أحسن دكتور في قطر لعمليات الناسور

[سلفي]

لا يخفى عليكم أخواني الكرام ان عمليات الناسور

جدآ حساسة وسمعة مستشفى حمد غير جيدة مع الاسف

هل ما زالو على نفس الوضع او في عندهم دكتور جيد

واذا في احد منكم يعرف دكتور جيد في عمليات الناسور

يعطني أسمة وعنوانة

شاكرين تعاونكم الله لا يريكم مكروة

[coolqtri]

ماتشوف شر الغالي .. بس انصحك روح الأهلي .. ممتازين في كل شي .. عمليات .. علاج .. نقاهة .. متابعة بعد الخروج ..

[قطر95]

دكتور عبدالعظيم عبدالوهاب استشاري ورئيس قسم الجراحة العامة مستشفى الاهلي ماتشوف شر أخوي

[Doha Land]

ماتشوف شـر يالسلفــي . .

المستشفى الأهلي .. الدكتور / عبالعظيم ، رئيس قسم الجراحة لا يعلى عليه في الخبرة و الكفاءة

والله يشفيك ويعافيك .

[coolqtri]

صدقتوا شباب .. وهو اللي سوا عملية ربط لولد عمي بعد .. ومايحتاج أمدح الـ د / عبدالعظيم .. لا وحبووووووووب

[انتظار مصير]

والله عن تجربه الدكتور محمد العمادي في مستشفى العماااادي الصراااحه ماعليه كلام

ومااتشوف شر أخوي ...

[ضوى]

دكتور عبد العظيم ما عليه كلام

[نبـــــراس]

الدكتور عبد العظيم وايد ممتاز ..
وما عليك شر ان شاء الله

[الدم البنفسجي]

اخوي دكتور في مركز قطر الطبي تخصص في ناسور والبواسير واسمه د الشكرجي

[اسعاف]

دكتور عبدالعظيم عبدالوهاب استشاري ورئيس قسم الجراحة العامة مستشفى الاهلي ماتشوف شر أخوي
================================================


عندي اثنين من اصدقائي

عملوا عملية عند عبدالعظيم

الأول

في معدته وقد فشلت العملية فشلا ذريعا

ومنذ 3 سنوات وهو مب مترقع وهو الأن مقيم قضية ضد اخطاء الدكتور

الثاني

عمله عملية ناسور ولم يستطع الجلوس على حيله حتى الأن الا بصعوبة

وراح للبحرين عند عيسى امين

وقال له عند إلتهاب في البرستات فكيف يعمل لك عبد العظيم عمية ناسور في منطقة

حساسة جدا ومؤلمة0

اخي الكريم

في الأمارات يمدحون د جهاد عنده اجهزة متطورة

جدا في علاج البواسير والنسور

والشرخ في فتحة الشرج اعزكم الله(009714331773)(00971504820201)

نصيحة اخوية

اذا تبي تكون قعيد البيت ما تقدر تجلس على حيلك سو العملية في قطر

وسلامتك

اخوك المشفق عليك

اسعاف

[اسعاف]

دكتور عبدالعظيم عبدالوهاب استشاري ورئيس قسم الجراحة العامة مستشفى الاهلي ماتشوف شر أخوي

نصيحة من اخ لا تعملها عنده

شوف المستشفى في ابن النفيس في البحرين

او د عماد في الأمارات

واذا اردت ان تعملها في قطر اوصيك بما يلي

اولا :تكتب وصيتك

ثانيا : قبل العملية تشهد وصل ركعتين،لعلها تكون

آخر عهدك بالدنيا

[صدى الرعد]

الناسور هذا الدمل اللي يطلع في أسفل سلسلة الظهر ، ولا غيره

المهم انا عملت علمية الناسور كان في العصعص ،

وشافني دكتور سوداني في مستشفى حمد ، وقالي أنا راح أعمل العملية ودخلت غرفة العمليات ،

ولما أعطوني البنج ، ولا أشوف دكتوره تعمل لي العملية بس لا ما لحقت أعترض لأني خلاص دخلت في النوم

العميق ،

وبعد 21يوم عذاب من تغيير على الجرح ،

وكان عندي موعد لكن الدكتوره رفض أتشوفني ليش ،لأني رجال ، طيب ليش عملتي العملية ما دام تعرفي أنه

أنا رجال ، وحولتني على دكتور ثاني والدكتور الثاني رفض يشوفني وكنت بذبحه ولما شافني ما أعطاني

ولا قالي اي شي ، وقال أنا ما عالجتك ولا أدري أيش أعملك ،

وأعطوني موعد ثاني لكن حلفت أني ما اروح ،،

والنتجية الحمد لله

العملية فشلت فشل ذريع وما زال المكان يؤلم عندما أجلس ،

هذا مستشفى حمد ،،

يمكن هذا حظي

لكن عملت عملية ثانية في مكان ثاني ،،

وكان دكتور عراقي للأسف ما أذكر أسمه ،،

جزاه الله خيرا كان بشوش وماكان يحسسك انه قرفان أو متملل لما أسأله أي سؤال ،

يعني حظك نصيبك ،،

والله يستر عليك ،،

[SomeOne]

انا سويت عملية الناسور في مستشفى حمد ،، قبل عشرة سنوات ،، وما كان عندي فلوس اعالج في البحرين ايام الفقر وسلمت أمري لله ودخلت مستشفى حمد ،، بس الحمد لله سلمت من العملية والله شافني ولا شفت الدكتور ،، وسألت عن الدكتور اللي سوى العملية قالولي اليوم سافر ،، ( والله حاله )

ما تشوف شر أخوى :nice:

[anything99]

أخاف امدحلك دكتور يقوم يهاوشك :) . .. على كل اللي ينقال على مستشفى حمد .. مافي غيرها .. على الاقل ما يتاجرون في المريض .. ولو حصل اهمال بيكون غير مقصود .. . شفاك الله وعفاك

[فيزيائية]

اهم شي صلاة الاستخارة قبل اي شي :discuss:

[khaldoon]

وبعد 21يوم عذاب من تغيير على الجرح ،



الله يكون في عونك....هذا اصعب ما في العمليه مب العمليه نفسها


ما اعطوك مخدر موضعي في اوقات التغيير على الجرح

سلامات ان شاء الله

[الدوحه%]

الله يشفيك ان شالله
الزبده
دكتور عبدالعظيم هو افضل دكتور على مستوى قطر,,
لان مافي دكاتره اصلا في قطر,,
لوتقدر تروح البحرين اخوي ولا الامارات لان عندهم مستويات افضل من هنيه,,
واذا ماقدرت سلم امرك لله ,,, وروح حق عبدالعظيم,,,
سلامات ان شالله

[مستثمر تحت التعليم]

والله سويتها والحمدلله في قطر وكل شي تمام وعن السولف الزايده والخرابيط
:anger1::anger1::anger1:

صدقوني ليش حاله عجيبه ولا نادره:eek5::eek5::eek5:

21يوم وكل شي تمام :victory::victory::nice:....................... بـــــــــــــس بعد شهر :weeping::weeping:

رجع لي كنا ماسوينا شي والصديد والآلام نفس الشي والحين صارلي 14سنه وانا خايف أسويها مره ثانيه:eek3::eek3::eek3:

[وثيقة قطرية]

ماتشوف شر وعليك بالاستخاره

ومب كل دكتور قالو عنه مب زين طلع مب زين كل ابن آدم خطاء

استخير وادعي بالشفاء وان شاء الله انشوفك في القريب العاجل اتنط في المنتدى
بصحة وحيوية ونشاط :shy:

وأنصحك انك تتأكد من الدكتور اللي بتعالج عنده انه بعد هالعملية
مايطلعلك ناسور مره ثانيه لانه اذا العمليه حتى لو انجحت احتمال انه مانظف مكان الناسور
عدل ويلتهب مره ثانيه ويكبر وعن تجارب ناس سوو عمليات ناجحه لكن سوو وبالذات الناسور
مرتين وثلاث لمن طابو تماما

والله وياك

[بنت^البحرين1]

اخوي انصحك تيي عندنا البحرين في مستشفى ابن النفيس الطبي، انا صديقتي سوت هالعملية عند دكتور شاطر جدا اعتقد على ماتذكر انه هندي، ومسكينه سوتها قبل ومانجحت ومن عقب ماسوتها عنده وايد تمدحه، بكره في الجامعه بتأكد لك منها وبرد لك خبر لو حاب تيي تسويها عندنا

وماتشوف شر

[شورت تايم]

نصيحة محب من أخ توكل على الله
وروح مستوصف قطر الطبي عند
الدكتور أياد الشكرجي وهو استشاري
في البواسير والشرج وبيسوي لك
العملية بالليز يعني ما تاخذ منك
اكثر من ربع ساعه وبتقوم تمشي
على طول صدقني بس اذا ضربك
ابره المخدر قوله ابي المخدر ياخذ وقته
عشان ما اتحس بالالم وايد
وما تشوف شر واجر وعافيه

[غناتي1]

احنا الوالده مسويتها عند د0 العمادي

وثاني يوم في البيت 000 ولله الحمد والشكر والمنة

[سواح]

السلام عليكم ورحمه الله ..

ماتشوف شر انشالله ..

بالنسبه للعمليه نتيجتها تعتمد على الدكتور الشاطر و تعتمد على المريض ومدى التزامه بتعليمات الدكتور مابعد العمليه ..
يعني حتى لو رحت حق اشطر دكتور وما التزمت بالتعليمات بعد العمليه بترجعلك وبتعاني ..

عموما انت سالت من احسن دكتور يسويها ..
انصحك بالدكتور / حسن بن علي ال ثاني ..
هو استشاري جراحه عامه وجراحه اوعيه دمويه فمستشفى حمد ..

الشيء الطيب فالدكتور حسن انه ما يعمل العمليه ويهملك بالعكس يتابعك ويهتم فمرضاه وفنفس الوقت يده حلوه فالعمليات ..

الله يشفيك انشالله وترتاح من الناسور ..

سلملمش
:)