[][][][][ ياجماعه حد يعرف شالحل ][][][][]

[ALRAYYAN]

السلام عليكم

شلونكم ان شاء الله طيبين

ياشباب تلفوناتي الاثنين طاحوا في الماي .. وقالوا لي الشباب افصل البطاريه على طول وفصلتهم

حد يعرف محل يضبطهم مره ثانيه وهل في امل يشتغلون .. ولا اغسل يدي منهم خلاص ؟؟

ناطر مساعدتكم واذا في محل تعاملتوا معاه او جربتوا لنفس الغرض

وتسلمون مقدماً

[Gxr_2000]

عليك بالسشوار

[لاداعي]

صبحك الله بالخير أخوي الغالي الرياان


لا تشغلهم خلهم لين ينشفووون حدهم وتأكد انهم انشفو

وعقب عااادي بيشتغلون كم مره أنا صااارتلي نفس الحركه





ماااافي رقم ثلاثي للبيع
http://www.img1000.com/images/xm3b2bfchetm37s3vejz.gif (http://www.img1000.com/)

[صقر بلادي]

اخوي يفضل انك توديهم اي محل تلفونات افضل لك واضمن عندك شارع السد بتحصل محلات تصليح لنه انا صار لي نفس الشي بدلوه لي قطعة صغيره داخل الجوال والحين شغال معاي مافي شي

[قطري vip]

اخوي انا طاح جوالي بقلاص شاي وقلت خلاص راح فيها ووديته الشركه وكان يشتغل قالو لي مايتصلح

والله وخذيته ووديته لمحل ال شريم والله انه بس نظفه وركب لي مايك وبصراحه الفني اللي عنده خطير وده

له وبيصلحه ان شاء الله

[بوصآلح]

اخوي مدامك فصلت البطاريه المفروض عادي يردون يشتغلون بعد ما ينشفوون

لو ما صار هالشئ وده محلات السد هناك بيحلون لك السالفه ويقوولن لو في امل او اغسل ايدك

وانتبه بعضهم بس يبي ينصب وياخذ التلفون بسعر رخيص على اساس انه خربان ومايتصلح

والسموحه ^_^

[زقرتي]

المجرة

في شارع النصر

الحل عنده

[ورقــة أمــل]

انا رحت البحر من اسبوعين

ودشيت اسبح وتلفوني بمخباي

وشبع ماي

نشفته وديته شركة الخليج

قالو لي مايتصلح :weeping:

[بوحارب]

:weeping:

[the wisher]

اخوي يفضل انك توديهم محل آل شريم شارع السد او الوكالة وان شاء الله بيشتغلون

[مضارب دوسري]

ماعندك الاحل وحيد
وده محل ال شريم واذا ماصطلح يعني خلاص اغسل يدك
بس ان شاء الله بيضبطونهم لك


وبيني وبينك اذا اصطلحوا روح بيعهم واشتر جداد

والله يعوض عليك

[ALRAYYAN]

والله يالغالي انا شرت لي تلفونين جداد .. لأني ماقدر اقعد بدون تلفونات

ووديتهم لمحل ذبذبة اللي في شارع ال شافي بالريان وان شاء الله بكره اشوف شسوى معاهم

واذا اضبطوا بابيعهم ان شاء الله .. واذا ماضبطوا بوديهم محل ال شريم

بارك الله فيكم جميعاً وماقصرتوا

[fahad ..gh]

السلام عليكم

شلونكم ان شاء الله طيبين

ياشباب تلفوناتي الاثنين طاحوا في الماي .. وقالوا لي الشباب افصل البطاريه على طول وفصلتهم

حد يعرف محل يضبطهم مره ثانيه وهل في امل يشتغلون .. ولا اغسل يدي منهم خلاص ؟؟

ناطر مساعدتكم واذا في محل تعاملتوا معاه او جربتوا لنفس الغرض

وتسلمون مقدماً

والله ياخوى ذكرتنى بتلفونى يوم طاح فى الكرك وديته شارع الشافى .. مابى اقول اسم المحل.. المهم قلت له طاح فى كرك شسوى؟؟؟
رد على سكر زياده ولا خفيف..
و انا ساعه واقف افكر سكر زياده ولا خفيف عبالى من صجه الله يقطعه..

حطيته عنده بعد يومين المصرى قالى مافيش امل ..:cry2:

الحين مادرى فى فرق بين الماى والكرك فى خراب الجواويل؟؟؟؟:con2:
سؤال يطرح نفسه..بس من يقدر يجاوب؟؟:waiting:

[فلفل حار]

صباح الخير :)

الريان شحالك فديت خشمك ؟ وده محل كلاسيك فوون عند الفني فووق اسمه اسلم

هو بنغالي وفي فني ثاني فلبيني ، اثنينهم فنانيين واسلم هذا بالذات انا مرتاح في تعامله واسعاره

والله يسهل لك الشيخ :)

[fahad1]

اخوي انا طاح جوالي بقلاص شاي وقلت خلاص راح فيها ووديته الشركه وكان يشتغل قالو لي مايتصلح

والله وخذيته ووديته لمحل ال شريم والله انه بس نظفه وركب لي مايك وبصراحه الفني اللي عنده خطير وده

له وبيصلحه ان شاء الله
:nice::nice::nice:

[حياتي]

مالك اله ال شريم روحله وقوله من طرفي وهو بيقوم بالواجب وزياده

[biz-qtr]

عليك بالسشوار
وبيصير اوووووووووووووكي

[غناتي1]

خلهم لين ينشفون تماما

يوم كامل مثلا