امتحانات قبول الــ Qp ( قطر للبترول ) ..

[OREO]

السلام عليكم ورحمة الله وبركاته ..


موضوع هام بالنسبة للقطريين و القطريات في قطر للبترول بشكل خاص ..

طبعا مثل ما احنا عارفين كل كذا يوم ينطرح موضوع عن امتحان قطر للبترول و كيفية الامتحان و مدى صعوبة الامتحان ..

راح ابشركم ان شاءالله مافي اي صعوبات ممن يدعون بأن الامتحان صعب و الخ ..

و الطريقه هي .. بأن امتحان القبول سواء لخريجي الثانوية او الجامعه او او و الخ موجوده

على صفحة الــ QP ارجو من اي اخت او اخوي شغال في قطر للبترول يدخل على صفحة

الانترانت ( شبكة الــ QP الداخليه ) .. و ينزلها للإخوان و الاخوات المحتاجين و الامتحانات

هذه ما حطوها الا للاستفاده و للعلم .. الامتحانات هذه شبيه للامتحانات اللي يقدمها المقدم على

الوظيفه بنسبة 99.999 % و الفرق فقط في اختلاف الارقام .. سواء لإمتحان الــ Math او الــ English ..

و للعلم .. الاجانب كلهم عندهم العلم بأن الامتحانات هذه موجوده في شبكة قطر للبترول ما عدا

القطريين للأسف .. والسبب بأن صغار الموظفين ( القطريين ) ما عندهم كمبيوترات و شغاليين

في المصانع ( الاكثريه ) و الاجانب ( صغار الموظفين ) هم اللي شغالين في المكاتب مثل

السكرتيرات و المحاسبين و الخ .. و طبعا محد مستفيد من الامتحانات هذه الا هم .. لان مع كل

ترقيه للأجنبي لازم يمتحن تحديد مستوى و البعض الاخر يمتحنون كل سنتين .. فلذا مستفيدين

من الامتحانات هذه بشكل مباشر و معتمدين عليها و ما شاءالله النتايج عندهم كله 100% :rolleyes2:

لو بيدي والله كان نزلت الامتحانات و لكن حاليا انا برا البلاد لدواعي العمل و يبيلي اسبوعين

و اعود الدوحه ان شاءالله و المشكله اني مهب قادر ادخل الشبكه من الدوله اللي انا فيها و الا كان نزلت لكم ..

فلذا .. اطلب من اي قطري او قطريه شغال في المؤسسه يدخل شبكة المؤسسه و ينزل

الامتحانات و يستفيد منها الغير و ان شاءالله انشوف الكل ناجح بنسب عاليه ,..


و تمنياتي لكم بالتوفيق ..

[Bu Rashid]

كفووووووون شباب وشابات كيو بي... ابي نسخه
مشكووووووور ما قصرت يا قطر زووووووووون

[OREO]

كفووووووون شباب وشابات كيو بي... ابي نسخه
مشكووووووور ما قصرت يا قطر زووووووووون



ان شاءالله الاخوان و الاخوات ما راحوا يقصرون ,,

و شد حيلك و تمرن ع الاسئلة و غيرك مهب احسن منك ..

بالتوفيق اخوي بوراشد ..

[راشد محمد]

ابي نسخه

[b7r]

السلام عليكم
هاي Sample TPP Test ( English حق الشباب الجدد اللي بيدخلون qp
والله يوفقكم

[>>> غــمـــوض <<<]

بادره طيبه منك اخي الكريم بإثارة هذي النقطه
وعسى الفائده تعم على الجميع بإذن الله

تقبل مني اجمل تحيه
اختك في الله >>> غــمـــوض <<<

[غناتي1]

الله يوفق عيالنا

[sad-o-bas]

الله يوفق الجميع وترى الحسد موجود من الي ذكرتهم، المشكلة عيني عينك وخاصة في شركات كيوبي..
الله المستعان، إذا كنت في إمسيعيد، يبون يطفشونك ويقولون لك روح راس لفان.. هالشي عن تجربة والله..

[كينيا]

السلام عليكم
هاي Sample TPP Test ( English حق الشباب الجدد اللي بيدخلون qp
والله يوفقكم

اخوي فيه امتحان غيره؟؟؟ ولا بس هذا

[b7r]

اخوي فيه امتحان غيره؟؟؟ ولا بس هذا

اخوي
هاي الامتحان تحديد مستوى للي بيدخلون المؤسسة
فيه امتحانات غيرها حق اللي يدرسوون في QP
من Level.One الى Level.Five

والله يوفقكم:)

[!قطريـة بنت القمـر!]

الحمدلله ع السلامة اخوي قطر زون وجزاك الله خير على هالبادرة الطيبة ما قصرت الصراحة وان شاء الله الكل يستفيد منها وخصوصا اختنا قمــر :) ....

[ورقــة أمــل]

يعطيك العافية اخوووي وماقصرت

[Bu Rashid]

ما قصرت اخوي قطر زوووون... ان شاء الله انشوفك مدير عووووووووود...:)

[ام عــبدالله]

" السلام عليكم ,,بغيت مساعده بامتحانات حاسب ورياضيات

تحديد مستوى من قطر للبترول ؟

وغيت اتاكد من هالموضوع صج ان موظفينهم يدربونهم تطوير اللغة للجنير براس بوعبود والسنير
ب Els

والله يعطيكم العاافية "

[_بوشهاب_]

انا بصراحه اشوف امتحان الانجليزي كان مناسب وحلو بالنسبه لي لكن الماث (( الرياضيات )):rolleyes2: مخي قام يعورني وخبركم بدون حاسبه

[بو راشد 1]

اللي اعرفه ان اي واحد يتخرج من جامعات قطر فوندشين (تكساس + كرنجي ميلون +...) مجبورة Qp توظفه بغض النظر عن الجنسية او المعدل، و القطري اللي يتخرج من جامعات خارج قطر حتى لو امريكا لازم معدل عالي + انتر فيو + واحيانا برسنتيشن عن مشروعه واخيرا يمكن يقبلونه و يمكن لا.

[QAT2020]

بارك الله فيكم ..

[خــطــافــ]

:telephone:

:)

[غناتي1]

وانا ابغي نسخة

[الوعد2016]

مشكور على الموضوع وجزاك الله كل خير حتى الاشخاص الذين لا يعملون في قطر للبترول يمكنهم الاستفاده من الاختبار لمصالحهم الشخصيه حتى بدون وظيفه لتقويتهم في الانجليزي

[سهم مضطرب]

مشكور اخوي بس ممكن الموقع اللي انزل منه ؟؟

[armani**]

انزين ما عليكم امر اخواني ممكن امتحان الرياضيات حق الكيوبي .

لا تتأخرون علي .

[فلفل حار]

بارك الله فيكم يالربع ....:)

سويت save للموضوع حتي يتم الاستفاده منه حق ربعنا خارج المنتدي ....



جزاكم الله خير ....:victory:

[latty]

يفتح على شكل الفوتوشوب

[المقهوره]

انا .......اسم شخص........... كل ماقدم على qp

قالوا له ادل الباب اقبضه


لانه كان متدرب وبسبب ظروف سابقة قدم استقالته في 2004

مع انه حسن سيره وسلوك مافيه اي مشاكل مع المسؤلين بس مشكلته كانت بالراتب فتره التدريب كان 5000 ريال مايكفى احد لانه مسؤول عن عائلته


يوم حاول يرجع لهم مره ثانيه وقدم امتحان في راس ابو عبود

قالوا له انت مرفوض

طيب ليش يعني هالظلم دامه ماسوا شي يخل بالادب ولا بالقانون يعني على شان قدم استقالته ظروف والله ظروف


وعقب قدم في بنك قطر الوطني واقبلوه ودوامه الشهر الجاي

بس قهر مابيه يشتغل ببنك ربوي بس وش الحيله دام مافيه وظيفه وظفته مع انه راح وقدم في المعرض المهني



وما سمعت من أن العمل في البنوك الربوية لا يجوز، فهو سماع صحيح، لأن العمل فيها تعاون مع أصحابها على الإثم والعدوان. والله تعالى يقول: (وتعاونوا على البر والتقوى ولا تعاونوا على الإثم والعدوان واتقوا الله) [المائدة: 2]. والراتب الذي يتقاضاه العامل في البنك الربوي حرام، لأنه نتيجة عمل محرم.

[وتبقى الدنيا حلوه]

b7r و Qatar Zone

جزاكم ربي الجنه قولوا آمين

[المقهوره]

الحين الي يدرس tpp

بينجح بالـ qp

[يحفظك ربي]

وانا بعد ابي نسخه من الامتحان جزاكم الله خير

في مره قدمته واذكر اني سويت زيت بالامتحان بس مادري ليش ماقبلوني !!!!!

مايبون اي حد الا بالواسطه

الله كريم !

وجزاك الله خير اخوي على هالطرح الحلو وانشالله الكل يستفيد منه ....

[armani**]

ردوا على اسألتنا يالربع اللي ينجح بالـــــ tpp يقبلونه الكيوبي و له شسااااالفه .

[ثاني]

اكيد حرام تشتغل في بنك ربوي ...
يعني لو تحط فلوسك فيه حرام شلون لو تشتغل فيه

[albadawi1]

يعطيك العافية اخوي وبالتوفيق حق الجميع