قطري محتاج كلية

[ahmad79]

نداء عاجل جدا لأصحاب القلوب الرحيمة

((إن الله لا يضيع أجر من أحسن عملا))

باختصار شديد ..

في شاب قطري عمره تقريبا 39 سنة محتاج احد يتبرع له بكلية



يرجى نشر الايميل بقدر الإمكان

وللتواصل
يرجى ارسال رسالة خاصة او رسالة عالايميل الايميل ممنوع



قال رسول الله-عليه أفضل الصلاة والسلام-:
((من نفس عن مؤمن كربة من كرب الدنيا نفس الله عنه كربة من كرب يوم القيامة))

الله يشفيه ان شاء الله

[nor85]

الله يشفيه . طيب ليه مايروح تايلند اهناك اكيييييييييد بيحصل لان ناس وايد راحوا وسوى العمليه

[فـــــواز]

جعل ربي يشفيه ان شاء الله

وين اخوانه منه ليه ما يتبروعون له او يودونه برا

لان احسن شي من العايله يتبرع له لانه نفس الدم وغيرها

[kitmat]

الفلبين إخوي وايد سوو العملية هناك بس لازم يصلي إستخارة ويتوكل على الله لا حول ولا قوة إلا بالله
والله زاد عندنا الفشل الكلوي ما دري ليش

[سوق واقف]

الله يشفيه يا رب

[الوجبه]

انا سمعت عن مستثمر سعودي مخصص له مبلغ لهذا الغرض في المملكه

[المخفي]

اعتقد الفلبين وقفوا زرع الكلى

[ريان]

اخوي -فيه ناس حاليا في الصين ومسوين عمليات والحمدلله

امورهم ماشيه .

لو حبيت اعطيك رقم دكتور هناك انا حاضر وهو من اصل يمني على ما عتقد .

[A bin M]

الله يشفيه يا رب

[غناتي1]

الله يشفيه ويعافيه

صحيح ليه ما يتبرعون له اهله واخوانه هذا أنسب شئ

[SomeOne]

جعل ربي يشفيه ان شاء الله

وين اخوانه منه ليه ما يتبروعون له او يودونه برا

لان احسن شي من العايله يتبرع له لانه نفس الدم وغيرها

يعني اقتراح :(

[سر يا قلم]

الله يشفيه يا رب

[Hamad7788]

مشكورين وماقصرتوا

والله يجزيكم كلكم خير وماتشوفون مكروه في انفسكم ولا اهلكم انشالله

بس استفساركم عن اهله لانه اهله تختلف فصائل دمهم عن دمه

وهو فصيلة دمه o+


اخوي ريان ممكن رقم الدكتور الله لايهينك بس عالايميل لانه الخاص مايفتح معاي

((ان الله لا يضيع اجر المحسنين ))

ارجو عدم اهمال الموضوع
او

عالاقل رفعه ليتمكن اكبر عدد من الموجودين بمشاهدته

اتمنى من الادراة تثبيت الموضوع ..

واللي يؤيدني في تثبيت الموضوع يصوت معاي لتثبيته حتى يتم علاج الرجال

فصيلة دمه O+

ومشكورين وجزاكم الله الف خير

صج الدنيا ليلحين فيها ناس طيبين

وكفاية دعائكم

جعله الله في ميزان حسناتكم

[حقيقه]

ياليت نعرف رقم التلفون عشان نتواصل معاه ونوزع الرقم على الجميع لانه فيه ناس وايد صعب انه يتواصلون بالايميل

وياليت بسرعه اذا فيه رقم

[الزعفراني82]

شنو فصيله دمه اخوي العزيز ؟

[القناعة كنز]

اختي اللي اعرفه ان مريض الفشل الكلوي القطري يسافر برع اذا يبي يزرع وعلى حساب الدولة
مادري ليش انتي تدورين متبرع والدولة بتسفر المريض على حسابها يزرع
الحين يودونهم الصين يزرعون وتكون الكليه متوفره هناك
بس تفاهمي مع الدكاترة اللي يتابعونه هني وهم بيجهزونه للزراعه

[!قطريـة بنت القمـر!]

الله يشفيه اللهم امين ....

[(الفيصل)]

بيع الأعضاء لا يجوز:
ونحب أن ننبه هنا على أن القول بجواز التبرع بالأعضاء لا يقتضي القول بجواز بيعها، لأن البيع كما عرفه الفقهاء مبادلة مال بمال بالتراضي، وبدن الإنسان ليس بمال، حتى يدخل دائرة المعاوضة والمساومة، وتصبح أعضاء الجسد الإنساني محلاً للتجارة والبيع والشراء، وهو ما حدث للأسف في بعض الأقطار الفقيرة، حيث قامت سوق أشبه بسوق النخاسين، لشراء أعضاء الفقراء والمستضعفين من الناس، لحساب الأغنياء، ونفقت هذه التجارة الخسيسة التي دخلتها "مافيا" جديدة تنافس "مافيا" المخدرات.
ولكن لو بذل المنتفع بالتبرع للشخص المتبرع مبلغًا من المال غير مشروط ولا مسمى من قبل، على سبيل الهبة والهدية والمساعدة، فهو جائز، بل هو محمود ومن مكارم الأخلاق.
وهذا نظير إعطاء المقرض عند رد القرض أزيد من قرضه دون اشتراط سابق، فهو مشروع ومحمود، وقد فعله النبي -صلى الله عليه وسلم-، حيث رد أفضل مما أخذ، وقال:
"إن خياركم أحسنكم قضاء".

[الجهه مجهولة]

جعلة مايشوف شر

والله يسهل ولا يعسر

[انتظار مصير]

سعودي دفع تكاليف 60 عملية زرع كلية في مستشفى سعودي وحتى الآن لم يستلم المستشفى إلا 4 حالات فإن كنت تعرف أي مصاب بالفشل الكلوي غير قادر على تكاليف العملية فدعه يتصل على الرقم التالي : مستشفى سعد التخصــصي- الدمام هاتف:0096638826666 تحويلة: 4143 أو 4444 من فضلك انشر الرسالة فقد تنقذ حياة مريض. , وتذكر دائما ان الدال على الخير كفاعله



هذا الكلام أخي الكريم منقوول من أحدى المنتديااات وان شااء الله تستفيد منه ...

[سهم مضطرب]

الله يشفيه انشالله

[milan]

الله يشفيه ان شاءالله

بخصوص التبرع هناك شروط معينه للمتبرع منها توافق الانسجه وتطابق الفحوصات للمتبرع وان شاءالله تلقى المتبرع المطابق للمواصفات

وماتشوفون شر

[Hamad7788]

جزاكم الله خير

بس المشكله ان ايميلي انحذه وانا مشاركاتي ماتعدت الخمسين ومب قادرة اتواصل مع الاعضاء عالخاص

واتمنى الادارة تعطيني حل عشان اقدر اتواصل


وجزاكم الله خير

اخواني وخواتي


انا الحين بطلع من الدوام

وللأسف ماعندي فالبيت نت
واللي عنده اي استفسار ويريد طريقة التواصل مع الشخص

يحط استفساره وانا انشالله بكره من الساعه سبع الصبح راح ارد عليكم

بس لاتنسون الموضوع

واتمنى انكم تعيرونه اهتمام وتسألون ربعكم واهلكم

يمكن شفاء الرجال يكون عن طريقكم

ولا ننسى قول الله ((ان الله لايضيع اجر المحسنين))

تقبلوا تحياتي

[سهم مضطرب]

وحبيت اوضح نقطه للاعضاء

ان الرجال مب طال تبرع مادي

بالعكس هو مقتدر ماديا

هو طالب احد يتبرع له بكلية


وجزاكم الله خير

[القناعة كنز]

جزاكم الله خير

بس المشكله ان ايميلي انحذه وانا مشاركاتي ماتعدت الخمسين ومب قادرة اتواصل مع الاعضاء عالخاص

واتمنى الادارة تعطيني حل عشان اقدر اتواصل


وجزاكم الله خير

:)
اختي انا كتبت لج قبل الحل
ماله داعي تتواصلين مع الاعضاء تدورين حل
اذا المريض قطري وظروفه الصحيه تسمح له بالزراعة يعني ماعنده مشاكل بالقلب يقدر يسافر على حساب الدولة بس قولي حق طبيب الكلى اللي يتابعه نبي زراعه وهو بيجهزه بالفحوصات والتقارير واول مايلقون له كليه جاهزة بيسفرونه طبعا على حساب الدولة

ماقلتي لنا راي الاطبا هني

[Hamad7788]

اختي او اخوي

القناعة

هو ما يبي يطلع برع

يبي يسوي العملية فالدوحه

وماديا مثل ماوضحت لكم هو مرتاح جدا

بس يبي حد يتبرع له بكلية

ومشكورة عالرد

جعله الله في ميزان حسناتكم

[القناعة كنز]

اختي او اخوي

القناعة

هو ما يبي يطلع برع

يبي يسوي العملية فالدوحه

وماديا مثل ماوضحت لكم هو مرتاح جدا

بس يبي حد يتبرع له بكلية

ومشكورة عالرد

جعله الله في ميزان حسناتكم

خله يستخير
ويسويها برع احسن لان هم خبرتهم اكثر في عمليات الزراعه
مايشوف شر ان شاء الله

[كاتم الاسرار]

:)
اختي انا كتبت لج قبل الحل
ماله داعي تتواصلين مع الاعضاء تدورين حل
اذا المريض قطري وظروفه الصحيه تسمح له بالزراعة يعني ماعنده مشاكل بالقلب يقدر يسافر على حساب الدولة بس قولي حق طبيب الكلى اللي يتابعه نبي زراعه وهو بيجهزه بالفحوصات والتقارير واول مايلقون له كليه جاهزة بيسفرونه طبعا على حساب الدولة

ماقلتي لنا راي الاطبا هني

مرحباا

مايشوف شر ان شاءالله والله يشفيه انا مع القناعه كنز يتفاهم مع الدكتور ويرفع الفحوصات كلها للخارج اذا اقطري وغير اقطري بعد الدوله مش مقصره في العلاج

انا اعرف كم واحد من الربع والحمدالله كلهم بخير بعد العمليه اثنين في فلبين وواحد في الصين وباقي واحد في الدوحه الله يشفيه ادعو له ان شاءالله ينتظر دوره من كم سنه وهو للحين يغسل الله يحفظنا من كل شر الجميع والصحه غاليه

[Hamad7788]

كاتم الاسرار


جزاك الله خير

القناعة كنز



جزاك الله خير

[امـ حمد]

الله يشفيه ويعافيه


يمكن فصيله دمه تختلف عن فصيله دم اهله


والله انا لو عندي كليتين جان تبرعت له بكليه لكن الحمد لله على كل حال عندي كليه واحده


لان الانسان يعيش بكليه واحده مدى الحياه



الله ييسر له اموره ويفرج همه ويشفيه

[ســـهم]

الله يشفيه يارب

اعتقد ان الدوله منعت زرع الكلى في دولتين منها الفلبين وباكستان وذلك لردائة مستشفياتها

[ورقــة أمــل]

الله يشفيه يارررب

[نبـــــراس]

الله يشفيه يا رب .

[فـــــواز]

اتمنى من الاداره تساعد الاخت شوي ولا واجد على القليل تثبت الموضوع


واجب العزاء يحطله موضوع كامل ويثبت

وهذا مريض اخوانا حي يرزق وقطري

ياليت يتثبت الموضوع للاهميه

مشكورين

[لاداعي]

الله يشفيه ويقومه بالسلامه

[فلفل حار]

جعل ربي يشفيه ان شاء الله

[الجهه مجهولة]

الله يشفية

للرفع

[وحيد-الشوق]

الله يشفيه ويعافيه يارب

اللهم اشفي مرضانا ومرضى المسلمين

اللهم آمين ..

[M.K]

الله يشفيه يارب...

[stocker]

السلام عليكم ورحمة الله وبركاته

الله يشفيه ويشفي جميع مرضى المسلمين


مثل ماقالت اختي القناعه خل يكتب له الدكتور المتابع لحالته تقرير ويمر على المكتب الطبي وان شاء الله بجدون له في اسرع وقت كليه مناسبه وفقا للتقرير ..

[جوال 11]

الله يشفيه ويفرج همه

[علي عطا]

الله يشفيه ان شاء الله

[miss-qatr]

الله يشفيه ياخوي

وانا رايي من راي اخواني يا حد من هله يتبرع له او يسافر برا



لان الواحد ممكن يتبرع بكليته حتى بدون مقابل لو كان شخص من هله ومحتاجله

[لولوتي]

مشكورين وماقصرتوا

والله يجزيكم كلكم خير وماتشوفون مكروه في انفسكم ولا اهلكم انشالله

بس استفساركم عن اهله لانه اهله تختلف فصائل دمهم عن دمه

وهو فصيلة دمه o+


اخوي ريان ممكن رقم الدكتور الله لايهينك بس عالايميل لانه الخاص مايفتح معاي

((ان الله لا يضيع اجر المحسنين ))

ارجو عدم اهمال الموضوع
او

عالاقل رفعه ليتمكن اكبر عدد من الموجودين بمشاهدته

اتمنى من الادراة تثبيت الموضوع ..

واللي يؤيدني في تثبيت الموضوع يصوت معاي لتثبيته حتى يتم علاج الرجال

فصيلة دمه O+

ومشكورين وجزاكم الله الف خير

صج الدنيا ليلحين فيها ناس طيبين

وكفاية دعائكم

جعله الله في ميزان حسناتكم



اولا اتمنى من ادارتنا الطيبه انها تثبت الموضوع لحين تتيسر الامور باذن الله :)

وثانيا اسأل الله العلي القدير ان يمن على هذا المريض بالشفاء العاجل
اللهم امين

وبالنسبه لموقف المريض من السفر فهو موقف سلبي وخطر على نفسه لأنه يأخر على نفسه فرص العلاج...ولابد من اقناعه بضرورة السفر...

واتسائل بالنسبة لفصيلة دمه ممكن لأي شخص فصيلة دمه مختلفه انه يكون مناسب او لازم نفس فصيلة دمه؟؟؟

[سهم مضطرب]

اعتقد لازم نفس فصيلة الدم


ممكن حد يفيدنا ؟؟

[Hamad7788]

جزاكم الله خير

فواز +لولوتي

مشكورين وماقصرتوا في ضم صوتكم لطلب تثبيت الموضوع

[سداوي&مدريدي]

الله يشفيه ان شاء الله

[ريان]

هلا اخوي دزيت لك رقم الكتور على الخاص

وبالتوفيق ان شاء الله .
ــــــــــــــــــــــــــــــــــــــــــــــــــ ـــــــــــــ

وانا العام كنت مع الوالد في الفلبين وسوينا العمليه والحمدلله الوالد بخير .

لكن حسب علمي انهم موقفين الحين .لكن خله يكون مع اللجنه الطبيه ودكاتره الكلى

وان شاء الله يفتحون لانهم .كل فتره يسكرون ويفتحون للتبرع .

[ريان]

اعتقد لازم نفس فصيلة الدم


ممكن حد يفيدنا ؟؟

لازم تطابق الانسجه بنسبه لاتقل عن 80 %

وامور كثيره ومعقده .

الله يشافي كل مريض

[Hamad7788]

مشكور اخوي ريان وماقصرت

وهو اصلا اللجنة متابعة حالته

بس مثل ماوضحت فالبداية هو ما يبي يسويها برع

لانه سمع انهم مايمدحون مستشفى الفلبين والصين

وحاب انه يسوي العملية في قطر او فالخليج


وجزاكم الله خير انشالله

[الدوحه%]

الله يشفيه ان شالله

[Hamad7788]

جزاك الله خير اخوي

[hamoor4ever]

الله يشفيه ، بس اخوي انا عندي تعقيب بسيط ، يعني انت الحين حاط اعلان تبي شخص يضحي ويعطيك كليه من عنده ، في هالمنتدى يعني قول لي بصراحه انت متوقع انت تلاقي مثلا ؟ انا ماقول الناس ماتبي تسوي خير لا الحمدلله هل قطر خيرهم سابق بس اخوي ترى صعبه يجي لك واحد يتبرع بكليه لوجه الله او مثلا يبيعك اياها لان ترى مب شي بسيط الكليه والعمليه اذا اهله ماتبرعو له ، يعني معقول ماعنده عمام واخوان او اعيال واحد منهم تنطبق الشروط ، اعتقد في الحالات هاذي كل واحد يقول يالله نفسي صح ولا لا
ولا انت تقصد انك تشتري كليه من شخص ، في قطر ؟ ياليت اتكون واضح علشان نشوف لك اذا فيه امكانيه حد يبيع لك كليته

بس فيه طريقه ثانيه بدل المنتدى تقدر تكلم المستشفى واعتقد كل شي عليهم والعلاج في الفلبين اذا مااوقفوا التبرع ، وصدقني اهناك احسن لك لان عندهم خبره والعمليه تراها مهب بسيطه علشان يسويها بقطر هاذي انا اعتبره انتحار صراحه

اقنع الشخص انه يشوف له العلاج في دول شرق اسيا ومافيها شي ياما ناس سوو ، اما اني احط اعلان في المنتدى مطلوب كليه ، خبرنا تبرع بالدم انقول ميخالف . اما مطلوب كليه في منتدى صراحه اسمح لي ماله داعي هالمشوار الا اذا قصدك تشتري حط لنا سعرك خل ندور لك احد يمكن يرضه من الجنسيات الاجنبيه والاسيويه

تقبل تحياتي والله يشفيه يارب ويشفي جميع المسلمين ولا يراوي حد مكروه

وشكرا

[حكيمى]

الله يشفيه
اللهم يشفى مرضانا

[barod]

الله يشفيه ، بس اخوي انا عندي تعقيب بسيط ، يعني انت الحين حاط اعلان تبي شخص يضحي ويعطيك كليه من عنده ، في هالمنتدى يعني قول لي بصراحه انت متوقع انت تلاقي مثلا ؟ انا ماقول الناس ماتبي تسوي خير لا الحمدلله هل قطر خيرهم سابق بس اخوي ترى صعبه يجي لك واحد يتبرع بكليه لوجه الله او مثلا يبيعك اياها لان ترى مب شي بسيط الكليه والعمليه اذا اهله ماتبرعو له ، يعني معقول ماعنده عمام واخوان او اعيال واحد منهم تنطبق الشروط ، اعتقد في الحالات هاذي كل واحد يقول يالله نفسي صح ولا لا
ولا انت تقصد انك تشتري كليه من شخص ، في قطر ؟ ياليت اتكون واضح علشان نشوف لك اذا فيه امكانيه حد يبيع لك كليته

بس فيه طريقه ثانيه بدل المنتدى تقدر تكلم المستشفى واعتقد كل شي عليهم والعلاج في الفلبين اذا مااوقفوا التبرع ، وصدقني اهناك احسن لك لان عندهم خبره والعمليه تراها مهب بسيطه علشان يسويها بقطر هاذي انا اعتبره انتحار صراحه

اقنع الشخص انه يشوف له العلاج في دول شرق اسيا ومافيها شي ياما ناس سوو ، اما اني احط اعلان في المنتدى مطلوب كليه ، خبرنا تبرع بالدم انقول ميخالف . اما مطلوب كليه في منتدى صراحه اسمح لي ماله داعي هالمشوار الا اذا قصدك تشتري حط لنا سعرك خل ندور لك احد يمكن يرضه من الجنسيات الاجنبيه والاسيويه

تقبل تحياتي والله يشفيه يارب ويشفي جميع المسلمين ولا يراوي حد مكروه

وشكرا


قلت الكلام الي كان يدور في بالي واحسن حل له انه يسافر برا ويسوي العمليه والله يشفيه يارب والله ييسر له كليه باسرع وقت

[naklan]

ممكن يحصل هنا في الدوحه تبرع من شخص متوفي واهله موافقين على التبرع بالاعضاء والله يشفيه ويشفي جميع مرضى المسلمين

[سهم مضطرب]

الاخ حمور فور ايفر

اخونا لا حط الاعلان كان امله في الله كبير وترى الدنيا ليلحين فيها ناس يدورون الاجر

يعني هو ماغلط لما حط الاعلان

وهو ترى وضح انه راح يدفع مبلغ حق اللي يبي يتبرع بمبلغ ومحتاج

مب مشكله

وعلى كلامه انه مقتدر ماديا يعني اذا تعرف حد يبي يبيع ممكن انك ادليه عليه وتكسب انت الاجر

والخير والبركه في اعضاء المنتدى

يمكن شفاء الرجال يكون عن طريق واحد منهم حتى لو كان بدعاء يشفيه

والله يشفي جميع مرضى المسلمين

[Hamad7788]

مشكورين وجزاكم الله خير عالرد

مشكور اخوي سهم انك وضحت بعض الامور حق حمور
حمور فور ايفر .. اهل المريض مستعدين يدفعون اي مبلغ حق اللي راح يتبرع لهم بكليه

وفي ناس محتاجين هالمبلغ

واذا انك اتعرف احد منهم دلنا عليه جزاك الله خير


وبخصوص اني حاط الاعلان في المنتدى

ترى الدنيا ليلحين بخير

واذا ماستفدت منهم .. ماراح اخسر شي


وفي ادارة في المنتدى عارفه شغلها عدل

ولو الموضوع كان غلط انه ينحط جان ماشفت التفاعل بهالشكل الكبير من الاعضاء


وكفاية دعائهم له بالشفاء...

وجزاكم الله خير

[سلفي]

كان لي والحمد لله شرف التبرع بالكلية في سنة

1998 شهر يناير / 7

والله ثم والله ثم والله اول يوم أخرج فية من المستشفى

ونمت في البيت شفت في المنام أني في قصر من قصور الجنة

والقصر عبارة عن لؤلؤة كبيرة في حياتي ما شفت مثله

والله العظيم لو أستطيع التبرع مرة ثانية وثالثة ما ترددت

أخواني تراها فرصة كبيرة ولا تفوتونها

[Hamad7788]

اخوي سلفي

مشكور وماقصرت

وجزاك الله خير ,,

واتمنى ان هالشي يكون دافع حق الاشخاص اللي حابين يتبرعون


وان الدنيا ليلحين بخير

الله يسعدك ويرزقك قصر من قصور الجنة انشالله

[لولوتي]

كان لي والحمد لله شرف التبرع بالكلية في سنة

1998 شهر يناير / 7

والله ثم والله ثم والله اول يوم أخرج فية من المستشفى

ونمت في البيت شفت في المنام أني في قصر من قصور الجنة

والقصر عبارة عن لؤلؤة كبيرة في حياتي ما شفت مثله

والله العظيم لو أستطيع التبرع مرة ثانية وثالثة ما ترددت

أخواني تراها فرصة كبيرة ولا تفوتونها


كثر الله من امثالك

والله يبارك فيك ويرزقك جنات النعيم

[Hamad7788]

جزاكم الله خير اخواني وخواتي وماقصرتوا ..