بيع و مشترى
24-10-2008, 07:43 PM
يعنى المسألة اننا كقطريين نركب الموجة وننسى نسأل وين بيحذفنا البحر
يقولون سقي البحر لي جا يرفع كل السنابيك (اي بمعنى طب في السوق و تربح دام الكل ربحان) وننسى ان الثبر بيحذفك ولاحد ب يسأل عنك !!
بس أبي اسألك أيام التسعينات لين الالفين وثلاثة ،، قدك سمعت سوالف الاقتصاد و التحاليل عند أهل قطر ومجالسهم ؟؟
أهل قطر (وقصدي العامة منهم) شعب طيب وعامةَ ما يحب الفلوس لحب جمع المال..
قضينتا اننا مانبي نتحسف الكل يغتني ونبقى فقراء...
اهههاااا ويفوتنا الموج !!
يا أخي والله ما كتبته الا اني ما أبيك تطيح،، ابيك اتعـلي فوق وفوق ومعزة أهل قطر من معزتي لعيالي
وصدقني ما أبي نطيح وغيرنا يغتني !!
بس البحرترى مب بس ركبة موج!!
نسأل نفسنا ياجماعة الخير أيش مواصفات الغني (راعي المحمل) وخلنا ندرسة اشوي..
أهم صفات الغني عالمياً: أنه يحب البيزة ولايحب يرجع للوراء ،
أبــدا:ً ما يحب الخسارة.
يعني يجوَدها ويلعب بها صح،، رجَال مفتـَح، و أهم شي دارس وقاعد يدرس ويتعلم السوق كل يوم..
انا ما أقول أنه مقصر في صرفة على نفسة والفقراء ومانع للزكاة،، أنا اقول أن المسألة عنده تحدي شخصي في سلة استثماراتة،،
والانسان المتحدي مفتح ومركز صعب يغلبه الشخص الى معطيه ظهرة ومريح مخه ويبي يسوي عمرة منهم ،، حـدَه يسأل (شخبار السوق وشتهقون يالربع؟؟) .. طبعاً البزنس قراءة وتوقع وخبر،، ألحق خبر، بس توثق من السالفة وحللها أقتصادياً
يعني في أي أستثمار تبي تدخلة ، دشه وأنت ناوي تتحدى وتتعلم لعبة القطاع وأرقامة، وتأكد من شي أن مربحك خسارة لغيرك وخسارتك مصلحة ومربح له،،
في البيع والمشترى : تربَـح وحاسب من الي في يدك،، كان كاش أو انه أصول..
وين تحاسب اليوم ؟
أوكي رفعنا الموج ( يمكن يكمل رفعتة ويمكن يطب؟ ) وأنا اقول ان الارتفاع زين ومعقول في أشياء وأشياء لا..
بيرتفع في أسواق وبتنزل في غيرها
يعني ؟؟
أقول ان السوق كائن حي معقد ولين يكبر يتغير ، ويبتدي يتحول لين أسواق ( يتقسم )
مب كل ارض تشتريها لان حسبتك بس سعر فوت و (صدقني يافلان سعرها زين!!)
لا، لازم تشتري بناء على تقسيم الاسوق بعد...
بعض أسوق العقار تشجع لسبب ان في قطر الاجارات زينة، مدعومة من ميزانية حكومة غنية عن طريق طلب جهاتها الحكومية وشبة الحكومية والشركات الي تتنفع من أوضاع وعقود قوية وموظفين مدفوعة لهم بدلات ايجار قوية..
طبعاً انا اتكلم عن الاجانب لان واقعياَ هم القوة السوقية لكبر شريحتهم في المجتمع وسوقة..
والطلب بيتم زين لمرحلة السنتين الجايين (طبعاَ الي يقدر يتوقع الاسواق أكثرمن سنتين شلاخ لان الطلب ينقاس على دخول الشركات في البلد وتأسيسها وحجم الطلب على الموارد البشرية في البلد ومحد يقدر يشوف أكثر من سنتين في هذا المجال) وتقارن الطلب بحجم الوحدات تحت الانشاء في البلد وتنوعها.
نرجع لموضوع تقسيم الاسواق. وأعطيك مثال:
سنة 2005 يوم طارت البورصة ووقعت الربع المحللين كانوا يغنون ( صدقني مواشي مواشي،، أقولك عطوهم ارض وخذوا مقصب في السودان) ( صدقني بتشوف المصرف بيوصل 800 )( حبييبي التحويلية جايتهم اخبار مجلس أدارة قوية،، أشتر.... )
ما يحتاج اكمل السالفة،،،
جينا للعقار في 2008 وكلن يشتري السهم (الارض) الي يقدر على سعرها.. وأبتدوا الناس يغنون ( المشاف وشركة ثاني) (لوسيل الشمالية واراضيها الكبيرة مقارنة بسعرها) ( اراضي الخور وضواحيها ومشاريع لفان جاهزة،، أشتر....)
يعني السوق مقسم ياجماعة بالنسبة لرغبة المطور والمستأجر مب أشتري ارض ماعندها شوارع وخدمات وأغامر على رفعة سعر لأن الموج يرتفع .. وين تتجه شريحة المطورين أو المستأجرين، لازم اروح لها أو شوي أسبقها،،
يعني لاتفتكر أرض قيمتها 5 مليون ممكن تنبني عمارة في سنة أوسنة ونص وتتأجر في مناطق الدوحة المرغوبة بسعر ايجار اليوم 100 الف شهري تعادل ارض قيمتها 5 مليون في المشاف تصلح 4 فلل طايح حظ من بيبنيها ويأجرها خلال السنة او السنة ونص الجاية أذا جاها شارع و خدمات يمكن تتأجر 50 الف. شوف في كلامي عندك واجد تصلح ويكمن ؟؟ صح؟
للعقار أسواق مب بس من اليوم، ترى حتى من أمس ،، أعرف وتعلم السوق الي تبي تدخل فية وتقدر تتحكم في (الي يصلح ويمكن) فيه بأكبر درجة مقارنة بتحدي زمني معين لاستثمارك..
أسواق مثل الاراضي الزينة للعمايروالمجمعات والفلل والقابلة للتعمير والمرغوبة للسكن سوقها أحسن من أسواق غيرها..
أاكد على كلامي العقارالأستثماري قوتة في مردودة الاجاري مب في شي ثاني وحتى بيعته تنحسب على قيمته الاجارية سواء كان برج أو ستوديو..
أييوه عدل ،، حسبه أهل قطرما غيرها (الأيجار الشهري * 12 شهر* 10 سنوات)
ونشوف اليوم الفلل الي قاعدة تتأجر بين ال 5% و 7% وضعها ينخاف منها مقارنة بعمارة تتأجر 10% قولي شنهو أحسن للي بيشتري منك وأقنع نفسك قبل ماتتوقع ان المشتري بيقتنع ؟؟
الاسواق فرص
العقار بفرصته قبل سعرة والعقار لو مافيه فرص محد استثمر فيه،،
وأذا تبغي تكون مستثمر لاتعتمد على قوتك المالية وبس فيه فرص اليوم بمربح قليل وفيها مربح كبيير.
الي تحتاجة أنك تبني لك في بعض الاحيان فريق للشراكة ،، في فرص تقدر تحكم عليها أنها زينة وبتحتاج شريك، اثنين، او خمسة علشان تحصلها. وحط في بالك كل سوق عقاري وله حجمة وأكثر منافسة تحصلها بتكون في الاسواق المحشوره بالمستثمرين وهذي غالبا ما تكون الاسواق الرخيصة والي كلن قاعد يبي يدخلها (مثال المشاف)
وفي المقابل، أذا كنت مستثمر كبير، نوع فرصك ومخاطرها في أكثر من سوق عقاري بناء على الي يمكن ويصلح..
الاسواق خبر
مناطق تسمع انها بتولع قريب (مولع يعني: منحناها التصاعدي سريع) وأنت متأكد لدرجة معينه أنها بتطلع ومرغوبة خلال السنتين الجايين للاجار (يعني مب كلام هيئة الأشغال)
مثال: الاراضي التجاريه والادارية (5-7 ادوار) قيمتها في الدوحة تتراوح بين 1500 الى 2500 و العمارات السكنية (ارضي و4 الى 5 ادوار) تتراوح بين 1300 الى 1600 .
لما تسمع خبر أن جبل ثعيلب في لوسيل بيسلمونها للحفر والبناء خلال الشهر أو الشهرين الجايين وإنها بتتسلم بشوارعا وخدماتها خلال سنة ونص ،، تستنتج أنها بتدخل السوق الايجاري فعلياً..
يعني بتنافس فعلياً الأراضي الي في المناطق الثانية في الدوحة..
الحين لما تدرس الموضوع تلقى ان أراضي جبل ثعيلب قيمها للاداري بين 1100 و 1300 و السكني 650 و800 ،،
تستنتج أن:
لما السوق يتأثر أو ينزل هذا النوع من الأراضي بتكون فعليا أأمن
كمنطقة جديدة ومدفوع فيها للبنية التحتية وضعها أفضل
كموقع وسعة شوارع وطله بحرية وضعها أقوى
و و و و
أنا ما أقولك أدخل شي معين
انا أعطيك أمثلة وقراءات
انت الي لازم تفكر وتحلل وتتوقع وتتأكد من الخبر وتدخل وتطلع وتتابع سوق معين وتقارنه بالاسواق الثانية ،، وتراهن على أصول معينة والتوفيق من عند الله.
ومشكورين، واستثمار موفق والله من وراء القصد.
(اللهم لاتحاسبنا أن نسينا اوأخطأنا)
يقولون سقي البحر لي جا يرفع كل السنابيك (اي بمعنى طب في السوق و تربح دام الكل ربحان) وننسى ان الثبر بيحذفك ولاحد ب يسأل عنك !!
بس أبي اسألك أيام التسعينات لين الالفين وثلاثة ،، قدك سمعت سوالف الاقتصاد و التحاليل عند أهل قطر ومجالسهم ؟؟
أهل قطر (وقصدي العامة منهم) شعب طيب وعامةَ ما يحب الفلوس لحب جمع المال..
قضينتا اننا مانبي نتحسف الكل يغتني ونبقى فقراء...
اهههاااا ويفوتنا الموج !!
يا أخي والله ما كتبته الا اني ما أبيك تطيح،، ابيك اتعـلي فوق وفوق ومعزة أهل قطر من معزتي لعيالي
وصدقني ما أبي نطيح وغيرنا يغتني !!
بس البحرترى مب بس ركبة موج!!
نسأل نفسنا ياجماعة الخير أيش مواصفات الغني (راعي المحمل) وخلنا ندرسة اشوي..
أهم صفات الغني عالمياً: أنه يحب البيزة ولايحب يرجع للوراء ،
أبــدا:ً ما يحب الخسارة.
يعني يجوَدها ويلعب بها صح،، رجَال مفتـَح، و أهم شي دارس وقاعد يدرس ويتعلم السوق كل يوم..
انا ما أقول أنه مقصر في صرفة على نفسة والفقراء ومانع للزكاة،، أنا اقول أن المسألة عنده تحدي شخصي في سلة استثماراتة،،
والانسان المتحدي مفتح ومركز صعب يغلبه الشخص الى معطيه ظهرة ومريح مخه ويبي يسوي عمرة منهم ،، حـدَه يسأل (شخبار السوق وشتهقون يالربع؟؟) .. طبعاً البزنس قراءة وتوقع وخبر،، ألحق خبر، بس توثق من السالفة وحللها أقتصادياً
يعني في أي أستثمار تبي تدخلة ، دشه وأنت ناوي تتحدى وتتعلم لعبة القطاع وأرقامة، وتأكد من شي أن مربحك خسارة لغيرك وخسارتك مصلحة ومربح له،،
في البيع والمشترى : تربَـح وحاسب من الي في يدك،، كان كاش أو انه أصول..
وين تحاسب اليوم ؟
أوكي رفعنا الموج ( يمكن يكمل رفعتة ويمكن يطب؟ ) وأنا اقول ان الارتفاع زين ومعقول في أشياء وأشياء لا..
بيرتفع في أسواق وبتنزل في غيرها
يعني ؟؟
أقول ان السوق كائن حي معقد ولين يكبر يتغير ، ويبتدي يتحول لين أسواق ( يتقسم )
مب كل ارض تشتريها لان حسبتك بس سعر فوت و (صدقني يافلان سعرها زين!!)
لا، لازم تشتري بناء على تقسيم الاسوق بعد...
بعض أسوق العقار تشجع لسبب ان في قطر الاجارات زينة، مدعومة من ميزانية حكومة غنية عن طريق طلب جهاتها الحكومية وشبة الحكومية والشركات الي تتنفع من أوضاع وعقود قوية وموظفين مدفوعة لهم بدلات ايجار قوية..
طبعاً انا اتكلم عن الاجانب لان واقعياَ هم القوة السوقية لكبر شريحتهم في المجتمع وسوقة..
والطلب بيتم زين لمرحلة السنتين الجايين (طبعاَ الي يقدر يتوقع الاسواق أكثرمن سنتين شلاخ لان الطلب ينقاس على دخول الشركات في البلد وتأسيسها وحجم الطلب على الموارد البشرية في البلد ومحد يقدر يشوف أكثر من سنتين في هذا المجال) وتقارن الطلب بحجم الوحدات تحت الانشاء في البلد وتنوعها.
نرجع لموضوع تقسيم الاسواق. وأعطيك مثال:
سنة 2005 يوم طارت البورصة ووقعت الربع المحللين كانوا يغنون ( صدقني مواشي مواشي،، أقولك عطوهم ارض وخذوا مقصب في السودان) ( صدقني بتشوف المصرف بيوصل 800 )( حبييبي التحويلية جايتهم اخبار مجلس أدارة قوية،، أشتر.... )
ما يحتاج اكمل السالفة،،،
جينا للعقار في 2008 وكلن يشتري السهم (الارض) الي يقدر على سعرها.. وأبتدوا الناس يغنون ( المشاف وشركة ثاني) (لوسيل الشمالية واراضيها الكبيرة مقارنة بسعرها) ( اراضي الخور وضواحيها ومشاريع لفان جاهزة،، أشتر....)
يعني السوق مقسم ياجماعة بالنسبة لرغبة المطور والمستأجر مب أشتري ارض ماعندها شوارع وخدمات وأغامر على رفعة سعر لأن الموج يرتفع .. وين تتجه شريحة المطورين أو المستأجرين، لازم اروح لها أو شوي أسبقها،،
يعني لاتفتكر أرض قيمتها 5 مليون ممكن تنبني عمارة في سنة أوسنة ونص وتتأجر في مناطق الدوحة المرغوبة بسعر ايجار اليوم 100 الف شهري تعادل ارض قيمتها 5 مليون في المشاف تصلح 4 فلل طايح حظ من بيبنيها ويأجرها خلال السنة او السنة ونص الجاية أذا جاها شارع و خدمات يمكن تتأجر 50 الف. شوف في كلامي عندك واجد تصلح ويكمن ؟؟ صح؟
للعقار أسواق مب بس من اليوم، ترى حتى من أمس ،، أعرف وتعلم السوق الي تبي تدخل فية وتقدر تتحكم في (الي يصلح ويمكن) فيه بأكبر درجة مقارنة بتحدي زمني معين لاستثمارك..
أسواق مثل الاراضي الزينة للعمايروالمجمعات والفلل والقابلة للتعمير والمرغوبة للسكن سوقها أحسن من أسواق غيرها..
أاكد على كلامي العقارالأستثماري قوتة في مردودة الاجاري مب في شي ثاني وحتى بيعته تنحسب على قيمته الاجارية سواء كان برج أو ستوديو..
أييوه عدل ،، حسبه أهل قطرما غيرها (الأيجار الشهري * 12 شهر* 10 سنوات)
ونشوف اليوم الفلل الي قاعدة تتأجر بين ال 5% و 7% وضعها ينخاف منها مقارنة بعمارة تتأجر 10% قولي شنهو أحسن للي بيشتري منك وأقنع نفسك قبل ماتتوقع ان المشتري بيقتنع ؟؟
الاسواق فرص
العقار بفرصته قبل سعرة والعقار لو مافيه فرص محد استثمر فيه،،
وأذا تبغي تكون مستثمر لاتعتمد على قوتك المالية وبس فيه فرص اليوم بمربح قليل وفيها مربح كبيير.
الي تحتاجة أنك تبني لك في بعض الاحيان فريق للشراكة ،، في فرص تقدر تحكم عليها أنها زينة وبتحتاج شريك، اثنين، او خمسة علشان تحصلها. وحط في بالك كل سوق عقاري وله حجمة وأكثر منافسة تحصلها بتكون في الاسواق المحشوره بالمستثمرين وهذي غالبا ما تكون الاسواق الرخيصة والي كلن قاعد يبي يدخلها (مثال المشاف)
وفي المقابل، أذا كنت مستثمر كبير، نوع فرصك ومخاطرها في أكثر من سوق عقاري بناء على الي يمكن ويصلح..
الاسواق خبر
مناطق تسمع انها بتولع قريب (مولع يعني: منحناها التصاعدي سريع) وأنت متأكد لدرجة معينه أنها بتطلع ومرغوبة خلال السنتين الجايين للاجار (يعني مب كلام هيئة الأشغال)
مثال: الاراضي التجاريه والادارية (5-7 ادوار) قيمتها في الدوحة تتراوح بين 1500 الى 2500 و العمارات السكنية (ارضي و4 الى 5 ادوار) تتراوح بين 1300 الى 1600 .
لما تسمع خبر أن جبل ثعيلب في لوسيل بيسلمونها للحفر والبناء خلال الشهر أو الشهرين الجايين وإنها بتتسلم بشوارعا وخدماتها خلال سنة ونص ،، تستنتج أنها بتدخل السوق الايجاري فعلياً..
يعني بتنافس فعلياً الأراضي الي في المناطق الثانية في الدوحة..
الحين لما تدرس الموضوع تلقى ان أراضي جبل ثعيلب قيمها للاداري بين 1100 و 1300 و السكني 650 و800 ،،
تستنتج أن:
لما السوق يتأثر أو ينزل هذا النوع من الأراضي بتكون فعليا أأمن
كمنطقة جديدة ومدفوع فيها للبنية التحتية وضعها أفضل
كموقع وسعة شوارع وطله بحرية وضعها أقوى
و و و و
أنا ما أقولك أدخل شي معين
انا أعطيك أمثلة وقراءات
انت الي لازم تفكر وتحلل وتتوقع وتتأكد من الخبر وتدخل وتطلع وتتابع سوق معين وتقارنه بالاسواق الثانية ،، وتراهن على أصول معينة والتوفيق من عند الله.
ومشكورين، واستثمار موفق والله من وراء القصد.
(اللهم لاتحاسبنا أن نسينا اوأخطأنا)