نيسان بترول ٢٠٠٩

[gxr o.z]

السلام عليكم ورحمة الله وبركاته
انا حاليا عندي جي اكس ار ٢٠٠٨ واكتأبت من الداخلية السودة الصراحه وفي النت شفت صور داخلية الفتك الصراحه انشرح صدري!!
بكم سعره السفاري او السوبر سفاري الفل مع جلد او شاموا؟؟
حجز ولا على طول ادفع واستلم؟
:victory:

[جغرافي قطر]

اعتقد انه متوفر عندهم
تدفع وتستلم على طول
ولا تاخذ سوبر سفاري
خذ سفاري مواصفات سوبر سفاري
روعه الصراحه
ما يفرق عن السوبر سفاري شي اللهم الطبلون زينون ودرجة الحراره عند المنظره اللي فوق وبس
ياريال حتى تحكم بالمسجل في السكان فيه والجه الثانيه مثبت سرعه
حسافه والله خذت تيوتا 200 الف حتى شاشه مافيه
شنسوي بس خلها على ربك

[الكاسر99]

أخوي أركب الجي أكس وبعدين أركب النيسان فتك وبتحس بفرق شاسع بين الموترين


وأنا واح دمن الشباب عنده فتك 2007 ـو 2008 قال لي ما أنصحك تاخذ فتك قلت له ليش قال موتر

لعبه وما فيه أي مزايا

الجي أكس أو الجي أكس آر والله فرق في السواقة والجلوس في الموتر

هذا رأي الشخصي غير صرفية البترول من مستخدمي الفتك أنها كبيره

[ANONYMOUS]

جرب الالماني وبس..

وخل عنك الكراتين اليابانيه



:nice:

[kemo1981]

يالغالي خلك من النيسان كانك تطيع الشور ترى 2008 و 2009 فيهم صرفية بترول زياده وفيهم صرصره وقرقعه أقسملك بالله وقبل حوالي الشهرين واحد من ربعي طلع سفاري 2009جير عادي درايش تماتيك رفارف سود وباعه ب90 الف ريال وهو ماشي 18 الف كيلو بس يومن سألته قالي الصراحه ما ينفع حق استخدام عادي تبيه حق استعراض ورباشه ابشر بسعدك لكن حق استخدام تراه ماينفع

وفي النهايه انت وشورك لكن إن طعت اخوك خلك على التويوتا شيك بمخباك وقطع غيار اسعارها معقوله ولا جيت تبي تبيعه يوم والثاني إلا هو مبيوع وفلوسك بمخباك

والله يوفقك ويقدملك اللي فيه الخير

[على نياته]

يالغالي خلك من النيسان كانك تطيع الشور ترى 2008 و 2009 فيهم صرفية بترول زياده وفيهم صرصره وقرقعه أقسملك بالله وقبل حوالي الشهرين واحد من ربعي طلع سفاري 2009جير عادي درايش تماتيك رفارف سود وباعه ب90 الف ريال وهو ماشي 18 الف كيلو بس يومن سألته قالي الصراحه ما ينفع حق استخدام عادي تبيه حق استعراض ورباشه ابشر بسعدك لكن حق استخدام تراه ماينفع

وفي النهايه انت وشورك لكن إن طعت اخوك خلك على التويوتا شيك بمخباك وقطع غيار اسعارها معقوله ولا جيت تبي تبيعه يوم والثاني إلا هو مبيوع وفلوسك بمخباك

والله يوفقك ويقدملك اللي فيه الخير

نفس الرآي وبالتوفيق .

[gxr o.z]

اخوي لعب في نككي الصراحه انا اكره النيسان ومادري كيف قال هالكلام