وفووو ياجماعه فرق السعرررر

[umhend]

بصراحه شي غريب انا ابي رد مقنع للي يصير لنا احنا اهل قطر:eek5:

وشمعنا و ليش كل شي في قطر ينباع غالي

حتى في المنتديات ومن (تجار قطر):rolleyes2:

هذي اطقم المكتب انا شاريتها من المنتدى 8 قطع اعتقد ماركه فندي ب 450 ريال:secret:

وفي اماكن ثانيه ارخص

ابي رد مقنع بعيد عن الشحن غالي ومش عارفه ايش ترى بعد هم يشحنون

اتمنى ماكون ظلمت اي احد:shy:

[فويرط]

الله الــمـــسـتــــعــــــــ
ــــــان

[فـــــواز]

الله يعينك ان شاء الله ويعوضك ما راح خير

انا معك بكل كلمه قلتيها بس ما باليد حيله

بعض التجار هنا بالمنتدى فكره بس الربح باالدبل كيف يجيبه او آكثر من الدبل بعد نعم

لكن الي بقوله القناعه كنز لا يفني

ومن طمع طبع

وفيه حديث حذر النبي صلى الله عليه وسلم من الطمع أشد التحذير فقال:

وأهل النار خمسة الضعيف الذي لا زبر له ـ أي لاعقل له يمنعه عن المحرمات والقبائح ـ الذين هم فيكم تبعاً لا يتبعون أهلاً ولا مالاً والخائن الذي لا يخفى له طمع ـ يعني لا يظهر لك غدره ـ وإن دق إلا خانه، ورجل لا يصبح ولا يمسي إلا وهو يخادعك عن أهلك ومالك .صحيح مسلم

وكان صلى الله عليه وسلم يستعيذ بالله "من نفس لا تشبع"

نسأل الله أن يقينا شر الطمع، وأن يرزقنا القناعة

مشكوره اختي

[محمد11]

اختي اول شي انتي لازم تتاكدين من اسعار البضاعه وتسألين في كل مكان قبل لاتشترين صح ولالا

يعني لو انتي الحين في سوق تروحين اكثر من محل ؟؟ صح ولالا ادورين الارخص .. ؟؟؟

حتى لو كان الشي غالي تطلبين ان ينزل من السعر ؟؟

هل انتي سويتي هالشي مع الشخص الي باعج البضاعه ؟؟

والله يهييينج في بضاعتج اختي

[juliet]

سبحاان الله صج فرق !!!!!

شي تعودنا عليه الله يكون بالعووون

[التيما]

عادي هههههههههه

[غناتي1]

الله يعينا 0000 الجشع في كل مكان بتلقينه

اشوا ان عصير ابو نص ما زاد لين الحين

[بنت سعادة السفير]

:omg:

[بنت سعادة السفير]

الله يعينا 0000 الجشع في كل مكان بتلقينه

اشوا ان عصير ابو نص ما زاد لين الحين

خخخخخخخخخخ انا سمعت ان بيزيد والله اعلم

[القيصــر]

الله المستعان ,,,,,,,

[اناقه]

اولا الله ما يرضى بالظلم سواء للتاجر او للزبون

بس عندي سؤال : هل شفتي الطقمين قبل لا تحكمين ؟
يمكن الطقم اللي بـ 170 مب مثل جودة الطقم الاغلى

قبل لا تحكمين لازم تتأكدين قبل من الجودة ولا تنسين ان التاجر يكلف وايد على السلعه ( سعر السلعه + الشحن + تحويل المبلغ + اتصالات + مشاوير او توصيل + عمولة التاجر ) اكيد ان كل هاي يكلف عزيزتي

عزيزتي و بدون زعل هاي غلطتج

لانج لازم تتأكدين من سعر اي شي قبل لا تشترينه

وكلمة حق تقال من حق التاجر يبيع بالسعر اللي يعجبه ولكن بدون استغلال حاجة الناس للسلعه وغير هذا فله الحرية المطلقة في وضع السعر

و في الاخير من حق الزبون الرفض او القبول بالسعر

تقبلي احترامي عزيزتي

[بلاهويـــــة]

أنا شريت من السلام مراضيع ومصاصات ديور بسعر معين شفت وحده تبيعه في المنتدى بسعر دبل

بعض التاجرات فيهم طمع وجشع

[$$كلنا قطر$$]

نصب في نصب
تدرين دشي منتديات سعوديه أو بحرينيه
وجوووووفي الأسعاااااار وجوووفي الفرق
مرات الواحد يقوول قطري ومنا وفينا وناخذ منه حتى لو أغلى شووي بس انه يضرب علينا دبل واذا دبل زين الأ تربل(3) مب حاله

[nor85]

انا كتبت موضوع من قبل على هذه السالفه وانا اقارن البضاعه اللي اهني في منتديات ثانيه القاها خرافيه صراعه ولين كلمتيهم قالوا شحن وهذه السوالف لاتشترين شيء قبل ماتشوفينه في منتديات ثانيه وراح تشوفيين الفرق انا البخور اشتري من اهل الامارات لانه هم اصل البخور والعطور والاشياء الثانيه مثل مقص الفتله شريته عن طريق المنتدى 75 ريال لقيته في البحرين 10 ريال تصوري الفرق المشد الاندونسي ينباع اهني 75 ريال في المنتديات الثانيه وصل 30 ريال

[umhend]

هذا الموضوع كتبته واختفى تسكر ونحذف :secret: وبعد التفاهم:anger1::rolleyes2:وزعل:weeping: رجعوة بس بعد التعديل:eek5:

يعني مامنه فايدة للي ماقروة:omen2::tease:

لكن الف شكر لكل اخواني الي تفضلو وردو و واسوني والله لا يضيق على مخلوق لا في
رزقه ولا في مشترياته ...وبسوي مثل ماقلتو ماباخذ شي الا لين اشوف فرق السعر في
المنتديات الثانيه :nice::nice::nice:

[الدوحه%]

:omen2:حبيبتي ام هند انا معاااج في كل كلمه قلتيهااا ,,,, وصج انا بعد سجلت في المنتدى

ابي اشتري اغراض وطبعا جاتني الاسعار على الخاص ..عاد انا مب مثلج شريت سيده <<<

مسويه ذكيه ,,,,رحت اقارن الاسعار لقيت فرق كبير والحين انا ماخذه فكره صراحه عن

الاسعار في المنتدى انهم يبالغون وايد ,,,,,مع ان المفروض يكون ارخص من السوق ,,,اللي

اتوقعه ,,,,:anger1:

وبعدين وين اللي يقول عصير بونص بنص لين الحين <<<ابشرك صار بريال من فتره:telephone:

[umhend]

بالعكس اختي ماقطت خذيت شي قبل لاسئل وماشتريت الا بعد كم مشاركه

بس هالمرة ماتوقعت شي لان من هالتاجر بالذات ماخذة اشياء حلوة متميزة

وبأسعا معقوله قريبه من اسعار المنتديات الثانيه بس زي مايقلون مش كل مرة تسلم الجرة

اما عصير بونص عدي به مازل بونص متى صار بو ريال :)

تحياتي لج اختي

[MooN FloweR]

كلنا نقول نفس الكلام ,, انا اشوف التجار السعوديين اغلى اسعار من غيرهم

مايدرون ان اهم شي البركه مو الربح الكثير وش فايدة الربح اذا مافيه بركه

موفقين ياااارب

[nor85]

مافي اغلى من الاسعار اهني في المنتدى احنا مشكلتنا التكاسل تعرفون في احد التجار عارض بضاعه اهني بسعر خيالي ماتتصورنه وانا شايفه برع السعر اقل منه في المنتدى بثلاثه اضعاف بس حبيت استفسر واقارن انصدمت صراحه

[برق قطر]

:omen2:حبيبتي ام هند انا معاااج في كل كلمه قلتيهااا ,,,, وصج انا بعد سجلت في المنتدى

ابي اشتري اغراض وطبعا جاتني الاسعار على الخاص ..عاد انا مب مثلج شريت سيده <<<

مسويه ذكيه ,,,,رحت اقارن الاسعار لقيت فرق كبير والحين انا ماخذه فكره صراحه عن

الاسعار في المنتدى انهم يبالغون وايد ,,,,,مع ان المفروض يكون ارخص من السوق ,,,اللي

اتوقعه ,,,,:anger1:

وبعدين وين اللي يقول عصير بونص بنص لين الحين <<<ابشرك صار بريال من فتره:telephone:


لين الحين بنص ولا استوى بريال امس شاريه.....:anger1:

[غاردينيا]

اختي ماقلتي لنا بكم حصلتي الطقم؟؟ عشان نشوف فرق الاسعاار

[..عاشق قطر..]

لحين ماشفتي شي

نطري عقب زياادة الرواتب وبتشوفين الاسعار الي يسرج

ههههـ

والله يعينا جميعا..

[QAT2020]

الله المستعان حتى اهنيه مافيه حماية مستهلك ..ولا خوف من الله

[ABDALAZiZ]

لله كريم ^^

[بوحارب]

لحين ماشفتي شي

نطري عقب زياادة الرواتب وبتشوفين الاسعار الي يسرج

ههههـ

والله يعينا جميعا..

:weeping:

[جنيه ذهب]

نعم انا شريت من عضوه هني بالمنتدى القمر المضيء حق اليهال 250 تفاجات ان عضوه ثانيه تبيعه 170 ليش كل هالطمع اوكي خذي فايدتج بس مو بالطريقه الجشعه هذي

[ودي أكون]

عادي :whistling:

[لوليتا قطر]

نعم انا شريت من عضوه هني بالمنتدى القمر المضيء حق اليهال 250 تفاجات ان عضوه ثانيه تبيعه 170 ليش كل هالطمع اوكي خذي فايدتج بس مو بالطريقه الجشعه هذي

على ما اظن اخووي انك ماخذة من عندي

انززين المنتدى قدامك والسعر على العاام مووجود

ولا تنسى اخوووي ان حنا نشحن عن طرريق اراامكس ونص الكيلووو ب35 ريال

انا ماجبرتك ولاطقيتك على ايدك وقلت لك اخذ منى الاسعاار مووجودة وانت شرريتة برضاااك مو غصب

وعلى العمووم جزااك الله كل خيررر يااولد بلااادي على هالكلاام الطيب

[..عاشق قطر..]

:weeping:

:victory:

[الكلدي]

الله يعينا 0000 الجشع في كل مكان بتلقينه

اشوا ان عصير ابو نص ما زاد لين الحين




اسكت لايسمعونك... كل شي يزيد سعره بنبلعها الا عصير بو نص

وبخصوص النصب في المنتدى انا اشوفه على ودنه بس الجماعه ساكتين وكن عاجبهم الوضع
المفروض يكون في تعاون بين اعضاء المنتدى اذا شفتوا واحد قاعد ينصب على العالم ليش تسكتون ليش ما يكون في تواصل على الخاص وانا اشوف عددهم زاد وصاروا يلعبون على كيفهم لا ذمه ولا ضمير وعلى فكره تراهم جروبات يعني لا تقركم التعليقات واخر حبه واخر حبتين والكميه محدوده وردود الاعضاء ..الشيخ بضاعتك تهوس ..ما قدرت انام من الريحه اشدخل المهم اذاتبون نقعد لهم قعده انا من صوبي اقولكم (قـــــــــــــــــــــدام)