كم عائد الخليج القابضه وعائد الاجاره ضروري جزاكم الله خير

[زمان الصمت]

انا اليوم استخرت وقلت بما ان الاجاره سعرها قريب من سعر الخليج القابضه

قلت ابدل ابيع الخليج القابضه واشتري الاجاره عساه تكون فال خير وعوض

من هالخساير الكبيره خصوصا واني متعلق في القابضه ب36 ريال

هل انا اخترت الصواب والا لا واراجع حساباتي اتمنى من الاخوان يفيدوني

لاني بصراحه كلني التفكير مره اقول ياريت تميت في الخليج القابضه

ومره اقول زين بعتها وبدلتها بالاجاره

[إنتعاش]

افضل مكررات ربحية واسعار للشركات الاسلامية هي بالترتيب الآتي :


1- الاولى للتمويل مكرر 6

2- العقاريه مكرر 7.3

3- الاسلامية للتامين مكرر 8.2

4- الاجارة مكرر 9.2

5- المصرف مكرر 10

[زمان الصمت]

الله يجزاك خير اخي انتعاش وادامك الله يعني انا مش غلطان يوم غيرت وانتقلت من الخليج القابضه

وبدلتها بالاجاره ؟؟

وكم متوقع اتوزع الاجاره في نظرك وحسب المعطيات الي انت اتشوفها وشكرا

[إنتعاش]

والله اخوي الواحد لا يعلم الغيب

ولكن وفقا ً لنتائج الشركة خلال السنة هاذي

اتوقع ان يكون توزيعها بحدود 1.5 ريال للسهم الواحد

والله تعالى اعلم واحكم

[زمان الصمت]

وما تعليقك على تبديل الخليج القابضه بالاجاره او اي شركه مكررها افضل

وكم متوقع اتوزع الخليج القابضه معليش ازعجتك بس اخوك محتاجك ومحتاج مشورتك

[زمان الصمت]

انتر ردك اخوي يهمني الجواب

[إنتعاش]

والله اخوي الواحد مثلك شايف ما وده يقول اشتر كذا او كذا والاسهم تشوفها كيف تنزف يوميا ً للأسف الشديد

لكن اللي اعرفه بالعقل هو الآتي :

1- الخليج القابضة ( اسمنت الخليج ) : لن توزع شيئا ً السنة هاذي لأن مازالوا في التطوير وتجهيزات مصنعهم ، فيبيلهم وقت للتوزيع وليس هذه السنة .

2- الاجاره : جيدة ، وسعرها الان جيد ، ومن المنتظر ان مبيعات اراضي الوسيل تجيب لهم فلوس حلوة
لكن كم مقدار الربح اللي بيحصلونه الله اعلم .


3- شركات اخرى تراها مناسبة : الحقيقة الشركات جميعها اسعارها رخيصة وجيدة للاستثمار الطويل
لكن دائما ً القطاع البنكي - المصرف - الأقوى كمركز مالي و أقوى في الارتدادات ..

4- على كم اشتري ؟ ... مضاربيا ً : انتظر المحللين ورأيهم الفني
استثماريا ً - اكثر من سنة - : توكل على الله على دفعات من بكره بحيث كل ما شفت لمت داون شيل جزء
وزع الفلوس 4 دفعات وكل ما شفت السعر لمت داون وتشوفه رائع للإقتناء توكل على ربك . .

[زمان الصمت]

بالضبط انا دخلت على دفعات بالاجاره ابيتداء من اليوم وودعت الخليج القابضه لاني تشائمت منها

2 مليون خسارتي فيها شي مب بسيط ومبلغ تعبت عشان اجيبه مالقيته بالشارع

والعوض على الله الاول ثم الاجاره لانك مو اول واحد يمدح فيها هي شركه كبيره وادارتها واعيه

ونشاطاها ذهب اراضي وعقارات واستثمارت متنوعه وفوق كل هذا مثل ماتفضلت لها عائد

ومكرر جيد نوعا ما

[بالول]

للتوضيح عائد الاولى للتمويل 3 ريالات

والاجارة 1.5 ريال

[زمان الصمت]

اجتماع شركة الاجاره القابضه يوم 29 اي عقب بكره هل بيتم وقف التداول على السهم في هذا اليوم ام لا

[سعودالدوسري]

اعتقد الاولي هي افضل......مع ان اخوي انتعاش وضح المكررات للشركات الافضل باالترتيب
بس عيبها بطيئه في التحرك