لا تؤجل عمل اليوم الى الغد - 100%

[Pencil]

سلامي لكل اهل المنتدى المتميز :victory:


قلت اشارككم في في موضوعي عشان اخفف على نفسي شوي .. وفي نفس الوقت انفع غيري عشان مايطيحون في نفس المشكله.
بصراحه مقولة ( لاتؤجل عمل اليوم الى الغد ) كلام صحيح والحين صدقته من قلب, ثلاث اشياء صارت معي خلتني افكر صح ( بس عقب شنو !!!!):anger1:

1- قبل العيد انتهى تأمين سيارتي .. قلت خلها كم يوم وباجدد تأمين شامل بعد العيد ... مر العيد ويوم ويومين وكل يوم بكره .... لين الخميس اللي فات !! السايق دعم في السياره وكسرها بدون تأمين .:anger1:

2-الاسبوع اللي فات ومع الأزمه الأقتصاديه وهبوط الأسهم قلت نستثمر لنا كم ريال في الاسهم وقلبي حاس ان الأسهم ماراح تظل على هالهبوط... ونفس الشي كل يوم بكره وبكره ... لين اليوم ... دخلت فلوس في المجموعه بدون فايده كل شي ارتفع ( لمت - اب ) ومافي اسهم معروضه.:weeping:

3-عندي خيمة على الشارع ( داخل حوش المجلسوالمكان مسور وابواب ,,, ) ... وشريت كاميرات عشلن اشوف الخيمه واعرف اللي يدش ويطلع . وكل يوم بكره وبكره ولين الحين ماركبتهم. ومثل ماتتوقعون الخيمه انسرقت اليوم ... ( الظاهر انه حرامي صغير لأنه سرق السوني PS3 وجهازين) .. :discuss:


الحمدلله على كل حال ... وقل لن يصيبنا الا ماكتب الله لنا...
بس كان درس تعلمته وارجو منكم تستفيدون منه.
وسلامتكم

[الجهه مجهولة]

بالنسبة للحادث الحمدلله عالسلامة

وفي الحديد ولا في العبيد

وبالنسبة للسوق هذا رزق والله ما اكتبة لك:weeping:

وبالنسبة للخيمة المال السايب بيعلم السرقة :ok:

اظحك معاك ,, وابشر بالعوض ,, بس ركب :eek5:

ومثل ماقلت اخوي لاتأجل عمل اليوم الى الغد

لكن انا مثلك شي بيفيدني وبينفعني اقعد اتسحب له تسحب ويمكن ما اروح

واذا حق غيري على قدم وساق

دمت بود والله يبعد الشر عنا وعنك

[بوشهاب]

يعطيك العافيه اخوي ... والله يعينك صراحه

وفي نفس الوقت الله يسامحك لانك ذكرتني في نفسي :anger1:

قبل حياتي كلها كانت تأجيلات ,,, وكله بكره واللي بعده لين ما انلدغت مثلك من كذا موقف ,,, لكن الحين احاول قد ماقدر اريح ضميري واخلص اموري اول بأول

لكن الزحمه هالايام تخليك غصب تأجل اشغالك :weeping:
تطلع تبي تمر على 4 اماكن وتخلص وياهم ,,, في الاخير تصفى على مكان واحد
لا وما يخلصونك بعد

[ضوى]

الوقت كالسيف ان لم تقطعه قطعك

هالمثل ماجا من فراغ ابدا

[WIFE]

أهلين
الله يعوض عليك في كل المسروقات سواء الخيمة أو الاسهم....ترى كل من خسر حاس نفسه كأنه مسروق:weeping:
و تحياتي