قطعت إشارة حمرا :( [الأرشيف] - منتديات شبكة الأسهم القطرية

مشاهدة النسخة كاملة : قطعت إشارة حمرا :(

sad-o-bas

29-10-2008, 08:05 AM

السلام عليكم..

من كم يوم قطعت إشارة حمرا (سهوا، بدون لاحادث ولاتجاوز للسرعة) ، وللأسف سمعت إن الكيمرا تصور فيديو، يعني مافي أمل يكون فيه تخفيض حتى في قيمة المخالفة..

الحمد لله، الذي لايحمد على مكروه سواه..

الي آبي أعرفه، قيمة المخالفة.. سألت شرطي قال لي 6000 ريال مع 7 نقاط، وأمس رحت الجوازات، ولقيت لافتة فيها ان المخالفة من 10000 وطالع..
أشيك المخالفات وللحين ماحطوا شيء فالموقع..
عندي سؤالين بما ان خبرتي متواضعة في هالمجال
1- كم يوم تاخذ هالمخالفة لين تنزل في السستم؟
2- وقيمة المخالفة، 10 آلاف أو 6 آلاف؟

أنتظر ردودكم..

383 STROKER

29-10-2008, 08:08 AM

اخوي الكاميرا ما تصور فيديو!

عاشق الشهادة

29-10-2008, 08:08 AM

Abu Deeb

29-10-2008, 08:08 AM

تاخذ اسبوع ياخوي وهي 6000 ريال وسبع نقاط

almaf1a

29-10-2008, 08:10 AM

اول شئ حبيبي كم فلاش ضرب
فلاش واحد موضوعك خالص وماعليك شئ ان شاء الله
3 فلاشات الله يعينك
6000 ريال و6 نقاط
مره اخوي صارله نفس الموضوع وقاله الضابط انا شغلت الفيديو لو انك وقفت او حاولت ترجع
او ما بين الاستهتار كان خليتها لك 1000 ريال اظن
وفي الغالب 3000 ريال تدفعها
السالفه مخربطه الصراحه مافي قانون ثابت لمثل الموقف الي مريت فيه

فتى الجود

29-10-2008, 08:10 AM

أخوى المفروض تاخذ لها يومين وبحد أقصى أسبوع

ومطراش يطرش لك مسج بالمخالفة

لكن لاتوقظ اللوه
أسكت عنهم
ومن وقت ألى وقت شييك وأذا مافي شي

الله حابك

وبالنسبة ولو سمح الله نزلت لك المخالفة
بتكون 6000 ريال وما أدري عن النقاط

فارس الكلمة

29-10-2008, 08:10 AM

قيمة المخالفة تغيرت من عشرة آلاف .. إلى 6000 ريال ..

نزول المخالفة في الشاشة ..يعتمد على سرعة إدخال البيانات بعد تحصيلها و تجميعها من أماكن

وقوع هذه المخالفات ..

الله يعوض عليك .. و الحمد لله أنها جاءت سليمة و بدون حوداث ..

Qatar4all

29-10-2008, 08:15 AM

الكاميرا فيها تصوير فيديو ... وفي العادة تاخذ من يومين الى اربع ايام عمل .
وقيمة المخالفه 6000 ريال
وانشاء الله ما تنزل المخالفه (مرات ايش يصير تكون سيارتين قاطعين الاشاره وانت تكون قبل السياره اللي وراك فيتم تصوير اللي وراك وهو ياكل المخالفه... آخر واحد هو اللي ياكلها)

بنت المنتدى

29-10-2008, 08:29 AM

صباح الخير ..

المخالفه هي 6000 ريال ،،

اممممممم

فالك طيب يا اخوي افا عليك والله

السامـي

29-10-2008, 08:54 AM

فالك طيب يا اخوي افا عليك والله
...:)...

ودي أكون

29-10-2008, 09:06 AM

صباح الخير ..

المخالفه هي 6000 ريال ،،

اممممممم

فالك طيب يا اخوي افا عليك والله

عيل ايدج عالشنطه وقرقشي 6000 :tooth:

ابن قطر

29-10-2008, 09:26 AM

ان شاء الله ما في شي

fahad ..gh

29-10-2008, 09:33 AM

اخوى وين صادك الرادار؟؟؟
و الله يعينك ..

jajassim

29-10-2008, 09:44 AM

المخالفة 6000 ريال

و 7 نقاط

ويمكن فلاش او فلاشن او 3 ،، :victory:

والكاميرا تصور فيديو ،، :playball:

والله يحفظك ،، :nice:

بنت المنتدى

29-10-2008, 09:53 AM

عيل ايدج عالشنطه وقرقشي 6000 :tooth:

تفداه والله

وتم التفاهم معه بالخاص :)

fhd4

29-10-2008, 10:00 AM

الله يسلمك المخالفة 6000 .. اذا ما تسببت بحادث ... + 7 نقاط ...

والحمدلله انها جات سليمة ... لأنه قطع الاشارة الحمرا ... والتسبب في حادث ... يتحول للمحكمة ... وللقاضي انه يحكم بغرامة من 10 آلاف إلى 50 ألف ... أو السجن من أسبوع إلى 6 شهور ... أو الغرامة والسجن معا ...

غناتي1

29-10-2008, 10:03 AM

الله يعمي هالكيمرة عنك وان شاء الله ما تكون اشتغلت

وما تنحسب عليك مخالفة

بس اخذ حذرك في المرات الجاية

الله يستر عليك

sad-o-bas

29-10-2008, 10:10 AM

السلام عليكم..
يعطيكم ألف عافية شباب وبنات على تعاونكم وردودكم السريعة الي نورتني بصراحة..

QUOTE]

اخوي الكاميرا ما تصور فيديو!
للأسف تصور، هذا كلام الظابط والشرطي الي سألتهم..
أخوي ما أدري إذا شفت الكيمرات على إشارات عبدالغني، (السيفين)، قبل لبنوك في شارع حمد الكبير، الي يقهر إنه أكثر من مرة كنت أسأل أقول هالكيمرات حاطينها ديكور، واطلعت تحبل لي :rolleyes2:

انا ماعندي خلفيه بالنسبه للمخالفه وقيمتها ,
بس سؤالي الجوازات ايش سالفتهم مع مخالفات المرور ...
أعتقد في تعاون بين الإدارات، ومن باب نشر الوعي المروري.. إذا الدورارت والإشارات ماسلمت منهم ومن إعلاناتهم >> ماكل على روحه حصى!

تاخذ اسبوع ياخوي وهي 6000 ريال وسبع نقاط
يعطيك ألف عافية أخوي، شاكر لك طلتك وتعقيبك..

اول شئ حبيبي كم فلاش ضرب
فلاش واحد موضوعك خالص وماعليك شئ ان شاء الله
3 فلاشات الله يعينك
6000 ريال و6 نقاط
مره اخوي صارله نفس الموضوع وقاله الضابط انا شغلت الفيديو لو انك وقفت او حاولت ترجع
او ما بين الاستهتار كان خليتها لك 1000 ريال اظن
وفي الغالب 3000 ريال تدفعها
السالفه مخربطه الصراحه مافي قانون ثابت لمثل الموقف الي مريت فيه
ما أعتقد إن السالفة فيها لخبطة كثر ماهي مراعاة لظروف الناس، والله إن أغلب الشباب في المرور متعاونين، ويقدرون ظروف المواطنين.. الله يعطيهم الصحة والعافية..

أخوى المفروض تاخذ لها يومين وبحد أقصى أسبوع

ومطراش يطرش لك مسج بالمخالفة

لكن لاتوقظ اللوه
أسكت عنهم
ومن وقت ألى وقت شييك وأذا مافي شي

الله حابك

وبالنسبة ولو سمح الله نزلت لك المخالفة
بتكون 6000 ريال وما أدري عن النقاط
تقريبا أنا الحين في ثالث يوم، وللحين ماجاني شي.. وإن شاء الله مايكون فيه شيء، وإذا كان فيه شيء، قدر الله وماشاء فعل..
مشكور أخوي على النصيحة وفي ميزان حسناتك إن شاء الله..

قيمة المخالفة تغيرت من عشرة آلاف .. إلى 6000 ريال ..

نزول المخالفة في الشاشة ..يعتمد على سرعة إدخال البيانات بعد تحصيلها و تجميعها من أماكن

وقوع هذه المخالفات ..

الله يعوض عليك .. و الحمد لله أنها جاءت سليمة و بدون حوداث ..
أخوي فارس، كفيت ووفيت، وشاكر لك شعورك الطيب.. ويعطيك العافية على المعلومات الحلوة..

الكاميرا فيها تصوير فيديو ... وفي العادة تاخذ من يومين الى اربع ايام عمل .
وقيمة المخالفه 6000 ريال
وانشاء الله ما تنزل المخالفه (مرات ايش يصير تكون سيارتين قاطعين الاشاره وانت تكون قبل السياره اللي وراك فيتم تصوير اللي وراك وهو ياكل المخالفه... آخر واحد هو اللي ياكلها)
يعطيك العافية على التعقيب المفيد.. أخوي بالنسبة للإشارة ماكان فيه غيري فالتقاطع، والحمد لله ان ماكان في غيري، ولا رحت وطي! الحمد لله مليون..

صباح الخير ..

المخالفه هي 6000 ريال ،،

اممممممم

فالك طيب يا اخوي افا عليك والله
صباح النور.. أصيلة يابنت المنتدى وفيج الخير والله وشاكر لج موقفج.. الله يجزاج ألف خير والله يرزقج إنتي ووالديج الجنة قولي آمين..

...:)...
مشكور أخوي على المرور والتعقيب..

عيل ايدج عالشنطه وقرقشي 6000 :tooth:
الإخت بنت المنتدى ماقصرت وتبي تساعد.. الله يعطيها على قد نيتها ويوفقها دنيا وآخرة.. وع العموم مشكورة إختي على المرور..

ان شاء الله ما في شي
الله يسمع منك، ومشكور يالغالي على المشاركة..

اخوى وين صادك الرادار؟؟؟
و الله يعينك ..
إشارات عبدالغني (إشارات ليالي الدوحة)، (السيفين)، قبل لبنوك في شارع حمد الكبير..

المخالفة 6000 ريال

و 7 نقاط

ويمكن فلاش او فلاشن او 3 ،، :victory:

والكاميرا تصور فيديو ،، :playball:

والله يحفظك ،، :nice:
ويحفظك يالغالي.. الحمد لله انها جات على ال7 نقاط وال6000 ريال.. مب على شغلات أكبر..

============================

يعطيكم ألف عافية.. ولساني والله عاجز عن التعبير..
ماتوقعت تفاعلكم يكون بهالسرعة.. الله يجزاكم ألف خير، ويبعدكم عن كل شر..
اللهم آميــن..