مطلوب سوني 3 لمن يرغب بالبيع

[fantasy]

تحياتي أبغي اشتري سوني 3 يكون بحاله جيده ومافي مشاكل
مايهمني الهار درايف علشان السعر مايكون غالي يعني عادي 40 يكفيني
طبعا اني اجربه قبل لا ادفع على الاقل 3 ايام علشان اتاكد مافي عيوب وعقب انشالله يتم الدفع واعتقد هذه فيها حمايه لي وللبايع في نفس الوقت
السعر المطلوب بحدود 500 الى 700 واعتقد الجديد الحين ينباع ب1700 واقل وانا شييكت في محلات البيع قالو جاهم كذا واحد واقل هار درايف تحت الالف بواايد (في محل قالي انباع من كم يوم واحد ب450)
رجاء وضع ايميل او ارسال راسله وراح اتواصل
تحياتي

[فويرط]

مرحبا اخوي

شوف الرابط

http://www.qatarshares.com/vb/showthread.php?t=211803&highlight=%D3%E6%E4%ED

صج انها غالية .... بس شوفها يمكن تصلح لك


موفق خير

[فويرط]

http://www.qatarshares.com/vb/showthread.php?t=212226

[bo3of]

هلا اخوي فانتسي بالنسبة للسعر اللي تكلمت عنه اظن تقصد جهاز صخر والا اتاري الله يهديك سوني 3 بهالسعر يمباع هاي مب صاحي يبيع هالسعر حده مستعمل يمباع 1200 وتحياتي لك

[airbus]

ممكن تحكي على ال ps2 لان يبناع مستعمل ب450 لي 550 ريال مع اغراضه مو ps3 اقل شي تحصله ب1200 ريال

[لاداعي]

http://www.img1000.com/images/xm3b2bfchetm37s3vejz.gif (http://www.img1000.com/)

[X 4 X]

اذا عينت ب450 قولي وانا بشتري 20 حبه :)

[Mody]

والله عدل كلامكم يا الربع وين تعين بهالسعر ؟؟!!

ولا هي مقصه اقل شي بعد على 1400 وانا توني

بايعها مع أغراض كامله تسوى الف ريال ب 1600 ريال

[محمد11]

هلا اخوي فانتسي بالنسبة للسعر اللي تكلمت عنه اظن تقصد جهاز صخر والا اتاري الله يهديك سوني 3 بهالسعر يمباع هاي مب صاحي يبيع هالسعر حده مستعمل يمباع 1200 وتحياتي لك



:nice::nice::nice::nice::nice::nice::nice::nice:

حلووووووووووووووه
مممممممممممممممممنك

[بورصواوي]

يالربع كلشي نازل الناس في ازمه الي يبيع زين يحصل شراي انا عندي سوني ب 1950 اذا حد يبيه في هذي الموضوع كلشي عنه والشباب قلبوها مناقشات واخر شي محد يبيه

http://www.qatarshares.com/vb/showthread.php?t=203522

للعلم عندي psp شاريه ب 1300 مع 20 شريط (محد يستخدمه) اخليه محذوف عندي ولا ابيعه ب 450

وعندي wii مع اكثر من50 شريط للبيع مع جهازين وجهاز حق العاب النتدو الصغير (=3 اجهزه) وكفر لجهازين وwii نفسه كفر

وهو نظيف من شهرين محد ستعمله والرجاء سومه عدله لان الشريط الواحد قيمته حول 25 والجهاز الجديد مع الاغراض حول 2000 مكلفه بدون الاشرطه

[ودي أكون]

سوني 3 ب 450 .. اشدخل ..:tooth:

لو حصلت بـ500 هاتها وبعطيك مالتي الفضيه .. شاريتها بـ1900 ريال ..

قال ب450 بتحصل وايد فالحرااااج :tooth:

[fantasy]

اخوي بوعوف اش فيك عصبت كأنك عندك سوني و مهب راضي ان سعره يكون نازل
حبيببي انا عطيت سعري واذا عندك ومب عاجبك لاتبيع ياخي لكن مب تجي وتطنز
اللي عنده بيبييع يتفضل يحط مشاركه اما انك تجي وتثرثر مثل غيرك فأفضلك تدور مكان ثاني وانا هاي سمعته من هندي عاد اش عرفني كلامه صج ولا لا وكم سعره انا اش بيعرفني عموما شكرا لكم للتوضيح عن سعر السوق واعتقد بحدود الالف ممكن يكون سعر السوق ويالله نشوف بياعين

بالمناسبه اجهزه السوني الي في المحلات تباع بدون ضمان هل الوكيل ايضا بدون ضمان؟؟؟

[ودي أكون]

اخوي بوعوف اش فيك عصبت كأنك عندك سوني و مهب راضي ان سعره يكون نازل
حبيببي انا عطيت سعري واذا عندك ومب عاجبك لاتبيع ياخي لكن مب تجي وتطنز
اللي عنده بيبييع يتفضل يحط مشاركه اما انك تجي وتثرثر مثل غيرك فأفضلك تدور مكان ثاني وانا هاي سمعته من هندي عاد اش عرفني كلامه صج ولا لا وكم سعره انا اش بيعرفني عموما شكرا لكم للتوضيح عن سعر السوق واعتقد بحدود الالف ممكن يكون سعر السوق ويالله نشوف بياعين

هد اعصابك اخوي ترا الموضوع مايستاهل .. :tooth:

[fantasy]

ههههههه شكرا اختي لا لا تحاتين والله كلنا اخوان مافي زعل بالمره لحد ياخذها بجديه وتحياتي للناس في اخلاقج اختي وكل الموجودين لكم الحب

[ودي أكون]

اي خلك جي :tooth:

الله يفتحها عليك وانشاءالله اتحصل واحد مخه قفل ويبيعها عليك ب450 .. :tooth:

[fantasy]

ههههههه يارب ويالله منتظرين يا اخوان اللي عنده سوني حاب يبيعه بحدود الالف
شكرا

[bo3of]

اخو عزيز يافانتسي اذا حاب اجيبلك اتاري والا فاملي حاضرين تقزيرة لين ماتحصل على الجهاز بألف ريال
خخخخخخخ

[fantasy]

ههههههههههههه
اخوي شكلك عندك اكس بوكس؟
لك الحب الكبير شقيقي

[bo3of]

لا عندي اكس تييرا