المساعد الشخصي الرقمي

مشاهدة النسخة كاملة : الشحن إلى بيروت..


هجمة مرتدة
15-10-2008, 02:25 PM
يا جماعة بغيت اشحن سوبربان ورنج الى بيروت في الشتاء

اي شركة تنصحوني بها؟ وبكم شحن السيارة الوحدة؟ والضمان شلون يكون؟

الصراحة اللي اعرفه ان نص شباب الدوحة شاحنين مواترهم بيروت الصيف اللي فات (كلام واحد من الربع)

فقلت اكيد انتوا على دراية بالتفاصيل وكيفية الشحن.. والشركات الجيدة في هذا المجال..

هل الشاحنة الوحدة تشيل سيارتين..؟

سيارة بحجم السوبربان واخرى كالرنج مثلا؟؟

مع الشكر....
فلفل حار
15-10-2008, 03:17 PM
شوف شركات الشحن الي اماكنهم عند ميناء الدوحه ، بيعطونك التفاصيل كامله

ولو انه ماله داعي ، أجر من هناك أحسن لك من عوار الراس :)
بــوعــوف
15-10-2008, 04:05 PM
على حسب علمي .. من الدوحة وايد غالي ..

و أغلب الشباب يشحنون من الاحساء ( الحسا - السعودية )

كلها ساعة ونص انت عندهم ..

وعليك بشركة اسمها البسامي .. وهي من أحسن الشركات ..

والسعر اتوقع من 1000 الى 2000 .. اذا ما خاب ظني ..


وبالتوفيق ..
بن درهم
15-10-2008, 04:07 PM
اخوي روح شركة الارادة عند محطة بترول سلوى الي عند دوار القلعة عند الصناعية انا امجربهم
وتعاملهم زين
هجمة مرتدة
15-10-2008, 04:13 PM
شوف شركات الشحن الي اماكنهم عند ميناء الدوحه ، بيعطونك التفاصيل كامله

ولو انه ماله داعي ، أجر من هناك أحسن لك من عوار الراس :)

اخوي اشترينا شقة ونبي على الاقل سيارتين والاجار هناك بدون البترول أغلى من الشحن..

بعدين سيارات كبيرة بحجم السوبربان ماتحصل إلا بطلعة روح :(

اخوي وين شركات الشحن؟ تقصد شحن بحري؟؟

انا ابي بري ياخوي..
هجمة مرتدة
15-10-2008, 04:14 PM
على حسب علمي .. من الدوحة وايد غالي ..

و أغلب الشباب يشحنون من الاحساء ( الحسا - السعودية )

كلها ساعة ونص انت عندهم ..

وعليك بشركة اسمها البسامي .. وهي من أحسن الشركات ..

والسعر اتوقع من 1000 الى 2000 .. اذا ما خاب ظني ..


وبالتوفيق ..

الشيخ بغيت شركات محلية لو تعرف..

اسهل واضمن واسرع..

مع الشكر..
هجمة مرتدة
15-10-2008, 04:15 PM
اخوي روح شركة الارادة عند محطة بترول سلوى الي عند دوار القلعة عند الصناعية انا امجربهم
وتعاملهم زين

يا بن درهم كأنك نازل علي من السماء:nice:

مجربهم الى بيروت؟؟؟

بشر شلون تعاملهم.. وفي ضمان على المواتر؟؟

والأسعار شلون؟

مع الشكر
المشتاقه الى الجنه
15-10-2008, 04:17 PM
اخوي روح شركة الارادة عند محطة بترول سلوى الي عند دوار القلعة عند الصناعية انا امجربهم
وتعاملهم زين

شركة الاراده الحين مو على طريق سلوى مكانهم بالمنتزه مقابل حبيبه في شخص اسمه عوض أنا كل سنه أشحن سيارتي معهم للأردن
بن درهم
15-10-2008, 04:33 PM
تعاملهم زين ويكون فية تامين على الموتر وابشرك ياهتمون في السيارات روح عند السوداني الي اسمة عوض ذكرني فية الاخ الي شاركة في الموضوع والحمد الله تستلم موترك مافية شمخ ولا شي
انا من سنتين شحنت عندهم لكزس فورويل خذو علي 5500 رايح راد
هجمة مرتدة
15-10-2008, 08:42 PM
شركة الاراده الحين مو على طريق سلوى مكانهم بالمنتزه مقابل حبيبه في شخص اسمه عوض أنا كل سنه أشحن سيارتي معهم للأردن

هلكت وانا اتصل فيهم بعد ما طلبت رقمهم من كيوتل!

ياليت اذا معاك رقم تلفونهم ترسلينه لي

مع خالص شكري
هجمة مرتدة
15-10-2008, 08:43 PM
تعاملهم زين ويكون فية تامين على الموتر وابشرك ياهتمون في السيارات روح عند السوداني الي اسمة عوض ذكرني فية الاخ الي شاركة في الموضوع والحمد الله تستلم موترك مافية شمخ ولا شي
انا من سنتين شحنت عندهم لكزس فورويل خذو علي 5500 رايح راد

طبعا مع التضخم الحاصل في البلاد كل شيء زاد سعره

نقول 7 الاف ذهابا وايابا مع التامين..

ممتاز والله

ياليت رقمهم.. عجزت وانا اتصل فيهم ولا احد يرد..

اذا تعرف احد هناك ممكن اتصل فيه.. تسوي فيني خير يالطيب
Bohamad
15-10-2008, 09:21 PM
شركة الاراده الحين مو على طريق سلوى مكانهم بالمنتزه مقابل حبيبه في شخص اسمه عوض أنا كل سنه أشحن سيارتي معهم للأردن

اخوي انا مجربهم للامانة تعاملهم :nice:
Bohamad
15-10-2008, 09:25 PM
اخوي عندي ارقامهم شيك الخاص
بن لادن
16-10-2008, 04:10 AM
أخوي عندك شركة الرافدين للشحن

انا مجربهم مع 7 سيارات اذا مب أكثر ، صار لي 4 سنوات معاهم .
سعر الروحة 3000 ريال والمطلوب ( شهادة تأمين دولية اسمها التربتيك + تأمين الأردن وسوريا ولبنان ، من اي شركة تأمين وانا اتعامل مع قطر للتأمين + وكالة من المحكمة لسائق الثلاجة ) .

هالتوصيل راح يكون لين الحدود اللبنانية السورية وبعدين بيركبونها سطحة وبيوصلونها لين بيتك . وهذي يكلف 100 دولار . خل الناطور يسلمه اياها ولا المندوب اللي عندك ولا الدريول .

اذا عندك مندوب بيهتم في سياراتك في لبنان ضيف اسمه في التربتيك .

تقدر اتخلي السيارة في لبنان سنة كامله وبعدها لازم اتطلعها من الحدود واترجعها لكن لازم اتسوي اتربتيك جديد وتأمين . وبعد السنه نفس العمليه لكن كل 6 شهور .

الرجعة للسيارة الوحده 1000 دولار ، يعني 3650 ريال .

برسل لك اسم ورقم جوال مدير الشركة على الخاص .

مع تحياتي لك