نزول اسعار السيارات الالمانيه وبعض الاوروبيه

[شورت تايم]

السلام عليكم ورحمة الله وبركاته

اخواني الاعضاء من ملاحظتي لبعض اسعار
السيارات الاوروبيه انها بدت في النزول
لكن يبيلها على الاقل شهر او نقول مع بداية
السنه الجديده 2009 يعني اسعار السيارت
تنزل والسبب واضح جدآ

سعر صرف اليورو قبل ثلاث شهور كان 5.80 ريال

واليوم سعر صرف اليورو 4.50 ريال يعني الفرق
واضح اذا كان سعر السياره 100 ألف يورو

حتى شركات السيارات الموجوده عارفه هالشي
لكن ماتبي اتزل سعر السياره مره وحده
قاعدين ينزلون السعر على قولتهم حبه حبه
يعني بعض السيارات الجديده صارت ارخص
من المستعمله قبل كم شهر

[Qatari2003]

كلام سليم 100% يعطيك العافية

مع انخفاض سعر البرميل = انخفاض تكلفة بناء السيارة

[شحشوح]

الله يبشرك بالجنه انشاء الله في هاليوم الفضيل

[Um Sultan]

راحت علينا ...

[شقردي]

المهم تنزل اسعار السيارت مع اني ما اعتقد ينزلونها على السعر المطلوب يعني بعاملون الزبائن على ان سعر اليورو 5

مشكور على المعلومه اخوي

[Master_qtr]

جزاك الله الف خير..

[adel-8]

الله يبشرك بالخير وينزل اكثر اليورو .

[شموخ قطر]

ان شالله تنزل اكثر واكثر :nice:

يعطيك العافيه على هالاخبار

[جغرافي قطر]

الفال للايجارات في الدوحه انشالله

[مساهمه بالحب]

والله الله يبشرك بالخير ان شاء الله ينزل سعر البورش شوي

علشان اخذ واحد

[QAT2020]

يعطيك العافيه على هالاخبار

[شورت تايم]

تسلمون على المرور وعلى الردود
الطيبه
والله يحقق لكم كل اللي تتمنونه يارب

[خريج اعلام]

والله الله يبشرك بالخير ان شاء الله ينزل سعر البورش شوي

علشان اخذ واحد


البورش مربوط بالدولار

[أحبك يا قطر]

كلام صحيح مليون بــ %

[Qatari2003]

البورش مربوط بالدولار


المفروض ان جميع السيارت سعرها ينزل بنزول سعر البترول لان تكلفة صناعتها اقل وطلب قل وبنسبه حق السيارت الاوروبية راح تنزل اكثر
1- نزول اليورو مقابل الدولار
2- نزول سعر البترول
3- قلة الطلب وخصوصا في الدول الاوروبية بسبب الازمة (مصروف الفرد في اوربا قل 50% بعد الازمة)

[شورت تايم]

البورش مربوط بالدولار

يالغالي والله ان باليورو

بس اللي في المعارض السيارات
دراستهم التسويق يعني فن جذب
الزبائن لازم يأكد لك أنه بالدولار
وبعدين لو بالدولار كان بتلاقي
البورشات اقل من التويوتا يالغالي
وماعليك من كلامهم

ولازم يقولك بالدولار يبي يصرف
بالسعر اللي اهو يبيه لانه كل شخص
في المعرض له نسبه من البيعه

وتحياتي لك وبالتوفيق

[بوعلي2]

ان شاء الله ينزل على شان نقدر نطال المرسدس :sorry:

[الفـ@ــــد]

خبر حلوووو

عسى عاد اطيح الاسعار@

[Doha Land]

عساه يطيح :)

[ياعمري قطر]

اليورو اليوم نزل وبعد كم يوم بيطلع يعني مافي شي اكيد 100%

[hamoor4ever]

عساهم بهالحال واردى

[إنتعاش]

طبعا ما راح تتغير اسعار السيارات الموجودة في الوكالة حاليا ً يعني السيارات اللي موجودة قدام عينكم
لأن بالأساس جايه على اسعار قبل شهرين و ثلاثه ..

لكن اللي بيلاحظ التغير اللي بيروح يسوي طلبية للسيارة يعني يبي يطلب الحين ويختار المواصفات والابشن
يعني يفصل السياره تفصيل ..

ويفضل انه يدفع بسعر اليوم مش عربون وبس .. لأن لما تدفع عربون غير لكن لما تثبت سعرك على سعر اليوم بيكون حجة لك ..

اتوقع ان ممكن اليورو يروح 4 ريال ان شاءالله

وقتها بيكون الفرق حلو و كبير

لكن دائما ً تأكدوا من السيارة سعرها باليورو كم .. يعني بالاوبشن كله ..
ويفضل تدخلون مثلا موقع المرسيدس الالماني وتسوي مثلا تفصيل سيارة وتشوفون باليورو كم
وتطبعون برنت آوت وتوديه للوكيل على الاوبشن اللي طلبته وفصلت فيه السياره شوف الاجمالي كم
بحيث انك تحاججهم ويعرفون ان الزباين مش مهابيل .. الزباين صارت تعرف وتقرأ و تشوف في الانترنت
اسعار الوكالات في بلدانها .

[شورت تايم]

طبعا ما راح تتغير اسعار السيارات الموجودة في الوكالة حاليا ً يعني السيارات اللي موجودة قدام عينكم
لأن بالأساس جايه على اسعار قبل شهرين و ثلاثه ..

لكن اللي بيلاحظ التغير اللي بيروح يسوي طلبية للسيارة يعني يبي يطلب الحين ويختار المواصفات والابشن
يعني يفصل السياره تفصيل ..

ويفضل انه يدفع بسعر اليوم مش عربون وبس .. لأن لما تدفع عربون غير لكن لما تثبت سعرك على سعر اليوم بيكون حجة لك ..

اتوقع ان ممكن اليورو يروح 4 ريال ان شاءالله

وقتها بيكون الفرق حلو و كبير

لكن دائما ً تأكدوا من السيارة سعرها باليورو كم .. يعني بالاوبشن كله ..
ويفضل تدخلون مثلا موقع المرسيدس الالماني وتسوي مثلا تفصيل سيارة وتشوفون باليورو كم
وتطبعون البرنتر وتوديه للوكيل على الاوبشن اللي طلبته وفصلت فيه السياره شوف الاجمالي كم
بحيث انك تحاججهم ويعرفون ان الزباين مش مهابيل .. الزباين صارت تعرف وتقرأ و تشوف في الانترنت
اسعار الوكالات في بلدانها .


تسلم على مرورك وتفكيرك وأقتراحك الرائع
لكن اخوي قبل عشر اسنين كانو يشترون السيارات
لكن من بعد أحداث 11 سبتمبر السياره اللي ما تنباع
ترجع لديرتها مره ثانيه يعني يعطيك السياره
بدون شرا لكن الوكالات تلعب على الناس
يالغالي وتوهمهم انه شاريه بسعر المرتفع

[إنتعاش]

تسلم على مرورك وتفكيرك وأقتراحك الرائع
لكن اخوي قبل عشر اسنين كانو يشترون السيارات
لكن من بعد أحداث 11 سبتمبر السياره اللي ما تنباع
ترجع لديرتها مره ثانيه يعني يعطيك السياره
بدون شرا لكن الوكالات تلعب على الناس
يالغالي وتوهمهم انه شاريه بسعر المرتفع

مالك لوا اخوي شورت تايم

الامر يختلف من وكالة لوكالة اخوي

يعني اقصد كل وكيل له طريقة عمل و اسلوب متفق فيه مع الشركة الأم ..

فالأمر يختلف الله يبارك فيك ..

لكن ما يمنع ان فعلا هناك شركات تقوم بهالطريقة

شاكر لك التعقيب والاضافه

[احب قطر]

المشكلة ترى عندنا في الشرق الاوسط ان الاسعار اربطوها بالدولار ، انا اذكر اني خذت مرسيدس في سنة 2000 كانوا الشركة يعطوني عرض السعر باليورو والحين لو تدخل نوقع البورش او المرسيدس بتلقى اسعار السيارات بالدولار ومن المفروض ان الاسعار موحدة في المنطقة ، بس للأسف ناصر بن خالد مايتقيدون ويحطون اسار اعلى وعقب يابالفيت انه بيتمنن عليك وبيسوي لك خصم وكذلك في البورش...وخاصة موقع البورش جداممتاز انه يخليك تحط المواصفات على كيفك ويعطيك السعر 100%...والمرسيدس تختار السيارة وعقب بتلقى price list ويكون فيها كل الاوبشن وتحط الاوبشن اللي تبيه وتحسب قيمة السيارة.

[khalid1010]

لو يصير اليورو= 1 ريال راح تبقى الاسعاااااااااااااااااااار على ما هي عليه,,,,,
واذا ما زادوا عليكم بـــــــــــــــــــــــــــــــــــــعـــــــــــ ـــــــــــــد,,,,

[searay]

بس تعقيب على ان السيارات اللي ما تنباع ترجع لديرتها , اسمحلي الشيخ اصحح المعلومه كونها خطأ
السياره اللي ما تنباع ما ترجع لديرتها
اتم عند الشركه حتى لو سنتين أو ثلاث لين تنباع عن طريق عروض أو خصم أو تصدير للخارج ،
وبخصوص ان السيارات بتنزل أسعارها ، صحيح ، لكن تحتاج ستة شهور قادمه حتى
يكون النزول ملاحظ ، هذا في حالة ان سعر البترول استمر بالنزول

[شورت تايم]

كرايسلر تسرح موظفين وصناع سيارات أوروبيون يحذرون


ديترويت/باريس (رويترز) - فرض تفاقم تباطوء صناعة السيارات العالمية تسريحا ضخما للعمالة في كرايسلر بينما تكثفت يوم الجمعة محادثات للاندماج مع جنرال موتورز وأصدرت بيجو سيتروين الفرنسية تحذيرا بشأن نتائجها.

وتراجعت أسهم صناع السيارات وموردي المكونات الامريكيين تحت وطأة انخفاض عام في السوق شمل هبوط سهم فورد موتور ثاني أكبر شركة سيارات أمريكية الى أدنى مستوياته في 26 عاما. وتعمد فورد هي الأخرى الى خفض العمالة في خضم تباطوء الصناعة.

وتهدف كرايسلر الى تسريح نحو خمسة آلاف عامل من المعينين والمتعاقدين أي ما يعادل 25 في المئة من قوة العمل المكتبي لديها.

وأبلغت مصادر رويترز أن المناقشات الجارية بين جنرال موتورز وسيربيراس كابيتال مانجمنت مالكة كرايسلر تدور حول مقايضة أصول تحصل سيربيراس بموجبها على جي.ام. ايه.سي كاملة الى جانب حصة في شركة صناعة السيارات نفسها.

وتملك سيربيراس حصة 51 بالمئة في جي.ام.ايه.سي ذراع التمويل السابقة لشركة جنرال موتورز وستحتفظ بحصة في كرايسلر فايننشال ذراع التمويل لشركة كرايسلر.

وقالت المصادر لرويترز ان جنرال موتورز تستطلع خططا أخرى في حالة فشل المحادثات مثل مفاتحة مستثمرين من الخارج والحكومة الامريكية في حين تواصل سيربيراس إجراء محادثات مع أطراف أخرى مثل نيسان موتور.

وفي أوروبا أصبحت بيجو سيتروين أحدث المنضمين الى قائمة متنامية من صناع السيارات الاوروبيين الذين يصدرون تحذيرات وهو ما أثار تساؤلات المستثمرين بشأن قدرة فولكسفاجن على تحقيق أهدافها غير الطموح للعام 2008.

وجاء تحذير بيجو بشأن الارباح بعد أقل من يوم من خفض شركة صناعة السيارات الالمانية الفاخرة دايملر أهدافها للربع الثاني على التوالي وتراجع منافستها الفرنسية رينو عن أهدافها للعام 2009.

وأعادت فولكسفاجن ثالث أكبر شركة صناعة سيارات في العالم تأكيدها يوم الجمعة على أنها لاتزال تتوقع ارتفاع المبيعات عن العام الماضي. وتعلن فولكسفاجن نتائجها الفصلية يوم الخميس القادم.