لهواة اجهزة الملاحه سؤال لو سمحتوا

[ولد قطر2]

السلام عليكم
اخواني الاعزاء لدي جهاز ملاحه جارمن nuvi
وانا اول مره استعمل جهاز ملاحظه بالشرق الأوسط
المشكله الي اواجها انه الخريطه قديمه من ثلاث سنوات
وابغي لها تحديث
وايضا السوفت وير صراحه مب ذاك الزود
مافي خدمات كثيره
مدري اذا السوفت وير الجديد والخرائط الجديده نفس الشي او لا؟

انا كلمت اللنجاوي قالي بسويه لك ب600 ريال
وان اشوفه انه مبلغ كبير وما يستحق صراحه
لان ما اعتقد انه تحديث وابديت يسوى هالشي
فيمكن احد الاخوان يعرف محل ارخص سواء هنا او بالسعوديه
او يمكن احد يعرف طريقه بالأنتر نت
علما أني ما املك او وصلة من الجهاز للكمبيوتر او حتى ميموري خارجيه
وشكرا

[فويرط]

مرحبا اخوي

عندك محل اسمه ( الدوحة ) موجود في الحسا ، او المحلات اللي جنبه ،،

يبيعون جارمن ، يمكن عندهم تنزيل الخرائط الجديدة ...

واذا تبي وصف المحل في الحسا ، انا حاظر

[Most Wanted]

الــ600 اللي قال لك عنها حق خرايط جديده اخر شي عنده

شوف مع الجهاز برنامج اسمه ماب لودر نزله بالكمبيوتر واشبك الجهاز مع النت بيسوي لك ابديت حق سوفت وير الجهاز هاي متأكد منه اذا كان فيه ابديت.

اما بالنسبه للخرايط ما ادري اذا فيه او لا بس الغالب انه فيه

[mohammedhm]

تحديث الخرائط على الأنترنيت
https://my.garmin.com/maps/updates.htm

[ولد قطر2]

هلا فويرط
اخوي ادل المحل بس مدري كيف ممكن اطلع رقمه ؟
عشان اتصل له واسئله

اخواني الباقين لايوجد لدي اي وصله من الأنترنت للجهاز
فمن وين اقدر اشتري هالوصله ؟


اخوي محمد طلب مني السريال نمبر
وانا مدري كيف اطلع السريال نمبر للجهاز

وشكرا للجميع انتظر ردودكم

[ولد قطر2]

ارجو المساعده اخواني الكرام

[شورت تايم]

يعطيك العافيه

[صدى الرعد]

السلام عليكم ،،

اخي الفاضل ، دار موجة في السعودية ، سمعت أنه يتم تحديثه بــ 200ريال

مع خرائط الشارع والبر ، وصراحه افضل من اللجناوي ،

لأنه اللنجاوي خرائط شارع فقط ،

أعطيني شوي وانا أرسل لك رقم دار موجة ، كلمهم وفالك التوفيق إن شاء الله ،

[صدى الرعد]

أخي الكريم هذه موقعهم على النت ،

وفيه أرقام الهواتف ، وأحداثياتهم على القارمن ،،

http://www.darmoja.com/

وخبرنا إذا 200ريال أو أكثر ،،

[ولد قطر2]

بيض الله وجهك اخوي العزيز وماقصرت والله