوحده تلبس شي على مستوى.. مو شرط في المناسبات حتى في الدوام حتى في البيت مثل تيشيرتات و جينزات .. اكيد الراقي راقي والقصه والموديل يبين اذا شي محترم او من محل عادي ...
هذا في حاله الاصلي طبعا

اما الي ياخذون تقليد و يقصون على عمرهم فاعتبره مرض مع احترامي للكل....... ياانها اتقص على عمرها او تقص على الي حولها... واشوف الي ماعندها استطاعه انها تدفع سعر الشنطه الاصليه .. تشوف لها شنطه من ماركه سعرها معقول بيكون شكلها ارقى من التقليد ..

وثانكيو على الموضوع

[عنوووود]

موضوع مميز

[سهم بن سهم]

بصراحه لاعت جبدي من كثر ما اشوف شنط ماركه ( لويس فيتو ) في يد الحريم

ماتمت وحده ماشرته ...................... من بعيد مايبين الاصلي من التقليد :discuss:

[سهم بن سهم]

بصراحه لاعت جبدي من كثر ما اشوف شنط ماركه ( لويس فيتو ) في يد الحريم

ماتمت وحده ماشرته ...................... من بعيد مايبين الاصلي من التقليد :discuss:

[miss-qatr]

اللي يقعد يقلل من تفكير الحريم اللي يشترون الماركات !!!!


انتو قاعدين تدعمون وجهه نظركم بانكم اتقولون مبالغ فوق ال20 !!!


اوكي فيه شنط فوق العشرين

بس احنا انتكلم عن الماركات

فيه اللي ب 5 و6 و8 و وو و10


على طول نقزتو فوق ال20



اللي يبي يشتري الاصلي هذا البوتيكات مفتوحه ومحد راح ياخذ من حد

واللي مايبي بكيفه



وانا شخصياً لو كانت عندي فلوس لاتعد ولا تحصى باخذ بعد بفوق ال30 لانها بتكون عندي كنها 3000 ريال ( وطبعاً اقول لو .. يعني مب صج )



كل انسان وعلى حسب مقدرته ومجتمعه اللي حوله :)

اسمحلي الاستشاري على مروري ال2

[قهوة الضحى]

فرضا جات وحدة حالتها المادية تعبانة وشرت شنطة قيمتها فوق مستواها فالناس بتحسب ان شنطتها تقليدية مع انها ذابحة عمرها وذابحة ريلها عشان يشتري لها الاصلية بعكس بنت معروف ان حالتها المادية زينة او مظهريا مبين عليها بنت نعمة لو البست ساعة او شنطة بو عشر الناس بتحسب قيمته غالية
انتي تعطين القيمة للشي مب شنط وساعات الماركة تعطي لنفسج قيمة

[بنت ذياب]

فرضا جات وحدة حالتها المادية تعبانة وشرت شنطة قيمتها فوق مستواها فالناس بتحسب ان شنطتها تقليدية مع انها ذابحة عمرها وذابحة ريلها عشان يشتري لها الاصلية بعكس بنت معروف ان حالتها المادية زينة او مظهريا مبين عليها بنت نعمة لو البست ساعة او شنطة بو عشر الناس بتحسب قيمته غالية
انتي تعطين القيمة للشي مب شنط وساعات الماركة تعطي لنفسج قيمة


ااي والله :eek5:

[ذيبه مزاجيه]

هههههههههه الصراحه مع احترامي في ردود تضحك :)

ولا تعليق ^_*

صارت الناس مقامات !!! ما تسوى الا اذا كنت غني !!

والله دنيا .... :)

انا اقول << طبعا بالنسبه لي !! ووجهة نظري الشخصيه لو الانسان من ما كان يكون يلق <((يلمع)) من فوقه لين تحته بالماركات ونفسيته اللهم احفظنا شايف نفسه ع الاخر اللي يقول هو شخصيا مصنوع من ذهب ما يسوى عندي !! لان الواحد عليه من الشخصيه مب من الشكل الخارجي اللي هو عليه ..

اما اي احد على قد حاله و كشخته على قده والناس تشوفه اوكي ومرتب وعند كل الناس هو نفس الشي حاله حالهم هذي اللي الكل يحترمه لانه هو ما شاف نفسه على احد كلش ولا يفكر من الاساس انه يغري غيره باللي عنده << يا ناس شوفوني

وعلى فكره في ناس ما شاء الله .. ربي عطاهم خييييييير و لكن ما يفوشرون كثر العاديين اقصد اللي على قولتهم شايفين خير !! :)

وكلامي هذا ما وجهته لاحد معين ولكن الواحد يحب يبدي رايه طبعا بما ان النقاش مفتوح ع الاخر ^_*

__(( وليس كل ما يقرأ يصدق ))___ :)

تحياتي للجميع

[وطن]

اخوي نسيت الجواتي الماركات
والملابس
والمكياج
ترى كل شي ماركة الحين

:dance

وبخصوص الشنط
ليش حاطين في بالكم ان الشنط كلها فوق الـ 10 الف

في شنط بـ 1000 وفي بـ 2000
وفي بـ 3 و 4 و5 و6

ترى مو كل وحده اشترت شنطة تكون حاطه ديون على ظهرها عشان تلبس

صحيح في ناس ما عندهم سالفة ويتدينون عشان المظاهر
بس مو الكل يسوي جذي
واللي عنده خل يلبس ويمتع نفسه لكن بدون مبالغة


والشنط اللي فوق الـ 10 عادة تكون لمتد كوليكشن
أو فيها خامات غالية

[miss-qatr]

888888


صدقتي يا اختي وطن



واحنا عيزنا واحنا نقول الماركات اتفاوت باسعارها مب شرط فوق العشرين ولا حتى فوق ال10


لكن شنقول !!!


( لازم مثل مايقولون ... ماكل مايكتب يصدق :) )


ومثل ماقالت وحده من خواتي الوحده هي اللي تزين الشي واتحط له قيمه مب الشنطه ولا الساعه تبين قيمتها قدام الناس


وكل وحده تلبس اللي يريحها


وقالها بوعبده



احلى من العقد .. لباااااااااااسه :nice:

[الدوحه%]

:telephone::telephone:ههههههههههه ماصدق الشنطه سوت عقده حق ناس ماقول غير الحمدالله والشكر
ترى فيه نااس شايفه خير من صغر مثلي طبعا الحمدالله رب العالمين,,,, ونلبس الماركاات من صغر,,,,, واحنا من يومنا يهاال لبسنا كله من الغالي,,, يعني ياكاتب الموضوع اشهالسؤال البااااايخ(( الشنطه))فيه شنااط مثل ماقالو خواتي ,, من 1000 لين 100,000 اميه وخرده بعد ,,,
انت لازم ماتخاطب كل البناات لازم تخاطب اللي تستعمل التقليد وتقوول لهاا ليش انتي تاخذين تقليد ,,, هل لانج معقده او مجرد مظاهر ؟
لاكن لاتعم موضوعك على البنات كلهم لان في بنات ملابسهم وجواتيهم كلها ماركات حتى المجوهرات مايلبسون اكسيسوريز,,, وبالنسبه حق اللي يقول التقليد مايبين من الاصلي اقوله مايبين حق الناس اللي مثلك مب متعودين على الماركه لاكن التقليد يبين من بعيد فمابالك من قريب,,, وابشركم يابنات اقصد اللي تحب الكشخه مثلي..ترى بربري فيلاجيو فتح جاني تلفون من يو كي ,,,

[وحيد-الشوق]

شنطة بعشرة الاف :rolleyes2:

ساعة وقلنا معليه سيارة بكشخ فيها بس شنطه :eek5:

ياحب البنات حق الفشخره احمدوا ربكم عالنعمة الي انتوا فيها

[وحيد-الشوق]

:telephone::telephone:ههههههههههه ماصدق الشنطه سوت عقده حق ناس ماقول غير الحمدالله والشكر
ترى فيه نااس شايفه خير من صغر مثلي طبعا الحمدالله رب العالمين,,,, ونلبس الماركاات من صغر,,,,, واحنا من يومنا يهاال لبسنا كله من الغالي,,, يعني ياكاتب الموضوع اشهالسؤال البااااايخ(( الشنطه))فيه شنااط مثل ماقالو خواتي ,, من 1000 لين 100,000 اميه وخرده بعد ,,,
انت لازم ماتخاطب كل البناات لازم تخاطب اللي تستعمل التقليد وتقوول لهاا ليش انتي تاخذين تقليد ,,, هل لانج معقده او مجرد مظاهر ؟
لاكن لاتعم موضوعك على البنات كلهم لان في بنات ملابسهم وجواتيهم كلها ماركات حتى المجوهرات مايلبسون اكسيسوريز,,, وبالنسبه حق اللي يقول التقليد مايبين من الاصلي اقوله مايبين حق الناس اللي مثلك مب متعودين على الماركه لاكن التقليد يبين من بعيد فمابالك من قريب,,, وابشركم يابنات اقصد اللي تحب الكشخه مثلي..ترى بربري فيلاجيو فتح جاني تلفون من يو كي ,,,

اللهم لاتواخذنا بما فعل السفهاء منا

اقول اختي احمدي ربج عالنعمة

[(الفيصل)]

شنطــــة ماركــــــــــــــــــــة

من المظاهر(الشخصية) للمرأة القطرية العصرية( الفاشية ) شنطة ماركة . فبدونها لاتستطيع مسايرة المجتمع النسائي المخملي . وكما هو معروف فأن قيمة هذه الشنط مثل ( بربري) (ليفتون) (شانيل) وغيرها

[COLOR="red"]دعــــــــــــــــــــــــــــــوة للنقــــــــــــــــــــــــــاش

أثبت الواقع العملي للمجتمع القطري لهذه الشنط
انها تقليد لدى الغالبية
:)
وأثبت الواقع العملي للمجتمع القطري أنه يوجد نساء قطريات لو وزعت قناعتهن وعفتهن وحشمتهن لوسعت العالم أجمع.

[الدوحه%]

اللهم لاتواخذنا بما فعل السفهاء منا

اقول اختي احمدي ربج عالنعمة حامدين ربنا وشاكرينه مثل ماعلمونا اهالينا من زماان ,,,, واش قصدك بالسفهااء يعني اللي يشتري الغالي سفيه ارجو التوضيح,,,

[المزن الرياني]

اللهم لاتواخذنا بما فعل السفهاء منا

اقول اختي احمدي ربج عالنعمة



صدقت ياخوي وحيد الشوق
ناس عقولهم بثقل حبه العدس

[miss-qatr]

حامدين ربنا وشاكرينه مثل ماعلمونا اهالينا من زماان ,,,, واش قصدك بالسفهااء يعني اللي يشتري الغالي سفيه ارجو التوضيح,,,



اختي كل واحد قال رايه ووضح اللي بخاطره .. لاتكبرين الموضوع واهو اصلاً مايستاهل :)



بس رد على اخونا الفيصل


تأكد من المصدر اللي جبت منه احصائيه ان الاغلبيه يلبسون تقليد :nice:

[بن علان]

فرضا جات وحدة حالتها المادية تعبانة وشرت شنطة قيمتها فوق مستواها فالناس بتحسب ان شنطتها تقليدية مع انها ذابحة عمرها وذابحة ريلها عشان يشتري لها الاصلية بعكس بنت معروف ان حالتها المادية زينة او مظهريا مبين عليها بنت نعمة لو البست ساعة او شنطة بو عشر الناس بتحسب قيمته غالية
انتي تعطين القيمة للشي مب شنط وساعات الماركة تعطي لنفسج قيمة

ذا الكلام اللي يدش المخ :nice:

[وطن]

888888


صدقتي يا اختي وطن



واحنا عيزنا واحنا نقول الماركات اتفاوت باسعارها مب شرط فوق العشرين ولا حتى فوق ال10


لكن شنقول !!!


( لازم مثل مايقولون ... ماكل مايكتب يصدق :) )


ومثل ماقالت وحده من خواتي الوحده هي اللي تزين الشي واتحط له قيمه مب الشنطه ولا الساعه تبين قيمتها قدام الناس


وكل وحده تلبس اللي يريحها


وقالها بوعبده



احلى من العقد .. لباااااااااااسه :nice:


:victory::victory::victory::victory::victory:

[الدوحه%]

[QUOTE=miss-qatr;3226479]اختي كل واحد قال رايه ووضح اللي بخاطره .. لاتكبرين الموضوع واهو اصلاً مايستاهل :)

[SIZE="6"][COLOR="Magenta"][I]صاااااجه بس ياليت الناس تفهم ان الواحد يقول رايه ....:) بس استغرب من بعض الناس
اللي:nop:

[التيما]

أثبت الواقع العملي للمجتمع القطري لهذه الشنط
انها تقليد لدى الغالبية
:)
وأثبت الواقع العملي للمجتمع القطري أنه يوجد نساء قطريات لو وزعت قناعتهن وعفتهن وحشمتهن لوسعت العالم أجمع.


ما كنت بارد في الموضوع صراحه لمن قريته .. بس عجبني ردك اخوي الفيصل ..

[بنت ذياب]

:telephone::telephone:ههههههههههه ماصدق الشنطه سوت عقده حق ناس ماقول غير الحمدالله والشكر
ترى فيه نااس شايفه خير من صغر مثلي طبعا الحمدالله رب العالمين,,,, ونلبس الماركاات من صغر,,,,, واحنا من يومنا يهاال لبسنا كله من الغالي,,, يعني ياكاتب الموضوع اشهالسؤال البااااايخ(( الشنطه))فيه شنااط مثل ماقالو خواتي ,, من 1000 لين 100,000 اميه وخرده بعد ,,,
انت لازم ماتخاطب كل البناات لازم تخاطب اللي تستعمل التقليد وتقوول لهاا ليش انتي تاخذين تقليد ,,, هل لانج معقده او مجرد مظاهر ؟
لاكن لاتعم موضوعك على البنات كلهم لان في بنات ملابسهم وجواتيهم كلها ماركات حتى المجوهرات مايلبسون اكسيسوريز,,, وبالنسبه حق اللي يقول التقليد مايبين من الاصلي اقوله مايبين حق الناس اللي مثلك مب متعودين على الماركه لاكن التقليد يبين من بعيد فمابالك من قريب,,, وابشركم يابنات اقصد اللي تحب الكشخه مثلي..ترى بربري فيلاجيو فتح جاني تلفون من يو كي ,,,

خخخخخخخخخخخخخخخخخخخخخخخخخخخخخخخخخخخخخ

انا وانا .. ومثلي ومثلي

جنه محد يلبس ماركات ويعرف يكشخ الا انتي

[(الفيصل)]

كفقير لله
شفت وجربت وعايشت الغنية والفقيره
ولهذا...اقول
الغنيه ترى ولاتتحدث
والفقيره تهرف بمالاتعرف
فحسبكم الله
ميزانكن عند الله التقوى والعمل ... فهل وزنتن قدركن عنده؟؟؟!!!!

[jo0ory.56]

::
كفقير لله
شفت وجربت وعايشت الغنية والفقيره
ولهذا...اقول
الغنيه ترى ولاتتحدث
والفقيره تهرف بمالاتعرف
فحسبكم الله
ميزانكن عند الله التقوى والعمل ... فهل وزنتن قدركن عنده؟؟؟!!!!


ميزانكن عند الله التقوى والعمل ... فهل وزنتن قدركن عنده؟؟؟!!!!

هو الجواب الكافي

[!قطريـة بنت القمـر!]

كفقير لله
شفت وجربت وعايشت الغنية والفقيره
ولهذا...اقول
الغنيه ترى ولاتتحدث
والفقيره تهرف بمالاتعرف
فحسبكم الله
ميزانكن عند الله التقوى والعمل ... فهل وزنتن قدركن عنده؟؟؟!!!!


صدقت اخوي ... وليت اللي يتشدقون بالاصلي والماركة والخرابيط وينقدون على لابسين التقليد مع ان اشوف الموضوع هذا نوقش من قبل وكان في قمة السخافة .... لو يرون فقط مالهم فيما انفقوه ولو فكروا فقط ان هالمال ينسالون عنه يوم القيامة ولا تزل قدم عبد حتى يسال عن ماله من اين اكتسبه وفيما انفقه اتوقع جان صكروا حلوجهم وفاهت افواههم من الجواب اللي ممكن يجاوبونه في هذا اليوم العصيب ؟؟ كل تفكيرهم منصب في الامور اللي اشوف انها سطحية ولا يفكرون يغيرون ماركة اخلاقهم وقلوبهم :) .... ولا لو فيهم خير فكروا في الناس اللي اللقمه مو محصلتها جان فكروا في الناس اللي العشرة ريال تسوى عندهم مليون جان فكروا ان الله قال كلوا واشربوا ولا تسرفوا وقالوا انه سبحانه قال اما بنعمة ربك فحدث فمعناها فسروه بطريقة ساذجة للاسف ويفترون على الله في هذا القول لكن ماذا حسبنا نقول ؟؟ .... وهالكلام سواء للحريم اللي يقطون عشرات الالوف على اشياء ماتسوى وعلى الرياييل معاهم محد راح ينعتق من السؤال يوم العرض .... طبعا ما راح يهتمون ولا يسمعون الكلام اللي ما يعجبهم لان اهم شي الماركة لو بامية الف قال تعالى ((وقالوا قلوبنا غلف)) ....لاحول ولاقوة الا بالله ... الله يهدينا جميع امين :) ....

[(الفيصل)]

صدقت اخوي ... وليت اللي يتشدقون بالاصلي والماركة والخرابيط وينقدون على لابسين التقليد مع ان اشوف الموضوع هذا نوقش من قبل وكان في قمة السخافة .... لو يرون فقط مالهم فيما انفقوه ولو فكروا فقط ان هالمال ينسالون عنه يوم القيامة ولا تزل قدم عبد حتى يسال عن ماله من اين اكتسبه وفيما انفقه اتوقع جان صكروا حلوجهم وفاهت افواههم من الجواب اللي ممكن يجاوبونه في هذا اليوم العصيب ؟؟ كل تفكيرهم منصب في الامور اللي اشوف انها سطحية ولا يفكرون يغيرون ماركة اخلاقهم وقلوبهم :) .... ولا لو فيهم خير فكروا في الناس اللي اللقمه مو محصلتها جان فكروا في الناس اللي العشرة ريال تسوى عندهم مليون جان فكروا ان الله قال كلوا واشربوا ولا تسرفوا وقالوا انه سبحانه قال اما بنعمة ربك فحدث فمعناها فسروه بطريقة ساذجة للاسف ويفترون على الله في هذا القول لكن ماذا حسبنا نقول ؟؟ .... وهالكلام سواء للحريم اللي يقطون عشرات الالوف على اشياء ماتسوى وعلى الرياييل معاهم محد راح ينعتق من السؤال يوم العرض .... طبعا ما راح يهتمون ولا يسمعون الكلام اللي ما يعجبهم لان اهم شي الماركة لو بامية الف قال تعالى ((وقالوا قلوبنا غلف)) ....لاحول ولاقوة الا بالله ... الله يهدينا جميع امين :) ....

قرأت مشاركتك ولاأخفيك ماحال بي عند قراءة ماعلمته لك بالاحمر اعلاه
ااااااااااااااه
(اللهم اهدِ قومي فإنهم لا يعلمون )
في أمان الله

[الألماسي]

(اللهم اهدِ قومي فإنهم لا يعلمون )



اميـن . .

[فتى الجود]

كفقير لله
شفت وجربت وعايشت الغنية والفقيره
ولهذا...اقول
الغنيه ترى ولاتتحدث
والفقيره تهرف بمالاتعرف
فحسبكم الله
ميزانكن عند الله التقوى والعمل ... فهل وزنتن قدركن عنده؟؟؟!!!!





الله أكبر


على هالكلمات أخوى االفيصل

[بوحارب]

ويوم يسأل عن ماله فيما أفناه

المبروكه الله يبارك فيج

الصحيح

وعن ماله من اين اكتسبه وفي ما انفقه :)


امممممممم
ماشتري ماركات بصراحه الا نادر كلش كلش
ومستحيل اشتري شنطة فوق 500 ريال
فما بال اللي بالالوف
من وجهة نظري هاي تبذير وقلة عقل

لو كل الحريم نفس هالتفكير كان الدنيا خبير :)


:telephone::telephone:ههههههههههه ماصدق الشنطه سوت عقده حق ناس ماقول غير الحمدالله والشكر
ترى فيه نااس شايفه خير من صغر مثلي طبعا الحمدالله رب العالمين,,,, ونلبس الماركاات من صغر,,,,, واحنا من يومنا يهاال لبسنا كله من الغالي,,, يعني ياكاتب الموضوع اشهالسؤال البااااايخ(( الشنطه))فيه شنااط مثل ماقالو خواتي ,, من 1000 لين 100,000 اميه وخرده بعد ,,,
انت لازم ماتخاطب كل البناات لازم تخاطب اللي تستعمل التقليد وتقوول لهاا ليش انتي تاخذين تقليد ,,, هل لانج معقده او مجرد مظاهر ؟
لاكن لاتعم موضوعك على البنات كلهم لان في بنات ملابسهم وجواتيهم كلها ماركات حتى المجوهرات مايلبسون اكسيسوريز,,, وبالنسبه حق اللي يقول التقليد مايبين من الاصلي اقوله مايبين حق الناس اللي مثلك مب متعودين على الماركه لاكن التقليد يبين من بعيد فمابالك من قريب,,, وابشركم يابنات اقصد اللي تحب الكشخه مثلي..ترى بربري فيلاجيو فتح جاني تلفون من يو كي ,,,

صفقوا لها يالربع :looking:


اللهم لاتواخذنا بما فعل السفهاء منا

اقول اختي احمدي ربج عالنعمة

خخخخخخخخخخخخخخخخخخخخخخخخخخخخخ




خخخخخخخخخخخخخخخخخخخخخخخخخخخخخخخخخخخخخ

انا وانا .. ومثلي ومثلي

جنه محد يلبس ماركات ويعرف يكشخ الا انتي

:nop::nop:

[Revamp]

خلاص يا بنات من باجر كل وحده فيكم تشيل خيشه احسن وهي نوع من الزهد.....انا اشوف الي الله ماعطها تاخذ شنطه حتي لو سعرها 100 الف عليها باالعافيه.....

[!قطريـة بنت القمـر!]

خلاص يا بنات من باجر كل وحده فيكم تشيل خيشه احسن وهي نوع من الزهد.....انا اشوف الي الله ماعطها تاخذ شنطه حتي لو سعرها 100 الف عليها باالعافيه.....


اخوي اتمصخر على الزهد مثلا :) .... مو عاجبك يكون الواحد زاهد ؟؟ هل هالشغلة صارت عيب في الوقت اللي الناس اتهافت على الزهد على ايام الرسول عليه الصلاة والسلام وكل الصحابة ويدفعون جل ما يملكون لاجل المسلمين سواء من اجل تجهيز الجيوش او لبيت مال المسلمين عشان الفقراء يكفون حاجاتهم فهل هالشي اختفى في زماننا يعني مافي جيوش مسلمة تستاهل التجهيز او هل الفقراء اندثروا عشان تقول لا تزهدون ؟؟ الدنيا فانية مو شي بتعيشه عمر طويل ومن ترك شيئا لله عوضه الله بخير منه واللي عنده الفلوس وزهد بدنياه عشان مرضاة رب العالمين اجره اكبر من الفقير اللي ما عنده لان هالانسان يكون عنده لكن فضل مرضاة الله على وصخ الدنيا واضافة الى ذلك اللي قلته الي عندها خير لو تشتري شنطة بأ100الف خل تشتري ونسيت ان المبذرين كانوا اخوان الشياطين :) .... بارك الله فيك وهداك لا تحاول اخوي تستخف وتستهين بشي عظيم دام الرسول اللي كان يقدر يصير من اغنى اغنياء العالم لكنه فضل مرضاة الله وكانت فلوسه كلها للفقراء والصحابة كلهم انتهجوا نهجه وحتى السلف الصالح والمؤمنين كلهم وفي ناس للحين تتبع هالشي لابتغاء مرضاة الله وهاي سنة النبي عليه الصلاة والسلام .... فلا تحاول تستخف فيها بارك الله فيك :) ....

[!قطريـة بنت القمـر!]

قرأت مشاركتك ولاأخفيك ماحال بي عند قراءة ماعلمته لك بالاحمر اعلاه
ااااااااااااااه
(اللهم اهدِ قومي فإنهم لا يعلمون )
في أمان الله

ما اجمل ان نرى القلوب التي تخشى الله سبحانه وتعالى وتخشى عقابه وان دل هذا على شي دل على ضميرك الحي اخي الفيصل وليت الناس تتعظ ان دقات القلب لتقول ان الحياة دقائق وثواني (لقد اسمعت مناديا لو ناديت حيا ولكن لا حياة لمن تنادي).... :( .... والله نسوا الناس هاليوم الله يجعلنا من ذاكرينه وما ننساه جزاك الله خير اخي الفاضل ....

[أحلى وسيطه]

الصراحه .. انا انسانه اهتم بالكشخه بشكل يدخل العقل !!!

يعني اهم شي عندي الترتيب في لبسي و في شنطتي و في كل شي لدرجة ان الحمدلله وين ما اروح البنات يقولون لي كل شي عندج حلووووو وااايد ..

مب كل من شرت شنطه ماركة صارت كشيخه << الصراحه الاجانب عرفوا يقصون على الحريم صح و من قلب بعد .. يقول لك كل غالي مب كل احد يقدر عليه صار دلع يعني شوفوني انا عندي و انت ما عندك !! << هو كل واحد و ذوقه واختياره و تفكيره :) << طبعا لحد يزعل من كلامي و لكن كل شخص في قرارة نفسه يفكر جذي ابي اكون ((يونيك)) << اقصد نادر و تميز ..

وكل واحد يحب يتميز بشغله خاصه ولكن على قولة الاغلبيه اما بنعمة ربك فحدث << بالاسراف هل هذا هو ما قصده الله تعالى؟؟؟؟ << ترا من صجي اسأل عاد هالسؤال ما اتطنز اتمنى القى الاجابه الشافيه لهالتساؤل جزاكم الله خير :)!!

والله اللي عنده خير ما شاء الله تبارك الرحمن هو حر بماله اللي ما شاء الله في زياده و يقط البيزه وين ما يبي و متى ما يبي لانه مقتدر والله يزيد و يبارك ان شاء الله :)

وخبركم اللي دخلهم محدود ياخذون التقليد اللي اغلب اللي ياخذ الاصلي يقتهر لانه يقول شلون انا اشتري بالشيء الفلاني و هذي عنده نفس الشنطه بنفس الشكل تقريبا 90 او 95 % وفي الاخير تقليد !!!! شي يبط الجبد << وجهة نظر

والله اللي عنده ما عليه من غيره اللي ما عنده و دام انهم يبيعون الاصلي و قادرين يشترون .. و الله غيرهم عنده يدفع حق تقليد و يكشخ بها ^_* يعني مافيها شي والا الرزاق في السما و الحاسد في الارض!!

انا عن نفسي ما افوشر فكرت اشتري شنط اصليه بس استخسرت شاللي يحدني عاد علشان شنطه احذف فيها اغراضي اروح اراوي الناس ان عندي ؟؟ محد له عندي شي و لا انا نشاده افوشر قدام ناس لا يعجبهم العجب و لا الصيام في رجب لان في النهايه اذا ما انتقدوا شنطتي او ساعتي الاصليه بيلقون شي ينتقدونه و احاول جاهده اني ما اخلي شي وارضاء الناس غايه لا تدرك ههههههههههه

عندي يمكن كلام بس مالي بارض اكمل كتابه @_@ << فكه

بس اهم شي الزبده وصلت على ما اعتقد ان الماركه ما تبني الشخصيه و لكن اللي يبي يكون شخصيته على حساب الماركات هو يجبر نفسه و غيره ان الماركات هي كل شي وانها هي اللي ترز البني آدم !!! :)

وتحياتي للجميع

:nice::nice::nice:

[ضوى]

الحمد لله والشكر لله

بس على فكرة شخصية الانسان ترفعه لفوق او تنزله لتحت ، يعني ذوقه رزانته رجاحة عقله تفكيره الهدوء اللي يتمتع فيه ، هذه هي الاشياء اللي تجذب وتلفت النظر ، مو شنطة او ساعة ، يا ليت نعرف نميز نفسنا بشخصياتنا وعقلنا مو بممتلكاتنا الخاصة وهذ الشئ اللي منتشر حولنا ، كل واحد يحاول يغطي عيب فيه بشنطة او ساعة او لبس ، يخفون شئ بشئ حتى الكل ينتبه للشئ اللي ما يسوى ويتجاهلون الشئ اللي يسوى

ليش ما اكون مميزة بحضوري ؟؟ بالكاريزما اللي فيني اقدر اجذب اكبر قدر من الناس

الحمد لله رب العالمين على نعمه التي لاتعد ولا تحصى

[!قطريـة بنت القمـر!]

الحمد لله والشكر لله

بس على فكرة شخصية الانسان ترفعه لفوق او تنزله لتحت ، يعني ذوقه رزانته رجاحة عقله تفكيره الهدوء اللي يتمتع فيه ، هذه هي الاشياء اللي تجذب وتلفت النظر ، مو شنطة او ساعة ، يا ليت نعرف نميز نفسنا بشخصياتنا وعقلنا مو بممتلكاتنا الخاصة وهذ الشئ اللي منتشر حولنا ، كل واحد يحاول يغطي عيب فيه بشنطة او ساعة او لبس ، يخفون شئ بشئ حتى الكل ينتبه للشئ اللي ما يسوى ويتجاهلون الشئ اللي يسوى

ليش ما اكون مميزة بحضوري ؟؟ بالكاريزما اللي فيني اقدر اجذب اكبر قدر من الناس

الحمد لله رب العالمين على نعمه التي لاتعد ولا تحصى


المختصر المفيد بارك الله فيج :nice: .... النقص مشكله :) ....

[بوشهاب]

:telephone::telephone:ههههههههههه ماصدق الشنطه سوت عقده حق ناس ماقول غير الحمدالله والشكر
ترى فيه نااس شايفه خير من صغر مثلي طبعا الحمدالله رب العالمين,,,, ونلبس الماركاات من صغر,,,,, واحنا من يومنا يهاال لبسنا كله من الغالي,,, يعني ياكاتب الموضوع اشهالسؤال البااااايخ(( الشنطه))فيه شنااط مثل ماقالو خواتي ,, من 1000 لين 100,000 اميه وخرده بعد ,,,
انت لازم ماتخاطب كل البناات لازم تخاطب اللي تستعمل التقليد وتقوول لهاا ليش انتي تاخذين تقليد ,,, هل لانج معقده او مجرد مظاهر ؟
لاكن لاتعم موضوعك على البنات كلهم لان في بنات ملابسهم وجواتيهم كلها ماركات حتى المجوهرات مايلبسون اكسيسوريز,,, وبالنسبه حق اللي يقول التقليد مايبين من الاصلي اقوله مايبين حق الناس اللي مثلك مب متعودين على الماركه لاكن التقليد يبين من بعيد فمابالك من قريب,,, وابشركم يابنات اقصد اللي تحب الكشخه مثلي..ترى بربري فيلاجيو فتح جاني تلفون من يو كي ,,,

ههههههههههههههههههههههههههههههههههههههههههه
آخر مره ضحكت جذيه على مسرحية سوق المناخ
ولين الحين انا شاك ان مشاركتج هذي كاتبتها عبط وتبين تنرفزين البعض

الحمدلله اهل قطر في خير ,,, وبعضهم في خير من زمااااان بس مب ذابحتهم الماركات مثل ماهي ذابحتج .... ولا يتكلمون مثلج ,,, واهتمامات الناس تختلف ,,, يعني ممكن تحصلين وحده ماعليها قصور بس قنوعه وتشتري بالمعقول ,,,, والله تراج تكسرين الخاطر اذا تتكلمين بهاي الطريقه في شغلج
تحصلينهم اول ما تطلعين من الباب حشو فيج لين قلتي بس :telephone:

بس في شي انا شبه متأكد منه

انتي اظاهر من اللي تغانو عقب البورصه عشان جذيه صارت عندج ردة فعل عكسيه

هههههههههههههههههههههههههههههههههههههه عيل بربري فتح
باقي تقولين خدامتكم تلبس يونيفورم بربري بعد

خلي عنج البربره بس :tease:

[shagrh]

الحرمه لا بلبسها ولا بشنطتها الحرمه بتصرفاتها ايلى تحط برستييج لنفسها
الشنطه والثياب والساعات اى احد بالدنيا يشتريها بفلوسه وشى معروض للكل لكن عقلها وحكمتها بالدنيا ايلى ماتقدر تشتريهم من اى مكان ولا بفلوس الدنيا
وياما ناس نشوفهم ماركات وحاله لكن لما تتعامل معاهم تنصدم بعاملتهم وتفكيرهم الواحد يكون راقى بتصرفاته قبل لا يكون راقى بلبسه
انا مو ضد الماركات ولبس الماركات لكن ضد ان الانسان يكون سطحى بحياته وتفكيره وتكون الماركات اكبر همه
وهالماركات موجوده من عمر مو توها جديده بس للاسف العرب هبوو فيها من جم سنه
ولو بنتكلم عن لوي فيتون مثلا ولا دولجى ان جبانا لما تتقييم بين باقى الماركات ترى مااااهى وااااااااااااووو

[shagrh]

فرضا جات وحدة حالتها المادية تعبانة وشرت شنطة قيمتها فوق مستواها فالناس بتحسب ان شنطتها تقليدية مع انها ذابحة عمرها وذابحة ريلها عشان يشتري لها الاصلية بعكس بنت معروف ان حالتها المادية زينة او مظهريا مبين عليها بنت نعمة لو البست ساعة او شنطة بو عشر الناس بتحسب قيمته غالية
انتي تعطين القيمة للشي مب شنط وساعات الماركة تعطي لنفسج قيمة


وليش اساسا ارهق زوجى اذا حالته ماتسمح هالزوج المسكين يكرف طول اليوم بالدوام والله لو مره سنعه لو هو بيشترى لها هى ماتخليه

[لله الحمد]

فرضا جات وحدة حالتها المادية تعبانة وشرت شنطة قيمتها فوق مستواها فالناس بتحسب ان شنطتها تقليدية مع انها ذابحة عمرها وذابحة ريلها عشان يشتري لها الاصلية بعكس بنت معروف ان حالتها المادية زينة او مظهريا مبين عليها بنت نعمة لو البست ساعة او شنطة بو عشر الناس بتحسب قيمته غالية
انتي تعطين القيمة للشي مب شنط وساعات الماركة تعطي لنفسج قيمة




اختصرت انشاء كامل يا قهوى الضحى ..

كلام منطقي من قلب

[لله الحمد]

ههههههههههههههههههههههههههههههههههههههههههه
آخر مره ضحكت جذيه على مسرحية سوق المناخ
ولين الحين انا شاك ان مشاركتج هذي كاتبتها عبط وتبين تنرفزين البعض

الحمدلله اهل قطر في خير ,,, وبعضهم في خير من زمااااان بس مب ذابحتهم الماركات مثل ماهي ذابحتج .... ولا يتكلمون مثلج ,,, واهتمامات الناس تختلف ,,, يعني ممكن تحصلين وحده ماعليها قصور بس قنوعه وتشتري بالمعقول ,,,, والله تراج تكسرين الخاطر اذا تتكلمين بهاي الطريقه في شغلج
تحصلينهم اول ما تطلعين من الباب حشو فيج لين قلتي بس :telephone:

بس في شي انا شبه متأكد منه

انتي اظاهر من اللي تغانو عقب البورصه عشان جذيه صارت عندج ردة فعل عكسيه

هههههههههههههههههههههههههههههههههههههه عيل بربري فتح
باقي تقولين خدامتكم تلبس يونيفورم بربري بعد

خلي عنج البربره بس :tease:




ههههههههههههههههههه بالضبط هذي النوعية اللي تسوي مشكلة للموضة

وكله ويه ويه تقليد .. ويراقبون ملابس خلق الله من راسك لييين ريولك

يعني اذا ما لبست راحت عليك واذا لبست راحت عليك بعد .. يستلمون ذوقك

[فلفل حار]

كل واحد يكشخ علي قد جيبه :)

[لاداعي]

الكشخه شي مهم في هالزمن

[!الشايمه!]

كفقير لله
شفت وجربت وعايشت الغنية والفقيره
ولهذا...اقول
الغنيه ترى ولاتتحدث

والفقيره تهرف بمالاتعرف



:) ...كلام جميل....وطيب....من طيب

تحية

[!الشايمه!]

ههههههههههههههههههههههههههههههههههههههههههه
آخر مره ضحكت جذيه على مسرحية سوق المناخ
ولين الحين انا شاك ان مشاركتج هذي كاتبتها عبط وتبين تنرفزين البعض

الحمدلله اهل قطر في خير ,,, وبعضهم في خير من زمااااان بس مب ذابحتهم الماركات مثل ماهي ذابحتج .... ولا يتكلمون مثلج ,,, واهتمامات الناس تختلف ,,, يعني ممكن تحصلين وحده ماعليها قصور بس قنوعه وتشتري بالمعقول ,,,, والله تراج تكسرين الخاطر اذا تتكلمين بهاي الطريقه في شغلج
تحصلينهم اول ما تطلعين من الباب حشو فيج لين قلتي بس :telephone:

بس في شي انا شبه متأكد منه

انتي اظاهر من اللي تغانو عقب البورصه عشان جذيه صارت عندج ردة فعل عكسيه

هههههههههههههههههههههههههههههههههههههه عيل بربري فتح
باقي تقولين خدامتكم تلبس يونيفورم بربري بعد

خلي عنج البربره بس :tease:


:) مادري ليش حسستني انك قطعتها هههههههه
استغفر الله.......ليش الواحد يخلي الناس يهزأونه...
فجأة تذكرت.......هذه المقوله.....

اجسام البغال........واحلام العصافير.....

تحية

[!الشايمه!]

تلخيص...

ناس يرون ان الماركات جزء من حياتنا...ولكن لا للهوس...ونعم للكشخه

ناس يرون انهم مايسووون حفنة تراب.......بدون هذه الماركات...!!

ناس يرونها تبذير ومغالاة.....ومجاوزة للمعقول.....وحرام.
.....

ليش نستغرب هذه الهجمة الماركوية......اذا المجتمع البترولي لم يشتري
الماركات من سيشتريها اذاً ......!؟

نظل نقول......لا للهوس.....ونعم للكشخة :)

احلا كلمة سمعتها......احلا من العقد لباسه...التي تزين الشطنة ولو بلغت قيمتها
طعش وعشرين الف....هنا الثقة الجميلة......وليس النقص البرستيجي...المبربر :)

تحية

[miss-qatr]

تلخيص...

ناس يرون ان الماركات جزء من حياتنا...ولكن لا للهوس...ونعم للكشخه
ناس يرون انهم مايسووون حفنة تراب.......بدون هذه الماركات...!!

ناس يرونها تبذير ومغالاة.....ومجاوزة للمعقول.....وحرام.
.....

ليش نستغرب هذه الهجمة الماركوية......اذا المجتمع البترولي لم يشتري
الماركات من سيشتريها اذاً ......!؟

نظل نقول......لا للهوس.....ونعم للكشخة :)

احلا كلمة سمعتها......احلا من العقد لباسه...التي تزين الشطنة ولو بلغت قيمتها
طعش وعشرين الف....هنا الثقة الجميلة......وليس النقص البرستيجي...المبربر :)

تحية


وارجع اقول

احلا من العقد لبااااسه :)


تلخيص رااائع منك اختي الشايمه كفيتي ووفيتي

[أخت الغالي]

موضوووووعك رائع أخوي

وسبحان الله ناس لاقية تاكل وتصرف فلوسها على اشياء مالها معني مثل الماركات

وناس تدور اللقمة ,,

وانا عن نفسي مستحيل اخذ بالاف عشان هووس الماركات الحمدلله قنوعة

وحتى لوأفكر اخذ شي بمبلغ وقدرة والله اقول فقلبي حرااام اقط هالفلوس حق كمن لبسة والله في ناس

محتاجتها اكثر ..

وكلن عقلة فرأسة ومثل ماقالت أختي {{{ أحلى من العقد لاباسة }}}

[Bu Rashid]

ليش لا... خلهم يتونسووووووون بفلوسهم....
بس كل واحد يمد الحافه قد ريله.....

[الامل القديم]

ليس الجمال بأثواب تزيننا ان الجمال جمال العلم والادب

[شرقاويه]

انا صراحه اغلى شنطه شريتها ب400 ريال ولا افكر باكثر نهائي الحمدلله عندنا خير بس ماله داعي اقلد حضارات ناس ثانين بعدين انا عندي قناعه ان اهم شي الحشوه مو الاكسسواريز الي بتزين انا مجوهرات مااهتم من سعرها لاني راح ازكيها بس اني اشتري شنطه بذيك الحكايه والله حراام وفي ناس مو لاقيه تاكل

[بنت ذياب]

ليش لا... خلهم يتونسووووووون بفلوسهم....
بس كل واحد يمد الحافه قد ريله.....



التصحيح:

يمد ريله على قد الحافه :nice:

[قطريه ماركه]

اللي عنده يشتري واللي ما عندوش ما يلزمووووش ^__^

[shagrh]

ليش لا... خلهم يتونسووووووون بفلوسهم....
بس كل واحد يمد الحافه قد ريله.....


مو المصيبه ان مايمدون ريولهم على قد اللحاااف
الا اللحاف وووووين والرييييل وين
وتلاقى ياما حريم من فوقها الى تحتها ماركات وتعال ادخل بيتها حالته حاله انزين هالفلوس ايلى قاطتها على الشنطه ولا على الساعه بيتج اولى فيه تعدلينه وترتبينه
لالالا البيت ايلى انا اقضى فيه اكثر وقتى مو مهم اهم شى الناس ايلى تشوفنى بره

وبالنهايه على قوله المثل عقلك براسك تعرف خلاصك

[hxamad]

الله يعينا أحنا يالرجاجيل أحنا ألي ماكلينها صح

[Bu Rashid]

التصحيح:

يمد ريله على قد الحافه :nice:



مشكووووووووورة على التصحيح....
بس السؤال العكس صح و غلط...؟؟؟؟

[بنت ذياب]

مشكووووووووورة على التصحيح....
بس السؤال العكس صح و غلط...؟؟؟؟


العفو .. !

كلهم نفس المعنى ..

عنبر اخو بلال


خخخخخخخخخخخ

[بن علان]

خلاص يا بنات من باجر كل وحده فيكم تشيل خيشه احسن وهي نوع من الزهد.....انا اشوف الي الله ماعطها تاخذ شنطه حتي لو سعرها 100 الف عليها باالعافيه.....

"إِنَّ الْمُبَذِّرِينَ كَانُواْ إِخْوَانَ الشَّيَاطِينِ " صدق الله العظيم


مو المصيبه ان مايمدون ريولهم على قد اللحاااف
الا اللحاف وووووين والرييييل وين
وتلاقى ياما حريم من فوقها الى تحتها ماركات وتعال ادخل بيتها حالته حاله انزين هالفلوس ايلى قاطتها على الشنطه ولا على الساعه بيتج اولى فيه تعدلينه وترتبينه
لالالا البيت ايلى انا اقضى فيه اكثر وقتى مو مهم اهم شى الناس ايلى تشوفنى بره

وبالنهايه على قوله المثل عقلك براسك تعرف خلاصك

يعطيج العافيه اختي shagrh .. مشكلتهم في المظاهر الإجتماعيه الكذابه والزبو اللي ما ادري شلون قايل .. دفع مبالغ في الماركات والبيت مهلهل .. الحمدلله والشكر على نعمة العقل