((يوميات طالب مفصول ....باللهجة البحرانية ... لاتفوتكم...تضحك.. وتجنن)) [الأرشيف]

مشاهدة النسخة كاملة : ((يوميات طالب مفصول ....باللهجة البحرانية ... لاتفوتكم...تضحك.. وتجنن))

A bin M

14-10-2008, 01:33 PM

السلام عليكم والرحمه

بينما كنت على صفحات الانترنت

اعجبتني قصه من تاليف بحريني في احد المنتديات وحبيت ان انقلها لكم

تعريف بأبطال القصه:

( ابوحمود ) : رجل كبير عمره تجاوز 80 حالته المادية ضعيفه جدا يعمل في احد المزارع كفلاح يحصد الارض .

( ام حمود ) : امرأة كبيرة ولكن صحتها قويه عمرها 65 عام اميه لا تعرف الكتابه ولا القراءة .

( جلول " جليله" اخت حمود ) : طالبه في المرحله الثانويه وهي طالبه متفوقه تدرس باجتهاد لكي تتخرج ويكون لها مستقبل ترضى فيه وتساعد به اسرتها الفقيرة .

( حمود ) : بطل القصة شاب مراهق فصل من المدرسه وهو لم يكمل الصف الثالث متوسط لتعديه على احدى المدرسين بالمدرسه وضربه ويلقب بــ " جماع القواطي " .

( سلوم ) : صديق حمود وايضا من عائله فقيرة ولكن يملك افكار شيطانيه ويعفس بلد بها ويلقب بــــ " بقعه الزيت " .

انتظروووني بالجزء الاول

الزعفراني82

14-10-2008, 01:37 PM

مافي شي يسمونه لهجه بحرانيه اخوي بو عوف للتصحيح

!قطريـة بنت القمـر!

14-10-2008, 01:38 PM

بالانتظار بشوق :nice: ....

A bin M

14-10-2008, 01:45 PM

مافي شي يسمونه لهجه بحرانيه اخوي بو عوف للتصحيح

اللي كاتب القصه هو كاتب باللهجه البحرانية ؟!!!!

انتظر الجزء الاول

وشوف اللهجه اخوي

A bin M

14-10-2008, 01:46 PM

بالانتظار بشوق :nice: ....

شكرأً لمرورج وردج

وانتظرو الجزء الاول

الزعفراني82

14-10-2008, 01:55 PM

اللي كاتب القصه هو كاتب باللهجه البحرانية ؟!!!!

انتظر الجزء الاول

وشوف اللهجه اخوي

علا راحتك اخوي

بس اقول لك مافي لهجه بحرانيه في لهجه بحرينيه اخوي الكريم

A bin M

14-10-2008, 02:05 PM

علا راحتك اخوي

بس اقول لك مافي لهجه بحرانيه في لهجه بحرينيه اخوي الكريم

بس هاي اللي كاتبه صاحب القصه ونقلته لكم :)

بوحارب

14-10-2008, 02:06 PM

مافي شي يسمونه لهجه بحرانيه اخوي بو عوف للتصحيح

عاد انت وقع له شوي :(

هتـان قطر

14-10-2008, 02:21 PM

يالله..منتظرين الجزء الاول..:)

shagrh

14-10-2008, 03:59 PM

انا بحرينيه واقوول ان فى لهجه بحرانيه
والمقصود بالبحارنه اهما البحرينين الشيعه

عاشق N

14-10-2008, 04:03 PM

خخخخخخخخخخخخخخخخخخخخخ

جاار الانتظار

بوحمد1

14-10-2008, 04:05 PM

ننتظر . . . . . . . . . . . . . . . . . . . . . . . . . . . . . . . . . . . . . . . . :playball:

فـــــواز

14-10-2008, 04:21 PM

شكل القصه عجيبه كبدايه

في الانتظار جزاك الله خير

عالم الخليج

14-10-2008, 04:30 PM

:telephone::secret::secret::secret::secret::secret ::con2::con2::con2::con2::con2::con2:

صار كل شىء مثل الاعلام

فهذا فاصل اعلانى

وفى انتضار المسلسل اقصد القصه

A bin M

14-10-2008, 11:56 PM

مشكورين على المرور

دقايق مع الجزء الاول ^_^

A bin M

14-10-2008, 11:57 PM

الجزء الاول

وقف عند باب البيت وهو يحمل ورقه الفصل النهائي من المدرسه ويقول في نفسه : الحين يا ويلي ادا دخلت البيت وحصلت امي قاعدة ..... ما بتلجيني من الهدرة وما بتخلي دعوة الا بتنزلها وبتدعليها عليي ..... ادري ابها انا ..... وبعد جاي من المدرسه من وقت .... اكيد بتشك في السالفه .... ما اليي الا اجدب عليها جدبه وهي جدي جدي ما تعرف تقرا ولا بتدري هادي ورقه ايشو الا في ايدي .

دخل وفي نيته يلعب لعبه على امه .... تفكه من اسالتها الي ما تخلص وهدرتها . فتح الباب وصكاه بالعدال وقام يمشي على اطراف اصابع رجوله علشان .... ما يطلع صوت يخلي امه تشك وتدري ان في احد في البيت ....... وفجأة !

( ام حمود ) : حمــــــــــــــود ؟؟؟؟؟؟؟؟؟!!!!!!! ويش تسوي يالادمر هني ؟؟؟؟ ما تقول اليي لويش ما رحت المدرسه ؟ تعال هني خلني اراويك شغل ربي تعال يا طايح النصبه والدات .

( حمود ) : هـــــــا ..... لا اماه ... بس احنا اليوم استادنا غايب وقالوا الينا المدرسه روحوا بيوتكم استريحوا ما في دروس اليوم .... الظاهر اماه ان الاستاد مريض عدل ...... رايحه عليه ..... متهاوش ويه مرته وفلتت عليه نعال زنوبه على عيونه وبطتها ..... مسكين ما يقدر يجي المدرسه ... واحنا عطونا ورقه كاتبين فيها ان عندنا اجازة لمدة شهر .... حتى اطلعي هكوا الورقه عندي تبين تشوفينها ؟

( ام حمود ) : تتبهلل عليي يا اللي ما تستحي على وجهك ... من وين اليي اعرف اقرا اني ؟؟؟؟ لكن جيب الورقه بطلعها بشوف ويش سالفتهم هالمدرسه ..... ما اصدق يعطونكم اجازة شهر .

( حمود ) : هاش جودي اقري عدل ... اجازة شهر مو تنبهيني باجر للمدرسه هداني قلت ليش .

( ام حمود ) : اي صدق اكو مكتوب ان الاستاد على عمري مفلوع بالنعال هههههههه استحوا يقولون متهاوش ويه مرته ...... اي فضيحه يقولون متهاوش خلوه مريض بس .

( حمود ) : اماه ..... الورقه مقلوبه جيفه قريتينها ههههههههههههه ....... وفاني شي انا ما اجدب عليش قلت ليش عندنا اجزة خلاص المفروض تصدقيني .

( ام حمود ) : انزين .... انزين .... لا تسوي اليي الحين سوالف وتسبل ...... اني بطلع بيت ام حسوون .... وادا ادن برجع البيت زين ؟

( حمود ) : اوه من متى تقولين اليي وين انتين رايحه .... المهم .... اماه انا بروح انام بس لين رجعتين لا تقولين لاحد مفل ابويي يعني ... ان المدرسه عاطينا اجازة بعدين الوزارة تدري ويحبسون مديرنا .... مو زين يعني نقطع برزق الرجال اماه .

( ام حمود ) : لا لا فيها سجن ... مسجين المدير خوش رجال عاطنجم اجازة ومريحجم .... ما بقول لاحد خلاص .

دخل حمود حجرته وهو متشقق ... قدر يجدب على امه وفلت من الهدرة اليوم والزنه على راسه .... بس الله يعينه لو درت عن سالفه الفصل . توه منبطح على المرقد جان يسمع صوت تفلع حجارة على الدريشه ... " ههههههههه هاده اكيد سلوم بقعه الزيت جاي اليي .... قايل اليه الف مرة لا يفلع حجارة على الدريشه .... بيكسرها اليي وابويي بدفعني ثمنها من خرجيتي ..... لا بارك الله فيه " .

نزل تحت البيت وفتح الباب ....... لقى سلوم واقف كشته رايحه عليها .... شكله قاعد من النوم ..... ههههههه قطع هالشكل نعال حمامات وقميص زراراته نصها مو في محلها والصروال قاحص لفوق جوزة الرجول .

( حمود ) : هههههههههههههه هلا هلا هلا والله ببقعه الزيت .... ها ويش مجيبنك هني ؟؟؟ مو انته اليوم مريض ولا جيت المدرسه لاه ؟؟؟

( سلوم ) : لا اي مريض ... انا اليوم سويت سوايا ... رحت المدرسه وانخشيت تحت سيارات الاساتده .... وفششت التواير واحد واحد ....... طلعت حرتي مالت امس .... عجل من يدخل استاد قال اليي قوم اوقف ورى يالغشاش .... كاني الوحيد الا يبرشم في الامتحانات ..... ما صارت هادي ..... قلت انتقم منهم وبشوفون ازيد بعد .

( حمود ) : هاااااااااااااااا ...... الحين عرفت منهو الا فشش التواير وقلب علينا المدرسه اليوم .... طلعت انته بقعه الزيت !!! اه منك عليك افكار ....... بس تدري ان عاقبوا صبيان المدرسه نصهم ... وانا منهم .... وقالوا الي ما يعترف من الي فشش التواير بنخلي الشرطه تجي وتجين وياها جلاب اطلع المجرم ..... بس ما في احد اعترف .... والمدرسه قالبه عفسه فوق تحت .

( سلوم ) : هههههههههاااااااااااي ..... حريمهم يعرفوني لو يصيدوني ..... بس قول زين ان عملتي نجحت وجابت نتيجه .... خلهم يستاهلون ....... الا تعال جماع القواطي .... صدق الا سمعته من امك الحين ؟

( حمود ) : ويش سمعت بعد ؟؟؟

( سلوم ) : وانا طايف على بيت ام حسون .... سمعت صوت امك يلعلع ...... تقول ان المدرسه عاطينا اجازة شهر لان استادنا مريض .

( حمود ) : طالع هادي الا بتفضحنا بعد ...... لا مو صدق .... اليوم تهاوشت ويه استاد ابو خنفر...... وضربته وبطيت عيونه .... قاموا فصلوني ..... ويوم رجعت البيت قلت لامي ان ورقه الفصل هادي اجازة شهر ..... لان استادنا مريض والمدرسه اليوم رجعونا من وقت و ما في دروس .

( سلوم ) : ههههههههه خطير انت ما اقدر عليك .... والحين ادا درى ابوك ويش بتسوي ؟

( حمود ) : لا تخاف ما بيدري .... من بقول اليه يعني ... الا اذا امي فتحت بوزها وهاده انا مهددنها .... ما تعرف تسكت دقيقه .... وادا درى نحصل الينا جم خبصه واسبوع على المرقد في البيت ...... وبعدين نقوم ما فينا شي كانا العافيه .... سهله يعني لا تحاتي

ان شاء الله تعجبكم القصه

بانتظار الردود ...

shagrh

15-10-2008, 09:52 AM

حلاته تكونون سامعين اللهجه البحرانيه وانتو تقروون

بوخالد2

15-10-2008, 10:15 AM

حلاته تكونون سامعين اللهجه البحرانيه وانتو تقروون

اى والله صدقتي

ولا ذاك اللى يقول (( اداويه جيب الثووب )) ههههههه

او ( ( فلافه وفلافين )) يعني (( ثلاثه وثلاثين ))

يسلمو اخوى على القصه في انتظار البقيه

A bin M

15-10-2008, 10:27 AM

حلاته تكونون سامعين اللهجه البحرانيه وانتو تقروون

ههههههههههههههههههههههههههههههههه

انواع التهجئ

تسلم على المرور اخوي

في انتظار تواصلك

A bin M

15-10-2008, 10:28 AM

اى والله صدقتي

ولا ذاك اللى يقول (( اداويه جيب الثووب )) ههههههه

او ( ( فلافه وفلافين )) يعني (( ثلاثه وثلاثين ))

يسلمو اخوى على القصه في انتظار البقيه

الله يسلمك اخوي

في انتظار توصلك

coolqtri

15-10-2008, 11:05 AM

A bin M

15-10-2008, 11:42 AM

تسلم يابوعوف على القصة .. صراحة قصة حلوة وسرد مشوق .. ناس دمهم خفيف ههههه .. عاد لو تشوفني وانا قاعد اقرا باللهجة البحرانية .. بتموت من الضحك .. قاعد أقطع واخربط فيها .. :funny::funny::funny::funny:

ههههههههههههههههههههههههههه نفس حالتك ..

الله يسلمك

في انتظار متابعتك للجزء الثاني

A bin M

15-10-2008, 10:44 PM

الجزء الثاني

( سلوم ) : اقول جماع القواطي ... امشا نروح نجمع لينا جم قوطي نترزق منهم .

( حمود ) : اي والله فكرة .... بدال ما احنا قاعدين اهني لا شغله ولا عمله ..... كل واحد راز الفيس للثاني ..... قابليني قابلتش العافيه ..... امشا اقول امشا .

وتوهم بيطلعون من الباب ..... جان يطلع ابو حمود في وجههم .... وهم كل واحد تخزبق .... ما عرف شيسوي .

( ابو حمود ) : هــــــا .... الا اشوفكم هني ؟؟؟ ما رحتون المدرسه ؟؟؟؟ ليكون غايبين عنها يا طايحين الحظ .... ما فيكم الا راس القوطي والعيون المبققه في الحصص .... والا هو ادا رحتون لو غبتون نفس الشي .

( حمود ) : لا ابويي .... احنا اليوم عندنا رحله ورجعونا من وقت .... واجد استانسنا هناك ... ودونا ابويي العرين .... شفنا التيوس والغنم والبط .

سلوم بينه وبين نفسه : الله يستر .... ما ناقص الا يقول شفنا البقر والثيران ..... انا ادري من وين يجيب هالشلخ كله !

( ابو حمود ) : اي اي .... لا ادا جدي عجل مسامحه غلطنا عليكم ..... اي بعد يوليداتي كل شي ولا الدراسه .... هي مستقبلكم ... وادا ما اهتميتون فيها باجر تكبرون وما تحصلون نفسكم .

مرة ثانيه سلوم ويه نفسه يتحلطم : ولا القهر ابوه يصدقه بعد .

( سلوم ) : لا تخاف عمي ... احنا كل شي ولا المدرسه ... هي مفل ما قلت مستقبلنا .... لا توصي حريص .

( حمود ) : يالله ابويي ....... تبغى شي ؟؟ احنا طالعين شوي قبل الادان وبعدين بنروح المسجد .

( ابو حمود ) : لا يا خلف جبيداتي ... لا يا غناتي ... ما امبي شي الا سلامتكم .... اتحملوا بروحكم زين .

( سلوم وحمود ) : يالله مع السلامة .

طلعوا برى الشارع ...... وكل واحد حاط ايده على صدره وينافخ من الخوف .... الحمدلله ما اكتشف شي ولا عرف شي .... اشوة مرت سليمه ... جان رحنا فيها .

( سلوم ) : هــــا .... ما شفت البقر والحمير والحصنه في العرين انتا بعد ؟؟

( حمود ) : اشششششششششششش ..... اسكت فضحتنا ..... الله يفضحك قول امين يالاثول ..... كله تتحلطم وبس ..... ويش تبيني اقول اليه يعني .... انا مفصول عن المدرسه لان متهاوش ويه الاستاد ..... وباط عيونه عساها ما تبرى ان شاءالله ..... وهذا سلوم المدرسه قالبين عليه الدنيا يدورونه .... لانه مكسر سيارات الاساتده ؟؟؟؟ ويش حلاوتي والله وانا اقول اليه جدي .

( سلوم ) : انزين انزين ... لا تقعد تتفلسف علينا ..... اسكت وانته منجب وامشه قداميني .... خل نجمع لينا جم قوطي نفس راسك المحلي نترزق منه .

( حمود ) : ويش ويش ويش ويش .... عيد لو سمحت .... يش تقول ؟؟ منهو راسه القوطي المحلي يا بقعه الزيت .... لكن ما عليه روح بروحك مانه جاي وياك .

( سلوم ) : لا لا لا ..... اسفين حبيبي .... حقك علينا يا ابو المزاقريت ..... كل شي ولا زعل الحبايب .... انا الا ما استحي وانا الاثول ... انا راس القوطي مفل ما قال ابوك .... اي ما فينا شده على زعلك .

( حمود ) : اي ... هاده الحجي السنع ..... مو من ساعه مسمتني سب وانا اخوك .... يالله امشا اهو لا يادن الحين .

( سلوم ) : الحين رضيت ؟؟؟ نمشي يعني ؟؟؟؟؟

( حمود ) : يالله له ... ويش تنطر ؟ وانا ويش اقول يعني من ساعه لحد الحين ؟ تبي جمع على ظهرك عفر ؟

سلوم وهو يضرب على راس حمود بالفووووووول حتى رج ليه مخه : يالاخبل يالله عاد عطيناك وجه واجد ... قمت تتفلسف علينا .... صدق ما تنعطا وجه يالاتلح .

حمود وهو يفصخ نعاله الزنوبه ويرميه على سلوم الا من زمان شال عليه ركضه لبيتهم : تعال يا وجه البطه ...... تعال جان فيك خير .... ان ما راويتك جيفه تضربني مرة فانيه .... تعال يالجبان .... ما عليه اصيدك ..... وين بتروح عني يعني ..... يصير خير يا بقعه الزيت .

سلوم شال نعاله وجوده بايديه وطار عليه ركض علشان ما يصيده حمود ويضربه : ههههههههه ...... هههههههههااااااااااي .... ضحكتني والله ...... في احلامك تصيدني يالدبه .

دخل حمود البيت معصب عدل وواصل حده من حركات بقعه الزيت سلوم .... هين يا سلوم خل اصيدك .... براويك منهو هاده حمود الا تضربه وتتفلسف عليه وتهرب بيتكم .

بعد نص ساعه دخلت ام حمود البيت وحصلت حمود سرحان في الصاله .

( ام حمود ) : حمود ..... حمـود ..... حمـــود ..... حمـــود !!!!!!!!!!

( حمود ) : هــــــــا ..... ويش صاير ؟؟؟ منهو مات ؟؟؟ منهو صادوه ؟؟؟ مو انا والله مو مني مو انا لا تاخدوني .

( ام حمود ) : لا بالله ولدي استخف ..... الحمدلله والشكر .... ويش فيك حمدوه ؟؟ ويش صاير في عقلك ؟؟ عفر استخفيت ؟

( حمود ) : افــــــــ .... اشوة ... حسبالي في شي صدق الحين .... ويش تبين اماه ؟؟ مو انتين في بيت ام حسون ... متى رجعتين ؟؟ وبعدين مو انا قايل اليش سالفه الاجازة لا تقولينها لاحد ..... امداش نشرتينها على الفريق كامل ؟؟!!

( ام حمود ) : هـــا ... اااا لا ... هو يعني زلت لسان .... بس قلت لام حسون ... ووو صدقني زلت لسان ... وبعد يعني ه ه هو ..... كانت وياها ام جسوم ... وام صدوق .... وام حلوم ... وام منصور ... وجم مرة يعني ...... بس لا تطمن .... يعني محد بيدري لا تخاف .

( حمود ) : لاااااااااا ... صدق .... من بعد في الفريق ما درى ... ام حسون وام جسوم وام صدو... لا لا تقول تطمن بعد ..... هذا غير الا برى البيت وسمعوا الصوت يلعلع .... شوفي ادا صكوا المدرسه وحبسوا المدير ما اليي شغل انا .

دخل ابو حمود فجاة عليهم الصاله ..... وسمع نص الكلام .

( ابو حمود ) : هــــــا .... ويش اسمع ... مو قلت اليي انتا ورفيقك من الصبح .... ان اليوم رايحين رحله ؟؟؟ اتاري فيك جداب ياللي ماتستحي على وجهك .... وصلت فيك تجدب عليي يا اسود الوجه .... وفي سالفه ثانيه وانا ما ادري فيها ... امشا قدامي ... امشا قدامي الحجرة ..... عندي حساب عسير وياك هناك .... امشا بسرعه .

( حمود ) : لا ابويي ... كـ كـ كـ كنا ... ر ر ر رايحـ ....

( ابو حمود ) : جـــــــــب ..... ولا كلمه وقدامي الحجرة بسرعه اشوف قدامي .

حمود يساسر روحه وهو ميت من الخوف : لا بالله رحنا وطي .... راحت علينا اليوم ...... استر علينا يا رب .

الى اللقاء في الجزء الثالث

من يوميات طالب مفصول