طلب مشوره بخصوص شراء فله

[السرمد]

ياشباب من فتره كنت باشتري فله ونحني اخ عزيز علي قالي اصبر بينزل العقار

وفعلا صبرت شوي واشوف العقار بدى ينزل شي بسيط

فهل بينزل اكثر واصبر؟؟

ولا بيرتفع مع ازمة الاقتصاد الي صايره فالعالم هالايام؟؟

الصراحه عندنا كلشي عكس الناس..ماينعرف حق سوقنا

تلقى الدنيا كلها طاحت وعندنا ارتفعت

فا ياليت مشورتكم

[الزعفراني82]

اخوي العزيز بكل بساطه استشير مثمن عقاري عشان يحدد لك سعر العقار الي راح تشتريه

العقار سعره ما نزل بس في فرق بين سعر العقار الواقعي و سعر المعروض و المطلوب من مالك العقار

نصيحتي لك انك تنفع مبلغ 2000 ريال حق مثمن عقاري الموجود بالمنطقه الي تبغي تشتري فيه العقار

لأن كل مكتب تثمين عقاري تحصله متخصص بمناطق معينه يعني البعض متخصص بالجنوب و بعض بالشمال

بالجنوب مثلا مكتب الحق المثمن علي ال اسحاق و بالمناطق نفس الريان و معيذر و سيليه و الشماليه تقدر تستعين بالعضو ( خبير العقاري ) الي بالمنتدي او شوف انت اي مكتب تثمين عقاري معتمد موجود بالمنطقه العقاريه و الله يوفقك

اذا حبيت اي استفسار او استشاره حاضرين

[السرمد]

اخوي العزيز بكل بساطه استشير مثمن عقاري عشان يحدد لك سعر العقار الي راح تشتريه

العقار سعره ما نزل بس في فرق بين سعر العقار الواقعي و سعر المعروض و المطلوب من مالك العقار

نصيحتي لك انك تنفع مبلغ 2000 ريال حق مثمن عقاري الموجود بالمنطقه الي تبغي تشتري فيه العقار

لأن كل مكتب تثمين عقاري تحصله متخصص بمناطق معينه يعني البعض متخصص بالجنوب و بعض بالشمال

بالجنوب مثلا مكتب الحق المثمن علي ال اسحاق و بالمناطق نفس الريان و معيذر و سيليه و الشماليه تقدر تستعين بالعضو ( خبير العقاري ) الي بالمنتدي او شوف انت اي مكتب تثمين عقاري معتمد موجود بالمنطقه العقاريه و الله يوفقك

اذا حبيت اي استفسار او استشاره حاضرين



كلامك على العين والراس

بس العقار نزل سعره اخوي..صحيح انه مب وايد ..بس نزل

واكبر دليل في فله كنت حاط العين عليها كان يبيها ب4 ونص مليون..الحين يبيها ب4 و300 مليون ..

وطبعا فلل وايد على هالنمط ..نزلت اسعارهم

[sad-o-bas]

الصبر زين ترى..
أخوي الحديد وصل 1245 ريال من 5000 وشوي..
معناته السعر بينزل، أنا أكلمك بشكل عام وما أقوللك منطقة فلانية وفلتانية.. لأن الكساد العالمي ماراح يميز منطقة عن منطقة..

الله يوفقك أخوي..

[sad-o-bas]

راجع هالموضوع وبتعرف شسالفة..

http://www.qatarshares.com/vb/showthread.php?t=210747

الله يوفقك أخوي..

[بوعليان]

الصبر زين ترى..
أخوي الحديد وصل 1245 ريال من 5000 وشوي..
معناته السعر بينزل، أنا أكلمك بشكل عام وما أقوللك منطقة فلانية وفلتانية.. لأن الكساد العالمي ماراح يميز منطقة عن منطقة..

الله يوفقك أخوي..

يمكن الشركات تغشنا اذا عندك شركه تبيع بالاسعار اللي ذكرتها بليز طرش لي اسمها ورقمها انا توني شاري من 3400 لين ال 5000

[sad-o-bas]

أخ بوعليان، راجعت الرابط ولا؟
ترى ال1245 حديد سابك السعودي.. والرخص هذا بيجينا طبعا..

فيه كميات حديد قطري يصرفها واحد فلسطيني على 2900.. بس جملة مب مفرق..
إذا تبي رقمة راسلني على الخاص.. وعلى فكرة عرضت هالكلام فالسوق بس سحبت الموضوع لأن الأخ الفلسطيني رفع السعر اشوي بس ماتعدى ال3000..

[S320]

اخوي sad-o-bas طرشلي رقمه واسمه على الخاص

انت تقول 2900 ريال وماتعدى ال 3000 ريال يعني زاد 50 او 100 مب مشكلة