مطلوب عــــــــــاجل وكلكم عندكم هالطلب

[دنيا جديده]

محتاجه افكاركم

وحده من ربعي تزوجت ومب عارفه من وين اخذ لها هديه وشنو الهديه اللي تناسبها وابيها تكون فخمه

ياليت تعطوني محل لهدايا المتزوجين اروح له او نوع الهديه شنو اخذ لها
:victory:


انطركم

[limited]

اخذي لها عطر الشيخ نسائي فخم وريحته فظيعه مع باقة ورد جميله

[لوردغاليري]

هلا اختي

عندي تلبيسات حرير قمه في الرقي والروووعه

ووصلتني مجموعه جديدة
صندوق فخم لويس فيتون


جلد طبيعي


يحتوي ع عطر بخاخ دهن عود
وربع تولة دهن عود كمبودب فاخر درجه اولى
و5 تولات عود خشب كمبودي فخم


لوحابة راسليني ع الخاص

[باقيـﮧ على ذ ڪرآڪ]

اذا هى صديقه تعزينها كثير اشترى طقم ساعه لها ولزوجها من عند مجوهرات المفتاح

[الوان]

اخذي لها هديه عملية

[الحره]

ممكن تاخذين لها خاتم ألماس او ذهب من غير الماس ويكون راقي وفخم وتروح تغلفينه وتحطينه في باقة ورد انصج بمحل فلورا للورد

او تقدرين تاخذينلها طقم فراش حلوو من اي مكان تختارينه حسب ميزانيتج

او مجموعة عطور :)

شوفي الي يناسبج

[a7SaaS]

هلا اختي
انا سويتها الى اعز صديقاتي في زواجها
وكانت الهديه عباره عن

اترولي وشريت كميه من العطورات من باريس غلري
وحطيت العطور في الرف الفوقي
والبخور وعطر الملابس والمفارش حطيتهم في الرف التحتي
وبينهم شموع وفوق في الوسط صندوق قران
وديته محل تغليف هدايه
كلفني بس طلعت حلو الهديه
والله يوفقها يارب

[عشووقي]

فديتج انا عطيت اعز صديقه عندي ساعه الماس وخاتم ورحت غلفته انتي وعلى حسب الميزانيه تقدرين تشترين لها ساعه ماركه من الصالون الازرق مثلا ولا باريس غاليري ولا من اي مكان انتي حابته واتعرفينه

[الدوحه%]

مرحبا اختي ادري متوهقه في

الافكاار:omen2: لاكن مثل ماقالو خواتي انتي وميزانيتج ,,, والعروس علاقتها فيج اذا

كانت بعيده اوقريبه ,, انا بقولج اللي سويت,, بسم الله

وحده من صديقاتي تموت في العطورات شريت لها في عرسها عطر الشيخ نسائي وكم عطر

جديد يكون اخر شي نزل وخذيتهم من البيت الجديث ,, وشويه عطور عربيه من الجزيره

للعطور ووديتهم حق فلورا حطهم لي في باقه ورد,,طبعا يجنن شكله,,,الثانيه صار عرسها

بسرعه مسكينه وادري مالحقت تتجهز وهي وحده عمليه مدرسه يعني ,,وماتحب العطورات

وايد ,,حدها دهن عود,, فكرت في حاجه تحبها وماتقطها كان الله يسلمج بوتيك ديور توه فاتح :

:nice:: خذيت لها جوتي وشنطه طقم وحزام وطبعا تغليف ديور,, وايد شكرتني عليه ,,,

مممم واخر عرس بنت عمي اكتفيت اني اخذ لها خاتم الماس من ا لفردان;)

وموفقه يارب وقوليلنا اشسويتي ,,

[محمد11]

شوف الاخت شمسه المهيري
مختصه في هالاشياء ..

[nor85]

هلا اختي
انا سويتها الى اعز صديقاتي في زواجها
وكانت الهديه عباره عن

اترولي وشريت كميه من العطورات من باريس غلري
وحطيت العطور في الرف الفوقي
والبخور وعطر الملابس والمفارش حطيتهم في الرف التحتي
وبينهم شموع وفوق في الوسط صندوق قران
وديته محل تغليف هدايه
كلفني بس طلعت حلو الهديه
والله يوفقها يارب
فكرتك حلوه والله

[nor85]

حبيتي اعتقد يعتمد على الميزانيه اللي انت حاطتها عندك اشياء وايد اخذ لها مفرس من الصالون الازرق الحين عندي تنزيلات وبتلقينهم يمكن على 2000 وراح يبقى معاها لمده طويله بتلقيهم في بوكسات كبيره وبالتوفيق

[umhend]

اهم شي خليها اتستفيد من كل قطعه في الهديه ... يعني يوم تغلفينها لاتكثرين من الورق والشرايط والاشياءالي تتنثر وتلمع توصخ المكان محلات التغليف يموتون على هلأشياء .. تدرين خذي منظر
طبيعي وسوي التغليف فوقه من ورد طبيعي وكاسات وشموع يعني حتى ارضيه الهديه بعد فيها فايدة
وعندج فكرة طقم الكاسات الي طالعه منة زراعه ورد واييد حلووة الشغله ويالتوفيق

[دنيا جديده]

ووالله افكاركم كلها حلوه بعد اللي عنده او يبيع شي يضيفه

:)

وشاكره لكم تعاونكم يالطيبين

[غناتي1]

هي الهدية على حسب ميزانيتج 000

ومحل شمسه عنده اشياء حلوة وجديدة

واحلاها عطورات الفراش

[LUL]

شوفي عماره الذهب عندهم ساعات حلوه الماس واسعارها ماتصدقين وبتدعين لي .....

[ام المهدي]

السلام عليكم اختي شوفي انا عندي لك الحل الانسب شرايك لكن من غير ما تضحكين علي او تنقصين من قدري شوفي اختي اعملي من عندي طلبيةحلويات مغربيه والله بعمل افخر الحلويات بس الحظ مو مساعدني وراح اعملها لك بسعر معقول هدا رقمي كمان ببيع خلطات للشعر والجسم وحجات كتيره ارجوك لا تسخري مني والله انها الحاجه هدا رقمي 5276354

[nor85]

السلام عليكم اختي شوفي انا عندي لك الحل الانسب شرايك لكن من غير ما تضحكين علي او تنقصين من قدري شوفي اختي اعملي من عندي طلبيةحلويات مغربيه والله بعمل افخر الحلويات بس الحظ مو مساعدني وراح اعملها لك بسعر معقول هدا رقمي كمان ببيع خلطات للشعر والجسم وحجات كتيره ارجوك لا تسخري مني والله انها الحاجه هدا رقمي 5276354

الله يوفقك اختي بس لو تحطين صوره للاشياء اللي تبعينها يكون افضل لك

[الكلدي]

هديه عباره عن تذكرتين سفر للعمره مع الاقامه لمده 4 ليالي اي فندق محترم
منها هديه مميزه ومنها هديه تاجرين من وراها