المساعد الشخصي الرقمي

مشاهدة النسخة كاملة : اتحاد كره القدم 4 تحيات فاشله


شاهيناز
15-10-2008, 09:12 PM
رغم ان هزيمه العنابي متوقعه لكن توقعنا لم يستطع ان يمنع الحزن والشعور بالاحباط
ماحصل للعنابي في معركه استراليا متوقع واسباب الهزيمه لاتخفي على احد

اتحاد كره القدم الفاشل الذي يقدم لنا كل سنه مسرحيه اسمها دوري المحترفين الذي تحول بقرار من الاتحاد الاسيوي الي دوري النجوم لاننا لانستحق مسمى دوري المحترفين

كراسي الفرق القطريه في البطولات الاسيويه تم تقليصلها بسبب فشل اتحاد كره القدم الذي لم يرد ان يعترف بفشله وذهب يحاور الاتحاد الاسوي

اذا كانت اسواق المال هي المرآه الحقيقه للاقتصاد

الدوري هي المرآه الحقيقه لكره القدم في اي دوله

لكن بالنظر لدوري القطري الممول الرسمي للمنتخب نرى الكثير من الامور التي ادت بالعنابي الي الهاويه والمركز الاخير في كاس الخليج وكاس اسيا

منهاالدعم المستمر والميل الواضح لدعم نادين وكان ليس في قطر غيرهم
وكاله الدوري اصبحت مناصفه بين السد والغرافه

دعم اتحاد كره القدم لانديه معنيه بقرارته حتى الاعبين المحترفين لكل الانديه لهم وقت محدد بعده لاتستطع ان تسجل اي لاعب
لكن نجد انديه معينه مسموح لها
تنقلات اللاعبين بين الانديه مثل لعبه الشطرنج وكان هناك محرك خفي لها حسب مصلحه الانديه المقربه
حتى جدول الدوري تم التلاعب فيها حتى يصبح لصالح انديه لها مكانه خاصه عند اتحاد الكره

قرارات اتحاد كره القدم وميله الواضح لانديه معينه اصبحت لاتخفي على احد وان لم تستح فافعل ماشئت
وبعد ذلك يخرجون لنا ويوعودون الجمهور بالبطولات

التحكيم في الدوري اصبح يدار بعقليه جويني الي لايهمه الا ان يرضى اتحاد كره القدم ولا يغير مسار خططه الداعمه للانديه القريبه من القلب

المتابع لدوري القطري وبطولات اتحاد كره القدم يرى كيف تدار المباريات وكيف تحطم امال المشجعين الذين خسرو وقتهم واموالهم لحضور مسرحيه اسمها الدوري القطري

الريان والعربي كانو قطبين الكره القطريه ولازالو ممولين المنتخب بالاعبين وجماهيرهم لهم نصيب الاسد في قطر
لكن اين هم الان؟؟؟؟؟؟؟؟؟؟؟؟؟؟

تم محاربتهم وهذا امر لايتسطيع ان ينكره احد

ام بقيه الانديه اين هم؟!!!!!!!!

الاهلي لازال يتخبط في دوري المظالمين

قطر يقفز قفزات ويضرب على الراس ليتم محلك سر

العربي يعاني من فوضى اداريه لم تحل الا بقوة اتحاد كره القدم
اما بقيه الانديه تحاول في قهر ولسان حالها لو تجري جري الوحوش مع اتحاد كره القدم رزقك لن تحوش


الجماهير هجرت المدرجات والشاشات

حتى ابتكرو لنا برنامج اسمه المجلس يدار بالمسجات وبصراع مفتعل بين الجالسين على مساند اتحاد كره القدم

جماهير كره القدم القطريه الان تجد بينهم من يشجع الانتر ومانشتسر وريال مدريد والارسنال
ويتابع بشغف وان سئلته عن الدوري قال دوري اتحاد كره القدم
سنه زيد وسنه عبيد

وهذا لم يعد يهم اتحاد كره القدم
الي ابتكر لنا سالفه الجماهير المدفوعه الثمن مقدما ( جماهير هلا)
تدفع نحضر ونشجع
واغلبهم من الدول المجاوره وفي النهايه اسمهم رابطه
وكل سنه تفوز رابطه زيد
لان زيد حبيب قلب اتحادنا

اتحاد كره القدم بعد الفشل المتكرر ودوره الخليج باقي لها 3 اشهر
هل لازلت ترغب في المزيد من الفشل
مب من الافضل تننقذ نفسك من فشل اخر والمركز الاخير وتقدم استقالتك
نعلم انك مجرد صوره
لكن مملنا من صوركم
نريد صوره جديده

ونعلم انها سوف تكون داعمه لزيد وعبيد

وسنه الدوري لـ زيد وسنه عبيد

والسنه سنتك يا زيد


ولاعزاء للجماهير العنابي
الذي سوف نقف خلفه
لان مانقدر نشجع غيره

ونسئل الله ان ينصف الانديه القطريه
حتى يعود المنتخب كما نتمنى

شاهيناز
barod
15-10-2008, 09:17 PM
صدقتي وماذا تتوقعين من منتخب الجاليات ومن دوري يدار بالتلفون
ابوثامر
15-10-2008, 09:20 PM
والله خطيرة شهيناز
يبه يروحون افريقيا ويشترون منتخب كامل ومعاه ثلاثة انديه دعاية ولا يعورون روسنا كل يوم في الجرايد بنسوي وبنفعل يكفي ان الدوري الهندي احسن من دورينا بشهاده الإتحاد الأسيوي!!!!!
عاشق الشهادة
15-10-2008, 09:23 PM
اطلبو لهم الهدايه :secret:
فارس الكلمة
15-10-2008, 09:33 PM
تحليل يدل على عقلية رياضية و وطنية عالية ..

شاهيناز ..

تحية لثقافتك الرياضية و متابعتك الدقيقة لكرة القدم في قطر .. مع أن كونك امرأة ..
ناصر العمادي
15-10-2008, 09:37 PM
ولاتنسي أختي مذبحة النادي الأهلي اللي تم محاربته بكل الطرق لأعدامه وتنزيله للدرجه الثانيه ..
ترى المنافقين في هالبلاد وايد وهم اللي يحاولون يقنعون الشعب بأن الخطأ صح ..<< طبعا الصحفيين المنافقين اللي يترزقون من ورا بيع الكلام والرخيص ..

للأسف الكل يستهزء ويضحك على أتحادنا ومنتخبنا وطريقة أدارته ....

وأتحادنا وأدارته كأنهم مثل الأطرش في الزفه ... او أنهم يستهبلون ويدعون عدم السماع ...

الأنحياز مكشوف للجميع وهو سبب أبتعاد الجماهير عن الملاعب ...

والتلاعب واضح حتى للأعمى ... سنين ومليارات راحوا وماشفنا غير الكلام الفاضي والوعود ...
ناس كانوا ولاشي وصاروا كل شي والسبب الكوره وماأدراك مالكوره ..

والله زمن عجيب ... صرنا نصرف على الكوره مايسد جوع مليون أنسان لمدة سنه

أصبحنا نضحي بقيمنا وعاداتنا وأبنائنا من أجل لعبه لن تغنينا ولن تدخلنا الجنه بل ستؤدي بنا الى نار جهنم وغضب من الله لما فيها من تبذير وتلاعب وفساد ورشاوي وووو...

نسأل الله ان يهدي مسؤولينا وينور بصيرتهم ويروا مايراه كل الشعب

الف الف شكر وتحيه وتقدير لك أختي شاهيناز على الموضوع المميز

الله يوفقك ويسعدك ويرزقك الخير دنيا وأخره أن شاء الله
ابـو مــحــــمـــــد
15-10-2008, 09:41 PM
شاهيناز
المسئول الاول والاخير
هو الي يدير الرياضه القطريه
اتحاد الكره مثلهم مثل الجماهير
كل يوم يتفاجئون بقرار وعليهم التنفيذ
حتى سالفة فوساتي ماعرفو يطبخونها عدل
وهــــــذا هــــــــــو حــال الـرياضــه
яέέⓜ
15-10-2008, 09:43 PM
والله خطيرة شهيناز
يبه يروحون افريقيا ويشترون منتخب كامل ومعاه ثلاثة انديه دعاية ولا يعورون روسنا كل يوم في الجرايد بنسوي وبنفعل يكفي ان الدوري الهندي احسن من دورينا بشهاده الإتحاد الأسيوي!!!!!

جبتها ع الجرح
السامـي
16-10-2008, 12:34 AM
أمحق منتخب.:anger1:
بو فهد
16-10-2008, 01:34 AM
صدقتي وماذا تتوقعين من منتخب الجاليات


:nice:
:nice::nice:
:nice::nice::nice:
:nice::nice::nice:
M.K
16-10-2008, 02:23 AM
انتي صح 100%...

بس حبيت اشكرج لان طلعتي اللي بقلبي .....

ولا تعليقج وكلامج كفى ووفى
The Blade
16-10-2008, 02:31 AM
دعم اتحاد كره القدم لانديه معنيه بقرارته حتى الاعبين المحترفين لكل الانديه لهم وقت محدد بعده لاتستطع ان تسجل اي لاعب

هذا الي صاير ,,,,,
والقعده في البيت احسن !!!!!!!!!!!!!!!!!!!!
OTOsan
16-10-2008, 02:32 AM
تحليل يدل على عقلية رياضية و وطنية عالية ..

شاهيناز ..

تحية لثقافتك الرياضية و متابعتك الدقيقة لكرة القدم في قطر .. مع أن كونك امرأة ..

مع المادة اعلاه .. كما وردت !

مع العلم .. انني لا ازال متفائلا .. بأن هناك استطاعة للتأهل بالرغم من هذه الهزيمة (الثقيله) ،

كل الشكر للاخت شاهيناز على ماتفضلت بذكره في الموضوع ،،
الزعفراني82
16-10-2008, 03:32 AM
لا اتوقع اي نتيجه رياضيه جيده للرياضه القطريه بسبب سوء ضعف البنيه التحتيه الرياضيه و الضعف الثقافه الرياضيه لدي المجتمع القطري

و الدليل دوره العاب الاولمبيه اثينا 2004 و بيجنغ 2008 ولا ميداليه ملونه و في عام 2000 حققنا برونزيه عن طريق رفع اثقال بالمجنسين

وين القطريين الي قدرون يشرفون بلادهم -----------------------------------> مافي

تقبلو مروري و شكرا علا الموضوع
فتى دخان
16-10-2008, 03:35 AM
السلام عليكم ورحمة الله وبركاته

ان شاء الله الفرصه ماضاعت ونتمنى التاهل

لكن اصراحه مانبي نتاهل بهذا المستوى يعني نفرض

رحنا المونديال يعطونا على عشره ونرجع هذي فضيحه

واصراحه المنتخب لن يتطور الا بمدربين اهل خبره يكتشفون

المواهب الصغير اي يلفون منطقه منطقه ومدرسه ومدرسه

حتى يكتشفون المواهب الصغيره هذي مردونا

وين كان يعلب في حي واكتشفوه وكثير من اللاعبين

المشهورين مسي برشلونه اخذه وهو صغير وكان يعالج

احد رجليه لانها كانت اصغر من الثانيه لذا ياليت يهتمون في

الصغار لاني اصراحه شفت مواهب قطريه صغار مشاء الله

عليهم وبعد على الاقل انحد من التجنيس الي زاد اكثر من اللازم

انا موضد التجنيس لكن في حدود

وان شاء الله مايقصر المنتخب ونتاهل الى المونديال الامل مازال موجود

مشكوره اختي شاهيناز على الموضوع والله يعطيج الف عافيه.....



فتى دخان
limited
16-10-2008, 06:07 AM
مابه اكبر من فضيحتهم يوم يتعاقدون مدرب فاشل طالع بهزايم ثقيله مع منتخب الامارات ويوقعون معاه عقد في عملية غدر بالمدرب فوساتي اللي ما درا بالسالفه الا بعد كم يوم .... مسكين فوساتي كسر خاطري
غناتي1
16-10-2008, 06:33 AM
صدقتي بالنسبة للمنتخب 00 احس ما فيه وطنية لان اكثرهم مجنسين

الله يذكرهم بالخير ايام احمد الماجد ومنصور مفتاح وماجد الصايغ

ويونس احمد ومحمد دهام 0000 و000 و000 و0000 و0000

اما بخصوص الاندية فالبقاء للاقوى

وهالناديين اللي ذكرتهم (( الغرافة والسد )) هم الاقوى من بين جميع الفرق الاخرى

ونلاحظ اهتمام الادارة واللعبين برفع اسم ناديهم وبالتالي المنافسة الشريفه بينهم 0
ابوعبدالعزيز
16-10-2008, 08:01 AM
مشاءالله عليج اختي ، رياضية درجة أولى .

أنه اضم صوتي إلى صوتج وأطالب بأستقالة جماعية لأتحاد الكورة ، لأنهم فاششششششششششششللللللللللللللللييييييييييييييييييين .


تحياتي .
::.Silent.::
16-10-2008, 09:08 AM
اتمنى من مجلس الوزراء محاسب المسؤولين على منتخب قطر

لأنه أموال الدوله قاعده تضيــــع هــــدر


!!
الكلدي
16-10-2008, 09:17 AM
:secret::secret::secret: 4 / صفر:secret::secret::secret:
سداوي&مدريدي
16-10-2008, 09:18 AM
آآه يالقهر

الأتحاد هو السبب في الي قاعد يصير واذا ماتأهلنا لكأس العالم (( الله لايقولها ))

احنا في انتظار الشيخ حمد بن خليفة بن أحمد آل ثاني رئيس الاتحاد القطري

يقدم استقالته مثل ماوعدنا
واحد ثقة
16-10-2008, 09:39 AM
انتوا للحين تتابعون مباريات المنتخب ؟ :con2:
سهم بن سهم
16-10-2008, 09:53 AM
رغم ان هزيمه العنابي متوقعه لكن توقعنا لم يستطع ان يمنع الحزن والشعور بالاحباط
ماحصل للعنابي في معركه استراليا متوقع واسباب الهزيمه لاتخفي على احد

اتحاد كره القدم الفاشل الذي يقدم لنا كل سنه مسرحيه اسمها دوري المحترفين الذي تحول بقرار من الاتحاد الاسيوي الي دوري النجوم لاننا لانستحق مسمى دوري المحترفين

كراسي الفرق القطريه في البطولات الاسيويه تم تقليصلها بسبب فشل اتحاد كره القدم الذي لم يرد ان يعترف بفشله وذهب يحاور الاتحاد الاسوي

اذا كانت اسواق المال هي المرآه الحقيقه للاقتصاد

الدوري هي المرآه الحقيقه لكره القدم في اي دوله

لكن بالنظر لدوري القطري الممول الرسمي للمنتخب نرى الكثير من الامور التي ادت بالعنابي الي الهاويه والمركز الاخير في كاس الخليج وكاس اسيا

منهاالدعم المستمر والميل الواضح لدعم نادين وكان ليس في قطر غيرهم
وكاله الدوري اصبحت مناصفه بين السد والغرافه

دعم اتحاد كره القدم لانديه معنيه بقرارته حتى الاعبين المحترفين لكل الانديه لهم وقت محدد بعده لاتستطع ان تسجل اي لاعب
لكن نجد انديه معينه مسموح لها
تنقلات اللاعبين بين الانديه مثل لعبه الشطرنج وكان هناك محرك خفي لها حسب مصلحه الانديه المقربه
حتى جدول الدوري تم التلاعب فيها حتى يصبح لصالح انديه لها مكانه خاصه عند اتحاد الكره

قرارات اتحاد كره القدم وميله الواضح لانديه معينه اصبحت لاتخفي على احد وان لم تستح فافعل ماشئت
وبعد ذلك يخرجون لنا ويوعودون الجمهور بالبطولات

التحكيم في الدوري اصبح يدار بعقليه جويني الي لايهمه الا ان يرضى اتحاد كره القدم ولا يغير مسار خططه الداعمه للانديه القريبه من القلب

المتابع لدوري القطري وبطولات اتحاد كره القدم يرى كيف تدار المباريات وكيف تحطم امال المشجعين الذين خسرو وقتهم واموالهم لحضور مسرحيه اسمها الدوري القطري

الريان والعربي كانو قطبين الكره القطريه ولازالو ممولين المنتخب بالاعبين وجماهيرهم لهم نصيب الاسد في قطر
لكن اين هم الان؟؟؟؟؟؟؟؟؟؟؟؟؟؟

تم محاربتهم وهذا امر لايتسطيع ان ينكره احد

ام بقيه الانديه اين هم؟!!!!!!!!

الاهلي لازال يتخبط في دوري المظالمين

قطر يقفز قفزات ويضرب على الراس ليتم محلك سر

العربي يعاني من فوضى اداريه لم تحل الا بقوة اتحاد كره القدم
اما بقيه الانديه تحاول في قهر ولسان حالها لو تجري جري الوحوش مع اتحاد كره القدم رزقك لن تحوش


الجماهير هجرت المدرجات والشاشات

حتى ابتكرو لنا برنامج اسمه المجلس يدار بالمسجات وبصراع مفتعل بين الجالسين على مساند اتحاد كره القدم

جماهير كره القدم القطريه الان تجد بينهم من يشجع الانتر ومانشتسر وريال مدريد والارسنال
ويتابع بشغف وان سئلته عن الدوري قال دوري اتحاد كره القدم
سنه زيد وسنه عبيد

وهذا لم يعد يهم اتحاد كره القدم
الي ابتكر لنا سالفه الجماهير المدفوعه الثمن مقدما ( جماهير هلا)
تدفع نحضر ونشجع
واغلبهم من الدول المجاوره وفي النهايه اسمهم رابطه
وكل سنه تفوز رابطه زيد
لان زيد حبيب قلب اتحادنا

اتحاد كره القدم بعد الفشل المتكرر ودوره الخليج باقي لها 3 اشهر
هل لازلت ترغب في المزيد من الفشل
مب من الافضل تننقذ نفسك من فشل اخر والمركز الاخير وتقدم استقالتك
نعلم انك مجرد صوره
لكن مملنا من صوركم
نريد صوره جديده

ونعلم انها سوف تكون داعمه لزيد وعبيد

وسنه الدوري لـ زيد وسنه عبيد

والسنه سنتك يا زيد


ولاعزاء للجماهير العنابي
الذي سوف نقف خلفه
لان مانقدر نشجع غيره

ونسئل الله ان ينصف الانديه القطريه
حتى يعود المنتخب كما نتمنى

شاهيناز






:app::app::app::app::app::app::app::app::app::app:


أرفع عقالي لك إحتراما يا شاهينااااااز على الطرح المميز
سهم المراقيب
16-10-2008, 10:06 AM
عز الله ما جبتي إلا الصدق والحاصل ,, سلمت اناملكم ,,

تذكرون الكواري (مشجع رياني) اللي يدوم يتصل عالمجلس ,,
من سنتين وهو يقول نفس كلامج... سلموا لي على الكره القطريه ,,

اهم شيء الإنتر omen:looking: ,,
شاهين
16-10-2008, 10:19 AM
للأسف بعض اللعيبه
مايستاهل يشيل هالشعار



http://www.img1000.com/images/tahwwj94jg1cdcvdhpo2.gif (http://www.img1000.com/)



http://www.img1000.com/images/pylz621hylrl8xcvmd92.gif (http://www.img1000.com/)








ويعطيج العافيه
شاهيناز
كلمة قطر
16-10-2008, 10:30 AM
السلام عليكم
والله كلام صحيح
لكن انقول الامل مزال قائم
وان اشاءالله ايعوظون
بس الصراحة قصرو امس الله يهديهم
بس نقول ياالله,,,,
سهم بن سهم
16-10-2008, 10:34 AM
السلام عليكم
والله كلام صحيح
لكن انقول الامل مزال قائم
وان اشاءالله ايعوظون
بس الصراحة قصرو امس الله يهديهم
بس نقول ياالله,,,,



عشم ابليس في الجنه

انا غاسل يدي من منتخب الكوكتيل هذا من زمان وبصراحه احنا ماعندنا رياضه قطرية والرياضة القطرية تمشي على البركه :tease:

اذا راحو كاس العالم تعال قابلني

:tease:
tawareq
16-10-2008, 10:52 AM
:weeping:

وين المنتخب ؟؟؟؟؟؟؟؟؟؟؟؟؟؟؟؟؟؟؟


في مهب الريح!!!!!!!!!!!!!!!!!!!!!!!!!!


:secret:
سلمان_1
16-10-2008, 11:02 AM
ااانا عندي امل انشالله ان المنتخب بيعود للمنافسة من جديد :nice:

بس عندي تعليق على برنامج المجلس و محللينه :omen2:
من شهر وهم يقولوون خطورة المنتخب الاسترالي من الاجناب و يجب على المدرب تسكير الاطراف و الاطراف هو مصدر خطورة المنتخب الاسترالي
وسبحان الله المدرب سمعهم و طبق كلامهم

الفضيحة اللي بجلاجل ان جميع الاهداف كانت من كور طولية و من اختراق من الوسط :rolleyes2:

ودي اعرف من اللي طلع سالفة الاطراف و قص علينا و على مدربنا :victory:
بدوي
16-10-2008, 11:22 AM
شكرآ لصاحبة الموضوع على حسها الوطني .. ولكن :

(( الطعن في الميت حراااااام ))

إحنا بكل صراحة .. دولة تموووووووووووووت على المدح والزبو والمهايط اللي ماله عازه أبد

نمووووووت على مدح دورينا .. ومنشآتنا .. والدعم المادي اللامحدود !! ( وما ادراك مالدعم )

بنقول :

إعلاميآ .. نعم هناك هاله إعلامية أكثر من اللازم بكثير

منشآات .. نعم توجد ولله الحمد

الدعم المادي .. موجود للأسف ( ولو ان أهل قطر أولى فيه من الرياضة والرياضيين )

ولكن وين المردووووووود ؟؟

وين النتايج ؟؟

وين الولاااااااااااااااء ؟؟

وين الروح المعنوية ؟؟

للأسف المسؤولين في اتحاد كرة القدم

شاطرين في السفرات ( درجة أولى )

و حجز أفخم الفنادق والسويتات

والغدا والعشا والعزايم في النادي الدبلوماسي

وكله على حساب من ؟؟

( أعتقد ، على حسابهم الخاص ) :anger1:

الله أعلم

إحنا نبي مبدأ (( الثواب والعقاب ))

لعيبة ماعليهم قاصر ( تفرغ + رواتب + بيوت ) مكافآت مالية عند الفوز أو تسجيل الأهداف

نبي محااااااااااااااااااسبة عند الخطأ أعيد واكرر محااااااااااااااااااااااااااااااااااااااااااسبة

نبي نكون نفس السعودية في هالنقطة فقط .. ( لأن المسمار مايثبت في الطوفة ) الا بعد الدق على راسة
---------

بيني وبينكم والله ماعاد اشوف دورينا ولا مباريات المنتخب :anger1:

الله يطول عمر كرت الجزيرة الرياضية

مافيه الا برشلووووونة (( فديتهم )) أكحل عيني فيهم كل إسبوع

وسلامي للجميع

:victory:
ضوى
16-10-2008, 11:24 AM
يحليلج شاهيناز تفهمين بالرياضة :(
الوجبه
16-10-2008, 11:32 AM
سبحان مغير القلوب با شهيناز
qatar700
16-10-2008, 11:46 AM
لا حول ولا قوة الا بالله ............... خساير في خساير .... مش متعجب ولا مستغرب من النتيجه من اساسه ولذلك ما قمت اتابع ولا مباراة لدوري القطري ولا منتخب للاسف الشديد !!
انا مهب رياضي ولا مستحبي الكرة من اساسه ولاكن روحي الوطني اتخليني استفسر عن المنتخب و عن بطولاته وجولاته .
في السابق كان المنتخب يحرز الانجازات و نجدهم يلعبون بروح هجومية ليس من اجل الشهره او الماده كما هو حاصل اليوم لانهم كانوا ابطال من روح قطر وحتى لو كان بينهم متجنسين كانوا من مواليد قطر وسكانه ليسوا من دول اخرى لانعرف عن دينهم ولا وطنيتهم .
اتحاد الكرة للاسف الشديد يظنون انهم يستطيعون يأتون بلانجازات بالمال ويشترون اللاعبين والمدربين والاجهزه وكل ما يتيح لهم من الميزانيات اللانهاية له وتناسوا انه الوطنية والانتماء هي التي تنجز و تنتج وتحرز المراكز الاولى ولا تشترى بالمال ،،،،، ويكفينا الدخلاء في الرياضه الذين ليس لديهم ادنى فكرة عن الادارة الرياضية وعن كيفية التعامل مع الاعبين

لا اريد ان اطيل عليكم لانه الموضوع له تبعيات كثيرة وحسبي الله ونعم الوكيل
::.Silent.::
16-10-2008, 12:32 PM
دام النتيجه وحده .. وما راح نتاهل لكاس العالم ..

ليش ما نلعب كوره يالربع .. رواتب خياليه .. تفرغ .. شهره .. بيوت ..


ها شراااايك ..؟
الوجبه
16-10-2008, 12:36 PM
http://farm4.static.flickr.com/3285/2842395498_dd8a4eb682_o.jpg

http://farm4.static.flickr.com/3088/2841557273_9e466dc0a9_o.jpg

لا تعليق
دكتور قطر
16-10-2008, 12:54 PM
السلام عليكم ورحمة الله وبركاته :
شكرا لكاتبة الموضوع وبالفعل وضعتي يدج علي الجرح ...
سوف اشارك هذه المشاركة المتواضعه كوني لاعب سابق لاحدى الرياضات , كل ما قالته الاخت والاخوان المشاركين صحيح لكن اين يوجد الحل هل في كرة القدم فقط ؟؟؟؟
الاهتمام بالرياضه عامة هو الحل ليش فقط كرةالقدم البحث عن براعم قطرية تكون بنيه اساسيه لجميع المنتخبات والرياضات ,,
الرياضه مثل البنيان تحتاج اسس تبني عليها لا مجرد تطعيم لمنتخب اي لاعب ولا لاعبين يتغير فيهم مستوى اللعب هذا شي والشي الاخر البحث في القطريين وليس البحث خارج القطريين لانه مع احترامي لاي لاعب متجنس في اي رياضه لا يمكن ان يكون لديه الغيره والولاء علي بلده مثل القطري ....
اكرر القطري اولى من غيره بهذا الدعم الهائل للرياضه والاهتمام به للوصول بالرياضة القطرية الى بر الامان ودمتم بود .
ALKASER
16-10-2008, 03:30 PM
الواحد من القهر ما يدري شيقول


والله خطيرة شهيناز
يبه يروحون افريقيا ويشترون منتخب كامل ومعاه ثلاثة انديه دعاية ولا يعورون روسنا كل يوم في الجرايد بنسوي وبنفعل يكفي ان الدوري الهندي احسن من دورينا بشهاده الإتحاد الأسيوي!!!!!

صحيح هذا الكلام؟؟؟؟؟؟؟؟؟؟؟؟؟

دمتم بود

والسلام ختام
naklan
16-10-2008, 03:38 PM
ميتسو لن يحقق انجاز للكره القطريه وليس افضل من المدربين السابقين
الوجبه
16-10-2008, 04:11 PM
باختصار

اللي قلبه على اهل قطر ويشوف حالهم هو اللي الناس بتذكره اما (الانجازات) وغيرها

والله محد يذكر راعيها بشي
السامـي
16-10-2008, 04:32 PM
باختصار
اللي قلبه على اهل قطر ويشوف حالهم هو اللي الناس بتذكره اما (الانجازات) وغيرها
والله محد يذكر راعيها بشي
أي والله انك صادق يا الوجبة..ما عليك من السوالف..ها الدنيا اللي
تشوفها من منشأت ومن مدربين ومن محترفين ومن ميزانيات بالهبل
وراها فلوس،تعد وتعجز..من كومشينات ومن صفقات من تحت الطاولة.
يا رجل متولينها بزنس في بزنس(ومن تولاها عشا ولده).
شاهيناز
16-10-2008, 10:50 PM
صدقتي وماذا تتوقعين من منتخب الجاليات ومن دوري يدار بالتلفون

هلا فيك اخوي

سبب اعتمادنا على الجاليات اتحاد كره القدم الي صار يهتم بالمحترفين اكثر من الاشبال

وتسلم على المرور الحلو
شاهيناز
16-10-2008, 10:51 PM
والله خطيرة شهيناز
يبه يروحون افريقيا ويشترون منتخب كامل ومعاه ثلاثة انديه دعاية ولا يعورون روسنا كل يوم في الجرايد بنسوي وبنفعل يكفي ان الدوري الهندي احسن من دورينا بشهاده الإتحاد الأسيوي!!!!!


هلا فيك اخوي

لو بعد يخلونه خليط ابيض واسود


بيكون احسن

وتسلم على المرور الحلو
شاهيناز
16-10-2008, 10:52 PM
اطلبو لهم الهدايه :secret:


هلا فيك اخوي

الله يهديهم ان شاءالله

وتسلم على المرور الحلو
شاهيناز
16-10-2008, 10:54 PM
هلا فيك اخي الصياد

المشكله كثير من مقتعنين في الاجانب بس شلون نبيهم ينجحون
ونظام الدوري عندنا مب عادل في كل شئ حتى التحكيم غير منصف

وتسلم على المرور الحلو
شاهيناز
16-10-2008, 10:55 PM
تحليل يدل على عقلية رياضية و وطنية عالية ..

شاهيناز ..

تحية لثقافتك الرياضية و متابعتك الدقيقة لكرة القدم في قطر .. مع أن كونك امرأة ..


هلا فيك اخوي

كوني امرأة لايمنعني من متابعه جميع الاحداث في قطر

سواء رياضيه او غير
والي ساعدني في الرياضه هلي كلهم رياضين


وتسلم على المرور الحلو
شاهيناز
16-10-2008, 10:57 PM
ولاتنسي أختي مذبحة النادي الأهلي اللي تم محاربته بكل الطرق لأعدامه وتنزيله للدرجه الثانيه ..
ترى المنافقين في هالبلاد وايد وهم اللي يحاولون يقنعون الشعب بأن الخطأ صح ..<< طبعا الصحفيين المنافقين اللي يترزقون من ورا بيع الكلام والرخيص ..

للأسف الكل يستهزء ويضحك على أتحادنا ومنتخبنا وطريقة أدارته ....

وأتحادنا وأدارته كأنهم مثل الأطرش في الزفه ... او أنهم يستهبلون ويدعون عدم السماع ...

الأنحياز مكشوف للجميع وهو سبب أبتعاد الجماهير عن الملاعب ...

والتلاعب واضح حتى للأعمى ... سنين ومليارات راحوا وماشفنا غير الكلام الفاضي والوعود ...
ناس كانوا ولاشي وصاروا كل شي والسبب الكوره وماأدراك مالكوره ..

والله زمن عجيب ... صرنا نصرف على الكوره مايسد جوع مليون أنسان لمدة سنه

أصبحنا نضحي بقيمنا وعاداتنا وأبنائنا من أجل لعبه لن تغنينا ولن تدخلنا الجنه بل ستؤدي بنا الى نار جهنم وغضب من الله لما فيها من تبذير وتلاعب وفساد ورشاوي وووو...

نسأل الله ان يهدي مسؤولينا وينور بصيرتهم ويروا مايراه كل الشعب

الف الف شكر وتحيه وتقدير لك أختي شاهيناز على الموضوع المميز

الله يوفقك ويسعدك ويرزقك الخير دنيا وأخره أن شاء الله

هلا فيك اخوي

مشكله النادي الاهلي معروفه للجميع الاداره

الاداره الي تولت الاهلي ماهتمت فيه والي صار السنه في انتخابات النادي الاهلي
والحركه الي صارت للمغيصيب كانت واضحه

نادي تبي تطلع على حساب نادي له تاريخ عريق
والله يعين الاهلي ويوفقه باداره تديره بحب وليس لحب الظهور

وتسلم على المرور الحلو
شاهيناز
16-10-2008, 11:00 PM
شاهيناز
المسئول الاول والاخير
هو الي يدير الرياضه القطريه
اتحاد الكره مثلهم مثل الجماهير
كل يوم يتفاجئون بقرار وعليهم التنفيذ
حتى سالفة فوساتي ماعرفو يطبخونها عدل
وهــــــذا هــــــــــو حــال الـرياضــه

هلا فيك اخوي

كلامك صحيح اخوي
مشكله اتحاد كره القدم الي يتولونه بدون شحصيه مجرد صور
لتنفيذ الاوامر

بس خلاص ماتعبوا

نبي غيرهم يمكن يكون لهم راي ولا كلمه يمكن..!!!

وتسلم على المرور الحلو
شاهيناز
16-10-2008, 11:02 PM
انتي صح 100%...

بس حبيت اشكرج لان طلعتي اللي بقلبي .....

ولا تعليقج وكلامج كفى ووفى


هلا فيك اخوي

تسلم اخوي الحمدلله اني كتبت مايدور في خاطركم

وتسلم على المرور الحلو
شاهيناز
16-10-2008, 11:03 PM
مع المادة اعلاه .. كما وردت !

مع العلم .. انني لا ازال متفائلا .. بأن هناك استطاعة للتأهل بالرغم من هذه الهزيمة (الثقيله) ،

كل الشكر للاخت شاهيناز على ماتفضلت بذكره في الموضوع ،،


هلا فيك اخوي

ان شاءالله الامل بالله كبير
الله ينصر العنابي في مبارياته الجايه يارب

وتسلم على المرور الحلو
شاهيناز
16-10-2008, 11:05 PM
لا اتوقع اي نتيجه رياضيه جيده للرياضه القطريه بسبب سوء ضعف البنيه التحتيه الرياضيه و الضعف الثقافه الرياضيه لدي المجتمع القطري

و الدليل دوره العاب الاولمبيه اثينا 2004 و بيجنغ 2008 ولا ميداليه ملونه و في عام 2000 حققنا برونزيه عن طريق رفع اثقال بالمجنسين

وين القطريين الي قدرون يشرفون بلادهم -----------------------------------> مافي

تقبلو مروري و شكرا علا الموضوع


هلا فيك اخوي

التدخلات الخارجيه والقرارات الي تجي اتحاد الكره واللجنه الاولمبيه سبب البلاء
ناس تشتغل وتجيهم اوامر يمكن ماتتناسب مع الخطط
بس ينفذون مجامله على حساب الرياضه

وغير الي يستغل ها الشئ
ويسرق اموال على مقترحات لاهدف منها الا الكسب المادي

وتسلم على المرور الحلو
شاهيناز
16-10-2008, 11:07 PM
السلام عليكم ورحمة الله وبركاته

ان شاء الله الفرصه ماضاعت ونتمنى التاهل

لكن اصراحه مانبي نتاهل بهذا المستوى يعني نفرض

رحنا المونديال يعطونا على عشره ونرجع هذي فضيحه

واصراحه المنتخب لن يتطور الا بمدربين اهل خبره يكتشفون

المواهب الصغير اي يلفون منطقه منطقه ومدرسه ومدرسه

حتى يكتشفون المواهب الصغيره هذي مردونا

وين كان يعلب في حي واكتشفوه وكثير من اللاعبين

المشهورين مسي برشلونه اخذه وهو صغير وكان يعالج

احد رجليه لانها كانت اصغر من الثانيه لذا ياليت يهتمون في

الصغار لاني اصراحه شفت مواهب قطريه صغار مشاء الله

عليهم وبعد على الاقل انحد من التجنيس الي زاد اكثر من اللازم

انا موضد التجنيس لكن في حدود

وان شاء الله مايقصر المنتخب ونتاهل الى المونديال الامل مازال موجود

مشكوره اختي شاهيناز على الموضوع والله يعطيج الف عافيه.....



فتى دخان






هلا فيك اخوي

ان شاءلله المنتخب يتاهل

المواهب موجوده لو تتابع مباريات الريان في دوري الرديف بتعرف ان هناك صف ثاني من المواطنين مثل سعود خميس ناجي مراد جار الله المري وغيرهم ينتظر الفرصه
والله يوفقهم يارب
ويتم الريان الممول الرسمي للمنتخبات القطريه

وتسلم على المرور الحلو
شاهيناز
16-10-2008, 11:08 PM
مابه اكبر من فضيحتهم يوم يتعاقدون مدرب فاشل طالع بهزايم ثقيله مع منتخب الامارات ويوقعون معاه عقد في عملية غدر بالمدرب فوساتي اللي ما درا بالسالفه الا بعد كم يوم .... مسكين فوساتي كسر خاطري


هلا فيك اخوي

لين الحين محد عارف ليش الي صار وشلون في ليله وضحاها صار ميتسو مدرب العنابي

صراحه الخبر كان صدمه للجميع

وتسلم على المرور الحلو
شاهيناز
16-10-2008, 11:10 PM
صدقتي بالنسبة للمنتخب 00 احس ما فيه وطنية لان اكثرهم مجنسين

الله يذكرهم بالخير ايام احمد الماجد ومنصور مفتاح وماجد الصايغ

ويونس احمد ومحمد دهام 0000 و000 و000 و0000 و0000

اما بخصوص الاندية فالبقاء للاقوى

وهالناديين اللي ذكرتهم (( الغرافة والسد )) هم الاقوى من بين جميع الفرق الاخرى

ونلاحظ اهتمام الادارة واللعبين برفع اسم ناديهم وبالتالي المنافسة الشريفه بينهم 0


هلا فيك اختي

الاجانب صراحه ماقصرو والي يشوف سبستيان مايشك انه مب قطري يلعب بقلب
لو صحيح ان الغرافه والسد ادارتهم مهتمه فيهم كان شفنا لهم نتائج في دوري ابطال اسيا
اما انهم ينهزمون من فرق وفي ملعبهم فرق ميزانيتها ربع سعر محترف في النادي
هنيه نعرف ان هناك خلل

وتسلمين على المرور الحلو
Revamp
17-10-2008, 12:06 AM
احيييج علي هذا التقرير.....زبده الكلام كل الي حاصل عندنا انا اسميه...كربشين...يعني فساد....الله يذكر ايام زمان....اللحين كلها كم يوم وبنسونا كل الي صار خاصه قبل مباراه اليابان
N7eEeS
17-10-2008, 12:23 AM
انا أشهد يوم انج كتبتي الموضوع كان قلبج محترق ، انا اعتزلت مشاهدة جميع الالعاب الرياضيه التي لايوجد فيها لاعبين قطريين لان مايسون حرقة القلب عليهم.
وهارد لكتر وعقبال مانقول مبروك لقطر
دلة الرسلان
17-10-2008, 01:09 AM
هو بس اتحاد كرة القدم ؟؟
bohilal191
17-10-2008, 04:24 AM
كل هاي كوم وتعاقدهم مع مدرب فاشل استغنوا عنه الامارات الشقيقة كوم ثاني الحمدلله والشكر طلع اخرطي
Qt.1
17-10-2008, 05:58 AM
والله شقولج كفيتي ووفيتي ماشاء الله عليج كلامج ايدل على وحده متابعة كرة قدم صح وفاهمه صح,,,,,,,,,,,,

شوفي الله يسلمج الحل والطريقه الوحيده الي بتخلي منتخب قطر صج اسمه منتخب قطر,,,,,

اول شي تغيير المنتخب كامل من طخة كوني وطخة هالصوماليين وايحطون هل قطر وشباب قطر الي لين انهزمت قطر قلبه يحترق ويموت من القهر على هالفنيله الي عليه مب لااعب بس معاش وتعال العب زين اهو شنو هامه فازو والاا اخسرو معاشه بييه اخر الشهر جذي والاا جذي,,,,,,,,,,,,,,,,,,,

ثاني شي استقالة اعضاء اتحاد الكره لاانهم خلاص حذو فرصتهم واثبتو للجميع انهم مب قادرين ايسوون شي لانهم اصلاا ماعندهم شي خلاص عطو غيركم فرصه,,,,,,,,,,,,,,,,,,,

والله ينهزم المنتخب واللعيبه كلهم شباب قطر اشرف من ينهزم وكله افارقه,,,,,,,,,,,,,,,,
gokart
17-10-2008, 08:10 AM
يعطيج العافية على الموضوع
شاهيناز
17-10-2008, 02:29 PM
مشاءالله عليج اختي ، رياضية درجة أولى .

أنه اضم صوتي إلى صوتج وأطالب بأستقالة جماعية لأتحاد الكورة ، لأنهم فاششششششششششششللللللللللللللللييييييييييييييييييين .


تحياتي .

هلا فيك اخوي

والحمدلله كلامي الكل متقف معاه

ونتمى يستقيل اتحاد كره القدم
ويجون ناس بعدهم ماينفذون الاوامر

يكون لهم راي
ولا ينحازون لانديه على حساب انديه اخرى
وتسلم على المرور الحلو
شاهيناز
17-10-2008, 02:30 PM
اتمنى من مجلس الوزراء محاسب المسؤولين على منتخب قطر

لأنه أموال الدوله قاعده تضيــــع هــــدر


!!


هلا فيك اخوي

نتمنى ذلك
وتسلم على المرور الحلو
شاهيناز
17-10-2008, 02:31 PM
:secret::secret::secret: 4 / صفر:secret::secret::secret:

:weeping:
شاهيناز
17-10-2008, 02:32 PM
آآه يالقهر

الأتحاد هو السبب في الي قاعد يصير واذا ماتأهلنا لكأس العالم (( الله لايقولها ))

احنا في انتظار الشيخ حمد بن خليفة بن أحمد آل ثاني رئيس الاتحاد القطري

يقدم استقالته مثل ماوعدنا


هلا فيك اخوي

بيقدم استقالته

بس ان شاءالله الي يجي يكون احسن

وتسلم على المرور الحلو
شاهيناز
17-10-2008, 02:33 PM
انتوا للحين تتابعون مباريات المنتخب ؟ :con2:


ولاخر يوم في عمرنا


ليش؟
شاهيناز
17-10-2008, 02:34 PM
:app::app::app::app::app::app::app::app::app::app:


أرفع عقالي لك إحتراما يا شاهينااااااز على الطرح المميز


هلا فيك اخوي
تسلم على التشجع والمرور الحلو
شاهيناز
17-10-2008, 02:35 PM
عز الله ما جبتي إلا الصدق والحاصل ,, سلمت اناملكم ,,

تذكرون الكواري (مشجع رياني) اللي يدوم يتصل عالمجلس ,,
من سنتين وهو يقول نفس كلامج... سلموا لي على الكره القطريه ,,

اهم شيء الإنتر omen:looking: ,,


هلا فيك اخوي

مسكين الكواري انبح صوته
بس ولا حد التفت له


وتسلم على المرور الحلو
شاهيناز
17-10-2008, 02:36 PM
للأسف بعض اللعيبه
مايستاهل يشيل هالشعار



http://www.img1000.com/images/tahwwj94jg1cdcvdhpo2.gif (http://www.img1000.com/)



http://www.img1000.com/images/pylz621hylrl8xcvmd92.gif (http://www.img1000.com/)








ويعطيج العافيه
شاهيناز


هلا فيك اخوي

كلامك صحيح

وها الكلام ينطق على القطريين والمجنسين

فيهم استهتار وكانهم في مباراه تدريبيه
وتسلم على المرور الحلو
شاهيناز
17-10-2008, 02:37 PM
السلام عليكم
والله كلام صحيح
لكن انقول الامل مزال قائم
وان اشاءالله ايعوظون
بس الصراحة قصرو امس الله يهديهم
بس نقول ياالله,,,,


هلا فيك اخوي

دوم الامل بالله موجود

وان شاءالله المباراه تكون درس لهم


وتسلم على المرور الحلو
شاهيناز
17-10-2008, 02:38 PM
:weeping:

وين المنتخب ؟؟؟؟؟؟؟؟؟؟؟؟؟؟؟؟؟؟؟


في مهب الريح!!!!!!!!!!!!!!!!!!!!!!!!!!


:secret:


هلا فيك اخوي

ان شاءالله توقف الريح

ونعرف مكانهم

وتسلم على المرور الحلو
شاهيناز
17-10-2008, 02:39 PM
ااانا عندي امل انشالله ان المنتخب بيعود للمنافسة من جديد :nice:

بس عندي تعليق على برنامج المجلس و محللينه :omen2:
من شهر وهم يقولوون خطورة المنتخب الاسترالي من الاجناب و يجب على المدرب تسكير الاطراف و الاطراف هو مصدر خطورة المنتخب الاسترالي
وسبحان الله المدرب سمعهم و طبق كلامهم

الفضيحة اللي بجلاجل ان جميع الاهداف كانت من كور طولية و من اختراق من الوسط :rolleyes2:

ودي اعرف من اللي طلع سالفة الاطراف و قص علينا و على مدربنا :victory:

هلا فيك اخوي

اغلب الكلام في المجلس

مامنه فايده

هذره× هذره

لكن محد يطلع منها بشئ
غير انا نضيع وقتنا

وتسلم على المرور الحلو
شاهيناز
17-10-2008, 02:42 PM
شكرآ لصاحبة الموضوع على حسها الوطني .. ولكن :

(( الطعن في الميت حراااااام ))

إحنا بكل صراحة .. دولة تموووووووووووووت على المدح والزبو والمهايط اللي ماله عازه أبد

نمووووووت على مدح دورينا .. ومنشآتنا .. والدعم المادي اللامحدود !! ( وما ادراك مالدعم )

بنقول :

إعلاميآ .. نعم هناك هاله إعلامية أكثر من اللازم بكثير

منشآات .. نعم توجد ولله الحمد

الدعم المادي .. موجود للأسف ( ولو ان أهل قطر أولى فيه من الرياضة والرياضيين )

ولكن وين المردووووووود ؟؟

وين النتايج ؟؟

وين الولاااااااااااااااء ؟؟

وين الروح المعنوية ؟؟

للأسف المسؤولين في اتحاد كرة القدم

شاطرين في السفرات ( درجة أولى )

و حجز أفخم الفنادق والسويتات

والغدا والعشا والعزايم في النادي الدبلوماسي

وكله على حساب من ؟؟

( أعتقد ، على حسابهم الخاص ) :anger1:

الله أعلم

إحنا نبي مبدأ (( الثواب والعقاب ))

لعيبة ماعليهم قاصر ( تفرغ + رواتب + بيوت ) مكافآت مالية عند الفوز أو تسجيل الأهداف

نبي محااااااااااااااااااسبة عند الخطأ أعيد واكرر محااااااااااااااااااااااااااااااااااااااااااسبة

نبي نكون نفس السعودية في هالنقطة فقط .. ( لأن المسمار مايثبت في الطوفة ) الا بعد الدق على راسة
---------

بيني وبينكم والله ماعاد اشوف دورينا ولا مباريات المنتخب :anger1:

الله يطول عمر كرت الجزيرة الرياضية

مافيه الا برشلووووونة (( فديتهم )) أكحل عيني فيهم كل إسبوع

وسلامي للجميع

:victory:


هلا فيك اخوي

كلامك صحيح

والدليل الاسياد

كان المفروض يطلعون لنا بتقرير عن الاسياد

وش استفدنا منها
وماهي الاخطاء الي تعرضنا لهم
ومن المخطئ في الاسياد
الاسياد كان في تجاوزات كثيره
لكن كلها كانت مجرد كلمات تتطاير يمين وشمال
لكن حد قال شئ تركو الامر للوقت حتى ننسى

لكن بتضل علامه صعب نسيانها
لان المخطئين لازالو يعملون ويخططون
لمصالحهم على حساب قطر
وتسلم على المرور الحلو
شاهيناز
17-10-2008, 02:43 PM
يحليلج شاهيناز تفهمين بالرياضة :(


هلا فيك اختي

وافهم في الطبخ والمكياج بعد

وتسلمين على المرور الحلو
شاهيناز
17-10-2008, 02:45 PM
سبحان مغير القلوب با شهيناز


هلا فيك اخوي

ماتغير شئ فيني

لازلت اشجع العنابي وماعندي مشاكل مع التجنيس

احب قطر ومستحيل اتمنى فوز العراق او غيرها على قطر
لان قطر غاليه على قلبي

بس المشكله في اللي دوم يتمنون الهزيه لقطر
ذولا شوي حالهم مثل حال الطقس
اذا في عتب على المسؤولين بقوله
وهذا من حقي
وتسلموو
شاهيناز
17-10-2008, 02:46 PM
http://farm4.static.flickr.com/3285/2842395498_dd8a4eb682_o.jpg

http://farm4.static.flickr.com/3088/2841557273_9e466dc0a9_o.jpg

لا تعليق

اهم شئ يحققون الفوز لقطر

هذي امور شخصيه

ولا تدقق في صغائر الامور في امور اكبرمنهااااااااااااااااا
شاهيناز
17-10-2008, 02:48 PM
لا حول ولا قوة الا بالله ............... خساير في خساير .... مش متعجب ولا مستغرب من النتيجه من اساسه ولذلك ما قمت اتابع ولا مباراة لدوري القطري ولا منتخب للاسف الشديد !!
انا مهب رياضي ولا مستحبي الكرة من اساسه ولاكن روحي الوطني اتخليني استفسر عن المنتخب و عن بطولاته وجولاته .
في السابق كان المنتخب يحرز الانجازات و نجدهم يلعبون بروح هجومية ليس من اجل الشهره او الماده كما هو حاصل اليوم لانهم كانوا ابطال من روح قطر وحتى لو كان بينهم متجنسين كانوا من مواليد قطر وسكانه ليسوا من دول اخرى لانعرف عن دينهم ولا وطنيتهم .
اتحاد الكرة للاسف الشديد يظنون انهم يستطيعون يأتون بلانجازات بالمال ويشترون اللاعبين والمدربين والاجهزه وكل ما يتيح لهم من الميزانيات اللانهاية له وتناسوا انه الوطنية والانتماء هي التي تنجز و تنتج وتحرز المراكز الاولى ولا تشترى بالمال ،،،،، ويكفينا الدخلاء في الرياضه الذين ليس لديهم ادنى فكرة عن الادارة الرياضية وعن كيفية التعامل مع الاعبين

لا اريد ان اطيل عليكم لانه الموضوع له تبعيات كثيرة وحسبي الله ونعم الوكيل


هلا فيك اخوي

مشكلتنا مع الدخلاء في الرياضه
لان الرياضه بالنسبه لهم مغاره علي بابا
يدخلون ونيهبون
وينفذون الاموار حتى يكونو من المقربين

الله يكفينا شرهم
والرياضه عندنا تحتاج لتغير مسار
حتى تعود كما تعودنا
وتسلم على المرور الحلو
شاهيناز
17-10-2008, 02:50 PM
دام النتيجه وحده .. وما راح نتاهل لكاس العالم ..

ليش ما نلعب كوره يالربع .. رواتب خياليه .. تفرغ .. شهره .. بيوت ..


ها شراااايك ..؟


هلا فيك اخوي

بلا دوام ولا انتظار زياده راتب

ولا الخوف من البند المركزي

يالله الكل يروح لرياضه عشان مايكون في تجنيس
وتسلم على المرور الحلو
شاهيناز
17-10-2008, 02:51 PM
ميتسو لن يحقق انجاز للكره القطريه وليس افضل من المدربين السابقين


هلا فيك اخوي

الكل مستغرب من اقاله فوساتي

والتعاقد مع ميتسو


وتسلم على المرور الحلو
شاهيناز
17-10-2008, 02:53 PM
احيييج علي هذا التقرير.....زبده الكلام كل الي حاصل عندنا انا اسميه...كربشين...يعني فساد....الله يذكر ايام زمان....اللحين كلها كم يوم وبنسونا كل الي صار خاصه قبل مباراه اليابان


هلا فيك اخوي

فساد الرياضه اصبح مثل كره الثلج

بس متى بيتوقف
الله يعلم

والحين هم بينسونا بالدوري

وبعده مباراه اليابان

وبعدها كاس الخليج
والدنيا عندهم تلاهي
وتسلم على المرور الحلو
شاهيناز
17-10-2008, 02:55 PM
انا أشهد يوم انج كتبتي الموضوع كان قلبج محترق ، انا اعتزلت مشاهدة جميع الالعاب الرياضيه التي لايوجد فيها لاعبين قطريين لان مايسون حرقة القلب عليهم.
وهارد لكتر وعقبال مانقول مبروك لقطر


هلا فيك اخوي

الكل محترق قلبيه حتى الي ماشاف المباراه

وصدقني سبستيان رغم انه مجنس

لكن يعلب بروح اكثر من ابراهيم خلفان وغيره من القطريين

بس مشكلتنا مع اتحادنا الصوري الي مامنه فايده
وتسلم على المرور الحلو
شاهيناز
17-10-2008, 02:55 PM
هو بس اتحاد كرة القدم ؟؟

وين بعد:rolleyes2:
شاهيناز
17-10-2008, 02:57 PM
كل هاي كوم وتعاقدهم مع مدرب فاشل استغنوا عنه الامارات الشقيقة كوم ثاني الحمدلله والشكر طلع اخرطي


هلا فيك اخوي

ميتسيو النكبه

نكب الفريق والنكبات في الطريق جايه
وتسلم على المرور الحلو
شاهيناز
17-10-2008, 02:58 PM
والله شقولج كفيتي ووفيتي ماشاء الله عليج كلامج ايدل على وحده متابعة كرة قدم صح وفاهمه صح,,,,,,,,,,,,

شوفي الله يسلمج الحل والطريقه الوحيده الي بتخلي منتخب قطر صج اسمه منتخب قطر,,,,,

اول شي تغيير المنتخب كامل من طخة كوني وطخة هالصوماليين وايحطون هل قطر وشباب قطر الي لين انهزمت قطر قلبه يحترق ويموت من القهر على هالفنيله الي عليه مب لااعب بس معاش وتعال العب زين اهو شنو هامه فازو والاا اخسرو معاشه بييه اخر الشهر جذي والاا جذي,,,,,,,,,,,,,,,,,,,

ثاني شي استقالة اعضاء اتحاد الكره لاانهم خلاص حذو فرصتهم واثبتو للجميع انهم مب قادرين ايسوون شي لانهم اصلاا ماعندهم شي خلاص عطو غيركم فرصه,,,,,,,,,,,,,,,,,,,

والله ينهزم المنتخب واللعيبه كلهم شباب قطر اشرف من ينهزم وكله افارقه,,,,,,,,,,,,,,,,



هلا فيك اخوي

وضيف لهم

دوري عادل

مب مسيطرين على وكاله الدوري

سنه زيد وسنه عبيد
ويرمون لبقيه الانديه ترضيه

بقيه البطولات
وتسلم على المرور الحلو
شاهيناز
17-10-2008, 02:59 PM
يعطيج العافية على الموضوع

الله يسلمك يارب
بدور
17-10-2008, 03:13 PM
شاهيناز ماشاء الله عليج حتى الرياضه وسوالف الانديه والمنتخب :)

الله يحفظج الغاليه ابدعتي في المشاركه كفيتي ووفيتي :nice:
شاهيناز
17-10-2008, 03:17 PM
شاهيناز ماشاء الله عليج حتى الرياضه وسوالف الانديه والمنتخب :)

الله يحفظج الغاليه ابدعتي في المشاركه كفيتي ووفيتي :nice:

هلا فيك اختي بدور

منور المواضيع
وش اسوي بيتنا رياضي
اذا ماتفهمين في الرياضه

مالك صوت في البيت
وتسلمين على المررو الحلو
مريش
17-10-2008, 07:19 PM
ان شاء الله زيد ياخذ الدوري هالسنه
بس شكله الدوري رايح لاحق زيد ولا عبيد

والله يعين العالم على زيد مسببه ازمه قلبه ومرض نفسي
لكثير من الأشخاص

بحاول اقنعه يسوي مستشفى لهذ المرض الخطير
الا وهو مرض زيد في ناس كثار فيهم سرطان زيد

الله يشفيهم
شاهيناز
17-10-2008, 07:40 PM
ان شاء الله زيد ياخذ الدوري هالسنه
بس شكله الدوري رايح لاحق زيد ولا عبيد

والله يعين العالم على زيد مسببه ازمه قلبه ومرض نفسي
لكثير من الأشخاص

بحاول اقنعه يسوي مستشفى لهذ المرض الخطير
الا وهو مرض زيد في ناس كثار فيهم سرطان زيد

الله يشفيهم

السنه سنه زيد

قدرنا وراضين فيه وهذا سبب تدهور الرياضه القطريه

وتاكد لامسبب ازمه ولا شئ
الناس صارت تتابع الدوري الايطالي والانجليزي والاسباني

وتاركين زيد وعبيد لدوري القطري

وقفنا مع زيد ايام الكرامه
لكن رايح جاي على قوله السوريين انهزم

الكرامه الي مسبب لكم ازمه
الله يشافيكم منها

اوبس
الخيميائي
17-10-2008, 07:47 PM
ماحب المواضيع الانفعالية

نفس المنتخب بنفس اللاعبين بنفس الادارة بنفس الاتحاد رفعتوهم السماء قبل شهر والحين خسفتوا فيهم الارض


وان شاء الله الدوري للسيلية والهداف سي سي والاداري المثالي بوصقر واحسن حارس بابا غنوج :)
مريش
17-10-2008, 08:11 PM
السنه سنه زيد

قدرنا وراضين فيه وهذا سبب تدهور الرياضه القطريه

وتاكد لامسبب ازمه ولا شئ
الناس صارت تتابع الدوري الايطالي والانجليزي والاسباني

وتاركين زيد وعبيد لدوري القطري

وقفنا مع زيد ايام الكرامه
لكن رايح جاي على قوله السوريين انهزم

الكرامه الي مسبب لكم ازمه
الله يشافيكم منها

اوبس


الكرامه الي يوصل قبل نهائي كاس اسيا

أفضل من السالميه وفرق ماعندها لا انجازات ولا طموح

هالكرامه جان زين تلعبون وياهم
باروح الملعب باخذ لي كورن سويت وناتشوز وسلاش وكولا وماي وكافيباقعد اضحك وايد هههههه

انتو خذو كاس الشيخ جاسم عقب تكلمو

اوبسين
فتى دخان
17-10-2008, 08:31 PM
هلا فيك اخوي

ان شاءلله المنتخب يتاهل

المواهب موجوده لو تتابع مباريات الريان في دوري الرديف بتعرف ان هناك صف ثاني من المواطنين مثل سعود خميس ناجي مراد جار الله المري وغيرهم ينتظر الفرصه
والله يوفقهم يارب
ويتم الريان الممول الرسمي للمنتخبات القطريه

وتسلم على المرور الحلو

اختي شاهيناز اول شي انا ماقلت مافيه لكن قليل ولا الي يطلعون موتلك الموهبه عادي لعبهم

كلهم الي ذكرتيهم لكن اقول اصغار الي في المدارس وفي المناطق يعني بالعاميه

((نبي نكتشف الي يلعبون في الشوارع والملاعب الي في المنطقه لني اصراحه شفت مواهب صغيره لكن من الي يهتم فيهم ))

يعني نفس منطقه اعرفها عندها نادي لكن عمانيين وشوية مصريين وافريقين والمدرب عماني واذا واحد اقطري حاب يدش معهم خلوه احتياط لين يزهق ويروح ولاولي يقهر احتياط في تدريب هذا ظلم وين نلعب ولانبرز واخر شي الافارقه والمصريين يطلعونالدرجه الثانيه ويروحون الدرجه الاولى وانتو شفتوهم
الحين في الدرجه الاولى بشكل رهيب هذا بس عينه من الي انا اعرفه والله يستر على المناطق
الثانيه


والله فيه مواهب قطريه وصغيره ولازم الاتحاد ينظر الى تلك المواهب

ومشكوره اختي شاهيناز
الألماسي
18-10-2008, 02:02 AM
السبب الرئيسي لخساره المنتخب ضد الكنغارو مساعد المدرب حسن حرمه الله لأنه المسؤول الأول و الاخير عن التكتيك في تلك المباراه . . والا يا ذكي تلعــّـب مجدي + خلفان + ماجد في تشكيله وحده وتبيهم يدافعون . . !!

اما ماذكر سابقاً عن اتحاد الكره القطري . . فــ لا جديد . . الدوري هـ السنه لأم صلال و السنه الجايه للـريان و اللـي عقبهـا للعـربي الــخ . . الـــخ . . الــخ على قوله اختنا أثر الفراشه :nice:

لا جديد يذكر . .