حفلة يوم ميلا د توأم

[Dobah]

يا ليت اللي عنده افكار حق حفلة يوم ميلاد تفيدني وجزاكم الله الف خير
ولا تخافون بخش لكم شوي من الكيك :victory:
اهما توام اولاد الله يحفظهم واول فرحه لنا الله يبارك لنا فيهم وان شا الله بيكملون السنه :victory:

[Mishaal]

ودوهم الجنغل زون في حياة بلازا، احجزوا قاعة حفلات الميلاد، عندهم فعاليات تجنن وعروض حلوة

ولا تنسون تعزمون اليهال اللي في عمرهم، جمعة الصغار حلوة خاصة وسط هالفعاليات :)

الله يحفظهم ويقر عينكم بهم.

[Dobah]

مادري احسهم صغار على جنغل زون
وفي بالنا حفله تونس اليهال والكبار بنفس الوقت
ومشكور اخوي ماقصرت على الاقتراح

[nor85]

لو عندكم حوش سويه في الحوش الجو الحين لطيف اطلبي نطاطيه لليهال عشان يلهون ويستانسون واطلبي اللي ترسم على الوجوه لليهال واطلبي لليهال وجبات من ماكدونز وللكبار سوي بوفيه وممكن تجبين ديجي اغاني حق اليهال .

[غناتي1]

الله يبارك لج فيهم 000 وينبتهم نبات حسن

[بويوسف]

كيكة من باسكن روبنز وشموع وشريط ومسجل ووناسة بالبيت

[aljuri]

عندج بالوسيط بتلقين صورة ام خماس وربعها طلبيهم اليهال يستانسون عليهم يغنون ويرقصون ويلعبون اليهال ويسون مسابقات لهم وانتي ما عليج الا تجابلين معازيمج وتستانسين

[umhend]

عندج بارتي بالون بيزينون لج البيت بالبالونات الي في اخر الحفل بيلعبون بها اليهال ولاتنسين النطاطيه
جق اليهال وفي حركه سويتها تهبل شبك كبير مربوط من عمود البيت الين راس الطوفه معلق فيه خيط
والشبك مليان بالونات وريالات في اخر الحفل سحبي الخيط بتنزل البالونات مع الريالات رررروعه المنظر

ولاتنسين الدجيه بدايه الحفله اغاني اطفال وفي اخرها اغاني الي خبرج حق لكبار شوي ... ولاتحطين
بوفيه توزيعات على لكبار صواني يلفون فيها الفلبينيات وبس والليزر لاتنسيه وفقاعات الصابوون والزينه

اللله ذكرتيني بأول حفله حق ولدي الكبير الله يحفظه ... يالله شدي حيلج ترها مناسبه روعه لج ولودج لمايصير
عمره ثلاث شغلي له الفيدو يشوفه