شرايكم مانبيع

[qatarlands]

السلام عليكم ورحمة الله وبركاته

يالربع انا باكتب موضوع ومالي ترى في التحليل وهالاشياء بس يعني خلينا نشوف المؤيد والمعارض
انا اقول يالربع صحيح انه سبب تدهور السوق هو الوضع المالي للعالم ولكن بعد فيه نقطه معينه والاي هي انه الكل يبي يطلع باقل الخسائر
يالربع عندي نقطه وانشالله نتفق فيها ونتعاون مع بعض
والاي هي السوق يرتفع وينزل على الطلب والعرض
وفي هالوقت الكل يبيع يعني العرض زايد والطلب اقل
فليش مانتفق على انه مانبيع ونسوي حمله ونسميها (( خلونا مانبيع )) وننشرها
وانا مستعد اتعاون معاكم وكلنا نتعاون في هذا الشيء
وخلونا مانبيع وننشرها في جميع المنتديات وبتشوفون لو الكل تعاون والله البورصه باذن الله راح ترتفع وبيقل العرض وبيزيد الطلب
وشرايكم براي اخوكم المتواضع

[شهاب]

المشكلة اللى قاعد يبيع المؤسسات والمحافظ القطرية

[qatarlands]

والله على كلام واحد من الشباب الاي يشتغل في البورصه انه الاي يبيعون هم الافراد والمؤسسات قليل بيعهم بال بالعكس المؤؤسسات تتجه الى الشراء

[شهاب]

يوم الخميس المحافظ القطرية البيع 29.27%
الشراء15.33%
الاجنبية البيع21%
الشراء9.66% فقط
كلها فى يد المحافظ احنا مغلوبين على امرنا

[naklan]

اخوي الكريم البيع والشراء ليس بالتوصيه انا ما بعت ولا سهم ولن ابيع وذالك لقناعه في نفسي ولاني مستثمر ابي استلم ارباح كل اخر سنه وما يهمني نزل او انهار------ اخوي الموضوع يعتمد على مالك الاسهم نفسه هل هو مستثمر او--لا -- لو انهارت كل بورصه في العالم -- لا للبيع لا للبيع

[naklan]

المشكلة اللى قاعد يبيع المؤسسات والمحافظ القطرية

المحافض تبيع وتضارب في نفس الوقت ولا تتضرر ---- وصغار الملاك يبيع بخساره قاسيه ويطلع --- خلهم يبيعون :eek5::eek5::eek5:

[شورت تايم]

موضوع حلو وممتاز بعد

شوفي عزيزي انا باقولك ايش اللي بيصير

لو مثلآ أتفقوا خمسين شخص على عدم البيع لمدة أسبوع
وتعاهدو على عدم البيييييع ...... :victory:

اللي بيصير أن في اليوم الثاني او الثالث في ناس
بتخل بالعهد وانا أقولك بكل صراحه أن في ناس وايد
بينقضون العهد وبيبيعون وما عليهم منك
اذا شاف نفسه عوض خسراته

لانه ما في مصداقيه في العهد والوعد
الحين 90 % من الناس يالله نفسي وبس

ويمكن بتشوفه يحلف ويقسم لكن في النهايه
اتلاقيه أول الناس في البيع

أنا ما أقول الكل انا اقولك الأغلبيه عشان
محد يزعل علي

وتقبل مروري يالغالي

[عبير وردة]

أنا عن نفسي ما راح ابيع في هالفترة إلا إذا طلعت براس المال او اكثر شوي شوي بس

[ملياردير البورصه]

ترى لو كل اعضاء المنتدى ما باعوا لن ياثر فى السوق هامور واحد او محفظه واحده تساوينا جميعا
وينطبق علينا المثل
التسويه النمله فى سنه ياخده الجمل فى خوفه

[شورت تايم]

ترى لو كل اعضاء المنتدى ما باعوا لن ياثر فى السوق هامور واحد او محفظه واحده تساوينا جميعا
وينطبق علينا المثل
التسويه النمله فى سنه ياخده الجمل فى خوفه


هههههههههههههههه


لا يالغالي سلامتك

في ناس في المنتدى عندهم مش اسهم
عندهم محااااافظ فوق ما تتصور
وبمئات الملايين والله يزيدهم بعد
ويبعد عيون الحسد عنهم

[qatarlands]

مشكورين لكل من شارك طيب ليش مانبتدي حنا ونشوف شلون راح تكون الحمله
شوفوا بعض الدول المجاوره والله حتى على مستوى المكالمات الهاتفيه يعملون لها حملات في النت
ويكون لها صدى لتقول انه محد يدري او محد يسمع ترى المنتدى اعضائه مش شوي ولو كل واحد عنده صديق واخ واتفق الجميع على يوم واحد بس
ونقاطع ونجرب شنو بيصير