ليش تفكيركم يالشباب صاير جي (يلزم الوضع تصحيح!)

[بنت ذياب]

السلام عليييكم ورحمة الله وبركاته

شلونكم يا اعضااائنا وعضواتنا الكرااام ,,


في ساالفه كلش مو داشه راااسي

ادري وايد مابيعجبهم الموضوع

بس هاي اللي اشووووووووفه :eek5::eek5:


حد يصلح لي اللي قاعد يصييير



وطريقة تفكييييييير البعض

يعني اخبر الواحد لا فكر يعرس بيقول حق هله يدووورون له وحده

تخاف رربها ! ومحتشمه

مو يروح يدور على وحده ويكون شررررررطه انها (( صايعــة ))

تتوقعون ليش ؟!


علشان على قولة الشباب: ان تعرف تكشخ وتتعدل !!!

طيب وصياعتها وخرابيطها !! شنو .؟ شضمنك انها مراح اتخونك باجر

يعني اهم شي الحلا عندكم

مادري شلون بعض الشباب يرضون ان هالاشكال يربون عيالهم في المستقبل

ويقولون ان بناخذهم علشان نسنعهم ونستر عليهم

وف نفس الوقت عشان تكشخ له

ليششش المحتشمه ماتعرف تكشششخ وتتعدل !!

ولا لازم تبرز كل زينتها علشان تبين للعالم انها كشيخه

اذا العطر حرام والميك اب حرام !! والعباية اللي مادري شلون حراام !

صج يعني بنات سمعتهم رايحه فيها ! والشباب شافوهم جي بالسوق واخطبووهم

وهي تتبرج وكل شي ,,

مااحتاج ازيد يعني في الموضوع ,,خل مخكم يروح بعيد شوي

والمشكلة ان هالشباب يعرفون بتاريخهم الاسوود

ويوم اهاليهم يواجهوووونهم ان ليش شاللي حادكم تربطون مصيركم بهالاشكال !!

تكون الاجااااابه : " وييييييييي لااااااا مااااااال اووووول اللي ياخذون مستوووورة " !!:eek5:

عشان بس تكشخ له وتتعدل وماعرف وشووو


ياجماااااعه خافووووووووا الله بعيااااالكم وخواتكم!!

باجر كل البنات بينقلبون وبيصيرون نفس هالطخه ,,

NO COMMENT

صج شي غررريب !

ويلزم الوضع تصحييح

تشرطوا ليييييين تلقوون بنت الحلال

بس لا تتهورون يهالطريقة وتدمرون اجياااال

دام الامهات جي ! الله يستر من الاجيال القادمة:secret:

!!!!!!!!

[امـ عبدالله]

قال تعالى: (الخبيثات للخبيثين و الخبيثون للخبيثات و الطيبات للطيبين و الطيبون للطيبات)

[بويوسف]

اختي اسمحي لي انتي قلتي ليش تفكيركم يالشباب صاير جي ..

وكان المفروض ماتقولين الشباب .. لاني متاكد ان هذي حالات شاذة مايحتاج انج تحطين هالعنوان .. ولا انج توجهين هالموضوع اصلا للشباب.

[بنت ذياب]

لو قررريت الموضوع عدل

بتلاحظ اني كررت كلمة " البعض " اكثر من مرة

ويعطيك العافيه عالرد !

[بوحارب]

اما اطب وحده صايعه :nop:

nothing اتوقع انتي تتكلمين عن 1% من اللي يطلبون هالطلب

الله يهديهم ويصلحهم :)


بالمرة خلوني اطلب :shy:

مطلوب وحده محشمه وتكون شلخة :eek5:

شلخة = قمر :looking:

[وطن]

اختي اسمحي لي انتي قلتي ليش تفكيركم يالشباب صاير جي ..

وكان المفروض ماتقولين الشباب .. لاني متاكد ان هذي حالات شاذة مايحتاج انج تحطين هالعنوان .. ولا انج توجهين هالموضوع اصلا للشباب.

اضم صوتي لك

خصوصا اني ما قط سمعت بحد طلب هالطلب الغريب

[شاهين]

يمكن الله يهديها بعد ماتتزوج
على اللي حكمتي عليها بالصايعهـ




وقول الله تعالى:
{ إِنَّكَ لاَ تَهْدِي مَنْ أَحْبَبْتَ وَلَكِنَّ اللهَ يَهْدِى مَنْ يَشَاء وَهُوَ أَعْلَمُ باِلْمهتَدِين}

[شاهين]

اما اطب وحده صايعه :nop:

nothing اتوقع انتي تتكلمين عن 1% من اللي يطلبون هالطلب

الله يهديهم ويصلحهم :)


بالمرة خلوني اطلب :shy:

مطلوب وحده محشمه وتكون شلخة :eek5:

شلخة = قمر :looking:



بوحروب:(

أنا بعد دورلي معاك تكفى يالدب:omen2:
لاتخليني بروحي:weeping:

[pure]

يمكن الله يهديها بعد ماتتزوج
على اللي حكمتي عليها بالصايعهـ




وقول الله تعالى:
{ إِنَّكَ لاَ تَهْدِي مَنْ أَحْبَبْتَ وَلَكِنَّ اللهَ يَهْدِى مَنْ يَشَاء وَهُوَ أَعْلَمُ باِلْمهتَدِين}



الله يهديها ماقلنا شي انشالله يارب مانتمنى لهم الا الصلاح والهدايه


بس وينهم عن حفظ الامانه وهي امانة الثقه يوم هم في بيت اهاليهم !!!

يعني ضربو سمعت اهلهم بالطوووفه ومبردين قلوبهم

يعني لا يا الريل بييب وياه الهدااايه


اخوي هاي مو بس عرس

لا هاي تكوين اسره

تكوين مجتمع

اذا الاساس متزعزع ومحطوط تحت خانة الاحتمالات شلون بيكون باقي البنياان

[بنت ذياب]

يمكن الله يهديها بعد ماتتزوج
على اللي حكمتي عليها بالصايعهـ




وقول الله تعالى:
{ إِنَّكَ لاَ تَهْدِي مَنْ أَحْبَبْتَ وَلَكِنَّ اللهَ يَهْدِى مَنْ يَشَاء وَهُوَ أَعْلَمُ باِلْمهتَدِين}

ترضى ’ اسم الله على اختك يعني تااااخذ واحد لعاااااااااااب ووصخ وصاااااااااااااايع ع "أمل" ان بيتعدل والله بيهديه ؟؟

[بوحارب]

بوحروب:(

أنا بعد دورلي معاك تكفى يالدب:omen2:
لاتخليني بروحي:weeping:

من عيوني شاهين:shy:

بقول حق الأهل يدورون وحده وتكون عندها اخت:weeping:

عشان انت تاخذها

:weeping:


لا تخاف مب مخليك بروحك :(:shy::):weeping:

[التيما]

لا حول ولا قوة الا بالله .. اختي اسمحي لي انا اولا احيي فيج غيرتج على شبابنا وجيل المستقبل واولادهم بس اسفه اقولج تعبيرج خانج .. صراحه صاحب الموضوع تعابير وكلمات ما تنقال اولا لانها تنصب تحت بند القذف ..

(( شضمنك انها مراح اتخونك باجر )) ..

(( صج يعني بنات سمعتهم رايحه فيها ! والشباب شافوهم جي بالسوق واخطبووهم

وهي تبرج وكل شي ,, وووصخـة ! ))

اتفق معاج ان هالبنات الي يسوون كذا يجيبو حق نفسهم الحجي بس في بنات يسوون جذي تقليد للآخريات فقط ليس الا مب شرط انهم وصخات ولا خاينات ..

انا رغم اعجابي للموضوع بحد ذاته الا اني مصدومه من التعابير الي انكتبت .. واحس انج دمرتي الموضوع بهالطريقة ..

[الخيميائي]

ليش تفكيركم يالشباب صاير جي (يلزم الوضع تصحيح!)

وينهم الشباب الى تفكيرهم هالشكل ؟؟!

الطرح دون المستوى جملة وتفصيلا ومحد يطلب هذا الطلب الا شخص تافه ومنحط خلقيا

[hamoor4ever]

اول مره ادري ان الشباب يحبون الصايعات ، اكيد حد موصل لج معلومه غلط عن الشباب ، هاذي بصراحه اكيد واحد شاذ اللي يدور هالشي ، بس بصراحه اذا تبين الصج بحكم معرفتي لبعض الشباب اللي يدرون الاشكال اللي تكون شوي فري مايكون شخص قطري ، يعني اذا شخص لبناني تلاقينه مايحب المحجبه هاذه قصدي ولا يدور انه يتزوج محجبه حتى لو هو مسلم لكن ان اهيه وصخه اعوذ بالله ، لكن القطريين اول مره اسمع هالشي كلهم يبون وحده مستره وتخاف ربها ، الا اذا هاذه الشخص مب ريال

[شاهين]

ترضى ’ اسم الله على اختك يعني تااااخذ واحد لعاااااااااااب ووصخ وصاااااااااااااايع ع "أمل" ان بيتعدل والله بيهديه ؟؟



أنتي اللحين قلبتي الأيه
موضوعج عن الشباب اللي ياخذون بنات الصايعات
وردج لي بنت تاخذ ولد صايع .. حددي طال عمرج وبرجع لج

[بنت ذياب]

اناا مو قاذفه حد

متعمده اكتب الموضوع جذي,, علشان احطك بالصورة اللي وصلنا لهااا

يعني انا اعرف ناس جذي.. مو جايبه كلام من جيبي

وبعدين انا مايبت اسامي ولا شي !!! قاعده اتكلم عن الوااقع !!

[!قطريـة بنت القمـر!]

خليها على ربج فديتج والله نفس هالحجي كنت اتكلم فيه مع الوالده ومع كم وحده من رفيجاتي وسبحان ربج لكل ساقط لاقط وهم يبون جي والطيور على اشكالها تقع .... انا اللي حارق لي قلبي عندي رفيجات متدينات يبون الستر من قلب ويدعون ربهم بالزوج الصالح كل يوم ويكسرون خاطري لما يقولون لي وقت ما ادعي لهم بالتوفيق يقولون لي تكفين قولي الله يعطيني ريل قسم بالله احس سكين بقلبي واحترق حراق اقول حسبي الله على كل من ترك هالوردات وراح للي ما يخافون الله وخلوا الصالحات الخايفات من الله المستورات يقعدون يبجون اخر الليل يتمنون الزواج والاقي البنات اللي اخلاقهم للاسف سيئه جدا لدرجة ان يبلغ من البعض منهم ايكونون معروفات عند الجميع سواء بنات ولا شباب واخرتها تلاقيها متزوجه واحد من احسن الشباب ؟؟.... لا حول ولا قوة الا بالله العلي العظيم .... وحسبي الله ونعم الوكيل .... بس يظلون وايد من الشباب الحمدلله فيهم الخير والبركة ويبون البنت الصالحة لكن مساكين مايعرفون وين يحصلونهم ولهم الاجر باذن الله .... جزاج الله خير الغاليه ....

[بنت ذياب]

أنتي اللحين قلبتي الأيه
موضعج عن الشباب اللي ياخذون بنات الصايعات
وردج لي بنت تاخذ ولد صايع .. حددي طال عمرج وبرجع لج

مافهمتني !

لانك تقول الله يهديييها !! ويمكن تعتدل بعد الزواج

اميييين يارب يهديهم ,, ويستر عليهم

لكن مو معناته نقط نفسنا بالنار

قت لك العكس علشان تستوعب الفكرة والشعور

ان انا او اي بنت ف الدنيا ماراح ناخذ حد ,, نعرف عنه على اساس

الله بيهديه عقب !

طيب شذنب الاجيال القادمه

[السامـي]

ما أعتقد،ولو حصل فيمكن حالة(شاذة)ما تمثل0.01%.

[التيما]

باااااااااال قلبتو الموضوع وصاروا فيه البنات وصخات ورايحين فيها وساقطات وصاروا الشباب الي ياخذونهم صيع مثلهم ولاقطين وتافهيين ومنحطيين !!!!!!!!!!!!!!!!!!!!!!!!!!!!!!

( سبحانك اللهم و بحمدك أشهد أن لا إله إلا أنت أستغفرك و أتوب إليك )

[pure]

فديتج عيل شتسمينهم اللي ياخذون بنات صايعه ؟؟؟

[شاهين]

مافهمتني !

لانك تقول الله يهديييها !! ويمكن تعتدل بعد الزواج

اميييين يارب يهديهم ,, ويستر عليهم

لكن مو معناته نقط نفسنا بالنار

قت لك العكس علشان تستوعب الفكرة والشعور

ان انا او اي بنت ف الدنيا ماراح ناخذ حد ,, نعرف عنه على اساس

الله بيهديه عقب !

طيب شذنب الاجيال القادمه


الأجيال القادمه تعتمد على التربيه السليمه
صدقيني أعرف شباب تربوا أحسن التربيه ديناً وخلقً
والبنات 7 وكلهم تزوجوا والحمدلله ومنهم في مراتب عاليه في الدوله
لكن أستغفرالله الأب عمره مادخل مسجد ويشرب الخمر
والأم ماتدري وين الله قاطها .. أستغفر الله
تقدرين تفسرين لي هالشي
وكيف الأبناء تربوا تربيه سليمه
مع أن أساس البيت كان ولازال ضعيف
ويعطيج العافيه

[بنت ذياب]

باااااااااال قلبتو الموضوع وصاروا فيه البنات وصخات ورايحين فيها وساقطات وصاروا الشباب الي ياخذونهم صيع مثلهم ولاقطين وتافهيين ومنحطيين !!!!!!!!!!!!!!!!!!!!!!!!!!!!!!

( سبحانك اللهم و بحمدك أشهد أن لا إله إلا أنت أستغفرك و أتوب إليك )



الحين من قلب الموضوع ابي افهم ! :waiting:

ومن قال الحين الشباب اللي ياخذونهم صيع مثلهم ولاقطين !!


لا تقولينا كلام ن ماقلناه !!!

وانا سبق وقلت البعض مو الكل ,,

ولحد يحور الكلام على كيفه !! :court:

[ام الدانة]

والله اتوقع ان معظم الشباب لين بغى يتزوج يسأل عنها وايد وماياخذ وحده سمعتها في الطين وحتى على قولتج خذ وحده (صايعة) هل تتوقعين بيستمرون والله ما أعتقد يا اختي والا ماشفتي حالات الطلاق بكثره في المحاكم (اعتقد الشاب اللي يفكر انه ياخذ وحده مثل اللي قلتيهم مجرد نزوه )الله يستر عليهم

[!قطريـة بنت القمـر!]

باااااااااال قلبتو الموضوع وصاروا فيه البنات وصخات ورايحين فيها وساقطات وصاروا الشباب الي ياخذونهم صيع مثلهم ولاقطين وتافهيين ومنحطيين !!!!!!!!!!!!!!!!!!!!!!!!!!!!!!

( سبحانك اللهم و بحمدك أشهد أن لا إله إلا أنت أستغفرك و أتوب إليك )

عمري ما شفت عضو بالمنتدى مركز على كلامي حرف حرف مثلج يا اخت التيما لكن عادي بس الاهم انج تعرفين لاسلوب الاقتباس المباشر :) .... الاية القرانية تقول : " الطيبون للطيبات والخبيثون للخبيثات" ... هل لديكِ اي اعتراض اختي ؟؟ ولا الاية ممكن لا توضح لج المعنى :) .....

[واحد ثقة]

لم أسمع بأمر كهذا من قبل !

ولا أعتقد بأن الأمر يستحق كل هذا الإهتمام والمناقشة لكونه ( إن وجد ) فهو لحالة نادرة جداً جداً ،،


أعتقد بأن الأخت سمعت هذه القصة من أحد ما واعتقدت بأنها ظاهرة مستشرية ، فأرادت بحسن ظن أن ( تصحح الوضع ) فجزاها الله خيراً على غيرتها على شبابنا وخوفها على بناتنا ،،

[المزن الرياني]

ماقد سمعت بحياتي عن واحد يدور وحده صايعه لانها تعرف تلبس وتكشخ

[بنت ذياب]

لم أسمع بأمر كهذا من قبل !

ولا أعتقد بأن الأمر يستحق كل هذا الإهتمام والمناقشة لكونه ( إن وجد ) فهو لحالة نادرة جداً جداً ،،


أعتقد بأن الأخت سمعت هذه القصة من أحد ما واعتقدت بأنها ظاهرة مستشرية ، فأرادت بحسن ظن أن ( تصحح الوضع ) فجزاها الله خيراً على غيرتها على شبابنا وخوفها على بناتنا ،،


لا اخووي.. اعرفهم شخصيااا ,,

وللاسف مو قصه وحده بس

اكثر من موقف يعني

علشان جي كتبت

!!

مشكور اخوي عالمرور :)

[شاهين]

باااااااااال قلبتو الموضوع وصاروا فيه البنات وصخات ورايحين فيها وساقطات وصاروا الشباب الي ياخذونهم صيع مثلهم ولاقطين وتافهيين ومنحطيين !!!!!!!!!!!!!!!!!!!!!!!!!!!!!!

( سبحانك اللهم و بحمدك أشهد أن لا إله إلا أنت أستغفرك و أتوب إليك )


شفتي أشلون أختي التيما

أنتي صبري شوي .. بيكفرونهم بعد

[بنت الحرمي]

السلام عليكم ورحمة الله وبركاته

اختي اتمنى تتقبلين رايي برحابة صدر

موضوعك جداً مهم ،، مجتمعنا القطري المحافظ بعادته وتقاليده ودينه اذا شفنا فيه امثلة مثل اللي ذكرتيها طبعاً لا يمكن السكوت عنهم فيجب ان نستنكر فعلهم المشين هذا ولو بكلمة !

ولـــكــن عتبي على استخدامك بعض المفرادات التي من وجهة نظري كان من الاجدى استبدالها بكلمات ارقى و لائقة اكثر ومناسبة للقراء ومنتدى كمثل هذا المنتدى ،،

اما عنوانك للموضوع لا يمت نوعاً ما للمحتوى ،، فلقد عمتي وشملتي الشباب جميعاً اما محتوى الموضوع فقد خصصتي !

بالنسبة للتفكير للشباب لا اعتقد ان الفئة التي تكلمتي عنها (ظاهرة ) انما هي (حالات فردية) ان نمت عن شيء فانها تنم عن قلة الوازع الديني وانعدام الضمير والمستوى الاخلاقي الذي وصل اليه البعض

فالنهاية كل شيء فهذه الدنيا قسمة ونصيب

الانسان مخير وليس مسير

الحلال بين والحرام بين

الشر موجود والخير ايضاً موجود

اذا نوجدت فئة مثل اللي تكلمتي عنها فانها قليلة ولكن الاغلبية الظاهرة لنا ان لا احد يرضى الارتباط بمن ذكرتيهم ،،


وفقنا الله واياكم لما يحب ويرضى

[بنت ذياب]

الأجيال القادمه تعتمد على التربيه السليمه
صدقيني أعرف شباب تربوا أحسن التربيه ديناً وخلقً
والبنات 7 وكلهم تزوجوا والحمدلله ومنهم في مراتب عاليه في الدوله
لكن أستغفرالله الأب عمره مادخل مسجد ويشرب الخمر
والأم ماتدري وين الله قاطها .. أستغفر الله
تقدرين تفسرين لي هالشي
وكيف الأبناء تربوا تربيه سليمه
مع أن أساس البيت كان ولازال ضعيف
ويعطيج العافيه

اخوي هاي حالة خااصه.. تقدر تقول نادرة !

بس اتكلم بشكل عام,,

لو كل شاب فكر بهالطريقه

شبيصير بالدنيا !!

مشكور عالمرووور :)

[التيما]

الحين من قلب الموضوع ابي افهم ! :waiting:

ومن قال الحين الشباب اللي ياخذونهم صيع مثلهم ولاقطين !!


لا تقولينا كلام ن ماقلناه !!!

وانا سبق وقلت البعض مو الكل ,,

ولحد يحور الكلام على كيفه !! :court:

ههههههههههههههه انا ما طلعت عن الموضوع انا قلت لج ان الموضوع عاجبني بس احسج معصبه معاج حق بس نخفف شوي من الالفاظ القويه هذي وممكن توصلين لنا المعنى من غير هالكلمات .. هذولا بنات بعد وشوفات ناس وندعي لهم بالهدايه ..

تبيني اطلع عن الموضوع !! شرايج ان اغلب هالمتدينات والملتزمات لمن يدورون حق اخوانهم ما يدورون صوب الملتزمات ويدورون صوب البنات العاديات مب متدينات .. تدرين ليش ؟؟ ولا مب لازم اقول ليش ..

نرجع للموضوع .. اختي ربي يسلمج هاي نصيب وهو حر باختياره وما تدرين يمكن الله يهديها ويهديه من هالزواج والله له حكمه في كل شي في هالدنيا وما خلق الدنيا عبث .. يعني الا نلزمه ياخذ وحده متدينه ولا محتشمه ؟ هو مايبي وحده جذي هو الي بيتحمل قراره واذا عالتربية ترى اليهال الحين كلبوهم تربية خدم .. لا تعترضين عالنصيب هاي قدر الله كاتبه ..

[pure]

نكفر ميين والناس نايمين ؟؟

عجب صرراحه !!!!

يعني انت جايف انه شي عادي

شفيها يعني خل تتبرج

خل تكشخ

ما مصيرها الله بيهديها ؟؟؟؟!!!!!

[!قطريـة بنت القمـر!]

شفتي أشلون أختي التيما

أنتي صبري شوي .. بيكفرونهم بعد

ممكن اقولك شغلة اخ شاهين وتجاوبني من صميم قلبك .... لو تدري ان في بنات متدينات في عمر الزهور وقاعدين يكبرون وهم يتمنون الزواج بشكل كبير ويدعون الليل قبل النهار ويبكون كل ليلة فقط لقبول هالدعوة من الله سبحانه ؟؟ انت شنو موقفك ؟؟ وفي المقابل ولا مافي داعي للمقابل .... هل الاولى ستر بنت فاضحه نفسها ونست ربها وتجرات على معصيته ولا ستر بنت عفيفه لا تنجرف بيوم لدرب الفساد ؟؟ اليس الاولى درء المفاسد من جلب المصالح ....التفكير لا ياتي من زاوية وحده دور للموضوع مليون زاوية اخي الفاضل :) ....

[اسعاف]

السلام عليييكم ورحمة الله وبركاته

شلونكم يا اعضااائنا وعضواتنا الكرااام ,,


في ساالفه كلش مو داشه راااسي

ادري وايد مابيعجبهم الموضوع

بس هاي اللي اشووووووووفه :eek5::eek5:


حد يصلح لي اللي قاعد يصييير



وطريقة تفكييييييير البعض

يعني اخبر الواحد لا فكر يعرس بيقول حق هله يدووورون له وحده

تخاف رربها ! ومحتشمه

مو يروح يدور على وحده ويكون شررررررطه انها (( صايعــة ))

تتوقعون ليش ؟!


علشان على قولة الشباب: ان تعرف تكشخ وتتعدل !!!

طيب وصياعتها وخرابيطها !! شنو .؟ شضمنك انها مراح اتخونك باجر

يعني اهم شي الحلا عندكم

مادري شلون بعض الشباب يرضون ان هالاشكال يربون عيالهم في المستقبل

ويقولون ان بناخذهم علشان نسنعهم ونستر عليهم

وف نفس الوقت عشان تكشخ له

ليششش المحتشمه ماتعرف تكشششخ وتتعدل !!

ولا لازم تبرز كل زينتها علشان تبين للعالم انها كشيخه

اذا العطر حرام والميك اب حرام !! والعباية اللي مادري شلون حراام !

صج يعني بنات سمعتهم رايحه فيها ! والشباب شافوهم جي بالسوق واخطبووهم

وهي تبرج وكل شي ,, وووصخـة !

مااحتاج ازيد يعني في الموضوع ,,خل مخكم يروح بعيد شوي

والمشكلة ان هالشباب يعرفون بتاريخهم الاسوود

ويوم اهاليهم يواجهوووونهم ان ليش شاللي حادكم تربطون مصيركم بهالاشكال !!

تكون الاجااااابه : " وييييييييي لااااااا مااااااال اووووول اللي ياخذون مستوووورة " !!:eek5:

عشان بس تكشخ له وتتعدل وماعرف وشووو


ياجماااااعه خافووووووووا الله بعيااااالكم وخواتكم!!

باجر كل البنات بينقلبون وبيصيرون نفس هالطخه ,,

NO COMMENT

صج شي غررريب !

ويلزم الوضع تصحييح

تشرطوا ليييييين تلقوون بنت الحلال

بس لا تتهورون يهالطريقة وتدمرون اجياااال

دام الامهات جي ! الله يستر من الاجيال القادمة:secret:

!!!!!!!!

كلامج عين العقل
لكن ابشرك
كل الشباب الصايع الي خذوا صايعات مثلهم ما توفقي في حياتهم

وفي الدوحة ثلث الي يتزوجون يطلقون
وهذي الفئة التي ذكرتيهه هي السواد الأعظم منها
لأن الشهوة تذهب بعد شهر العسل وتبقى العشرة والطيبة والدين والخلق
فإذا البنت صايعة وما تخاف الله
وكانت مبذرة وتحب الطلعات والدوارة
زوجها بيقبضهه الباب من ثاني شهر من بعد شهر العسل
فاثبتي اختي على اخلاقك وحياك ودينك
وان شاء الله يأتيك ولد الحلال الي يستر عليك

[lusail]

قولو لا اله الا الله ...
و
الله يستر علينا وعلى جميع المسلمين ويرزقنا يارب ...

[بنت ذياب]

ههههههههههههههه انا ما طلعت عن الموضوع انا قلت لج ان الموضوع عاجبني بس احسج معصبه معاج حق بس نخفف شوي من الالفاظ القويه هذي وممكن توصلين لنا المعنى من غير هالكلمات .. هذولا بنات بعد وشوفات ناس وندعي لهم بالهدايه ..
تبيني اطلع عن الموضوع !! شرايج ان اغلب هالمتدينات والملتزمات لمن يدورون حق اخوانهم ما يدورون صوب الملتزمات ويدورون صوب البنات العاديات مب متدينات .. تدرين ليش ؟؟ ولا مب لازم اقول ليش ..

نرجع للموضوع .. اختي ربي يسلمج هاي نصيب وهو حر باختياره وما تدرين يمكن الله يهديها ويهديه من هالزواج والله له حكمه في كل شي في هالدنيا وما خلق الدنيا عبث .. يعني الا نلزمه ياخذ وحده متدينه ولا محتشمه ؟ هو مايبي وحده جذي هو الي بيتحمل قراره واذا عالتربية ترى اليهال الحين كلبوهم تربية خدم .. لا تعترضين عالنصيب هاي قدر الله كاتبه ..


حبيبتي .. انا ما قلت اساميهم ولا فضحت حد .. بس انقل لكم شيئً من الواقع

المشكلة انتوا ماتتقبلون حجي الصج !

[التيما]

عمري ما شفت عضو بالمنتدى مركز على كلامي حرف حرف مثلج يا اخت التيما لكن عادي بس الاهم انج تعرفين لاسلوب الاقتباس المباشر :) .... الاية القرانية تقول : " الطيبون للطيبات والخبيثون للخبيثات" ... هل لديكِ اي اعتراض اختي ؟؟ ولا الاية ممكن لا توضح لج المعنى :) .....

اولا لي الشرف اني اركز على كلام اي عضو اختي لسبب واحد فقط اني لمن يعجبني موضوع واحب ارد فيه لازم اقرا حرف حرف فيه من صاحب الموضوع لين ردود الاعضاء .. الموضوع مو خاص فيج لاني لو لاحظتي علقت على كلام عضو اخر معاج في الموضوع مو عنج بس .. ثانيا الشيخه الآيه الكريمة ما تعمم ان كل انسان خبيث لازم مرته تكون خبيثة ولا الطيب لازم مرته تكون طيبه .. ويتراوالي حالات الطلاق الكبيره في قطر دليل ان مو كل المتزوجين خبيثون للخبيثات ولا طيبون للطيبات ولا كنا عايشين بسلام وكل الاسر سعيده ومستانسه ..

[بنت ذياب]

كلامج عين العقل
لكن ابشرك
كل الشباب الصايع الي خذوا صايعات مثلهم ما توفقي في حياتهم

وفي الدوحة ثلث الي يتزوجون يطلقون
وهذي الفئة التي ذكرتيهه هي السواد الأعظم منها
لأن الشهوة تذهب بعد شهر العسل وتبقى العشرة والطيبة والدين والخلق
فإذا البنت صايعة وما تخاف الله
وكانت مبذرة وتحب الطلعات والدوارة
زوجها بيقبضهه الباب من ثاني شهر من بعد شهر العسل
فاثبتي اختي على اخلاقك وحياك ودينك
وان شاء الله يأتيك ولد الحلال الي يستر عليك


اشكرك اخوي الكريم على تفهمك للموضوع بصورة صحيحة

هاي اللي ابي اوصله .. بس محد فاهم الموووضوع !!

يعطيك العافيه ..

[واحد ثقة]

لا اخووي.. اعرفهم شخصيااا ,,

وللاسف مو قصه وحده بس

اكثر من موقف يعني

علشان جي كتبت

!!

مشكور اخوي عالمرور :)


كم يعني ؟

10

20

50

لنفترض بأنهم 50 مع أنني أجزم بأنهم لايتجاوزون هذا العدد إن وجدوا أصلاً ، ولكن مع ذلك فبهذا العدد لاتعتبر ظاهرة :)

أسمحيلي اختي فهذا الموضوع ليس ذو جدوى ويلقي الضوء على قضية غير موجودة أساساً إلا في ذهن صحابة الموضوع ،،

وأكبر دليل بأن لايوجد أحد إطلاقاً سمع بهذا الكلام من رواد المنتدى ، لا شباب ولا بنات !


فلنبحث عن قضايا جادة وحقيقة ، أو ظواهر بحاجة إلى التصدي لها ، لا أن نختلق أموراً أو ننقل قصص قيلت في شاي الضحى أو في استراحة بنات بين محاضرتين أو في كوفي شوب !


الله يهديج بس .. عنوان الموضوع ( ليش تفكيركم يالشباب صاير جي (يلزم الوضع تصحيح!) )

وفي الأخير لم نجد إلا سالفة قيلت وصدقتيها :)


الله يصلح الأحوال قولي آمين ،،

[!قطريـة بنت القمـر!]

اولا لي الشرف اني اركز على كلام اي عضو اختي لسبب واحد فقط اني لمن يعجبني موضوع واحب ارد فيه لازم اقرا حرف حرف فيه من صاحب الموضوع لين ردود الاعضاء .. الموضوع مو خاص فيج لاني لو لاحظتي علقت على كلام عضو اخر معاج في الموضوع مو عنج بس .. ثانيا الشيخه الآيه الكريمة ما تعمم ان كل انسان خبيث لازم مرته تكون خبيثة ولا الطيب لازم مرته تكون طيبه .. ويتراوالي حالات الطلاق الكبيره في قطر دليل ان مو كل المتزوجين خبيثون للخبيثات ولا طيبون للطيبات ولا كنا عايشين بسلام وكل الاسر سعيده ومستانسه ..

جاوبتي على السؤال اختي الفاضله .... لان ان جا الخبيث مع الطيب لا يتفقون فيحدث الطلاق لاغلب هالحالات بغض عن حالات الطلاق الاخرى .... بس سواء بالزواج او بالصداقات بين الناس وبين العلاقات الانسانية بشكل عام الخبيث والطيب لا يتفقون البتة ..... ولنا في تلك الاية في القران الكريم(بعيدة عن الموضوع ولكن كمثال) التي تقول : (الزاني لاينكح إلا زانية أو مشركة والزانية لا ينكحها إلا زان أو مشرك ).... هل الاية هنا لا تعمم ؟؟ القصد لا يستوي الخبيث والطيب ....فـ لله سبحانه وتعالى الحكمة في ذلك عزيزتي .... وليس هنالك احسن من الله حكمة ..... والله يهدينا واياكم الى سواء السبيل ....

[شاهين]

ممكن اقولك شغلة اخ شاهين وتجاوبني من صميم قلبك .... لو تدري ان في بنات متدينات في عمر الزهور وقاعدين يكبرون وهم يتمنون الزواج بشكل كبير ويدعون الليل قبل النهار ويبكون كل ليلة فقط لقبول هالدعوة من الله سبحانه ؟؟ انت شنو موقفك ؟؟ وفي المقابل ولا مافي داعي للمقابل .... هل الاولى ستر بنت فاضحه نفسها ونست ربها وتجرات على معصيته ولا ستر بنت عفيفه لا تنجرف بيوم لدرب الفساد ؟؟ اليس الاولى درء المفاسد من جلب المصالح ....التفكير لا ياتي من زاوية وحده دور للموضوع مليون زاوية اخي الفاضل :) ....


أجاوبج بصرااحه
ستر الثنتين
أختي قطريه ردج سلك منحنى ثاني
وهو الرجاء والدعوه الى الله بالستر
في هذي الحاله الله يتقبل الدعوه من البنات المتدنيات أو اللي كانت ( صايعه )
وتريد الهدايه وباب التوبه مفتوح .. والله غفور رحيم وبعض البشر لايرحم أختي قطريه
باي حق أحكم على سخص بالصايع والخبيث ..
ولكن لي الحق أن ادعوا له بالهدايه ..

[بنت ذياب]

كم يعني ؟

10

20

50

لنفترض بأنهم 50 مع أنني أجزم بأنهم لايتجاوزون هذا العدد إن وجدوا أصلاً ، ولكن مع ذلك فبهذا العدد لاتعتبر ظاهرة :)

أسمحيلي اختي فهذا الموضوع ليس ذو جدوى ويلقي الضوء على قضية غير موجودة أساساً إلا في ذهن صحابة الموضوع ،،

وأكبر دليل بأن لايوجد أحد إطلاقاً سمع بهذا الكلام من رواد المنتدى ، لا شباب ولا بنات !


فلنبحث عن قضايا جادة وحقيقة ، أو ظواهر بحاجة إلى التصدي لها ، لا أن نختلق أموراً أو ننقل قصص قيلت في شاي الضحى أو في استراحة بنات بين محاضرتين أو في كوفي شوب !


الله يهديج بس .. عنوان الموضوع ( ليش تفكيركم يالشباب صاير جي (يلزم الوضع تصحيح!) )

وفي الأخير لم نجد إلا سالفة قيلت وصدقتيها :)


الله يصلح الأحوال قولي آمين ،،

اقوله اعرف الناس شخصيا

يقولي سالفة قيلت وصدقتيها

اقووله القضية موجوده وانا ادري بها يقولي غير موجودة اساسا


ياجمااااااااعه حطيت العنوان جذي لجذب الانتباه

واقروا الموضوع عدل وشوفوا المحتــوى .. كررت كلمة البعض اكثر من مرة !!

وماقصد الكل ترى ,,

وارجع اقول في شباب فيهم الخير

بس حبيت اسلط الضوء على هالنوعية من الشباب اللي تفكيرهم جذي !

[الخيميائي]

ههههههههههههههه انا ما طلعت عن الموضوع انا قلت لج ان الموضوع عاجبني بس احسج معصبه معاج حق بس نخفف شوي من الالفاظ القويه هذي وممكن توصلين لنا المعنى من غير هالكلمات .. هذولا بنات بعد وشوفات ناس وندعي لهم بالهدايه ..

تبيني اطلع عن الموضوع !! شرايج ان اغلب هالمتدينات والملتزمات لمن يدورون حق اخوانهم ما يدورون صوب الملتزمات ويدورون صوب البنات العاديات مب متدينات .. تدرين ليش ؟؟ ولا مب لازم اقول ليش ..
نرجع للموضوع .. اختي ربي يسلمج هاي نصيب وهو حر باختياره وما تدرين يمكن الله يهديها ويهديه من هالزواج والله له حكمه في كل شي في هالدنيا وما خلق الدنيا عبث .. يعني الا نلزمه ياخذ وحده متدينه ولا محتشمه ؟ هو مايبي وحده جذي هو الي بيتحمل قراره واذا عالتربية ترى اليهال الحين كلبوهم تربية خدم .. لا تعترضين عالنصيب هاي قدر الله كاتبه ..


ليش لان العاديات اكثر تدينا من المتدينات :omen2:

[شاهين]

اقوله اعرف الناس شخصيا

يقولي سالفة قيلت وصدقتيها

اقووله القضية موجوده وانا ادري بها يقولي غير موجودة اساسا

ياجمااااااااعه حطيت العنوان جذي لجذب الانتباه

واقروا الموضوع عدل وشوفوا المحتــوى .. كررت كلمة البعض اكثر من مرة !!

وماقصد الكل ترى ,,

وارجع اقول في شباب فيهم الخير

بس حبيت اسلط الضوء على هالنوعية من الشباب اللي تفكيرهم جذي !


هههههههههههههههههههههههههههههههههههههههههه

[!قطريـة بنت القمـر!]

أجاوبج بصرااحه
ستر الثنتين
أختي قطريه ردج سلك منحنى ثاني
وهو الرجاء والدعوه الى الله بالستر
في هذي الحاله الله يتقبل الدعوه من البنات المتدنيات أو اللي كانت ( صايعه )
وتريد الهدايه وباب التوبه مفتوح .. والله غفور رحيم وبعض البشر لايرحم أختي قطريه
باي حق أحكم على سخص بالصايع والخبيث ..
ولكن لي الحق أن ادعوا له بالهدايه ..

اخوي اللي طرحت الموضوع قالت بصريح العبارة انهم يروحون بنفسهم يدورون البنت الـ .... عشان لحد يقول نحكم ونحكم :) .... المهم هم يروحون لهالنوعية من البنات وهم ما دعوا الله بالستر فأين ذلك من كلامك عندما قلت يتقبل الدعوه من المتدينات او اللي كانت صايعه على حسب ما قلت اخي ؟؟ بغض النظر عن اللي تابت واهتدت وطلبت الستر فلا بأس عليها والله يسترها دنيا واخرة والتوبة مصيرنا جميعا باذن الله في عدة امور ولكن العقدة في اللي ما طلبت الستر لكن تبي الزواج لمجرد الزواج والاخ الفاضل الذي يتقدم لها يريد لها الستر وهي لا تفكر بذلك فقط ضيع وقته وجهده فيما لا ينفع .... في وجود الفئه الاولى بذلك ..... وندعي للجميع بالهداية اخي الفاضل لم نحكم عليهم بالموت لكن لا نتمنى ان ياخذوا حقوق الغير اولى به فقط لا غير والله يهدينا ويهديك ان شاء الله ....

[بــو فهــد]

قال تعالى: (الخبيثات للخبيثين و الخبيثون للخبيثات و الطيبات للطيبين و الطيبون للطيبات)

وانا اقرى الموضوع جات هالايه في بالي ..

واتوقع هي تكفي

[vip-30003]

السلام عليكم ...

الموضوع غريب ويضحك .. يعني واحد تفكيره وصل انه يدور وحده صايعه علشان يتزوجها

بحجت انها اتعرف تكشخ وتلبس.. هذا الانسان مليون % صايع وشايف الدنيا المفروض يفكر بالعكس..

لان تفكير الصايع انه ياخذ بنت محترمه جدا لان فيه نقص بداخله لانه نظرته ان كل البنات نفس اللي يعرفهم..

فا ما ااتوقع وااااحد يفكر جذيه الا معقد .. واكيد بيئته تعبانه نفس تفكيره ..

المصيبه ان هالوقت صارت البنت المثاليه .. نادره جدا .. ونفس الشىء الشباب

والمصيبه الكبرى .. في الخطوبه او في فتره الخطوبه الكل يلبس قناع ..

الصايع يطلع مطوع .. والصايعه تطلع مافي مثله.. وفي الاخير.. طلاق ..

للعلم 30% نسبة الطلاق في قطر ..

[التيما]

ليش لان العاديات اكثر تدينا من المتدينات :omen2:

ههههههههه ماشاء الله عليك تفصفص في الردود عدل :) الجواب بين اضلوعنا احنا البنات احنا نعرف ليش والاسباب .. وهي ليست للنشر :tease:

[الخيميائي]

بوحارب وشاهين

يبيلكم كرت اصفر :)

[بنت ذياب]

السلام عليكم ...

الموضوع غريب ويضحك .. يعني واحد تفكيره وصل انه يدور وحده صايعه علشان يتزوجها

بحجت انها اتعرف تكشخ وتلبس.. هذا الانسان مليون % صايع وشايف الدنيا المفروض يفكر بالعكس..

لان تفكير الصايع انه ياخذ بنت محترمه جدا لان فيه نقص بداخله لانه نظرته ان كل البنات نفس اللي يعرفهم..

فا ما ااتوقع وااااحد يفكر جذيه الا معقد .. واكيد بيئته تعبانه نفس تفكيره ..

المصيبه ان هالوقت صارت البنت المثاليه .. نادره جدا .. ونفس الشىء الشباب

والمصيبه الكبرى .. في الخطوبه او في فتره الخطوبه الكل يلبس قناع ..

الصايع يطلع مطوع .. والصايعه تطلع مافي مثله.. وفي الاخير.. طلاق ..

للعلم 30% نسبة الطلاق في قطر ..


اللي يضحك تفكير البعض جذي !!


واظن النسبة بازديااد مستمررر !!

[بنت ذياب]

اخوي اللي طرحت الموضوع قالت بصريح العبارة انهم يروحون بنفسهم يدورون البنت الـ .... عشان لحد يقول نحكم ونحكم :) .... المهم هم يروحون لهالنوعية من البنات وهم ما دعوا الله بالستر فأين ذلك من كلامك عندما قلت يتقبل الدعوه من المتدينات او اللي كانت صايعه على حسب ما قلت اخي ؟؟ بغض النظر عن اللي تابت واهتدت وطلبت الستر فلا بأس عليها والله يسترها دنيا واخرة والتوبة مصيرنا جميعا باذن الله في عدة امور ولكن العقدة في اللي ما طلبت الستر لكن تبي الزواج لمجرد الزواج والاخ الفاضل الذي يتقدم لها يريد لها الستر وهي لا تفكر بذلك فقط ضيع وقتها وجهده فيما لا ينفع .... في وجود الفئه الاولى بذلك ..... وندعي للجميع بالهداية اخي الفاضل لم نحكم عليهم بالموت لكن لا نتمنى ان ياخذوا حقوق الغير اولى به فقط لا غير والله يهدينا ويهديك ان شاء الله ....

احنا مانتكلم عن الفئة اللي هداهم ربي

الحمدلله الله يثبتهم يارب ويستر عليهم ..

انا معاج خيتو باللي تقولينه

كفيييتي ووفيييييتي صراحه

انتي كده :nice:

[!قطريـة بنت القمـر!]

اللي يضحك تفكير البعض جذي !!


واظن النسبة بازديااد مستمررر !!

لا فديتج الله لا يقوله .... فالنهاية مايصح الا الصحيح واكبر دليل حتى بعض الشباب ان كانت لهم سوالف في النهاية قبل لا يتزوج يتوب ويطلب زوجة محترمة وخلوقة وتخاف الله يعني الحمدلله مهما صار تظل نسبة كبيرة من شبابنا فيهم الخير والبركة والله يهديهم جميع ويهدينا معاهم قولي امين يقلل هالنسبة وبتظل صغيره بالنسبة للنسبة الاصح في المجتمع ولن يتاثر المجتمع بشكل كبير بهالفئه باذن الله الواحد الاحد دام في قلوب ابنائنا الخير ....

[بنت ذياب]

لا فديتج الله لا يقوله .... فالنهاية مايصح الا الصحيح واكبر دليل حتى بعض الشباب ان كانت لهم سوالف في النهاية قبل لا يتزوج يتوب ويطلب زوجة محترمة وخلوقة وتخاف الله يعني الحمدلله مهما صار تظل نسبة كبيرة من شبابنا فيهم الخير والبركة والله يهديهم جميع ويهدينا معاهم قولي امين يقلل هالنسبة وبتظل صغيره بالنسبة للنسبة الاصح في المجتمع ولن يتاثر المجتمع بشكل كبير بهالفئه باذن الله الواحد الاحد دام في قلوب ابنائنا الخير ....

آمين ,,

[المزن الرياني]

ههههههههه ماشاء الله عليك تفصفص في الردود عدل :) الجواب بين اضلوعنا احنا البنات احنا نعرف ليش والاسباب .. وهي ليست للنشر :tease:

ماينفع اعرف ولو بالخاص :shy:

[lusail]

اهم شي مافي هده هههههههههه ويالله ورانا دوام وزين وصلنا لنهايه حلوه
ويعذرونا الخوات بس حبينا نغير الجو المتكهرب خخخخ حلوه المتكهرب

بوحارب صج طلعت بخيل لا جانا كرك هههه
تصبحون على خير

[التيما]

ماينفع اعرف ولو بالخاص :shy:

:anger1: اقولك سوالف بنات



:tease:

[بنت ذياب]

اهم شي مافي هده هههههههههه ويالله ورانا دوام وزين وصلنا لنهايه حلوه
ويعذرونا الخوات بس حبينا نغير الجو المتكهرب خخخخ حلوه المتكهرب

بوحارب صج طلعت بخيل لا جانا كرك هههه
تصبحون على خير


لا عاادي ,,

اختلاف الراي لا يفسد للود قضية .. :)
وانتووا كل الخيرر ,,
:)

[قهوة الضحى]

اولا الزواج قسمة ونصيب وكلن ياخذ نصيبه ولاحقين عليه
من غير حسد ليش هاذي صايعة وخذت واحد محترم ولا ذيج محترمة خذت واحد صايع
جاها نصيب وخذته بعد انتي تقعدين تختارين للناس نصيبهم عحسب نظرتج للبنت ان كانت صايعة ولا شريفة
واختي اللي تقول عن بنات صايعات ويكشخون كنت اعرف بنات هالنوع وبعد ماتزوجوا تغيروا وتابوا وصاروا من احسن بنات بس فترة مراهقة مرت عليهم وبعدها تغيروا
وبالاخير كل واحد حر في اختياره والله فوق يعطي كل واحد نصيبه

[الوعد2016]

قال تعالى: (الخبيثات للخبيثين و الخبيثون للخبيثات و الطيبات للطيبين و الطيبون للطيبات)

جزاج الله كل خير على هذا الكلام الطيب وخير ماقل ودل

[المزن الرياني]

:anger1: اقولك سوالف بنات



:tease:



واذا سوالف بنات ... مب أحنا نصفكم الثاني
لازم تنوريني :)

[بنت ذياب]

اولا الزواج قسمة ونصيب وكلن ياخذ نصيبه ولاحقين عليه
من غير حسد ليش هاذي صايعة وخذت واحد محترم ولا ذيج محترمة خذت واحد صايع
جاها نصيب وخذته بعد انتي تقعدين تختارين للناس نصيبهم عحسب نظرتج للبنت ان كانت صايعة ولا شريفة
واختي اللي تقول عن بنات صايعات ويكشخون كنت اعرف بنات هالنوع وبعد ماتزوجوا تغيروا وتابوا وصاروا من احسن بنات بس فترة مراهقة مرت عليهم وبعدها تغيروا
وبالاخير كل واحد حر في اختياره والله فوق يعطي كل واحد نصيبه


بسم الله الرحمن الرحيم

اي حسد ,, شكو الحسد بالسالفه الحين

انا اتكلم عن نظرة بعض الشباب لهالامور !! وتفكير ((( البعض )))


ولا جبت طاري ان ليش والله تزوجت واحد سنع

ولا حتى حددت ان خذوا رياييل محترمين ولا شي من هالقبيل

اعتقد الموضوع واضح

وماله داعي حد يحور الموضوع ويحط بهارات

[ذيبه مزاجيه]

اعتقد ان كل واحد و كيفه

وفي رد عجبني رد ام عبدالله


قال تعالى: (الخبيثات للخبيثين و الخبيثون للخبيثات و الطيبات للطيبين و الطيبون للطيبات)

ورد شاهين :


يمكن الله يهديها بعد ماتتزوج
على اللي حكمتي عليها بالصايعهـ

وقول الله تعالى:
{ إِنَّكَ لاَ تَهْدِي مَنْ أَحْبَبْتَ وَلَكِنَّ اللهَ يَهْدِى مَنْ يَشَاء وَهُوَ أَعْلَمُ باِلْمهتَدِين}

اولا كلام الله في ان الخبيثين للخبيثات و العكس معرووف و هذي في الدين ومهما الانسان سوى لو كان خبيث له خبيثه و لو كان زين له زينه حتى لو قالوا واحد زين توهق مع مب زينه و العكس الا يلقى نصه الثاني و الله ما يظلم احد ..

ثانيه يقول المثل يخلق من ظهر العالم فاسد و من ظهر الفاسد عالم و كل احد يعرف هالمثل وسبحان اللي يغير و ما يتغير .. ومافي شي يتم على حاله ..

ياما ناس كانوا اكبر صيع و سمعتهم صعبه الله يستر عليهم و لكن ربي اراد يهديهم و صاروا احسن ناس .. وناس معروف عنهم الاحترام و السمعة الطيبه و في يوم و ليله الواحد ينصدب بالبلاوي اللي قلبتهم 360 درجه .. يعني مافي شي على الله بعيد و في الدنيا ما عاد في شي يثير العجب !!!

لا تظلمين الناس ترا الانسان يقدر ينصح ولكن لازم ما ينعت احد بشي .. وكل واحد و كيفه محد يضرب احد على يده و كل واحد مخه في راسه و يعرف خلاصه ..

واللي ساتره نفسها و ما جاها النصيب اقول لج اللي خلقها ما ينساها و نصيبها اذا ما لقته في الدنيا تلقى في الاخره احسن منه :)

وشدراج ان هالشباب او البعض من اللي تتكلمين عنهم ما يكون تاريخه اسود وحالته حاله و عارف انه لو يروح فوق او ينزل تحت محد بيزوجه احد من بناته فالطيور على اشكالها تقع !!!

وغير جذي على ما اعتقد من ستر على مسلم ستر الله عليه يوم القيامه .. يعني لنفرض انها وحده صايعه - ((الله يستر على بنات المسلمين ان شاء الله )) - وهو انسان خايف الله وتزوجها مع انها عارف كل شي عنها و بغى يستر عليها اعتقد انه يؤجر لانه سوى خير << واكيد هي بتعتدل يعني !! ترا كل شي جايز

والسموحه على الاطاله و لكن هذي الامر انا اشوفه عادي جدا ومحد ياخذ الا نصيبه في هالدنيا ..

والله يوفق الجميع و يستر عليهم

تحياتي

[التيما]

واذا سوالف بنات ... مب أحنا نصفكم الثاني
لازم تنوريني :)

:telephone:

[DEMAC]

اتوقع ان هذولا ضعاف نفوس وشخصية ولا تستبعدين انهم يكونون من النوعية الي بالي بالكم

[بنت ذياب]

اعتقد ان كل واحد و كيفه

وفي رد عجبني رد ام عبدالله

فعلا ام عبدالله كفت ووفت :)

ورد شاهين :



اولا كلام الله في ان الخبيثين للخبيثات و العكس معرووف و هذي في الدين ومهما الانسان سوى لو كان خبيث له خبيثه و لو كان زين له زينه حتى لو قالوا واحد زين توهق مع مب زينه و العكس الا يلقى نصه الثاني و الله ما يظلم احد ..

ثانيه يقول المثل يخلق من ظهر العالم فاسد و من ظهر الفاسد عالم و كل احد يعرف هالمثل وسبحان اللي يغير و ما يتغير .. ومافي شي يتم على حاله ..

ياما ناس كانوا اكبر صيع و سمعتهم صعبه الله يستر عليهم و لكن ربي اراد يهديهم و صاروا احسن ناس .. وناس معروف عنهم الاحترام و السمعة الطيبه و في يوم و ليله الواحد ينصدب بالبلاوي اللي قلبتهم 360 درجه .. يعني مافي شي على الله بعيد و في الدنيا ما عاد في شي يثير العجب !!!

الله يهدي البنات ..ولا قلت في شي بعيد على الله .. الله قادر على كل شي ,,
لا تظلمين الناس ترا الانسان يقدر ينصح ولكن لازم ما ينعت احد بشي .. وكل واحد و كيفه محد يضرب احد على يده و كل واحد مخه في راسه و يعرف خلاصه ..
ماظلمت حد فديتج :) .. ولا نعت حد وذكرت اسامي ! .. وفعلا كلن وكيفه بس هالشي يؤدي الى كارثه كبيرة ودمار اجيال
ولاحظي الانفتاح اللي قاعد يصير في الدولة !! اللي غيرت مبادىء الشخص وتفكيررره ,,واللي ساتره نفسها و ما جاها النصيب اقول لج اللي خلقها ما ينساها و نصيبها اذا ما لقته في الدنيا تلقى في الاخره احسن منه :)

وشدراج ان هالشباب او البعض من اللي تتكلمين عنهم ما يكون تاريخه اسود وحالته حاله و عارف انه لو يروح فوق او ينزل تحت محد بيزوجه احد من بناته فالطيور على اشكالها تقع !!!
انا مااتكلم عن تاريخ الشباب ,, اتكلم عن نظرتهم وتفكيرهم
ومستحيل مايحصل وحده ترضى فيه لانه تاب ورجع لربه
وبعدين ,, اخبر اللي تاريخه اسود .. يدور ع الزين مو الشين .. بهالطريقه بيزيد الطين بلة
وشذنب الاطفال .. بس مثل ماقلتي الله يهدي الجميع

وغير جذي على ما اعتقد من ستر على مسلم ستر الله عليه يوم القيامه .. يعني لنفرض انها وحده صايعه - ((الله يستر على بنات المسلمين ان شاء الله )) - وهو انسان خايف الله وتزوجها مع انها عارف كل شي عنها و بغى يستر عليها اعتقد انه يؤجر لانه سوى خير << واكيد هي بتعتدل يعني !! ترا كل شي جايز
انا انقل لكم قضية في المجتمع ترى ,, مافضحت حد ولا يبت اسامي ... عشان تقولين ""من ستر على مسلم , ستر الله عليه يوم القيامة"" .. انا ماحددت هوية هالمسلم اللي اتكلم عنه :omg:

اناا فتحت المووضوع وحبيت اعرض رغبة البعض في الزواج من هالفئة ,,راجعي الموضوع فديتج
ومو في بالها تعتدل او شي ثاني ,, بس الله يهدي من يشاء !

والسموحه على الاطاله و لكن هذي الامر انا اشوفه عادي جدا ومحد ياخذ الا نصيبه في هالدنيا ..

والله يوفق الجميع و يستر عليهم
آمين
تحياتي


يعطيج العافيه اختي على المرور

لا هنتي ,

[بنت ذياب]

اتوقع ان هذولا ضعاف نفوس وشخصية ولا تستبعدين انهم يكونون من النوعية الي بالي بالكم

علشان جذي كتبت الموضوع .. لاني جد مستغربه !!


مشكوور عالمرور

[الوفـى طبعي]

لالا الي كاتبه الموضوع صح كلامها انا اعرف شباب كذا واعرف شباب قسم بالله انهم ياخذون البنت محتشمه بس هو الي يقولها البسي كذا وكذا وطلعي شوي من شعرج والله اعرف شباب من هالنوعيه الله يستر علينا وعليكم

[بوحارب]

لالا الي كاتبه الموضوع صح كلامها انا اعرف شباب كذا واعرف شباب قسم بالله انهم ياخذون البنت محتشمه بس هو الي يقولها البسي كذا وكذا وطلعي شوي من شعرج والله اعرف شباب من هالنوعيه الله يستر علينا وعليكم


هالنوعيه ودك تلشطها بالصيخ :anger1:

[pure]

لالا الي كاتبه الموضوع صح كلامها انا اعرف شباب كذا واعرف شباب قسم بالله انهم ياخذون البنت محتشمه بس هو الي يقولها البسي كذا وكذا وطلعي شوي من شعرج والله اعرف شباب من هالنوعيه الله يستر علينا وعليكم

معاااك حق وااايد اعرف واجووف ناس جي

البنت اتييك حشيمه وشحللاتها من عقب العرس تتشخلع ؟؟


ليش شالسالفه

والله ريلي قايل جي

وحده كانت مطوعه ماشالله ومحتشمه

كانت تلبس عباية الراس

اول شي قالها مابي عباية راس

قالت اووكيه

تخلص من عباية الراس

عقب راح للنقاب

انا مابي نقاب

عقب ابيج تحطين ميك اب واحنا طالعين عشان محد يقول ان مرتي مو كشخه ؟؟؟!!


شهالتفكييير الغريب :eek5:

[بنت ذياب]

من قلب !!

وايد ناس جي

لا سالتهم ليش لابسين جي ومو متحجبات عدل

قالوا: رياييلنا يبون جي وعاجبهم الوضع !!


هاي بنظري مو ريال !

[شاهين]

هالنوعيه ودك تلشطها بالصيخ :anger1:



لا تضربه بالصيخ أدور صيخ مترولا:omg:
عطني أياه بوحارب .. تكفى:(

[شاهين]

اخوي اللي طرحت الموضوع قالت بصريح العبارة انهم يروحون بنفسهم يدورون البنت الـ .... عشان لحد يقول نحكم ونحكم :) .... المهم هم يروحون لهالنوعية من البنات وهم ما دعوا الله بالستر فأين ذلك من كلامك عندما قلت يتقبل الدعوه من المتدينات او اللي كانت صايعه على حسب ما قلت اخي ؟؟ بغض النظر عن اللي تابت واهتدت وطلبت الستر فلا بأس عليها والله يسترها دنيا واخرة والتوبة مصيرنا جميعا باذن الله في عدة امور ولكن العقدة في اللي ما طلبت الستر لكن تبي الزواج لمجرد الزواج والاخ الفاضل الذي يتقدم لها يريد لها الستر وهي لا تفكر بذلك فقط ضيع وقته وجهده فيما لا ينفع .... في وجود الفئه الاولى بذلك ..... وندعي للجميع بالهداية اخي الفاضل لم نحكم عليهم بالموت لكن لا نتمنى ان ياخذوا حقوق الغير اولى به فقط لا غير والله يهدينا ويهديك ان شاء الله ....


الله يهدي الجميع أن شاءالله

أختي قطريه يمكن مافهمتيني أو ماعرفت أفهمج
قصدي هو كلمة ( صايعه )
يمكن البعض يشوفها هينه وتنقال لشخص مثل ماذكرت الأخت
في الأسواق وكاشفين ومتعدلين..
وياليت البعض يعرف كلمة صايع أيش معناتهـ
مهما كانوا هالأشخاص أو البنات .. هم مسلمين وعيال البلد
والنقص الديني والتربوي هو السبب الأول والأخير
وأخالف الأخ اللي قال ثلث المطلقات والمطلقين من هالنوعيه
ياليت يروح المحكمه ويشوف كثرة أسباب الطلاق
أختي قطريه
من أسبوعين كنت في المحكمه
وجلست مع شابين أثنين كانوا على موعد للمحكمه
والقضيه طلاق
تصدقين أختي . أن الأثنين ماشافوا ولادخلوا على زوجاتهم
واحد مالج من شهر والثاني 3شهور
وسبب الطلاق واحد
( ماشفتها قبل لاأملج .. ماأعجبتني )
سؤال أختي قطريه من اللي تسبب في طلاق هالأشخاص
الشاب أو البنت أو الأهل

على فكره هالمشكله في أزدياد ومحد ملاحظ


والله يهدي الجميع أن شاءالله








وبعدين غيري لون الخط بالغصب أقرى ردج:rolleyes2:

[بوسياف]

اعوذ بالله

تسلمين اختي على هالموضوع ...

خبري بالشباب يهيتون وماياخذون الا المحتشمة

شسالفة لهالدرجة ,,, السالفه جهرا والعين ترى

[أمير المحبه]

اقوله اعرف الناس شخصيا

يقولي سالفة قيلت وصدقتيها

اقووله القضية موجوده وانا ادري بها يقولي غير موجودة اساسا


ياجمااااااااعه حطيت العنوان جذي لجذب الانتباه

واقروا الموضوع عدل وشوفوا المحتــوى .. كررت كلمة البعض اكثر من مرة !!

وماقصد الكل ترى ,,

وارجع اقول في شباب فيهم الخير

بس حبيت اسلط الضوء على هالنوعية من الشباب اللي تفكيرهم جذي !

اولا السلام عليكم ورحمة الله وبركاته
ثااااانيا:عنوان الموضوع ضالم اي ردة فعل اي شخص يجوف الموضوع وهالشخص زائر مو مون دولة قطر ايش بيكون ردة فعله للشعب القطري عامه مابينصدم فيهم
يعني ثالثا:اختي في ناس اتحب بس اتمر على عناوين المواضيع وتاخذ فكره على
الطاير واعرفهم شخصيا بعد ليش يقرون هالعنوان اللي يضلمنا
:رابعا اناماسمعت بواحد مافيه عقل ياخذ واحده صايعه حتى الصايع لو جا يتزوج
بياخذ وحده شريفه ومستوره كلام اكيد 100 في 100 لا غبار عليه
خامسا واخيرا: يريت اتغيرين العنوان لاني يوم قريته انصدمت معني من شعب
قطر وعرف ان الشعب مستحيل تفكيره جذي لاني اعرف اخلاقهم الحلوه
ويريت اخذ كلامي بسعة صدر وشكراااا

[pinky]

قال تعالى: (الخبيثات للخبيثين و الخبيثون للخبيثات و الطيبات للطيبين و الطيبون للطيبات)

هاذا هو الكلام ما نزله الله في كتابه الا له حكم

والطيور على اشكالها تقع الله يهديهم بس

[ضوى]

الصراحة موضوع غريب جدا

كثر ما عشت بهالدنيا وهالخبرة اللي عندي ولا عمري قط سمعت فيه شاب يدور واحدة صايعة ابداااااااااااايمكن الحالات اللي مرت عليج يعانون من امراض نفسية او عصبية ما لها تفسير ثاني برأيي


الله يستر على بناتنا وبنات المسلمين اجمعين اللهم امين

[الصارم]

معاااك حق وااايد اعرف واجووف ناس جي

البنت اتييك حشيمه وشحللاتها من عقب العرس تتشخلع ؟؟


ليش شالسالفه

والله ريلي قايل جي

وحده كانت مطوعه ماشالله ومحتشمه

كانت تلبس عباية الراس

اول شي قالها مابي عباية راس

قالت اووكيه

تخلص من عباية الراس

عقب راح للنقاب

انا مابي نقاب

عقب ابيج تحطين ميك اب واحنا طالعين عشان محد يقول ان مرتي مو كشخه ؟؟؟!!


شهالتفكييير الغريب :eek5:


إذا السالفه جذيه خلهم يتزوجون بنات صايعات ولا يخربون المحتشمات

[بنت المنتدى]

اممممم:con2: ..


بكل صراحه .. الردود اللي أعجبتني هي :no::no::no: ..




أ ردود ألتيما و شاهين:thumbup: ..




وأحب أضيف نقطه .. تراا في هالوقت والله والله والله ان الانسان ينصدم في (( بعض )) البنات اللي يحطون العبايه فوق الراس والميك اب مايحطونه والعطورات مايحطونها وكلمة استغفرالله ولا اله الاالله ماتطيح من السانهم << أنصدمت بكم وحده انها ...................... والله ما ادري شاقول :anger2:..


وفيه الفئه الثانيه .. هي تحب تكشخ عادي تحط ميك اب و تتعطر وتلبس وتطلع قمر لكن اللي فيه خير انه يقول لها اي كلمة:o ..



عجبي من بعض البنات اللي كل الستر ينقط منهم وقمة المثاليه والتصنع فيهم لكنهم من تحت لي تحت ..




ولو قلنا شي بيقولون .. واذا بليتم فستتروا ...!!!



يقهروني اللي يفسرون الاحاديث والايات ع الكيف ..!!




والله اني تعلم بهالدنيا أني ما احكم ع الوحده الا بعد ما اعاشرها ولا اصدق اي كلمة تنقال فيها لان فيه ناس وايد ماتخاف ربها وتحكم ع الشكل بس .. حتى الشباب لو شافوا واحد بسياره كشخه وكاشخ حده وساعه بالشي الفلاني والزرار بالشي الفلاني على طول الكلام المعروف .. وووووي تلقونه كاشخ للبنات !! طيب ما تعرفون تقولون تراا الرجال ربي معطيه من خيره ويحب يكشخ لنفسه قبل الناس وان الله جميل يحب الجمال ..!!





الواحد شيقول ..



استغفرالله بس

[Riku3]

الموضوع غريب وبرايي غير منطقي ^^" .

[سداوي&مدريدي]

ومن قالكم ان الشباب يدورون هالأشكال

الي يدورون النوعيه هذي من البنات ماعتبرهم رياييل :secret:

وعمري ماسمعت ولا شفت واحد يدور بنت صايعه

[قطري123]

الله يستر على بناتنااا...والله يهدي شبابنااااااا

[الصارم]

اممممم:con2: ..


بكل صراحه .. الردود اللي أعجبتني هي :no::no::no: ..




أ ردود ألتيما و شاهين:thumbup: ..




وأحب أضيف نقطه .. تراا في هالوقت والله والله والله ان الانسان ينصدم في (( بعض )) البنات اللي يحطون العبايه فوق الراس والميك اب مايحطونه والعطورات مايحطونها وكلمة استغفرالله ولا اله الاالله ماتطيح من السانهم << أنصدمت بكم وحده انها ...................... والله ما ادري شاقول :anger2:..


وفيه الفئه الثانيه .. هي تحب تكشخ عادي تحط ميك اب و تتعطر وتلبس وتطلع قمر لكن اللي فيه خير انه يقول لها اي كلمة:o ..



عجبي من بعض البنات اللي كل الستر ينقط منهم وقمة المثاليه والتصنع فيهم لكنهم من تحت لي تحت ..




ولو قلنا شي بيقولون .. واذا بليتم فستتروا ...!!!



يقهروني اللي يفسرون الاحاديث والايات ع الكيف ..!!




والله اني تعلم بهالدنيا أني ما احكم ع الوحده الا بعد ما اعاشرها ولا اصدق اي كلمة تنقال فيها لان فيه ناس وايد ماتخاف ربها وتحكم ع الشكل بس .. حتى الشباب لو شافوا واحد بسياره كشخه وكاشخ حده وساعه بالشي الفلاني والزرار بالشي الفلاني على طول الكلام المعروف .. وووووي تلقونه كاشخ للبنات !! طيب ما تعرفون تقولون تراا الرجال ربي معطيه من خيره ويحب يكشخ لنفسه قبل الناس وان الله جميل يحب الجمال ..!!





الواحد شيقول ..



استغفرالله بس


يعني من كلامج نقدر انصنف البنات إلى أربع فئات

الفئه الأولى وهي الأفضل:
وهم البنات المحتشمات الملتزمات بالدين وأخلاقه في السر والعلانيه ( محتشمه يعني مايبين منها شي مب لابسه عبايه مخصره ومكياج خفيف وتقول محتشمه )

الفئه الثانيه والثالثه وأعتبرهم في نفس المستوى:
وهم البنات المحتشمات بالحجاب الشرعي لكنهم على قولتج من تحت لتحت لضعف الدين عندهم وميزتهم إنهم ما يجهرون بالمعصيه ومايفتنون الشباب...،
والصنف الثاني هم اللي يكشخون ويتمكيجون ويلبسون عبايه فاضحه يفتنون الشباب لكنهم محترمات (وقليل ماهم)..

والفئه الرابعه وهي الأسوأ بكل المقاييس لاحشمه ولادين ولااحترام (أسأل الله لهم الهدايه ولجميع الفئات المذكوره وأسأل الله الثبات للفئه الأولى)

[بنت المنتدى]

يعني من كلامج نقدر انصنف البنات إلى أربع فئات

الفئه الأولى وهي الأفضل:
وهم البنات المحتشمات الملتزمات بالدين وأخلاقه في السر والعلانيه ( محتشمه يعني مايبين منها شي مب لابسه عبايه مخصره ومكياج خفيف وتقول محتشمه )

الفئه الثانيه والثالثه وأعتبرهم في نفس المستوى:
وهم البنات المحتشمات بالحجاب الشرعي لكنهم على قولتج من تحت لتحت لضعف الدين عندهم وميزتهم إنهم ما يجهرون بالمعصيه ومايفتنون الشباب...،
والصنف الثاني هم اللي يكشخون ويتمكيجون ويلبسون عبايه فاضحه يفتنون الشباب لكنهم محترمات (وقليل ماهم)..

والفئه الرابعه وهي الأسوأ بكل المقاييس لاحشمه ولادين ولااحترام (أسأل الله لهم الهدايه ولجميع الفئات المذكوره وأسأل الله الثبات للفئه الأولى)




الله يرحم والديك

قلت عني كل اللي في جبدي بصراحه

[حسين بن عاقول]

شدعوه في رجال<<ركزو رجال وفيه عقل ومسلم يعرف ربه يطلب هالطلب؟؟؟؟؟؟؟؟؟؟!!!!!!!!!!!!!!!!!!!!!

[ودي أكون]

اناا مو قاذفه حد

متعمده اكتب الموضوع جذي,, علشان احطك بالصورة اللي وصلنا لهااا

يعني انا اعرف ناس جذي.. مو جايبه كلام من جيبي

وبعدين انا مايبت اسامي ولا شي !!! قاعده اتكلم عن الوااقع !!

حبيبتي انا عندي اخوان وعندي اهل .. بس عمري ماسمعت في في شباب يبون هالنوعيه من البنااااات ..

وللعلم حتى اللي يكلم بناااات .. مايرضى على نفسه يتزوج وحده هو مكلمها او طالع معاها ..

حبيبتي انتي تتكلمين عن فئه شااااذه وماسمعنا عنها لحد اللحين ..

والسموحه ..:victory:

[الدوحه%]

:nop:

[واحد ثقة]

اقوله اعرف الناس شخصيا

يقولي سالفة قيلت وصدقتيها

اقووله القضية موجوده وانا ادري بها يقولي غير موجودة اساسا


ياجمااااااااعه حطيت العنوان جذي لجذب الانتباه

واقروا الموضوع عدل وشوفوا المحتــوى .. كررت كلمة البعض اكثر من مرة !!

وماقصد الكل ترى ,,

وارجع اقول في شباب فيهم الخير

بس حبيت اسلط الضوء على هالنوعية من الشباب اللي تفكيرهم جذي !



المشكلة بأنك أنتِ الوحيدة التي عرفت وسمعت وعلمت بوجود هذه القضية :)


أرجع وأقول هذه القضية هي من بنيّات أفكارك ، قد تكون حلماً مزعجاً أو ماشابه ،،

وأنصحك في المرة القادمة عندما تستيقضي من أي حلم مشابه أو كابوس بأن تتفلي عن شمالك ثلاث مرات وتقولي ( أعوذ بالله من الشيطان الرجيم )


بارك الله فيك ونفع بك ،،

[د. ضبحان]

الصراحه اول مره اسمع بهالكلام اهنييييي

:rolleyes2:

[بوعلي2]

اول مره اسمع عن واحد يدور وحده صايعه جان واحد مفهي يمكن طايح وهو صغير على مخيخه يجوز مع حترامي للجميع :unsure:

[لله الحمد]

ليش تفكيركم يالشباب صاير جي (يلزم الوضع تصحيح!)

وينهم الشباب الى تفكيرهم هالشكل ؟؟!

الطرح دون المستوى جملة وتفصيلا ومحد يطلب هذا الطلب الا شخص تافه ومنحط خلقيا



والله منحط خلقيا شوي عليه .. هذا يخسي الا هو يكون رجال

والله اوديه دورة صاعقه وامددها سنتين



وأشم ريحة مب حلوه في الموضوع

[لله الحمد]

حبيبتي انا عندي اخوان وعندي اهل .. بس عمري ماسمعت في في شباب يبون هالنوعيه من البنااااات ..

وللعلم حتى اللي يكلم بناااات .. مايرضى على نفسه يتزوج وحده هو مكلمها او طالع معاها ..

حبيبتي انتي تتكلمين عن فئه شااااذه وماسمعنا عنها لحد اللحين ..

والسموحه ..:victory:



بالضبط اعتقد تقصد .. الجنس الثالث

[ودي أكون]

بالضبط اعتقد تقصد .. الجنس الثالث

اللي انعرفه .. ذكر او انثى .. صح :victory:

فالظاهر يقصدون الجنس الثالث :tooth:

[بوحارب]

الموضوع غريب وبرايي غير منطقي ^^" .

:unsure:

[شيخ الشباب]

ليششش المحتشمه ماتعرف تكشششخ وتتعدل !!

ولا لازم تبرز كل زينتها علشان تبين للعالم انها كشيخه


صج يعني بنات سمعتهم رايحه فيها ! والشباب شافوهم جي بالسوق واخطبووهم


دام الامهات جي ! الله يستر من الاجيال القادمة:secret:

!!!!!!!!




ملاحظتي على هذه الكلمات التي كتبت

هل هذه دعوه للمحتشمات بأن يبدو زينتهم وكشختهم في الأماكن العامة والي نعلم بأنها حرام ؟

ويكون في علمج انه فيه محتشمات يعرفون يكشخون اكثر من المتبرجات لكن في حدود المجتمع النسائي وذلك حفاظاً على دينهم وسمعتهم وتقاليدهم الرائعة

ومن ناحية فيه بنات سمعتهم رايحه فيها وفيه شباب شافوهو في السوق وخطبوهم

هذي فئة شاذة ولا يجب ان تعممي على الشباب ككل . . كما قال تعالى: (الخبيثات للخبيثين و الخبيثون للخبيثات و الطيبات للطيبين و الطيبون للطيبات)

واما من ناحية دام الامهات جي ! الله يستر من الاجيال القادمة

فالأمهات الله يحفظهم على تربيتهم . . وابن الوز عوام :)

[بنت ذياب]

المشكلة بأنك أنتِ الوحيدة التي عرفت وسمعت وعلمت بوجود هذه القضية :)


أرجع وأقول هذه القضية هي من بنيّات أفكارك ، قد تكون حلماً مزعجاً أو ماشابه ،،

وأنصحك في المرة القادمة عندما تستيقضي من أي حلم مشابه أو كابوس بأن تتفلي عن شمالك ثلاث مرات وتقولي ( أعوذ بالله من الشيطان الرجيم )


بارك الله فيك ونفع بك ،،


خخخخخخخخخخخخخخخخخخخخخخخخخخخخخخخخخخخخخخخخخخ

اي حلم الله يهداااك

اقولك واااقع .. !

ع العموم يعطيك العافية عالمرور

[بنت ذياب]

ملاحظتي على هذه الكلمات التي كتبت

هل هذه دعوه للمحتشمات بأن يبدو زينتهم وكشختهم في الأماكن العامة والي نعلم بأنها حرام ؟

شدخل انا ماقلت جي ,,
ويكون في علمج انه فيه محتشمات يعرفون يكشخون اكثر من المتبرجات لكن في حدود المجتمع النسائي وذلك حفاظاً على دينهم وسمعتهم وتقاليدهم الرائعة

ادري علشان جذي كتبت الموضوع ..
ومن ناحية فيه بنات سمعتهم رايحه فيها وفيه شباب شافوهو في السوق وخطبوهم

هذي فئة شاذة ولا يجب ان تعممي على الشباب ككل . . كما قال تعالى: (الخبيثات للخبيثين و الخبيثون للخبيثات و الطيبات للطيبين و الطيبون للطيبات)

ماعممت .. قلت " فيه" وقلت بعد " البعض " مووو الكل !!

واما من ناحية دام الامهات جي ! الله يستر من الاجيال القادمة

فالأمهات الله يحفظهم على تربيتهم . . وابن الوز عوام :)

يعطيك العافيه اخوي عالمرور لاهنت ,