قضيه مروريه .... ؟؟؟؟

[bus3od]

السلام عليكم

الصراحه ماعرفت وين أنزل هالموضوع وفالنهايه اخترت القسم العام

بدخل فالموضوع على طول

بداية السالفه من سنتين يعني 2006 و قبل الأسياد:nice: بشهر و نص سويت حادث في نفق العسيري:weeping: و كان الحادث خشن و السياره اللي دعمتني تكنسلت و سواقها تعور و أنا كنت غلطان فالحادث تقدرون تقول سهيت شوي و جل من لا يسهو المهم رحت المرور و خلصت كل الاجراءات و طبعا لازم يقعدوني عندهم لين يتأكدون من سلامة السايق الثاني و قبل العشاء بشوي وصل تقرير طبي من مستشفى حمد أن الرجال مافيه شي:) و كلها كم يوم و يطلع واللي جاب التقرير ولده و قال أنه مايقدر يمشي و بس الشرطي قال لي يمكن تتحول قضيه وخذ أقوالي و سوه كل الأوراق اللازمه و قال إذا السالفه بطول حدها 8 شهور أنا طلعت وصلحت سيارتي و دفعت كل اللي علي و الصراحه ذاك الرجال ما أدري عنه بس التقرير يثبت أنه ماجاته اصابه بليغه تأثر عليه والدليل أنهم طلعوني و السالفه خلصت ومرت الأيام ونسيت السالفه و اليهال كبروا و الجامعي تخرج و المتخرج توظف و تسير الحياة بشكلها الطبيعي:rolleyes2: إلا من 10 أيام يعني 16-10-2008 واحد متصل فالوالد يقول له ولدك عليه قضيه ولازم يجينا المحكمه تاريخ 30-10 الوالد قال له شقضيته قال له مب ولدك مسوي حادث من سنتين الوالد قال له اي قال تحول قضيه يا سلاااااام السالفه صار لها سنتين وتوكم متذكرين :anger1:.... المهم أنا نزلت هالموضوع لأن سالفه القضيه مسويه لي أزمه والله أني وايد أفكر فيها و ساعات ما أقدر أدرس بيضيعون مستقبل الطالب الجامعي هههههه خبركم أول مره أروح المحكمه و كنت حاط فبالي المحكمه للمجرمين فقط و حسيت أني مجرم وبنسجن و بتصير لي سالفه

حبيت أسأل كم سؤال و أتمنى اللي يجاوب يكون مجرب هالشي أو له خبره:
القضيه بتكون في أي محكمه؟
و شبيسون لي بالضبط ؟ خبركم خايف
والسالفه فيها سجن والا غرامه والا شالسالفه بالضبط؟
و اشكثر بتاخذ القضيه ؟

أنا كتبت هالموضوع عشان أرتاح نفسيا و أتمنى تتجاوبون معاي:discuss:
يعطيكم العافيه




مع تحيات المجرم بوسعود :omen2:

[غيمة مطر]

ماعرف بهالسوالف ...

بس الله يفك كربتك .. وييسر امرك .. ويشرح صدرك ...

ولاتخاف ((يقول المثل لاتبوق ولاتخاف))..

[bus3od]

ماعرف بهالسوالف ...

بس الله يفك كربتك .. وييسر امرك .. ويشرح صدرك ...

ولاتخاف ((يقول المثل لاتبوق ولاتخاف))..



الله يسمع منج اختي شهد
و أنا متأكد أني مب مسوي شي غلط بس اللي مسوي لي فلم الرعب كلمة ( قضيه)
و يعطيج العافيه عالرد و الدعاء الطيب

[قطرية بعيون]

رااااااااااااااحنت عليك
لا تراى امزح والله يعينك ويفرج همك وكربتك

[bus3od]

رااااااااااااااحنت عليك
لا تراى امزح والله يعينك ويفرج همك وكربتك


وين راحت ؟؟ ههههه
وانا ترى أتغشمر :tease:
فال الله ولا فالج لتفاولين علي
ان شاء الله أفتك من هالقضيه بسرعه
مشكووووره اختي عالمرور الطيب

[king fish]

انصحك قبل ماتروح المحكمه اشتري شوية اسهم يعوضوك عن سنين السجن بعد ما تطلع
وانصحك بناقلات بعد 4 سنين انشاء الله تكون 200

[حبر سري]

اخوي الله يهداك
انت وايد امكبر الموضوع
للحين ماعرفت شسالفة وخايف؟
وحتى لو عرفتها , شنو يعني؟
اي سجن اللي بيسجنونك اياه؟ وعلشان شنو الله يهداك؟
عقب سنتين لو الرجال اللي انت داعمه متوفي محد بيسجنك (لاقدر الله)
وشمنه خايف ؟؟

الله يهداك بس
كلها كمن كلمة وخلاص , واذا في تعويض ولا شي , ان شا الله يندفع , لاتنسى انك غلطان
بس اخوي سجن عاد مرة وحدة؟؟؟!!!

الا اذا داعم الرجال متعمد فهذا شي ثاني

توكل على الله اخوي ولا تحط في بالك وركز في دراستك

عسى الله يوفقك ان شا الله

[bus3od]

انصحك قبل ماتروح المحكمه اشتري شوية اسهم يعوضوك عن سنين السجن بعد ما تطلع
وانصحك بناقلات بعد 4 سنين انشاء الله تكون 200


:eek5: من صجك قول غير هالكلام

لا بشتري صناعات يمكن تكون 500 هههههه حتى فهالموضوع دخلت الأسهم شكلك خسران من الزين الله يعوضك ان شاء الله وانا الحمدلله ماعندي ولا سهم لأني بعتهم يوم كان السوق فالعلالي :victory: والحين بشتري مره ثانيه والله خوش أسعار :omen2:

و يعطيك العافيه عالمرور

[بوحارب]

مرحبا بالمجرم بوسعود :victory:

لا تشيل هم وانا اخوك

انا صارلي حادث سنه 2001 وكان خشن من قلب :weeping:

المهم

المرور حولونا للمحكة ويوم جا وقت القضيه الجلسة ماخذت الا 5 دقايق:)

اهم شي ان الغلطان يكون معترف وبسسسس

خذ الكلام من واحد مجرب والله يعينك يالمجرم :)

[ودي أكون]

بااااااااال قضيه .. لا عيل رحت فيها :omg:


اتغشمر ..:tooth:


فاضيه اتغشمر هاااا :tooth:

بس اهم شي مستقبل الطالب الجامعي ..:tooth:

تعبت افرك اسناني بس خلاص :tooth:

الله يعينك وتفاءل انت .. ولو في شي كان ماخلوك .. ماعليك مجرد اجراءات عاديه تحت اسم قضيه ..

[ودي أكون]

مرحبا بالمجرم بوسعود :victory:

لا تشيل هم وانا اخوك

انا صارلي حادث سنه 2001 وكان خشن من قلب :weeping:

المهم

المرور حولونا للمحكة ويوم جا وقت القضيه الجلسة ماخذت الا 5 دقايق:)

اهم شي ان الغلطان يكون معترف وبسسسس

خذ الكلام من واحد مجرب والله يعينك يالمجرم :)

بااااال خوش نصيحه .. غلطان ويعترف بغلطه .. مؤبد وحياتك :tooth:

[bus3od]

اخوي الله يهداك
انت وايد امكبر الموضوع
للحين ماعرفت شسالفة وخايف؟
وحتى لو عرفتها , شنو يعني؟
اي سجن اللي بيسجنونك اياه؟ وعلشان شنو الله يهداك؟
عقب سنتين لو الرجال اللي انت داعمه متوفي محد بيسجنك (لاقدر الله)
وشمنه خايف ؟؟

الله يهداك بس
كلها كمن كلمة وخلاص , واذا في تعويض ولا شي , ان شا الله يندفع , لاتنسى انك غلطان
بس اخوي سجن عاد مرة وحدة؟؟؟!!!

الا اذا داعم الرجال متعمد فهذا شي ثاني

توكل على الله اخوي ولا تحط في بالك وركز في دراستك

عسى الله يوفقك ان شا الله

أنا قلت ليش خايف و مكبر الموضوع لأني مواطن مسالم و ملتزم بالقانون :)و مره وحده يقولون لي قضيه وأنا ماكنت حاط فبالي هالشي يعني كفايه الهموم اللي فيني بعد يزيدوني بقضيتهم والله يالطيب دام السالفه بس تعويض ان شاء الله بيندفع بس اهم شي أفتك بسرعه من هالقضيه

و يعطيك العافيه عالرد المشجع شوي و اسمح لي اذا مكبر الموضوع لأن أول مره أدخل المحاكم ومب متعود على هالسوالف

[بوحارب]

بااااال خوش نصيحه .. غلطان ويعترف بغلطه .. مؤبد وحياتك :tooth:

انتي فرشي ضروسج عدل بس :)

[حبر سري]

أنا قلت ليش خايف و مكبر الموضوع لأني مواطن مسالم و ملتزم بالقانون :)و مره وحده يقولون لي قضيه وأنا ماكنت حاط فبالي هالشي يعني كفايه الهموم اللي فيني بعد يزيدوني بقضيتهم والله يالطيب دام السالفه بس تعويض ان شاء الله بيندفع بس اهم شي أفتك بسرعه من هالقضيه

و يعطيك العافيه عالرد المشجع شوي و اسمح لي اذا مكبر الموضوع لأن أول مره أدخل المحاكم ومب متعود على هالسوالف

والله دامك مسالم وملتزم بالقانون فعسى الله يوفقك
لكن اخوي تدري لو 2 يتهاوشون في الشارع يمكن يسوون لهم قضية؟؟
وهي مجرد هوشة
لو طالب يضرب مدرس ( خبرك سوالف المدارس:) ) بعد يمكن تستوي قضية
كلمة قضية ترى ماتعني ان في جريمة قتل وبس , لا , القضية اجراء عادي لمعرفة اطراف النزاع ومعرفة مواقعهم القانونية

خذها كلمة من اخوك : توكل على الله وتذكر انك رايح تقول كمن كلمة وخلاص


عسى الله يحفظك يابوسعود

اهم شي الجامعة , نبي اسمك معلق في قائمة الشرف او قائمة العميد , مب قائمة المطلوبين:nice:

[bus3od]

مرحبا بالمجرم بوسعود :victory:

لا تشيل هم وانا اخوك

انا صارلي حادث سنه 2001 وكان خشن من قلب :weeping:

المهم

المرور حولونا للمحكة ويوم جا وقت القضيه الجلسة ماخذت الا 5 دقايق:)

اهم شي ان الغلطان يكون معترف وبسسسس

خذ الكلام من واحد مجرب والله يعينك يالمجرم :)


مرحبتين بالمجرم بوحارب ( شكلنا بنخرع الأعضاء)

جزاك الله خير والله ريحتني ترى أنا كنت ناوي ما أعترف ههههههه بس زين قلت لي

و تسلم عالرد يالمجرم السابق

[ودي أكون]

انتي فرشي ضروسج عدل بس :)

لا احكهم بمسواك شفيك :tooth:

ويهك :tooth:

[bus3od]

بااااااااال قضيه .. لا عيل رحت فيها :omg:


اتغشمر ..:tooth:


فاضيه اتغشمر هاااا :tooth:

بس اهم شي مستقبل الطالب الجامعي ..:tooth:

تعبت افرك اسناني بس خلاص :tooth:

الله يعينك وتفاءل انت .. ولو في شي كان ماخلوك .. ماعليك مجرد اجراءات عاديه تحت اسم قضيه ..


قطعتي الفرشاه شكلج توج قاعده من الارقاد:tease:

مشكووووره عالرد و على حلقة نظف أسنانك تحميها :tease:

[بوحارب]

مرحبتين بالمجرم بوحارب ( شكلنا بنخرع الأعضاء)

جزاك الله خير والله ريحتني ترى أنا كنت ناوي ما أعترف ههههههه بس زين قلت لي

و تسلم عالرد يالمجرم السابق
شوف بوسعود انت قول حق القاضي انا الغلطان

واعتبر القضيه انتهت :)

والله يبعد عنا الحوادث وشرها


لا احكهم بمسواك شفيك :tooth:

ويهك :tooth:

يحليلج ;)

[bus3od]

والله دامك مسالم وملتزم بالقانون فعسى الله يوفقك
لكن اخوي تدري لو 2 يتهاوشون في الشارع يمكن يسوون لهم قضية؟؟
وهي مجرد هوشة
لو طالب يضرب مدرس ( خبرك سوالف المدارس:) ) بعد يمكن تستوي قضية
كلمة قضية ترى ماتعني ان في جريمة قتل وبس , لا , القضية اجراء عادي لمعرفة اطراف النزاع ومعرفة مواقعهم القانونية

خذها كلمة من اخوك : توكل على الله وتذكر انك رايح تقول كمن كلمة وخلاص


عسى الله يحفظك يابوسعود

اهم شي الجامعة , نبي اسمك معلق في قائمة الشرف او قائمة العميد , مب قائمة المطلوبين:nice:


مشكووور اخوي حبل سري على هالموعلومات بس أحس السالفه ماتسوى تصير قضيه

أفا عليك اسمي على قائمة المنذرين:( لا بس الحمد لله شديت حيلي و رفعت الإنذار:victory: و الحين كل شي ماشي تمام ولله الحمد ان شاء الله بتشوف اسمي على قائمة العميد قريب

يعطيك العااافيه

[ودي أكون]

:nice:
شوف بوسعود انت قول حق القاضي انا الغلطان

واعتبر القضيه انتهت :)

والله يبعد عنا الحوادث وشرها



يحليلج ;)


لو اعترف بيقولون له اهمااال :rolleyes2:

يخي البايق مايقول انا بقت :nice:

يخوفي تنسجن ع يدنا انا وبوحارب :tooth:

[bus3od]

شوف بوسعود انت قول حق القاضي انا الغلطان

واعتبر القضيه انتهت :)

والله يبعد عنا الحوادث وشرها






اميين
تسلم بوحارب والله لوماقلت لي كان جبت العيد وطولت السالفه

تحياتي بوسعود المسالم ( الحين مب مجرم مدام السالفه بسيطه)هههههه

[بوحارب]

اميين
تسلم بوحارب والله لوماقلت لي كان جبت العيد وطولت السالفه

تحياتي بوسعود المسالم ( الحين مب مجرم مدام السالفه بسيطه)هههههه

ههههههههههههههههههههه

لحد يجيب العيد قدام القاضي من الخرعه http://www.qatarshares.com.qa/data/208/211/storm_1542915271_143263175.gif

ترى عقب بتاكلها صحح :eek5:

المهم الحين نبيك تشربنا كرك عشان سلامتك http://www.qatarshares.com.qa/data/208/211/storm_1695238972_1308706487.gif

[bus3od]

:nice:


لو اعترف بيقولون له اهمااال :rolleyes2:

يخي البايق مايقول انا بقت :nice:

يخوفي تنسجن ع يدنا انا وبوحارب :tooth:

انتي لازم تخرعين الواحد ان شاء الله بعد القضيه بسوي موضوع تهاني و برويج أني ما انسجنت:tease:

وأنا مب بايق تعالي ليكون الفرشاه اللي ماسكتها مبيوقه :omg:

[مساهم متوهق]

الله يعطيك العافيه اخوي
ترى مافيها شي وانا اخوك اذا بيسون لك شي بياخذون منك 1200 ريال
ولا فيها اي شي ع قولة اخونا ابوحارب كلمتين توكل ع الله لبيتكم واذا فيها شي كفيل وروح كبر المخده في البيت لاتحاتي توكل على الله وربك يفرجها

[ودي أكون]

انتي لازم تخرعين الواحد ان شاء الله بعد القضيه بسوي موضوع تهاني و برويج أني ما انسجنت:tease:

وأنا مب بايق تعالي ليكون الفرشاه اللي ماسكتها مبيوقه :omg:

شوف انت لا تعترف .. قول انا دعمت بس هالحادث صار له سنتين وانا نسيت من الغلطان

<<< بتوديك ورااا الشمس :tooth:

وانا واحد شاي كرك يالمجرم :victory:

[bus3od]

ههههههههههههههههههههه

لحد يجيب العيد قدام القاضي من الخرعه http://www.qatarshares.com.qa/data/208/211/storm_1542915271_143263175.gif

ترى عقب بتاكلها صحح :eek5:

المهم الحين نبيك تشربنا كرك عشان سلامتك http://www.qatarshares.com.qa/data/208/211/storm_1695238972_1308706487.gif


اي والله يخوفي أجيب العيد من الخرعه لا ان شاء الله بوسعود ذيب :victory:

أفا عليك بس كرك والله حياك النعيمي الحين و أنا أعزمك على كرك و سندويش جبن فوقه ههههه
لا يا بوحارب اختار المطعم اللي تبيه و أنا أعزمك فيه بس إذا اعترفت وجبت العيد بقلب السالفه عليك هههههه

[bus3od]

الله يعطيك العافيه اخوي
ترى مافيها شي وانا اخوك اذا بيسون لك شي بياخذون منك 1200 ريال
ولا فيها اي شي ع قولة اخونا ابوحارب كلمتين توكل ع الله لبيتكم واذا فيها شي كفيل وروح كبر المخده في البيت لاتحاتي توكل على الله وربك يفرجها


1200 بس الحين بروح هههههه

تسلم اخوي مساهم متوهق

مشكووور عالرد

[بوحارب]

اي والله يخوفي أجيب العيد من الخرعه لا ان شاء الله بوسعود ذيب :victory:

أفا عليك بس كرك والله حياك النعيمي الحين و أنا أعزمك على كرك و سندويش جبن فوقه ههههه
لا يا بوحارب اختار المطعم اللي تبيه و أنا أعزمك فيه بس إذا اعترفت وجبت العيد بقلب السالفه عليك هههههه

تسلم وماتقصر واعتبر شاهيك وصل :)

في بطنب 5 قلاصات كرك من الصبح للحين

خلاص بنفجر :weeping:

الله يوفقك يابسعود وأن شاء الله اني افدتك

تحياتي لك :)

[bus3od]

شوف انت لا تعترف .. قول انا دعمت بس هالحادث صار له سنتين وانا نسيت من الغلطان

<<< بتوديك ورااا الشمس :tooth:

وانا واحد شاي كرك يالمجرم :victory:

اللي يسمع كلامج يضيع :tease:

لا خلاص جيتي متأخره خلص الكرك بوحارب خلصه ههههه

[ودي أكون]

تسلم وماتقصر واعتبر شاهيك وصل :)

في بطنب 5 قلاصات كرك من الصبح للحين

خلاص بنفجر :weeping:

الله يوفقك يابسعود وأن شاء الله اني افدتك

تحياتي لك :)

اي لازم يخلصه في بطنبه 5 قلاصات :nice:

قبل ماتروح المحكمه ابوي صل لك ركعتين وبوس راس الوالد والوالده ..:weeping:

لا تخاف مو عشان سجن .. عشان يدعون لك :tooth:

[bus3od]

تسلم وماتقصر واعتبر شاهيك وصل :)

في بطنب 5 قلاصات كرك من الصبح للحين

خلاص بنفجر :weeping:

الله يوفقك يابسعود وأن شاء الله اني افدتك

تحياتي لك :)

الله يسلمك ها اشلون السكر ههههه
و انا في بطني قلاصين كرك على عدد البريكات فالجامعه
و ياك اخوي بوحارب و أفدتني و ريحتني الله يريحك فدنياك

يعطيك ألف عافيه

[bus3od]

اي لازم يخلصه في بطنبه 5 قلاصات :nice:

قبل ماتروح المحكمه ابوي صل لك ركعتين وبوس راس الوالد والوالده ..:weeping:

لا تخاف مو عشان سجن .. عشان يدعون لك :tooth:

ما شاءالله لتعطينه عين بعدين يطيح علينا
أول مره تقولين كلام عدل :) أفا عليج لتوصين حريص
يعطيج العافيه

[غناتي1]

الله يسهل عليك 000 وييسر امورك

ما عليك شر باذن الله

[bus3od]

الله يسهل عليك 000 وييسر امورك

ما عليك شر باذن الله

الله يسمع منج مشكوووره عالرد و الدعاء الطيب

[(الفيصل)]

أطمئن يابوسعود

اغلب الظن على حد وصفك للواقعة انه ستوجه لك التهم الاتية
1- قيادة مركبة برعونة وعدم احتراز مما يعرض حياة الجمهور والاموال للخطر.
2- التسبب خطأ في أصابة أخر.

وسوف تنظر قضيتك محكمة الجنايات بالريان .. بسبب أن هناك أصابة لشخص
ونصيحتي لك الاتي:
أن تحاول بقدر المستطاع أن تبحث عن من أصبته بالخطأ وتحصل على التنازل منه أو ان يحضر معك للمحكمة ويتنازل.
عند حضورك للمحكمة أعترف بما نسب إليك -اذا كنت بالفعل مخطيء كما تقول- وأطلب من هيئة المحكمة ألتماس العذر والرأفه كونك لاتوجد لديك سوابق في الجرائم وأنك طالب جامعي وعلى وشك تقديم امتحانات وماحصل كان عن غير عمد منك وبقضاء الله وقدره.
مع الاخذ بالاعتبار انه اذا لم يتنازل هذا المصاب فستدخل المحكمة شركة التأمين للتعويض الذي سوف تحكم به على ضوء نسبة الاصابة لدى هذا الشخص .. وأذا علمت ان المحكمة لم تدخل شركة التأمين أطلب منها ذالك كون أن سيارتك بالتأكيد مؤمنة ضد الغير (اجباري).
وبالتالي اي حكم سوف يصدر على التعويض سوف تسدده شركة التأمين بالتضامم معك .

اذن ماعليك هو الحضور والاعتراف وطلب الرأفه من المحكمة وأدخل شركة التأمين اذا لم تدخل بالفعل .

وفي حال صدور حكم قوي ولم ترتضيه لنفسك قم بإستئنافه مباشرة لدى رئيس قلم كتاب المحكمة ليتم بعد ذالك اما الغاء العقوبة او تخفيفها او تأييدها بحسب الاحوال.

وفقك الله لما يحب ويرضى

[ودي أكون]

ماشاءالله عليك اخوي ..

كفيت ووفيت ..

وانشاءالله ماعليك شر يالمجرم ..

[فارس الكلمة]

السؤال .. أخي الفيصل .. و الذي يسأله صاحب الموضوع :-

هل يمكن تحريك القضية في المحكمة.. بعد وقوع الحدث بسنتين ..؟!

[bus3od]

أطمئن يابوسعود

اغلب الظن على حد وصفك للواقعة انه ستوجه لك التهم الاتية
1- قيادة مركبة برعونة وعدم احتراز مما يعرض حياة الجمهور والاموال للخطر.
2- التسبب خطأ في أصابة أخر.

وسوف تنظر قضيتك محكمة الجنايات بالريان .. بسبب أن هناك أصابة لشخص
ونصيحتي لك الاتي:
أن تحاول بقدر المستطاع أن تبحث عن من أصبته بالخطأ وتحصل على التنازل منه أو ان يحضر معك للمحكمة ويتنازل.
عند حضورك للمحكمة أعترف بما نسب إليك -اذا كنت بالفعل مخطيء كما تقول- وأطلب من هيئة المحكمة ألتماس العذر والرأفه كونك لاتوجد لديك سوابق في الجرائم وأنك طالب جامعي وعلى وشك تقديم امتحانات وماحصل كان عن غير عمد منك وبقضاء الله وقدره.
مع الاخذ بالاعتبار انه اذا لم يتنازل هذا المصاب فستدخل المحكمة شركة التأمين للتعويض الذي سوف تحكم به على ضوء نسبة الاصابة لدى هذا الشخص .. وأذا علمت ان المحكمة لم تدخل شركة التأمين أطلب منها ذالك كون أن سيارتك بالتأكيد مؤمنة ضد الغير (اجباري).
وبالتالي اي حكم سوف يصدر على التعويض سوف تسدده شركة التأمين بالتضامم معك .

اذن ماعليك هو الحضور والاعتراف وطلب الرأفه من المحكمة وأدخل شركة التأمين اذا لم تدخل بالفعل .

وفي حال صدور حكم قوي ولم ترتضيه لنفسك قم بإستئنافه مباشرة لدى رئيس قلم كتاب المحكمة ليتم بعد ذالك اما الغاء العقوبة او تخفيفها او تأييدها بحسب الاحوال.

وفقك الله لما يحب ويرضى

تسلم اخوي الفيصل و بالفعل كفيت ووفيت بس حسيت أن السالفه طويله شوي انزين اشلون أدخل شركة التأمين يعني أقول حق القاضي أبي أدخل شركة التأمين؟
و عالعموم مشكور على اعطائي فكره موجزه عما سيحدث فالقضيه

[bus3od]

السؤال .. أخي الفيصل .. و الذي يسأله صاحب الموضوع :-

هل يمكن تحريك القضية في المحكمة.. بعد وقوع الحدث بسنتين ..؟!


:nice:

[bus3od]

ماشاءالله عليك اخوي ..

كفيت ووفيت ..

وانشاءالله ماعليك شر يالمجرم ..

الشر مايجيج :)

[hamoor4ever]

الله يعينك انا اللي اعرفه ان لازم تنكر اما تعترف ، فلازم اتعرف انك بتروح ملح

خخخخ صج اني خرعتك ، بس شوف عيني القضايا اللي الوحد يعترف بغلطته يروح فيها والله يعينك بس الافضل انك تنكر اي شي حتى لو اتقول انك ماشفته اصلا وتفاجأت فيه ، اخاف تعترف انك غلطان يوجهون لك تهمه القتل العمد لان لعبتهم توجيه الاتهامات
الله يعينك ماابي افتي لك

[(الفيصل)]

الله يعينك انا اللي اعرفه ان لازم تنكر اما تعترف ، فلازم اتعرف انك بتروح ملح

خخخخ صج اني خرعتك ، بس شوف عيني القضايا اللي الوحد يعترف بغلطته يروح فيها والله يعينك بس الافضل انك تنكر اي شي حتى لو اتقول انك ماشفته اصلا وتفاجأت فيه ، اخاف تعترف انك غلطان يوجهون لك تهمه القتل العمد لان لعبتهم توجيه الاتهامات
الله يعينك ماابي افتي لك


ليتك تمسكت بالاخيرة لكان خيراً لك وله
بارك الله فيك وفينا وأصلح حالنا وحالك لما يحب ويرضى

[bus3od]

الله يعينك انا اللي اعرفه ان لازم تنكر اما تعترف ، فلازم اتعرف انك بتروح ملح

خخخخ صج اني خرعتك ، بس شوف عيني القضايا اللي الوحد يعترف بغلطته يروح فيها والله يعينك بس الافضل انك تنكر اي شي حتى لو اتقول انك ماشفته اصلا وتفاجأت فيه ، اخاف تعترف انك غلطان يوجهون لك تهمه القتل العمد لان لعبتهم توجيه الاتهامات
الله يعينك ماابي افتي لك

أنا كنت مفكر أسوي جي بس بوحارب قال لي اعترف وعن تجربه وافيصل قال لي إعترف و شكله ماشاءالله خبير في هالسوالف و إذا انقلبت السالفه علي ورحت ملح مب أحسن لهم هههههههه

مشكووور عالمرور

[ودي أكون]

الله يعينك انا اللي اعرفه ان لازم تنكر اما تعترف ، فلازم اتعرف انك بتروح ملح

خخخخ صج اني خرعتك ، بس شوف عيني القضايا اللي الوحد يعترف بغلطته يروح فيها والله يعينك بس الافضل انك تنكر اي شي حتى لو اتقول انك ماشفته اصلا وتفاجأت فيه ، اخاف تعترف انك غلطان يوجهون لك تهمه القتل العمد لان لعبتهم توجيه الاتهامات
الله يعينك ماابي افتي لك

قتل العمد في شارع عمومي وجاد الكل .. شدخل :tooth:

بس من ناحية الاعتراف انا معاه لاتعترف هااا :nice:

تلخبط مسكين :tooth:

[ودي أكون]

أنا كنت مفكر أسوي جي بس بوحارب قال لي اعترف وعن تجربه وافيصل قال لي إعترف و شكله ماشاءالله خبير في هالسوالف و إذا انقلبت السالفه علي ورحت ملح مب أحسن لهم هههههههه

مشكووور عالمرور

اخذ بياناتهم واحفظها يمكن تحتاجها بعد سنتين :tooth:

اتغشمر :tooth:

[bus3od]

قتل العمد في شارع عمومي وجاد الكل .. شدخل :tooth:

بس من ناحية الاعتراف انا معاه لاتعترف هااا :nice:

تلخبط مسكين :tooth:

اي والله تلخبطت كله منج :anger1:

الخبره قالوا اعترف و ان شاءالله السالفه هينه

[الوفـى طبعي]

الله يهديك اخوي اي سجن واي خرابيط ناس مجرمين ومانسجنوا على طول وانت تقول بتنسجن

شوف طال عمرك بتروح لهم حلو وبيكون الموجود هناك الي مسوي وياه الحادث بيقولون له تبي منه شي بيقول لا ماعتقد يقول ايه بيقولون له تعال وقع وسلاااااام علييييييكم ..

من صجك خايف الا محكمه مب جهنم

[(الفيصل)]

في حال انكاره للتهمة
سوف تطول القضية وذالك أن المحكمة سوف تستدعي الشرطي المحقق الذي قام بالرسم الكروكي للحادث ...واية شهود للاثبات بما فيهم المجني عليه(المصاب) للاستماع لاقوالهم ولاثبات التهمة عليه.
فهل من مصلحته وهو على هذه الحال أن يقوم بذالك وهو بالفعل يرى انه مخطيء بالحادث؟؟؟!!!
وهل تعطيل المحكمة سوف يؤدي للحكم على هذا الشخص بحكم مخفف؟؟!!!

الحق ُينجي

[bus3od]

اخذ بياناتهم واحفظها يمكن تحتاجها بعد سنتين :tooth:

اتغشمر :tooth:

هههههههههههههه لا باخذ بياناتج انتي لأن شكلي بصفقج وايد تفاولين

[hamoor4ever]

قتل العمد في شارع عمومي وجاد الكل .. شدخل :tooth:

بس من ناحية الاعتراف انا معاه لاتعترف هااا :nice:

تلخبط مسكين :tooth:

خخخ من خبره سابقه ، في حالات عادي وانتي تسوقين بأمانه الله ممكن تتحول القضيه الى قتل متعمد وهاذه تكررت لناس كثير ، انا لو مكانك انكر اي شي ، شكله بو حارب بيوديك ورا الشمس ، بس اعتقد ان بتطلع من السالفه بمبلغ مالي ، بس حاول مثلا تقول انك ماكنت شايفه اصلا وتسوق بسرعه عاديه ودعمته احسن لك من تقول انك غلطان ، واذا تبي تطلع منها وتقلب الغلط عليهم ، عليك انك تاخذ محامي يكون له لسان او محاميه صدقني يطلع الغلط على الريال

[الوعد2016]

راح يكون حكم مع وقف التنفيذ وغرامه ماليه فقط

[(الفيصل)]

في حال انكاره للتهمة
سوف تطول القضية وذالك أن المحكمة سوف تستدعي الشرطي المحقق الذي قام بالرسم الكروكي للحادث ...واية شهود للاثبات بما فيهم المجني عليه(المصاب) للاستماع لاقوالهم ولاثبات التهمة عليه.
فهل من مصلحته وهو على هذه الحال أن يقوم بذالك وهو بالفعل يرى انه مخطيء بالحادث؟؟؟!!!
وهل تعطيل المحكمة سوف يؤدي للحكم على هذا الشخص بحكم مخفف؟؟!!!

الحق ُينجي

في أمان الله

[bus3od]

الله يهديك اخوي اي سجن واي خرابيط ناس مجرمين ومانسجنوا على طول وانت تقول بتنسجن

شوف طال عمرك بتروح لهم حلو وبيكون الموجود هناك الي مسوي وياه الحادث بيقولون له تبي منه شي بيقول لا ماعتقد يقول ايه بيقولون له تعال وقع وسلاااااام علييييييكم ..

من صجك خايف الا محكمه مب جهنم

تسلم اخوي الوفى طبعي طمنتني

مشكووور عالرد

[bus3od]

في حال انكاره للتهمة
سوف تطول القضية وذالك أن المحكمة سوف تستدعي الشرطي المحقق الذي قام بالرسم الكروكي للحادث ...واية شهود للاثبات بما فيهم المجني عليه(المصاب) للاستماع لاقوالهم ولاثبات التهمة عليه.
فهل من مصلحته وهو على هذه الحال أن يقوم بذالك وهو بالفعل يرى انه مخطيء بالحادث؟؟؟!!!
وهل تعطيل المحكمة سوف يؤدي للحكم على هذا الشخص بحكم مخفف؟؟!!!

الحق ُينجي

اخوي الفيصل أعجزعن شكرك يعطيك العافيه

[بوحارب]

عاد الحين خلاص

اكيد ارتحت يابوسعود ^ ــ ^

[bus3od]

خخخ من خبره سابقه ، في حالات عادي وانتي تسوقين بأمانه الله ممكن تتحول القضيه الى قتل متعمد وهاذه تكررت لناس كثير ، انا لو مكانك انكر اي شي ، شكله بو حارب بيوديك ورا الشمس ، بس اعتقد ان بتطلع من السالفه بمبلغ مالي ، بس حاول مثلا تقول انك ماكنت شايفه اصلا وتسوق بسرعه عاديه ودعمته احسن لك من تقول انك غلطان ، واذا تبي تطلع منها وتقلب الغلط عليهم ، عليك انك تاخذ محامي يكون له لسان او محاميه صدقني يطلع الغلط على الريال

اذا السالفه وصلت للمحامي لتخاف المحامي موجود بس ان شاءالله السالفه بتخلص بسرعه ومثل مايقولون الاعتراف بالحق فضيله

[hamoor4ever]

عاد الحين خلاص

اكيد ارتحت يابوسعود ^ ــ ^

اول مايطلع من المحكمه احنا بننطرك عند الباب مع دله الكرك انا وبو حارب :fight:

[bus3od]

عاد الحين خلاص

اكيد ارتحت يابوسعود ^ ــ ^

اي الحمد لله ارتحت يابوحارب بس اللي يقولون اعترف ضيعوني بس مب سامع كلامهم ههههه
و انت شوف كلام الفيصل تحسه محامي ولا قاضي ماشاء الله عليه

[بوحارب]

اول مايطلع من المحكمه احنا بننطرك عند الباب مع دله الكرك انا وبو حارب :fight:

:ok::ok::ok:

[بوحارب]

اي الحمد لله ارتحت يابوحارب بس اللي يقولون اعترف ضيعوني بس مب سامع كلامهم ههههه
و انت شوف كلام الفيصل تحسه محامي ولا قاضي ماشاء الله عليه

امش على كلام الفيصل وان شاء الله مب شايف الا كل خير :)

[bus3od]

اول مايطلع من المحكمه احنا بننطرك عند الباب مع دله الكرك انا وبو حارب :fight:

أفا عليك ابشر بعزك و مثل ماقلت لكم فوق الدله سندويشات جبن ههههه بس ان شاء لله يطلعوني وهل عشان ما أبطي عليكم ههههه

[barod]

شوف احسن حل تاخذ معاك بو حارب والفيصل علشان يساندونك بها الموقف هههههههه امزح وياك ان شاء الله الامور سهالات ولا تحاتي

[bus3od]

راح يكون حكم مع وقف التنفيذ وغرامه ماليه فقط

مشكووور عالمرور

[bus3od]

شوف احسن حل تاخذ معاك بو حارب والفيصل علشان يساندونك بها الموقف هههههههه امزح وياك ان شاء الله الامور سهالات ولا تحاتي

اي والله خوش راي يمكن بوحارب يطلع محامي و يدافع عني و الفيصل يطلع قاضي و يطلعني منها ههههه

يعطيك العافيه عالرد

[مستثمره جديده]

واحد متصل فالوالد يقول له ولدك عليه قضيه ولازم يجينا المحكمه تاريخ 30-10

مع تحيات المجرم بوسعود :omen2:


مرحبا بالمجرم بوسعود :victory:

انا صارلي حادث سنه 2001 وكان خشن من قلب :weeping:

المهم

المرور حولونا للمحكة ويوم جا وقت القضيه الجلسة ماخذت الا 5 دقايق:)

:)

طلعتوا مجرمين واصحاب سوابق :eek5:

الله يستر منكم :(

[hich]

الله يعينك انا انرفعت علي قضية وتم الحكم علي والتنفيذ وبعد 3 سنوات سويت حادث ولقيت على سيارتي حجز لتنفيذ وبيع السيارة بسبب مبلغ 3000 ريال بسبب كفالة واحد اللهم اني أحتسبت وانت حسبي عليهم

طبعا الموضوع كله حصل بدون علمي بالكامل نهائيا ........................ اخوي أنتبه المحاكم عندنا تعبانه والقضاه الله المستعان

شهادة لله المرور ومحكمة المرور ماكان لهم دخل في الموضوع

[bus3od]

طلعتوا مجرمين واصحاب سوابق :eek5:

الله يستر منكم :(

حاظرين لج :)

لتخافين مجرمين مسالمين
مشكوره عالمرور

[jajassim]

شيك الخاص ،،، ومايصير خاطرك الا طيب ،،،

:nice::nice:

[bus3od]

الله يعينك انا انرفعت علي قضية وتم الحكم علي والتنفيذ وبعد 3 سنوات سويت حادث ولقيت على سيارتي حجز لتنفيذ وبيع السيارة بسبب مبلغ 3000 ريال بسبب كفالة واحد اللهم اني أحتسبت وانت حسبي عليهم

طبعا الموضوع كله حصل بدون علمي بالكامل نهائيا ........................ اخوي أنتبه المحاكم عندنا تعبانه والقضاه الله المستعان

حسبنا الله و نعم الوكيل الله يعينا اخوي

مشكووور عالمرور

[شرقاويه]

اكيد يبي تعويض على سيارته او يمكن سببتله عاهه مستديمه ويبي تعويض

[التيما]

صراحه 7 صفحات وياريتها على شي عدل .. الريال يقولكم انه متخوف ويبي النصيحه وانتوا قلبتوا الموضوع شات وسوالف .. اللي له في هالموضوع وله خبره يرد عليه واللي ماله فيها يدعي له الله يوفقه .. واحد ولا وحده يقولون له لا تعترف !! ياخي همكم انه يربح دنياه على حساب آخرته ؟ " عجبي " اخوي بو سعود عليك بكلام اخونا المحامي " الفيصل " قالك ايش بتسوي وعطاك استشارة بتفيدك ان شاء الله .. وتحمل تكذب وتنكر مثل ما قالك الفيصل وبو حارب ..

اتقوا الله في كلامكم ..

[ذيبه مزاجيه]

ان شاء الله ما يصير شي و توكل على الله و دام ان السالفه قديمه ما اعتقد انهم يكبرونها يوم بردت !!!

وربي ان شاء الله يكون معاك و يفك عنك هالمحكمه و لا ترد المحاكم خير شر ان شاء الله

[bus3od]

ان شاء الله ما يصير شي و توكل على الله و دام ان السالفه قديمه ما اعتقد انهم يكبرونها يوم بردت !!!

وربي ان شاء الله يكون معاك و يفك عنك هالمحكمه و لا ترد المحاكم خير شر ان شاء الله

مشكوره اختي ذيبه مزاجيه امين الله يسمع منج

تسلمين عالرد

[bus3od]

صراحه 7 صفحات وياريتها على شي عدل .. الريال يقولكم انه متخوف ويبي النصيحه وانتوا قلبتوا الموضوع شات وسوالف .. اللي له في هالموضوع وله خبره يرد عليه واللي ماله فيها يدعي له الله يوفقه .. واحد ولا وحده يقولون له لا تعترف !! ياخي همكم انه يربح دنياه على حساب آخرته ؟ " عجبي " اخوي بو سعود عليك بكلام اخونا المحامي " الفيصل " قالك ايش بتسوي وعطاك استشارة بتفيدك ان شاء الله .. وتحمل تكذب وتنكر مثل ما قالك الفيصل وبو حارب ..

اتقوا الله في كلامكم ..

:nice: زين سويت فيهم هههههه مشكووور اخوي و لتخاف بقول الصج
تسلم عالرد