المخفي
27-10-2008, 04:19 AM
منقول من موقع بناء للكاتبة أم مساعد
تلك النوعية من النساء اللآتي غالبا ما يطلق عليهن الزوج بعض الصفات مثل ( مسكينة على وجهها – ضعيفة ما عندها دبرة بدوني – ما ينتركون العيال معها لحالها ما تعرف لهم لو جاهم شي مسيكينه جويهلة – نعّووومه ما أقدر أحملها مسؤولية شي وصعب أسافر واتركها – أنوثتها طاغية والله البلشة – صعب أتزوج عليها ما أعتقد تقدر تعيش لو حصل هالشي ...الخ ) المهم إنه في النهاية يكون حولها لا تلحسها العفاريت....
( هي ، وبطريقة مدروسة ، وسهلة التنفيذ جعلته ينظر لها بهذه النظرة ، حتى لو خسرت بعض الشيء ، لكنها لن تخسر الزوج بالتأكيد ) طبعا هذي وجهة نظرها ..
من أقوال وأفعال تلك النوعية من النساء (الكيادات) :
· تعال حبيبي الولد فيه حراره وشسوي ياربيييييه ..! (وهي تدري إن الحرارة علاجها الكمادات والتحاميل ودواء الحرارة ، وتروش الطفل ، وذلك كحل أولي ما يحتاج تفزع هالمسكين ..).
· أقول يا فلان : وشيقال بهذا؟ ( جهاز أو أي شي معه كتالوج ) ماعرفت له !! عاوني تكفى ، أو تعال اشبك فيش الثلاجة أخاف تكهربني ! ( وهي تقرأ طريقة استعمال أي منتج تجميلي ، وتشبك فيش السشوار وكنه العيد.. تهويل وتصوير لموقف هي ترغبه والهدف معروف ) .
· أقول يابو فلان : كني شفت راسٍِِ يويق ( يطل ) مع الجدار تكفى لا تروح ولا تبطي إن رحت ، وخل جوالك مفتوح إحتياط !! ..( حركات حريم ) .
· وينك تأخرت بغيت أنهبل من الخوف والوحشة لحالي ..حرام عليك ومعها كم آهه ودمعه لزوم المؤثرات !! ( وهي طول وقتها تسولف مع صديقاتها بالتلفون والا تتابع مسلسلات والا نايمة مادلها الخوف ) ..هذي عاد تخلي الزوج يحسب حساب ليلة الطبينة قبل تجي للإحتياطات الأمنية ، فيتورط الرجال في وحشتها وخوفها لو أعرس ..
· وش السواة ( الحل ) يازوجي الحبيب : مدري وشلون اقنع فلان ( بزرها ) يشرب دواه تعال تكفى حبيبي أقنعه !! ( وهي ماعندها استعداد تقنع الولد عاجبها يرجع الأبو يشربه الدواء بنفسه ) تشعر بأنها تربطه بحبل ما ينفك .
· تدف ( تدفع ) البزرعلى أبوه وهو طالع ينشب به ويصيح بروح معك ، وتعوّد الطفل على هالطبع ( هذي رسالة تقول : نو وي تعرس علي !!بيأنبك ضميرك ، وهذا بزرك ناشب فيك ..)
· فلان : عندي إحساس أنك فيك شي عسى ماشر ؟، وهي داريه إنه متهاوش هو وأخوه مثلا من مصدر خارجي، أو من رسالة في جواله ، أو من الخبرة في تقاسيم وجه زوجها وتفاعل أوداجه مع الموقف ( يصير يتابع إحساسها كل يوم عسى ما يصير اللي هي حست به ) ..يصير إحساسها بما سيقع مهم للغاية في نفسه ..
أيها الرجل المعني : إربط عظامة راسك واركد لا تجي كلك ، وخلك وسطي لا ضر ولا ضرار ، ولا تديرك خطط النساء !! والله يحفظك ويرعاك.
تقديري للجميع ..
تلك النوعية من النساء اللآتي غالبا ما يطلق عليهن الزوج بعض الصفات مثل ( مسكينة على وجهها – ضعيفة ما عندها دبرة بدوني – ما ينتركون العيال معها لحالها ما تعرف لهم لو جاهم شي مسيكينه جويهلة – نعّووومه ما أقدر أحملها مسؤولية شي وصعب أسافر واتركها – أنوثتها طاغية والله البلشة – صعب أتزوج عليها ما أعتقد تقدر تعيش لو حصل هالشي ...الخ ) المهم إنه في النهاية يكون حولها لا تلحسها العفاريت....
( هي ، وبطريقة مدروسة ، وسهلة التنفيذ جعلته ينظر لها بهذه النظرة ، حتى لو خسرت بعض الشيء ، لكنها لن تخسر الزوج بالتأكيد ) طبعا هذي وجهة نظرها ..
من أقوال وأفعال تلك النوعية من النساء (الكيادات) :
· تعال حبيبي الولد فيه حراره وشسوي ياربيييييه ..! (وهي تدري إن الحرارة علاجها الكمادات والتحاميل ودواء الحرارة ، وتروش الطفل ، وذلك كحل أولي ما يحتاج تفزع هالمسكين ..).
· أقول يا فلان : وشيقال بهذا؟ ( جهاز أو أي شي معه كتالوج ) ماعرفت له !! عاوني تكفى ، أو تعال اشبك فيش الثلاجة أخاف تكهربني ! ( وهي تقرأ طريقة استعمال أي منتج تجميلي ، وتشبك فيش السشوار وكنه العيد.. تهويل وتصوير لموقف هي ترغبه والهدف معروف ) .
· أقول يابو فلان : كني شفت راسٍِِ يويق ( يطل ) مع الجدار تكفى لا تروح ولا تبطي إن رحت ، وخل جوالك مفتوح إحتياط !! ..( حركات حريم ) .
· وينك تأخرت بغيت أنهبل من الخوف والوحشة لحالي ..حرام عليك ومعها كم آهه ودمعه لزوم المؤثرات !! ( وهي طول وقتها تسولف مع صديقاتها بالتلفون والا تتابع مسلسلات والا نايمة مادلها الخوف ) ..هذي عاد تخلي الزوج يحسب حساب ليلة الطبينة قبل تجي للإحتياطات الأمنية ، فيتورط الرجال في وحشتها وخوفها لو أعرس ..
· وش السواة ( الحل ) يازوجي الحبيب : مدري وشلون اقنع فلان ( بزرها ) يشرب دواه تعال تكفى حبيبي أقنعه !! ( وهي ماعندها استعداد تقنع الولد عاجبها يرجع الأبو يشربه الدواء بنفسه ) تشعر بأنها تربطه بحبل ما ينفك .
· تدف ( تدفع ) البزرعلى أبوه وهو طالع ينشب به ويصيح بروح معك ، وتعوّد الطفل على هالطبع ( هذي رسالة تقول : نو وي تعرس علي !!بيأنبك ضميرك ، وهذا بزرك ناشب فيك ..)
· فلان : عندي إحساس أنك فيك شي عسى ماشر ؟، وهي داريه إنه متهاوش هو وأخوه مثلا من مصدر خارجي، أو من رسالة في جواله ، أو من الخبرة في تقاسيم وجه زوجها وتفاعل أوداجه مع الموقف ( يصير يتابع إحساسها كل يوم عسى ما يصير اللي هي حست به ) ..يصير إحساسها بما سيقع مهم للغاية في نفسه ..
أيها الرجل المعني : إربط عظامة راسك واركد لا تجي كلك ، وخلك وسطي لا ضر ولا ضرار ، ولا تديرك خطط النساء !! والله يحفظك ويرعاك.
تقديري للجميع ..