المساعد الشخصي الرقمي

مشاهدة النسخة كاملة : بماذا ستتصرف في اليوم الاول لـ ناقلات ؟



إنتعاش
06-02-2005, 12:18 AM
مرحبا بكم جميعا ً


في محاولة لإستباق الزمن ولو قليل

اردنا رصد الآراء من الاخوان والاخوات

حول كيفية تصرفهم في اليوم الاول للتداول لسهم ناقلات ؟


بماذا ستقوم ؟


هل ستراقب من بعيد فقط ؟

هل ستبيع ان تجاوز السعر 30 ريال مثلا ً ؟

ام هل ستشتري اكثر ؟


( هذه الرؤيا بإفتراض انه خصص لك 3000 سهم )

ياريت نسمع الآراء ؟

سوبر سهم
06-02-2005, 09:50 AM
:)

لو وصل 50 ببيع بدون تردد

إنتعاش
06-02-2005, 11:16 AM
هلا فيك

سوبر :)

اشكرك على تواصلك

يعني نضمن اذا وصل 50 بتبيع

واذا اقل مش بايع

يعني اعتقد انك ماراح تبيع :)

qatar_moon
06-02-2005, 11:35 AM
اتوقع اني باراقب السوق فقط وماظن اني بشتري زياده

إنتعاش
06-02-2005, 11:59 AM
qatar_moon

هلا فيج اختي

اعتقد السهم هذا بيكون عزيز

وصعب على الشخص بيعه او التفريط فيه

مجرد رأي شخصي لا اكثر

وطبعا تختلف المسألة ان كان هناك من اقترض لأجلها او يمر بأزمة ماديه

سوبر سهم
06-02-2005, 12:23 PM
اي اخوي انتعاش ببيع ب 50 هذا اذا وصل

بس الغريب ان من الحين الناس اتبيع وتشتري في السوق السودا ب 40 ريال ليش!!!

والله اللي مايعرف الصقر يشويه:)

يخوفي نطلع احنا اللي مانعرف الصقر ...........ههههههههه

الى لقاء

إنتعاش
06-02-2005, 12:27 PM
لا والله اخوي انتبه من هالعمليه

لأني سبق وانقرصت منها في الصناعات

عملية الشراء ( قبل طرح الاسهم للتداول )

وصدقني ان مافي احلا من الشغل ( الصح )

وبتذكر كلامي

اشتري راحة بالك . . وانت الربحان

وان شاءالله بأكتب في موضوع شراء ما قبل الطرح وباكتب اللي صار لي بوقت آخر ان شاءالله

m_taha123
06-02-2005, 02:07 PM
انا لو وصل خمسين موب بايع باحتفظ فيه ..

إنتعاش
06-02-2005, 02:41 PM
m_taha123

هلا فيك اخوي الحبيب

تسلم لي على تواصلك وإبداء رأيك . .

وياريت للأخوان والاخوات جميعا ً

انه نصوت فوق ايضا بخانة التصويت بأعلى الموضوع :)

قطري
06-02-2005, 03:47 PM
شكراً لك يابطل على هذا التصويت
انا اشوف ناس بيبيعون لين وصل خمسين وانا اولهم :)
مع اني استبعد وصوله الى هذا المستوى في الايام الاولى
لكن من يدري اذا كان السوق في هذه الفترة مرتفع جداً يمكن
توصل خمسين ليش لا مافي مستحيل في عالم الاسهم

فرحة الكواري
07-02-2005, 10:00 AM
يعطيك العافية ,, انتعاش

انا

بأراقب السوق من بعيد فقط ولن أقوم بشيء ما :cool:


::

وببيع في حالة وحده ومدري تصير او لا

اذا وصل 50 مثل اخواني قبل يعني

بس مب بايعتها كلها

يعني اذا عندي 3000 سهم

ببيع 1500 سهم بس :cool:

eXpert*
08-02-2005, 04:30 PM
السلام عليكم ورحمة الله وبركانه

بأراقب السوق من بعيد فقط ولن أقوم بشيء ما

اخواني نصيحة :- اللي ما عندي التزامات ضروريه لايبيع اسهمه ، اسهم ( ناقلات غاز ) بترتفع الى حد لايتوقعه الكثير ولكن مع القليل من الصبر ، لكن في الوقت ذاته راح يكون ارتفاعه اسرع من اسهم صناعات قطر التى اخذت بالتخبط نزولاً وصعوداً لتبدأ الان مرحلة اثبات الذات وسط العديد من الشركات .

في اسوأ الاحوال بيع بسعر السوق لكن اترك شي من الاسهم ( توقعاتي للارباح بانها لن تكون عادية ) .

اقتباس ;
اصدر حضرة صاحب السمو الشيخ حمد بن خليفة آل ثاني أمير البلاد المفدى أمس قانونا بتعديل بعض احكام القانون رقم (13) لسنة 2000م بتنظيم استثمار رأس المال الاجنبي في النشاط الاقتصادي‚ وقضى المرسوم بتنفيذه والعمل به من 3/4/2005 وان ينشر في الجريدة الرسمية.

مع ( تنظيم استثمار رأس المال الاجنبي في النشاط الاقتصادي) ابشركم يا أهل قطر انشالله انتوا والخير رباعه

وأكرر وأقول :- بأراقب السوق من بعيد فقط ولن أقوم بشيء ما .
قائمة بتوزيع ارباح الشركات للعام المنصرم 2004 م (http://www.dsm.com.qa/mritems/streams/2005/2/7/2_835_1_138.02.2005.xls)

السلطــــان
08-02-2005, 04:58 PM
يا هلا اخوي انتعاااش . .



بالنسبة لي راح اشتري . . .


اما البيع فما افكر فيه اطلاقا في هذي الفترة :)



تحياااتي :cool:

إنتعاش
09-02-2005, 12:29 AM
قطري

هلا فيك اخوي الحبيب

العفو الله يسلمك ويبارك فيك

يعني راح تبيع على 50 يا قطري :)

بيوصل وسط هالاجواء الغير منطقيه ابدا ً في السوق

توقع الغير منطقي دائما ً :)

إنتعاش
09-02-2005, 12:33 AM
الدرة

هلا فيج اختي الكريمه

خوش راي الصراحه

لكن الاحسن منه اختي

طلعي راس مالج من الـ 50 ريال وخلي الباقي بلاش افضل

يعني نقول 3000 سهم طلعوا عليج بــ 15 الف ريال

بيعي لج 500 سهم بــ 25 الف ريال

وخلي عندج 2500 سهم ذخر

افضل بكثير

إنتعاش
09-02-2005, 12:34 AM
راشد السليطي™

ياهلا فيك اخوي الحبيب

سلمت والله على هالراي اللي يطابق رايي تماما ً :)

وان شاءالله نشوف الايام المقبله ايش راح تنتج عنه

إنتعاش
09-02-2005, 12:37 AM
السلطــــان


هلا فيك اخوي

اشتر ما اقول لك لا . . اذا كنت تقصد الاستثمار على المدى الطويل

لكن لا تشتري قبل 1/6/2005 عشان السهم يهدى شوي بعد المعارك الدمويه اللي تصير

بالبورصة اول الايام :)

جمال النعيمي
09-02-2005, 11:34 AM
السلام عليكم

نصيحة يا اخوان الي يقدر يشتري اسهم الناقلات يشتري

ولا الاجانب داخلين و حطين وسط عيونهم الناقلات

الهم اني بلغت الهم فاشهد

وسلام عليكم

:cool:

الغشمري
09-02-2005, 02:00 PM
السلالالالالالالام عليكم
مراحب

عني انا اول شي راح اراقب السوق في الاسبوع الاول يعني الله يسلمك

راح احد المتوسط في الارتفاع والهبوط وراح ابيع نصف الاسهم فيه وراح ضارب فيها

والنصف الاخر راح حتفظ فيه للمستقبل يعني

على الاقل طلع لي ربح لو بشكل سبوعي فيه من خلال المضاربات الاسبوعية

قطري
09-02-2005, 11:39 PM
قطري

هلا فيك اخوي الحبيب

العفو الله يسلمك ويبارك فيك

يعني راح تبيع على 50 يا قطري :)

بيوصل وسط هالاجواء الغير منطقيه ابدا ً في السوق

توقع الغير منطقي دائما ً :)
بالراحة :)
اممممممم يعني 50 * كم الف سهم = ؟؟؟؟؟؟
بس ان شاء الله يوصل 50

أخر خبر
11-02-2005, 09:39 PM
انا برايي في ناس بتبيع 20 ريال وفي ناس مهب بايعه حتى لو وصل 90 ريال و وانا خير شر مهب بايع حتى لو صار 150

ليــث قطر
11-02-2005, 11:37 PM
مب بايع :d


خله للأمد البعيد :d

sulai6i
12-02-2005, 08:13 PM
ببيع بس سنة 2007

واذا كان سعره اقل من 30 بشتري

khobra
14-02-2005, 01:27 AM
مع تمنياتي للجميع بالتوفيق ان الله احياني واحياكم راح تشوفون السعر فوق الميه بس شويه صبر والله المستعان مع تمنياتي للجميع بالتوفيق

ابوعلي اليافعي
16-02-2005, 02:42 PM
السهم انشالله بيكون فالسوق بين ال60 وال80 والدليل على ذاللك ان النسبه المخصصه للاجانب تقدر بسبعين مليون سهم وهناك شركات عالميه تنتضلر هذا السهم بفارغ الصبر لمعرفتها بقيمته اما عن سعر السهم فالسوق السوداء فقد وصل الى ال45 ريال ويقوم المشتري بائعطاء البائع دفعه مقدمه لحين اتضاح نسبة التخصيص.. عالعموم اسعار الاسهم فالبورصه وخاصه الحكوميه تتحدث عن السعر المفترض لهذا السهم القوي جدا..

نوكيا
17-02-2005, 01:28 AM
طريقتي اللي انا اتبعها
اني ما ابيع اي شي مكتتب فيه من بداية الشركة لانه مع الوقت بيكون لصالحي
بلاضافه إلى مبلغ جانبي حق المضاربات (للبيع والشراء)

بيـــزات
17-02-2005, 02:50 AM
هلا والله اخوي انتعاش
خطاك الشر انشاء الله
انشاء الله اني ماني ابايع وبشتري اللي
اقدر عليه.. والتوفيق للجميع

ibrahem
18-02-2005, 02:50 PM
انا من رايي ياخوان الانتظار لان وقت نزول السهم بالشاشه بيكون الأجانب بدئو التداول بعدة ايام

نصيحه لا احد يبيع اول الايام فالصبر ممتاز وتوقعي لسعر السهم من 50 الى 60 ولو انا عندي فيه اساسي بصراحه مابيعه اقل من 80


وشكرا

هداف
19-02-2005, 01:08 AM
((
تري اكثر مهما كان السعر ))



اول ما تنزل الاسهم السوق انا سوف اضع سعر شراء بــ 25 او 30 او 35 وان لزم الامر 40

با لعربي انا ابي اجمع اكبر عدد من الاسهم بحدود رأس المال المتوفر عندي اريد ما لايقل عن
20 الف سهم في ناقلات

ومن الان انا اعرض سعر 30 ريال للسهم في نا قلات بعيد عن السوق ومضارباته بما معناه
لو كان سعر السوق 25 للسهم ولا يوجد اسهم معروضه للبيع انا سوف اضع سعر 30
لو كان سعر السهم في السوق 30 ولايوجد اسهم معروضه للبيع انا اضع سعر 35
اقصى حد لي في الشراء هو 40 ريال للسهم ولكن على حسب حركة السوق


اخواني اتمنى التواصل على الخاص اذا كانت العروض تروق لكم قبل السوق وعوار الراس

ضايق الصدر
19-02-2005, 11:54 AM
انا معاك في الراي يا هداف
باحتفظ فيها اقل حاجة فترة ستة شهور
وباشتري براس المال الي عندي كامل
ومش بايع اقل من ضعف راس المال

ملكة الأسهم
19-02-2005, 10:18 PM
ماراح ابيع من اول شيء

بنتظر لين ما يدخلون الاجانب وراح ابيع جزء واترك جزء

إنتعاش
21-02-2005, 07:36 AM
ماشاءالله على هالتفاعل والردود

شكلكم بتتفاجؤون بالسعر اول يوم وتبيعون :)

بنت قطر
21-02-2005, 10:04 AM
نصيحه اللي مضطر ومحتاج .. يبيع اللي محتاج له
والباقي يتركه..

واللي مب محتاج.. ومب مضطر للبيع.. لا يبيع

حتى اذا وصل 100

الشركه لها مستقبل كبير جداً اذا اشتغلت..

يعني اذا نزلت السوق .. اللي عنده فلوس يشتري فيها

لأنها تعتبر استثمار بعيد المدى..

khalid1975
21-02-2005, 10:09 AM
يا جماعة الخير وصل السهم في السوق السودا
60 - 70 ريال


نصيحه ما حد يبيع
الطريق الصح هو الافضل

سهم طايش
21-02-2005, 10:20 AM
انا من النوع اللي ما يستعجل بالبيع

و ان شاء الله ببيع بعد ال80 ريال فما فوق

اصلا لو خصصوا 3 الاف سهم او الفين سهم

يعني 15 الف ريال او عشر الاف ريال قيمتهم الحقيقيه

فليش الاستعجال

خلهم على صوب لين تلقى الفرصه المناسبه

azgert
21-02-2005, 10:51 AM
انا با بيع نصهم اذا تجاوزت 150 ريال والله واعلم واشتري بهم شي استثماري بعد ما يدشون الاجانب و الباقي احتفظ فيه لاني ما احب يكون البيض في سله واحده :cool:

alkaabi
21-02-2005, 12:21 PM
هلا

سعر السهم وصل 80 في السوق السودا

وهالكلام امس قالنا عنه واحد

ويحلف انه الصفقة تمت جدامه ....؟؟؟

والرجال ما اخبر له سوالف وخرابيط

يعني جاااااد

حمد
21-02-2005, 12:42 PM
يعني توصل جذي :eek:

80 ريال تنباع .... اذا جذي يعني بتنطرح مثل مايقول الاخ بــ 150 .. .او اكثر ...

اخرتها 20 ولا 25 :(

... وبو 80 خل ايدور حل حق خسارته ....

حمد

المترجم
21-02-2005, 12:49 PM
السلام عليكم ماتقدر اتبيع ماسمعتو فتوه الشيخ القرضاوى اصبرو شوى لين تشتغل الشركه بعدين طلع نسبه الربا ونتمنا السهم بـــــــــــــــــــــــــــ 100 ريال

Qatary
21-02-2005, 04:36 PM
اشتري اكثر مهما كان السعر

والله يعطيكم العافيه

nasserak
22-02-2005, 07:06 AM
عتقد ان اليوم الاول احسن شي نفتح على البورصة ونشوف سهم الناقلات شنو بسوي في اليوم الاول
وعقب نحكم علسه اذا انبيعه ولا لا
الصبر حلو

الـوافـي
22-02-2005, 12:16 PM
تسلم يالغالي على طرحك الموضوع واللى تمس شريحه كبيره من مجتمعنا واعتقد انه خلال الايام الاولى راح تكون سعر السهم (عايم) بمعنى انه راح يتراوح بين وبين ولكن باعتقادي الشخصي انه الواحد يتريث في عمليه البيع على الاقل الفتره الجايه وخاصه انه الفتره الجايه راح تشهد السوق نقله نوعيه بعد السماح بدخول الاجانب اعتقد وهذا اعتقاد شخصى التريث خلال الفتره الجايه راح يكون في صالح المستثمر القطري هذاوالله اعلم

الخبير
22-02-2005, 05:39 PM
السلام عليكم

اولاا احييكم على هذا المنتدى الرائع والبكر وعساه إلى الإمام على الأقل يحصل للمواطن القطري خصوصا وعي بصيحة الموسم وهي الأسهم

صرحة لفت انتباهي استبان الأخ انتعاش وفقه الله وانا لن اجواب بجواب من عندي لكني بأنقل لكم رأي أحد المستثمرين اللذين يتطلعون للسوق القطري بشوق مع العلم أن الأيام الأولى لايمكن منها معرفة حقيقة السوق لوجود الطرق الكثيرة عند ( هواميرا لبورصة ) وولكن هناك ثوابت غالبا لاتتغير في التحكم في سعر السهم

يقول احد المستثمرين السعوديين :

لو تقارن اسعار شركات سوق قطر بأسعار شركات الاسهم السعوديه تجد اسعار الاسهم القطريه يسيل لها اللعاب ومغريه جدا ولم تاخذ حقها بالارتفاع...
يااخي عندنا شركات صغيره ولاتوزع عوائد سنويه للمساهمين تعبت من الخساره السنويه وتجدها وصلت الى 116 ريال من عدة اشهر ماضيه مثل المواشي السعوديه وبعضها وصل الى مافوق 240 مثل شركة شمس خسرانه ولاتوزع عوائد
وغيرهم كثير لاتصدق الاسعار الذي وصلت اليها ومع ذلك هناك اقبال كبير عليها وسحوبات كبيره على هذه الاسهم.


كانوا بالسعوديه يقولون نفس كلامك من مايقارب الثلاث سنوات والان يندمون بانهم لم يقتنمو الفرصه بذلك الوقت فقد تضاعفت كثير من الاسعار الى مايقارب اكثر من اربع او خمس مرات..وبعض الاسعار الى اكثر من احدى عشر مره..مثال على ذلك المواشي السعوديه كانت من حوالي الثلاث سنوات تقريبا بـ 10 ريال ووصلت بالاشهر الماضيه القليله الى 116 كما ذكرت..وشركة صدق كانت بحوالي 28 ووصلت الى فوق 180
شركة سابك للحديد والصلب وهي شركه عملاقه عندنا من تقريبا سنتين كانت 400 ريال والكثير يتهمون من يقتني السهم بأنه ليس احمق فقط بل انه مجنون بالايام القليله الماضيه وصل الى فوق 1150 ريال
بنك الراجحي كان 300 ووصل اعلى سعر له من قريب الى مافوق 2000
وهناك امثله كثيره جدا ولكن لااريد ان اطيل عليكم بذكرها. أنتهى

فهل من المعقول ( والتعليق لي ) أن شركة عملاقة كناقلات غاز وأرباحها بالمليارات كما في نشرة الشركة ( متوقعة والعلم عند الله ) أن يكون سهمها ب 50 ريال

أرجو القراءة بتامل ثم عدم الإستعجال وليكن من صناعات قطر درسا لمن يجهل هذا الكلام والسلام

بوحظين
22-02-2005, 06:42 PM
والله حرام ... اتبيعون ب 50 !!!! الصبر يا شباب

مساهم صغير
23-02-2005, 06:38 PM
انا راح اشتريه حتى لو صار 70 ريال للسهم

و راح اطلع اضعاف اضعاف السعر وانا والحمدلله مب محتاج

السياره الي شايل همها باقي عليها سنه وتخلص اقصادها

انا اقول لحد يبيع بسرعه

تحياتي

الشقيان
23-02-2005, 09:07 PM
اذا وصل 60ببيع :D :D :D

سعيد 2020
24-02-2005, 07:36 PM
أولا السلام عليكم .

ثانياً : شكرا على هذا الموضوع

ثالثا : من ناحيتي أنا براقب السوق من بعيد واذا حصلت فرصة يمكن أشتري من الاسهم ( ناقلات الغاز ) في حالة كان السعر 30 -35

سراب الامل
24-02-2005, 09:34 PM
[b] بسم الله الرحمن الرحيم

مرحبا اخوي انتعاش اتمنى منكم قبولي كعضوه جديده بالمنتدى ومستثمره صغيره في بدايه طريقها
اما بالنسبه لي لاني اشتريت الغاز على بطاقتين احاول اني ابيع اسهم الناقلات الي مسجله باسم البطاقه اللي ماتخصني في بدايه يوم الاكتتاب وذلك تحسبا للظروف الغير متوقعه التي ممكن تحصل للشخص الي قد سجلت باسمه الاسهم اما بالنسبه لبطاقتي راح اخليها واترقب السوق فيها وبنفس الوقت راح اشتري اسهم زياده بالسعر اللي بتنطرح فيه الاسهم في الايام الاولى من الاكتتاب واشكركم جزيل الشكر على رحابه صدركم

الشقيان
25-02-2005, 06:29 AM
اخوي غيرت رايي مب بايع بشتري

لو نزل في احدود30الى40 :D :D

x5x5
25-02-2005, 09:24 AM
أنا اشتريت اسهم من واحد 1500 سهم 30ريال والله بلاش

boabdullah
27-02-2005, 06:47 AM
أخوي أنتعاش ,,,,,, يعطيك العافية وأنا أفظل أني أبيع رأس مالي في الأكتتاب وأترك الباقي ومن ثم أراقب السهم لأنه طبيعي راح ينزل عن سعر أول أيام نزوله للسوق وبعدها أبتدي أشتري ,,,,,,,,,,,,,,,وتحياتي للجميع

sahari
27-02-2005, 09:11 AM
[b]لسلام عليكم

انا عندي اسهم ناقلات للبيع لاعلى سعر قبل نزولها للسوق وبعد التخصيص .

الهانم
28-02-2005, 07:17 AM
اذا كان على رئى مارح ابيع بعتبرة زى رصيد لى بلبنك بخلية لوقت اكون محتاجة او مظطرة ابيعة

ويقلون الصبر زين


سنة وسنتين بسرعة يمرون مابقى شى عن سنة 2007 . سنة ونص بس

اش ورانا بنصبر ونصح الجميع بصبر .لانة الخير باذن الله جاى بطريق

تحياتى للجميع

عسولة1
28-02-2005, 08:31 AM
تحيـــــــــــــــــة
انا اول ما يرتفع فوق 70 ببيع كل الاسهم لانة علي التزامات
وبعد ما ينزل برد اشترية
عسولة1

إنتعاش
28-02-2005, 03:48 PM
يعطيكم العافيه على التجاوب والتواصل

المستثمر القطري
28-02-2005, 04:04 PM
أشكرج اخت انتعاش على طرحج لهذا الموضوع لو انه قبل وقته بس بالنسبه لي انا باحتفظ فيه لأنه عائد ناقلات لمستثمرين الفترات الطويله بيكون ربه اكبر و احسن ولا تنسين انه هالشي يعتمد على الغاز الطبيعي في الدوله وهو من اهم مصادر الدخل عندنا

إنتعاش
03-03-2005, 02:32 PM
هلا بك اخوي المستثمر القطري وبقية الاخوان

الحين وبعد التخصيص

مادري وش ناوين عليه ؟

تبونا نسوي تصويت من جديد لتغيير وجهات النظر؟

أبو محمد
03-03-2005, 08:46 PM
إذا كانت الصناعات هي الذهب الأسود في السوق ...... فالناقلات هي ألماسة السوق .... لو توصل 100 ما أبيع :)