هل ابيع اسهم المواشي .. او انطرها ترتفع .. رايكم؟؟

[Miss:Network]

مرحبا

اخواني و خواتي حابة اسال .. عن اسهم المواشي .. ابيعها والا انتظر لين ترتفع اكثر ..
؟؟؟؟؟؟
ابي ارائكم من كل ناحية ...

يا ريت تفيدوني .. اخواني بخبرتكم الكريمة ... و ارائكم المشجعة ..




و لكم منى احلى سلام

[(عبدالله)]

:: Miss:Network ::

السلام عليكم ورحمة الله وبركاته

نصيحتي تنتظرين لأن سعر مواشي في ارتفاع مستمر

نظراً لقلة سعره بالمقارنة .. وهو تحت انظار غير القطريين

لشرائه مع محين موعد دخولهم البورصة

أعتقد أنه بيستمر في ارتفاع سعره حتى شهر مايو

وبعدها تبدأ الأسعار بشكل عام بالهبوط مع بداية الصيف

لأن العرض بيكون أعلى من الطلب

والله اعلم



:: عبدالله ::

:)

[المراقب]

أنا أرى إذا كنت ربحانة الضعف أو أكثر، ربما يكون أفضل أن تبيعي وتشتري في شركات توزع أسهم.

والله أعلم

[سهم عتيج]

استخيري ربك

[بيـــزات]

والله انا برايي اختي اذا انتي حققتي الربح منها بيعيها

واذا كنتي متأمله ارتفاعها ( ولله العلم) في الفتره الحاليه فانصحج تبيعين النصف وتبقين على الاخر

وتراقبي السوق كيف وضعه

ومثل ما قال اخوي سهم عتيج.. استخيري

الخيره في ما اختار الله

وبالتوفيق

[deepbluesea]

السلام عليكم]
اخواني فيه سؤال مهم يطرح نفسه على كل شخص يملك اسهم مواشي
السؤال هو

هل بيرتفع سعر سهم الشركه اكثر او لا ، وهل ابيع الان او انتظر ؟؟

طبعا فيه اكثر من راي

منهم يقول ، اذا ربحان بيع الان ، وغيره يقول بيع النص الان ، واخر يقول لا انتظر بيرتفع السهم لان السوق في ارتفاع ، واخرر يبرر بدخوول الاجانب ...... الخ وهناك الكثير من الاراء
اخواني ياريت كل واحد يعطي رايه ويعطي الاسباب التي تؤيد رايه في اعتقاده وياريت تكون اسباب منطقيه وعقليه ، يعني مب بس اعتقد واتوقع وبدون ذكر الاسباب ، شباب والله السبب مهم لانه هو اللي ممكن يقنع الشخص اللي يقرا المشاركه وبذلك تعم الفائده وهو هدفنا الاساسي من المشاركات والمنتدى بشكل عاام

ولكم خالص الشــــــــــــــــــ :) ـــــــــــــــــكر


deep_blue_sea

[Miss:Network]

يعطيك الف عافية ..
على ردكم السريع :)

و ياريت اذا في حد عنده معلومة ثانية و تفيد يضيفها :)

لين الحين محتارة ..

سلام

[اللورد]

كم سعر الشراء للسهم لكي نعطيك إجابه شافيه؟؟؟

[جوجو]

انه معاك نفس السؤال اطرحه لأن عندي في المواشي

[احمد علي]

اخوي ------------ نصيحتي لك لا تبيع لاتبيع لاتبيع لا تبيع وانا بعد عندي موااشي تدري ليش بترتفع المواشي انشاء الله بتوصل 100 ريال

[Miss:Network]

انا شارية السهم ب 53 .. ريال


ثانكس :)

[البروكر]

اتبع سياسه اضرب واهرب
يعني اخذ ربحك وبيع السهم

ترى السووووووووق نزووووووووووووووول


وتحياتي

وغدا لناظره قريب

[for qtr]

شنو اخبار البنك البريطاني الاسلامي تنصحوني اشتري فية

[الجزيرة]

......... فور قطر ..................... اشتر وانت مغمض ............. البنك مدعوم من فوق

يعنى بكره اقصد بعد فتره بتلقاة فى الميات .... انشالله

...... اتجاه الناس الى البنوك الاسلاميه خوف من الربا

الجزيرة

[الجزيرة]

الرجاء اختيار الفاظ مناسبه ولو كان بقصد المزح......

[المراقب]

العقارية ممتازة نظرا للإكتتاب. مواشي ما لها قرار.

وبالتوفيق

[بو عبدالرحمن]

ياجماعه ياريت لو تكونون واقعيين.
المواشي لن توزع ارباح السنه او ان ارباحها لن تكون كبيره. سر الاقبال على هذه النوعيه من الشركات لازال مجهولا.
قبل شراء المتحده او العقاريه او اي شركه توزع اسهم مجانيه(زيادة راس المال) عليكم الانتباه الى ان سعر السهم سوف ينزل كثيرا بعد الاجتماع كما حدث مثلا مع اسهم بنك الدوحه والاسمنت.

[المراقب]

الأسمنت وزعت 50 بالمائة أسهم ونك الدوحة 70 بالمائة أسهم ومن الطبيعي جدا أن ينخفض السعر بنفس نسبة التوزيع. اما العقارية فسوف توزع فقط 5% أسهم والمتحدة 10% أسهم
ويهذا لن يخفض السعر كثيرا كما هو الحال مع الشركات الأخرى.

[الجزيرة]

الاخ الجزيره مافي داعي تتئسف لي ماحصل الا الخير

[boabdullah]

Miss:Network ,,,,,,,,,,,,,,,,, مرررررحبا ((((( المواشي مستقبلها فوق الممتاز )))) أنا مأعرف كم عندك من الأسهم وبكم السعر بس راح أنصحك نصيحة وأنا جربتها أكثر من مره والحمدالله رزقني وهي بالأستخارة والتوكل على الله وبيع نصف اللي عندك وترك الباقي لمنتصف شهر 4 أو نهايته ,,,,,,,,,,,,, وفي النهاية الربح الأكيد بأذن الله ,,,,,,,,,,,,بوعبدالله