هل من المعقول قطر لم تتأثر بالأزمة؟؟

[WolfofQatar]

ألسلام يا جماعه:

الصراحه يا جماعه اول ما سمعنا انه بعض بنوك امريكا افلست والكبار منها انه جاه في بالي اقتصاد قطر وشكثر راح يتأثر. لكن بعدين اشوف الجرايد واشوف الاخبار وكلن يقول انه قطر ما تأثرت وانه السيوله في البنوك ما تغيرت والى اخره....... لكن في نفس الوقت قاعد اسمع في المجالس وف العمل وغيره من الاماكن انه اقتصادنا تأثر وايد وانه اثر الازمه بعد واصل عندنا. الصراحه مش عارف وين الصج حد فيكم يقدر يبث ممكن في هالموضوع

[naklan]

ارباح البنوك الضخمه برهنت ان النمو ضخم والارباح كبيره وان بنوكنا واقتصادنا في خير ولم تتاثر والحمد لله والمنه اعلن بنك قطر والتجاري وكانت اربحهم كبيره ( وبكره الدولي وراه المصرف والريان ) واعتقد ان ارباحها جيده ومفرحه باذن الله وهاذا اثبات انها لم تتاثر والله الموفق

[شورت تايم]

غدآ لاناظره غريب

[SeYaSeEe]

وجهة نظر .. لاكن ..

التاثر لا بد منه .. لان كل بنوكنا عندها استثمارات خارجيه ..

وفي منها في لب الحدث وهو العقار ..

لاكن لا ننسى ان اذا النتايج ممتازه كما رأينا .. معناتها ان هالبنوك كانت موزعه استثماراتها صح ..


عموما .. الله يوفق كل الشركات ..

ولا نحكم قبل ما نشوف نتايج الشركات للربع الرابع ..

لان انذآك ببين كم تأثرت هالشركات ..

.
.

[gamal503]

[QUOTE=WolfofQatar;3250843]ألسلام يا جماعه:

الصراحه يا جماعه اول ما سمعنا انه بعض بنوك امريكا افلست والكبار منها انه جاه في بالي اقتصاد قطر وشكثر راح يتأثر. لكن بعدين اشوف الجرايد واشوف الاخبار وكلن يقول انه قطر ما تأثرت وانه السيوله في البنوك ما تغيرت والى اخره....... لكن في نفس الوقت قاعد اسمع في المجالس وف العمل وغيره من الاماكن انه اقتصادنا تأثر وايد وانه اثر الازمه بعد واصل عندنا. الصراحه مش عارف وين الصج حد فيكم يقدر يبث ممكن في هالموضوع[/QUOTEع

[مضارب جديد]

اخي العزيز

القانون القطري واضح فيما يخص مدققي الحسابات , فهو يعتبر اخفاء أي بيانات عن المساهمين أو محاولة تضليلهم جريمة تدخل السجن لسنوات طويلة .

فإذا كانت البنوك اعلنت ميزانياتها المنتهية في الربع الثالث , أي أن المدة شملت الأزمة الأخيرة , فنحن أمام خيارين أما نصدق ماجاء في الميزانيات الرسمية التي تقع ضمن طائلة القانون , أو لانصدق لأسباب نعرفها !!

فإذا كنا نعرف معلومات تم اخفائها فنقوم بإبلاغ الجهات المعنية ( مثل ادارة الجرائم الاقتصادية بوزارة الداخلية أو النيابة العامة ) .

لذلك انا اصدق الميزانيات الرسمية

[sad-o-bas]

ياجماعة ممكن سؤال..غير الخوف والجانب النفسي وسحب الودائع من البنوك..

ترى الأمة ما أعلنو عنها إلا فالأسابيع الي طافت.. متى وافقو على ال700 مليار.. من 3 أسابيع على ما أعتقد.. يعني حزتها، البنوك ماكنت متأثرة بهالشي.. لاتنسون إن الأرباح هذي حق شهر سبتمبر.. ممكن تحكمون من خلال نتائج الربع الرابع فقط، شيلوا منها الشهور التسع الأولى وعقب بيبين إذا بنوكنا تأثرت أو لا..

تحياتي

[ودي أكون]

ممكن تحكمون من خلال نتائج الربع الرابع فقط، شيلوا منها الشهور التسع الأولى وعقب بيبين إذا بنوكنا تأثرت أو لا..

من كم يوم ضخوا مبلغ وقدرة عشان السوق مايدمر اكثر !!

الدول كلها تأثرت شلون قطر ماتتأثر !!

وامريكا يوم اعلنت افلاس رابع بنك في امريكا .. السعودية بورصتها بكم دقيقه انزلت نزول مو طبيعي ..

ومادري بورصة اي دوله الصين مادري اليابان اللي من 10 سنوات مانزلت هالنزول ويوم انزلت من كم يوم اغلقوا البورصه عندهم .. !!

كل دوله لها حاجه عند الثانيه ان تأثرت وحده لازم تعلن الطواري الدوله الثانيه !!

فاحنا متأثرين بس مايبيون هالشي وهاذي طبيعة دولتنا اتحاول قد ماتقدر مايأثر هالشي ع نفسيتنا عشان الناس ماتقوم اتبيع بدون وعي واتجيب لنا العيد مقرطس ..crazy

[b7oure]

انت مصدق ان قطر لم تتأثر بالأزمة .. يارجال خلك من كلام المسؤولين بالجرايد اللي تتناقض مع الواقع ، المسؤولين يقولون ان قطر لم تتأثر بالأزمة .. طيب هالميدان ياحميدان ... ليش صاير هبوط حاد في البورصة من اسبوعين .. في نفس فترة الازمة المالية العالمية ...!!! يارجال بسهم كذب ... عيني عينك نزول وانهيار في البورصة ويقولون قطر ما تأثرت ؟؟ اشرايكم انتوا؟ انا اترك لكم الحكم من واقع ميداني !!!