بوبندر
28-10-2008, 11:30 AM
منقول................... منقول
طريقة فك السيفتي لشاشة اللكزش والاستيشن اليديدة
سبق وكتبت موضوع استفسر فيه عن طريقة فك السيفتي لشاشة الاستيشن اليديدة VX-R لان اول ماتتحرك السيارة يوقف الدي في دي واتوقع اللكزس الفورويل اليديد نفس الشي
والشباب ماقصروا بردودهم
سرت سوق نايف في دبي عند محلات زينة السيارات وحصلت اكثر من محل لفك السيفتي بس اهني انتبهوا لا يقصون عليكم لان مب اي واحد يعرف لها وعشان مايصير معاكم شرات ماحصلي
طبعا فالبداية بيقولولكم ب 300 و500 درهم ويبالها برمجة وفالاخير بيوافق على 200 درهم بس وبالنسبة للبرمجة كله خريط فخريط لابرمجة ولاغيره
بعد ماعطاني ب 200 درهم قلتله كم يبالها لين تجهز قالي فحدود نص ساعة بس توكلت على الله وقلته يلا ابدا فشغلك
بعد مافكلي الشاشة اكتشفت ان الحبيب ما يعرف لطريقة فك السيفي وخرب لي كل الوايرات لي خلف الشاشة وقطعهن لي ونقعني ساعتين ونص اثره الحبيب مسوي سيارتي حقل تجارب وفالاخير طفشت وعصبت عليه وهزبته هذاب لين خليته بيزة مايسوى وشوي وبضربه
زقرلي ربيعه لي فالمحل الثاني عشان يحلي مشكلتي وطلع مافيه حيلة
ف عشر ثواني بس خلص لي الموضوع مبين عليه خبرة
السالفة ومافيها ان فيه وايرين واحد اصفر والثاني بنفسجي
الاصفر موصل مع الهاند بريك والبنفسجي مع الجير
الخبير قص الوايرين وانتهت السالفة واشتغل الدي في دي تماااام
بس اطلعتلي مشكلة ثانية انتبهت لها بالصدفة وهي اذا قص الواير البنفسجي لي موصل بالجير النافيقيشن يعلق ويصير بطييييئ جدا
قلت له وش الحل لاني طفشت من هالسالفة
قالي مافي حل غير اني اركبلك سويج صغير للواير البنفسجي
يعني يوم تبا تشغل الدي في دي تفصل السويج وبيشتغل كل شي عندك الا النافيقيشن
ويوم تبا النافيقيشن تشغل السويج بس مابيشتغل الدي في دي عندك يوم تتحرك السيارة يعني بيرد كل شي مثل ما كان وهي طريقه حلوه وبالنسة للوكالة مستحيل تكشفك وتلغي الضمان
تبون الصراحة ماعجبتني فكرة السويج لاني بغيت الدي في دي والنافيقيشن مع بعض وطبعا مايصير
فالاخير لغيت الفكرة من راسي وقلت للخبير الايراني رجع كل شي مثل ماكان
وبالنسبة للمحل اسمه عدنان عبدالحمن وعليه لوحة كبيرة كاتب عليها infinity
انصحكم تروحون عنده على طول بدون ماتلفون ودورون غيره لانكم مابتحصلون ارخص عن عنه طبعا هذا محل الخبير اسمه عدنان عبدالحمن وعليه لوحة كبيرة كاتب عليها infinity
طريقة فك السيفتي لشاشة اللكزش والاستيشن اليديدة
سبق وكتبت موضوع استفسر فيه عن طريقة فك السيفتي لشاشة الاستيشن اليديدة VX-R لان اول ماتتحرك السيارة يوقف الدي في دي واتوقع اللكزس الفورويل اليديد نفس الشي
والشباب ماقصروا بردودهم
سرت سوق نايف في دبي عند محلات زينة السيارات وحصلت اكثر من محل لفك السيفتي بس اهني انتبهوا لا يقصون عليكم لان مب اي واحد يعرف لها وعشان مايصير معاكم شرات ماحصلي
طبعا فالبداية بيقولولكم ب 300 و500 درهم ويبالها برمجة وفالاخير بيوافق على 200 درهم بس وبالنسبة للبرمجة كله خريط فخريط لابرمجة ولاغيره
بعد ماعطاني ب 200 درهم قلتله كم يبالها لين تجهز قالي فحدود نص ساعة بس توكلت على الله وقلته يلا ابدا فشغلك
بعد مافكلي الشاشة اكتشفت ان الحبيب ما يعرف لطريقة فك السيفي وخرب لي كل الوايرات لي خلف الشاشة وقطعهن لي ونقعني ساعتين ونص اثره الحبيب مسوي سيارتي حقل تجارب وفالاخير طفشت وعصبت عليه وهزبته هذاب لين خليته بيزة مايسوى وشوي وبضربه
زقرلي ربيعه لي فالمحل الثاني عشان يحلي مشكلتي وطلع مافيه حيلة
ف عشر ثواني بس خلص لي الموضوع مبين عليه خبرة
السالفة ومافيها ان فيه وايرين واحد اصفر والثاني بنفسجي
الاصفر موصل مع الهاند بريك والبنفسجي مع الجير
الخبير قص الوايرين وانتهت السالفة واشتغل الدي في دي تماااام
بس اطلعتلي مشكلة ثانية انتبهت لها بالصدفة وهي اذا قص الواير البنفسجي لي موصل بالجير النافيقيشن يعلق ويصير بطييييئ جدا
قلت له وش الحل لاني طفشت من هالسالفة
قالي مافي حل غير اني اركبلك سويج صغير للواير البنفسجي
يعني يوم تبا تشغل الدي في دي تفصل السويج وبيشتغل كل شي عندك الا النافيقيشن
ويوم تبا النافيقيشن تشغل السويج بس مابيشتغل الدي في دي عندك يوم تتحرك السيارة يعني بيرد كل شي مثل ما كان وهي طريقه حلوه وبالنسة للوكالة مستحيل تكشفك وتلغي الضمان
تبون الصراحة ماعجبتني فكرة السويج لاني بغيت الدي في دي والنافيقيشن مع بعض وطبعا مايصير
فالاخير لغيت الفكرة من راسي وقلت للخبير الايراني رجع كل شي مثل ماكان
وبالنسبة للمحل اسمه عدنان عبدالحمن وعليه لوحة كبيرة كاتب عليها infinity
انصحكم تروحون عنده على طول بدون ماتلفون ودورون غيره لانكم مابتحصلون ارخص عن عنه طبعا هذا محل الخبير اسمه عدنان عبدالحمن وعليه لوحة كبيرة كاتب عليها infinity