جامعات البحرين المعترف فيها من قبل المجلس الأعلى للتعليم

[بريق الماسه]

بسم الله الرحمن الرحيم

ممكن تفيدوني بإسماء الجامعات الموجودة في البحرين والتي لاتشترط دوام كامل للدراسة, بل الحضور مره في الشهر..

التخصصات المطلوبة هي : اعلام، علاقات عامة

طبعا ابي اسماء الجامعات المعترف فيها من قبل المجلس الاعلى للتعليم في قطر

[روح الاطلس]

ولا جامعه













المجلس الاعلى لا يعترف ولا يصادق على شهادة أي جامعه في دولة عربيه يا تروحين لديرة الانقلعيز ( الله يقلعهم ) وتدرسين عندهم يا تقعدين بدون شهادة

أدري انه رد محبط بس هذا هو الواقع

[ماسة قطر]

للأسف ولا جامعه

[ahmed jasim]

الجماعة عندنا يا من كوكب ثاني يا من جماعة نسخ ولزق لقوانين التطفيش

[The future]

اختي اذا بتمشين على موضوع الاعتراف مراح تقدرين تطورين عمرج حنا في عصر النهضه وعصر التطور الدراسه الحين صارت بالأنترنت والاخوان عندنا في المجلس الاعلى والوزارة للحين على موضوع الاعتراف هذا اسمه التخلف بعينه..!!
معظم شباب قطر يدرسون في مصر والاردن بطريقه الانتساب لأن القطاع الخاص يعترف فيها.
مثال: اذا فيه مصري متخرج من جامعه القاهره يتوظف على طول في الوزارة بدون مايروح للتربيه او المجلس الاعلى اوكيه اذا فيه قطري متخرج من نفس الجامعه ليش تعبونه ولزم يروح يصدق ومادري شنو مع انها نفس الجامعه؟؟..!!
ملاحظه : معظم المدراء في التربيه والمجلس الاعلى متخرجين من جامعات لبنانيه ومصريه وبطريقه الانتساب...!!!!!!!!!!!!

[الهاتف]

سلام عليكم
حبيت استفسر اذا الواحد يبي ينتسب يدرس في جامعه مش معترف فيه على سبيل المثال قانون من مصر
وابي افتح مكتب محامه خاص فيني عادي او لا

[The future]

سلام عليكم
حبيت استفسر اذا الواحد يبي ينتسب يدرس في جامعه مش معترف فيه على سبيل المثال قانون من مصر
وابي افتح مكتب محامه خاص فيني عادي او لا

عادي أفـــــــــــــــــــــــــــــــــــــــتح
وازيدك من شعر بيت معترف بشهاده في قطاع الخاص

[auto body]

عين عذاري هالوزارة

[غناتي1]

والله هالجامعات ما وراها الا عوار الراس

من البداية دوروا جامعه معترف فيها عندنا وفكوا عماركم

ما تدرون وش بتكون القرارات القادمة

[simsim1963]

أصبح التعليم عن بعد في معظم الدول المتطورة ركيزة من ركائز التعليم والمفروض احنا دوله تدعم التعليم يجب ان نهتم بهذا الجانب والدخل المادي كثير وأكثر بلآلاف المرات من التعليم التقليدي ولا فيه مشاكل مثل دخول البلد والمشاكل التي تنجم عنه من زيادة في التضخم .... اطالب المجلس الاعلى بأنشاء مجلس تعليم ثاني يختص بالتعليم عن بعد بواسطه الانترنت

[alzaeem]

الجماعة عندنا يا من كوكب ثاني يا من جماعة نسخ ولزق لقوانين التطفيش


تقدر تقول اثنين في واحد

[سياتل]

اللي يقهر ويبط الجبد ان الاخوان الوافدين يشتغلون بالثانوية ويدرسون بالانتساب من غير موافقات بحكم انه ابن البلد اللي فيها الجامعة
وبعد مايخلص يقدم شهادته ويتم قبولها لا ويحصل على درجة .
كل هذا وماقلنا شي عليهم بالعافية لأننا صرنا الدجاجة اللتي تبيض ذهباً للأخوة المقيمين
بس الادهى والأمر ان لو واحد فينا درس بالانتساب او من غير موافقة
أو في جامعة غير الجامعات اللي الاخوان في مجلس التعليم راضين عليهم ومدرجينهم في اللستة الذهبية
( تبلها وتشرب ميتها )

[ANONYMOUS]

hull uni.. in the list

[ahmed jasim]

القرارات هذى أرتجالية وهي موجهة للأسف ضد القطريين
بمعنى
معظم من يتم توظيفهم فى الدولة من الخارج
يتم توظيفهم على أساس أنه عنده بكالوريوس مثلا
بس من أى جامعة أو كيف حصل على البكالريوس لا يتم البحث فيه لأنه شبه مستحيل


الحل الأمثل
مافى مانع أن الجامعة تطلب التوفل بس يكون مسموح الحصول عليه حتى قبل التخرج مو قبل التخصص

[The Blade]

أصبح التعليم عن بعد في معظم الدول المتطورة ركيزة من ركائز التعليم والمفروض احنا دوله تدعم التعليم يجب ان نهتم بهذا الجانب والدخل المادي كثير وأكثر بلآلاف المرات من التعليم التقليدي ولا فيه مشاكل مثل دخول البلد والمشاكل التي تنجم عنه من زيادة في التضخم .... اطالب المجلس الاعلى بأنشاء مجلس تعليم ثاني يختص بالتعليم عن بعد بواسطه الانترنت

صح لسانك ....
الناس اوصلت المريخ واحنا لحين مع المجلس الاعلى الي ضيع الشباب وضيع مستقبلهم:anger1:

[qatari79]

والله أتمنى من الأخوان في المجلس الأعلى التعليم أن يصدروا قرار مفاده:
1- أن إي عربي متخرج من الجامعات العربيه مو معترف بشهادتهم أسوه بأخوتهم المظلومين القطريين .
2- أي شخص مسؤول في الدوله متخرج من الجامعات العربيه يسحب منه الأعتراف ويرجع جنير ستاف.
3-بعض التخصصات مثل القانون واللغة العربية و الشرعيه,التي يعترف بها المجلس يجب أن يسويها بالتخصصات الأخرى.
ولماذا تخصص القانون؟ هل لأن الذي وضع القوانين هو خريج قانون؟؟؟؟؟؟؟؟
على سبيل المثال جامعة القاهره التي تخرج منها الكثير والكثير من العلماء التي صار لها أكثر من قرن ونيف وقوانين الأخوان في المجلس الأعلى لا يعترف بباقي التخصصات هذي و الله مصيبه .:secret:

[kare]

كان الله بعونا

[برق قطر]

ولا جامعه

[بنت^البحرين1]

اختي نصيحة مثل ماقالوا الاخوان سوي ، بس انصح الكل لحد يتوجه الى الجامعة الخليجية، على الرغم من توفر عدة تخصصات ، الا ان طلبتها حتى البحرينيين منهم مازالوا يعانون بسبب عدم اعتراف وزارات البحرين فيها،
عندي واحد من الاهل خريج الجامعة الخليجية ودافع فيها دم قلبه ، ومديرة الجامعة منى الزياني مدحت في جامعتها وقالت الدولة بتعترف وبنسوي وبنسوي، وسوت نفس الشي لطلبة سعوديين معاه والنتيجة الحين متلته من وزارة لي وزارة محد راضي يقبل بالشهادة

في عندنا جامعة نيويورك ، في الجفير هذي الكل معترف فيها( بس مثل ماقالوا لاخوان عشانها شهادة من امريكا) ودوام يومي اعتقد ونفس الشي بالنسبة للجامعة الأهلية ( في مجمع التأمينات) شارع المعارض هذي جامعة قوية جدا ومش سهله، بس الدوام بعد يومي

اختي نصيحة ان كنتي متمكنه ماديا ادرسي في اي جامعة معترف فيها في قطر وفكي عمرج

[عذب الكلام 1]

مثل ماتقول نوع من الضغط على المواطن كى يتجه الى القطاع الخاص لانه يعترف با الشهاده ويمنحك الدرجه وافضل من الحكومه اى الوزاره او الهيئه الحكوميه واللى يبي يدرس اهم شى يكون مخلص للعلم والله يوفقه ان شاء الله ادرس وروح القطاع الخاص ولا تعور راسك مع المجلس الاعلى للتهميش وشكراا

اهم شى ان تكون متخرج وفاهم خل النيه خدمه الله والوطن وشكراا

[Mo0o0oM]

انا عندي نفس التساؤل لكن للاسف الى الآن ومن خلال ردودكم ماوضحت لي الصورة ؟؟
شلوووون اقدر آخذ ماجستير إدارة اعمال بالانتساب بشرط يكون معترف فيها ؟؟

[miss-qatr]

انا بعد والله ودي اخذ ماستر انتساب او على الاقل اون لاين

بس مسكرينها بوجوهنا حسبنا الله ونعم الوكيل



بعد انا ان شفت مصيبه غيري اتهون علي مصيبتي.. مساكين اللي يبون ياخذون بكالوريا ومب قادرين والسبب القوانين





ارحمووووووووو عياااااااااااااااالكم يا المجلس الاعلى

[درب السعادة]

يا جماعه والله حرام انا مثلا خريجه جامعيه وأرغب في اكمال دراساتي العليا ولكن للأسف ظروفي الماديه لا تسمح لي بالانقطاع عن العمل طيب ايش فيها لو درست الماستر عن طريق الانترنت ليش يمنعون التطور والتقدم ورفع مستوى التعليم !!

[qatar25]

فيه جامعه في البحرين اسمها
strathclyde
جامعه بريطانيه من اقوى الجامعات في ادارة الاعمال,, ال 17 على بريطانيا وال30 على العالم والاولى على سكوتلاند
برنامجهم المفروض انه يسمح انك تشتغل وتدرس في نفس الوقت ,, ومدته سنتين
الامتحانات تجي من بريطانيا وتصحح في بريطانيا

فيه حصه وحده في الاسبوع,, والدوام فيها مش اجباري
وفيه بعد غير هذي الحصه فيه يومين جمعه وسبت مره في الشهر,, الدوام في هليومين اجباري
يجون الدكاتره في هاليومين من بريطانيا ,, ويعطون مثل ماتقولين sessions مكثفين شوي

الامتحانات تجي من بريطانيا وتتصحح في بريطانيا
هذي الجامعه موجوده في RWU
Royal Women University

وحياكم الله

[umm yousef]

حد يفيدنا بأسماء الجامعات التي يعترف بها المجلس الاعلى؟..

[قلب صادق]

ياليت المجلس الاعلى يوضح سبب الرفض وعدم الاعتراف وخصوصا ان هناك جامعات عرررررررررررريقه جدا وغير معترف بها
حسبنا الله ونعم الوكيل

[QAT2020]

فيه جامعه في البحرين اسمها
strathclyde
جامعه بريطانيه من اقوى الجامعات في ادارة الاعمال,, ال 17 على بريطانيا وال30 على العالم والاولى على سكوتلاند
برنامجهم المفروض انه يسمح انك تشتغل وتدرس في نفس الوقت ,, ومدته سنتين
الامتحانات تجي من بريطانيا وتصحح في بريطانيا

فيه حصه وحده في الاسبوع,, والدوام فيها مش اجباري
وفيه بعد غير هذي الحصه فيه يومين جمعه وسبت مره في الشهر,, الدوام في هليومين اجباري
يجون الدكاتره في هاليومين من بريطانيا ,, ويعطون مثل ماتقولين sessions مكثفين شوي

الامتحانات تجي من بريطانيا وتتصحح في بريطانيا
هذي الجامعه موجوده في RWU
Royal Women University

وحياكم الله


اخوي ياليت ترسلي عنوانها .. وهل هي خاصه بالبنات ..
وبارك الله فيك ..

[qatar25]

اخوي ياليت ترسلي عنوانها .. وهل هي خاصه بالبنات ..
وبارك الله فيك ..

اخي الكريم,,

بالنسبه للام بي ايه ,, فالبرنامج ليس خاص بالبنات ,, وانما للجنسين

http://www.gsb.strath.ac.uk/mba/studyoptions/international/bahrain/
هذا موقع الجامعه الام,, strathclyde

http://www.ruw.edu.bh/template1.asp?id=252
وهذا موقع الجامعه الي في البحرين وفيه معلومات عن برنامج الام بي ايه ,,

[الأميرة ملاك]

يصير بشرط الالتحاق يعني اتروح وتقعد وتدرس...