العجوز القطريه والدريول الجديد ! !

[ســـهم]

السلام عليكم ورحمة الله وبركاته

الحدث اول البارحه ليلة الثلاثاء

الوقت 10.28 ليلا

كنت في عودتي من أحد العزب القريبه من روضة راشد واثناء وصولي لجسر روضة راشد

اذا بفورد صالون متوقف اعلى الجسر ورأيت ان السياره لايوجد بها سوى امرأه عجوز

قامت قبل الوصول اليها بالأشاره بيدها طلبا للمساعده !

توقفت ونزلت من سيارتي وتوجهت اليها فقالت لي ودمعتها في عينها( انا من صلاة العشاء مضيعه مع هالدريول

الجديد حتى وصل بنا الضياع الى رؤية "مركز ابوسمره " والآن اريد منطقة السد
تحدثت مع الهندي مايعرف عربي ولا انجليزي والملباري عندي ضعيف

هذه الوالده تبلغ من العمر عتيا فأعتقد والله أعلم بدون صيغة مبالغه ان عمرها يتراوح

بين 70 و80 عام

عموما قلت لها فالج طيب ان شاء الله اتبعوني

وصلتها للمكان المذكور بعد معاناه مع هذا السائق ونزلت وسألتها عن اولادها فقالت لي

وكأنها تعتذر لهم بصيغه غير مباشره انهم لايرضون بذهابها مع هذا السائق

السؤال الآن لو كانت هذه العجوز زوجة أحدهم فهل يرضى بأن تذهب الى مثل هذه المناطق النائيه ؟

[سلمان_1]

:omg::omg:

ياحالتها

الله يجزيك الخير :)

[ضوى]

هلا والله اخوي سهم

لو هذي العجوز امي والا جدتي كان حطيتها على راسي ودرت بها من مكان لمكان ولا اخلي اي سايق يوديها بروحها اي مكان لو قريب

الله يرحم امي وايد قصرت بحقها كانت تروح وتجي ويا الدريول واحنا لاهين عنها باشغالنا وعيالنا ونسينا حقها علينا ، الله يسامحنا ويغفر لنا ان شاء الله سواء انا والا اخواني وخواتي

[عاشق الشهادة]

السلام عليكم ورحمة الله وبركاته

الحدث اول البارحه ليلة الثلاثاء

الوقت 10.28 ليلا

كنت في عودتي من أحد العزب القريبه من روضة راشد واثناء وصولي لجسر روضة راشد

اذا بفورد صالون متوقف اعلى الجسر ورأيت ان السياره لايوجد بها سوى امرأه عجوز

قامت قبل الوصول اليها بالأشاره بيدها طلبا للمساعده !

توقفت ونزلت من سيارتي وتوجهت اليها فقالت لي ودمعتها في عينها( انا من صلاة العشاء مضيعه مع هالدريول

الجديد حتى وصل بنا الضياع الى رؤية "مركز ابوسمره " والآن اريد منطقة السد
تحدثت مع الهندي مايعرف عربي ولا انجليزي والملباري عندي ضعيف

هذه الوالده تبلغ من العمر عتيا فأعتقد والله أعلم بدون صيغة مبالغه ان عمرها يتراوح

بين 70 و80 عام

عموما قلت لها فالج ان طيب ان شاء الله اتبعوني

وصلتها للمكان المذكور بعد معاناه مع هذا السائق ونزلت وسألتها عن اولادها فقالت لي

وكأنها تعتذر لهم بصيغه غير مباشره انهم لايرضون بذهابها مع هذا السائق

السؤال الآن لو كانت هذه العجوز زوجة أحدهم فهل يرضى بأن تذهب الى مثل هذه المناطق النائيه ؟




تحريبها يـ سهم ,
بس مالك حق اشلون الملباري ضعيف وانت في شهر رمضان تبيع لهم الي خبري خبرك ...

[lusail]

بيض الله وجهك وماتدري وش ظروفها والله يخلي لنا عجايزنا ودعواتهم ..

وكله في صوب وقومه صلاه الفجر في صوب:shy::shy: الله يعينها علي هههههههه ....

ولاهنت

[pinky]

جزاك الله خير في ميزان حسناتك
ليه معند لدريول تلفون او العجوز عندها تلفون يسجلون عليها ارقامهم مثل ها الوقت الله يسامحهم بناتها واولادها والله عورت قلبي

[هتـان قطر]

مسكينه ..كسرت خاطري

سهم بعض العجايز الله يهديهم روسهم قويه..ومايبون يحسون

انهم عبء على عيالهم ..او يحبون يكونون على كيفهم وانهم

مازالوا في أوج قوتهم..ويمكن عندها عزبه ورايحه تشوف حلالها..!!


انا عمتي ام زوجي الله يرحمها..ما كانت تخلي شبر ما تروح له..عادي يعني

الامر ..بس هالعجوز المفروض يكون عندها جوال للضرورة..

متى ما صار شي اتدق على عيالها..


:)

[Gold Boy]

تكسر الخاطر

الله يعينها وربي ماتستاهل

جزاك الله خير اخوي على مساعدتها

[ســـهم]

:omg::omg:

ياحالتها

الله يجزيك الخير :)

وياك اخوي ..

[سوق واقف]

مسكينة وين عيالها عنها
لا حول ولا قوة الا بالله

أخوي ربي يوفقك ويجزيك الف خير يالغالي

[السامـي]

مفروغ من أمر ضيعها وعودتها.

لكن،هالعجوز يلزمها(مَحْرَم)؟!!!.

تحياتي،،.

[ســـهم]

هلا والله اخوي سهم

لو هذي العجوز امي والا جدتي كان حطيتها على راسي ودرت بها من مكان لمكان ولا اخلي اي سايق يوديها بروحها اي مكان لو قريب

الله يرحم امي وايد قصرت بحقها كانت تروح وتجي ويا الدريول واحنا لاهين عنها باشغالنا وعيالنا ونسينا حقها علينا ، الله يسامحنا ويغفر لنا ان شاء الله سواء انا والا اخواني وخواتي

مرحبا ضوى بالنسبه لهؤلاء ينطبق عليهم المثل فاقد الشيئ لايعطيه

آمين اختي وشكرا لك .

[ســـهم]

بيض الله وجهك وماتدري وش ظروفها والله يخلي لنا عجايزنا ودعواتهم ..

وكله في صوب وقومه صلاه الفجر في صوب:shy::shy: الله يعينها علي هههههههه ....

ولاهنت

لا اعتقد ان هناك ظروف تستدعي ان يصل الأمر الى ماوصلت اليه

شكرا لك ..

[ودي أكون]

ماعليها شر انشاءالله

[مرت محمد]

مسيجينه هالعييز الله وقف لها في طريجها عيال الحلال وانت واحد منهم بس بقولك شئ هذا الموقف الى

سويته في المره مراح يضيع عند الله وبيمر عليك الزمان وتكون ضعيف وربي بيفرجها عليك وذا صار لك

موقف في يوم من الايام تذكر هذي المره العيوز الي الله سبحانه وتعالى وضعك في طريقها .

[darkuae]

الله يجزاك خير أخوي

والله يقدرنا باللي قدرك عليه

وبالنسبة للأخوان اللي يقولون وين الجوال

للعلم: حتى لو كلمت حد بالجوال إيش بتقوله؟ هي وين؟ ما تعرف تقرأ اللوحات اللي على الشارع؟

هالدريول ما يعرف عربي ولا يعرف يسأل حد

الله يعين عيالها على عيالهم إذا امتد بيهم العمر وكبروا

[غناتي1]

ما ندري عن ظروف الناس

الله يجزاك خير اللي ساعدتها وحظها الطيب قطك في طريقهم

الله يكثر من امثالك

وهاذي الهقوة في عيال بلادي

[simsim1963]

لا حول ولا قوة الا بالله

[بلاهويـــــة]

جزاك الله خيرا

[ABDALAZiZ]

جزاك الله خيرر

[zeknon]

جزاك الله الف خير على كل اللي فعلتة
وبيض الله وجهك
والله يكتبها انشاء الله في ميزان حسناتك
او ماقصرت
الطيب فرصة والمراجل توافيق ومن لاتوفق ماكتبلة جمالة

[بنQATARت]

الله يعينها ماتستاهل

جزاك الله خير اخوي على مساعدتها

[ســـهم]

جزاك الله خير في ميزان حسناتك
ليه معند لدريول تلفون او العجوز عندها تلفون يسجلون عليها ارقامهم مثل ها الوقت الله يسامحهم بناتها واولادها والله عورت قلبي

الدريول مايعرف يتكلم عربي وشكله حتى هندي مايعرف :eek5:

مسكينه ..كسرت خاطري

سهم بعض العجايز الله يهديهم روسهم قويه..ومايبون يحسون

انهم عبء على عيالهم ..او يحبون يكونون على كيفهم وانهم

مازالوا في أوج قوتهم..ويمكن عندها عزبه ورايحه تشوف حلالها..!!


انا عمتي ام زوجي الله يرحمها..ما كانت تخلي شبر ما تروح له..عادي يعني

الامر ..بس هالعجوز المفروض يكون عندها جوال للضرورة..

متى ما صار شي اتدق على عيالها..


:)


لكن ايضا هذا سبب غير مقنع على الاقل يكون وياها احد الاطفال الكبار شوي

بس ماحصلت جواب لتساؤلي ؟!

[دلة الرسلان]

اخوي سهم اشرايك بالدريول اللي يساند العجوز ايلين يوصلها باب البنك وهي متجوده في يده

هاذي وين عيالها وبناتها يوم يخلون اجنبي يمسك امهم ويصعدها العتبات وينزلها حتى لو راس

الوالده يابس يصبر الواحد على امه ولا يكون عاق وقاسي .

[k__]

الله يعينها العيوز

[سداوي&مدريدي]

والله مسكينه تبي تروح السد ولقت نفسها في آخر الدنيا

والسبه الدريول :anger1:

الله يكون في العون

جزاك الله خير أخوي سهم

:nice:

[ســـهم]

تكسر الخاطر

الله يعينها وربي ماتستاهل

جزاك الله خير اخوي على مساعدتها


مسكينة وين عيالها عنها لا حول ولا قوة الا بالله

أخوي ربي يوفقك ويجزيك الف خير يالغالي


جزاكم الله خيرا

سوق واقف وهذا سؤالي ايضا ..

[Thamer_Qat]

هلا والله اخوي سهم

لو هذي العجوز امي والا جدتي كان حطيتها على راسي ودرت بها من مكان لمكان ولا اخلي اي سايق يوديها بروحها اي مكان لو قريب

الله يرحم امي وايد قصرت بحقها كانت تروح وتجي ويا الدريول واحنا لاهين عنها باشغالنا وعيالنا ونسينا حقها علينا ، الله يسامحنا ويغفر لنا ان شاء الله سواء انا والا اخواني وخواتي


ونفس الشي يوم بتتوفى هالعيوز المسكينه راح يقولون عيالها ياريت ترجع امنا وبنوديها كل مكان ولا بنخليها بروحها مع شغالة ودريول

الله يسامحهم ويهديهم ويهدينا وياهم

باروح أشوف أمي يمكن تبي تروح مكان ولا شي بس طبعا عقب ما اطلع عيالي ومرتي وأوديهم كل مكان وانشالله الحق ما أتأخر:tease::shy: على امي العيوز قبل لاتنام

[فيزيائية]

زين ماسوا فيها شي ............:anger1:

والله حرام عليهم يخلونها بروحها وين النخوة؟؟؟:weeping:

[التيما]

لا حول ولا قوة الا بالله .. والله حرام على اعيالها عالاقل يكون عندها جوال .. الحمد لله ماعندنا دريول ..

[غزلان]

مسكينه موقف مؤلم
الأم على تعبها وتربيتها اخر عمرها تهمل مع سواق

جزاك الله خير على موقفك

[яέέⓜ]

محد يحس بقيمه اللي عنده
الا اذا فقده......

اللهم ادم رضى والدينا عنا
واعنا على برهم

ربي يخليك ياسهم
لكن المصيبه لو انت مامريت هذاك اليوم؟؟!!
يعني محد فقد هالعيوز؟
ياويلهم من ربهم

[sh50]

اللة يجزيك خير وكثر من امثالك0

[Qa6ar]

حسبي الله على عيالها وينهم منها

جزاك الله خير اخوي سهم وجعله بميزان حسناتك

[ALKASER]

لا حول ولا قوة الا بالله

الله يسهل امورها كلها يا رب

[نبـــــراس]

بعض العيال يتسخرون حق الغريب اكثر من القريب او الاهل بالذات

الله يكون بالعون .. وجزاك الله كل خير

[barod]

جزاك الله خير على موقفك

[بنت الدوحه]

بعض العيال يتسخرون حق الغريب اكثر من القريب او الاهل بالذات

الله يكون بالعون .. وجزاك الله كل خير



صدقتي والله يا نبراس

مع الغريب مايتأخر لو لحظه في مساعدته وتلبية رغباته

لكن مع الاهل الله يعين

جزاك الله خير اخوي سهم

[أمير المحبه]

جزاك الله الف خير يالغالي
وبي يوم تحتاج مساعده من اي حد
وربي بيساعدك مثل ماساعت هالاعجيز المسكينه

[ســـهم]

مفروغ من أمر ضيعها وعودتها.

لكن،هالعجوز يلزمها(مَحْرَم)؟!!!.

تحياتي،،.


هذا سؤال آخر

الله المستعان ...

[بدور]

عورت قلبي الحرمه

ماقصرت اخوي سهم معاهم

[رحيل]

سهم الله يعافيك على طرح هالموضوع ..

أنا أعرف ناس كانت عندهم عيوز الحين الله يرحمها ..

الله يسلمك هالعيوز ما يقدرون عليها كبيره في السن و صادها مرض الخرف الله يعافينا ..

كانوا ما يقدرون عليها عيالها ..

يوم يمسكون عنها السايق تاخذ تكسي من غير ما يدرون ..

بعد ما يقدرون الناس يربطون عيايزهم !!!

عاد انت ما تدري اش ظروف اهل هالعيوز يمكن ماخذه السايق من غير ما يدرون !!

[ســـهم]

مرحبا بجميع الاعضاء واتأسف على تأخر ردي

لكن مع تأخري لم أجد الرد المناسب لسؤالي

والذي ذيلت الموضوع به :(

عموما الشكر للجميع المشارك والزائر

واسئل الله أن ينفعنا ببر والدينا ..