ويش سوى الشيبه مع مخالفات المرور

[ابوالكلام]

كنت في مرور المعمورة لاأمر وطبعا ودايما دفع فلوس,الا بذالك الرجال الي يتروح عمره بين ال55 وال65سنه,الرجال عنده بيك اب نيسان قديم موديل تقريبا 1995 والرجال يستخدم هاذا البيك اب علشان يخلص اشغاله في سوق الخضره او سوق الغنم,الرجال يسلك طريق سلوى شبه يومي حيث ان على الشارع كاميرا رادار ثابته من الجهتين اي الرايح والراجع,وقيمة مخالفاته كلها 34000 الف ريال من هاذا الرادرا الي يصيده دايما,وقعد يحاول معا الضابط انه يعفيه من هاذي المخالفات الا انا الضابط رفض وقال:مااقدر اسوي لك شئ لازم تدفع,قال الشيبه:الحين انا سيارتي لو ابيعها ما تجيب الاى نص قيمة هاذي المخالفات,رد عليه الضابط وقاله:مشكلتك لازم تدفع.:anger1:
قال الشيبه:خلاص انا السياره مابيها اخذوها بدل هاذي المخالفات وقام بوضع مفتاح البك اب على الطاوله معا اوراق الفحص الفني وطلع,الضابط يناديه تعال خذ مفتاحك واوراقك.الشيبه وهو طالع يقول لكم لكم ماابيها . ولارجع.وتوهقوا:(


يعني والحل معا هالمبالغ الضخمه للمخالفات.crazy

[بنت المنتدى]

الحل ان الواحد يحاسب وبلاش عبط :)

[ودي أكون]

يالله عورت قلبي والله ..

يعني ماحشموا الشيبه ولا حطوا له شيمه ..

وقسم بالله العظيم والله .. ان اي موظف وا مسؤال او ادراي او ضابط او مدير

والله لو يبي شي ولو يبي يساعد بيساعد وبيتجاوز والله ..

لكن مانقول غير حسبي الله ونعم الوكيل ..

ترا من غير الشياب والله مانسوى ..

[m_taha123]

نفس الموقف مع الوالد قاطع الاشارة الحمرا وانا قاعد اترجا الضابط ومافي فايدة لين دفعت 6000 ريال نقدااااااااااااااا ولا شفنا الفيديو وللحين الوالد مصر الاشارة الحمرا فيها خطأ

[simsim1963]

يالله عورت قلبي والله ..

يعني ماحشموا الشيبه ولا حطوا له شيمه ..

وقسم بالله العظيم والله .. ان اي موظف وا مسؤال او ادراي او ضابط او مدير

والله لو يبي شي ولو يبي يساعد بيساعد وبيتجاوز والله ..

لكن مانقول غير حسبي الله ونعم الوكيل ..

ترا من غير الشياب والله مانسوى ..
الشيبه ليش ما يحاسب دايس على القانون وهو يعرف انه فيه رادار المفروض يكون هالشايب قدوة للأخرين بس شكله دايس على النظام من كان شباب والمثل يقول ابو طبيع ما يغير طبعه :anger1:

[فارس الكلمة]

الحل .. في تصوري .. هو تقسيط المبلغ .. إذا لم يكن إلغاء هذه

المخالفات .. مع توقيع تعهد عليه ..

[ودي أكون]

الشيبه ليش ما يحاسب دايس على القانون وهو يعرف انه فيه رادار المفروض يكون هالشايب قدوة للأخرين بس شكله دايس على النظام من كان شباب والمثل يقول ابو طبيع ما يغير طبعه :anger1:

حرام عليك .. المفروض يتم اعفاء كل من يتجاوز عمره عن 50 او 55 سنه ..

شيبه يمكن ساهي او نظرة خفيف او حارقين قلبه لعيال او او او .. :anger1:

لا حول ولا قوة الا بالله ..

[diab911]

القانون قانون

[الزعفراني82]

يا شباب و شابات عاشن ما يزعلون

بعض كبار السن لين الحين ما يعرفون شنو رادار و من هالسوالف و بعضهم لو تقول له هذا رادار او لازم تلتزم بقوانين المرور يمكن يكفخك

اعتقد افضل شي كبار السن ابنائهم يوفرون لهم سواقين او يعلمونهم دورات تدريبه خاصه من ناس قراب من سنهم

الحل حق هالشيبه يقدم كتاب بأسقاط المخالفه و مدير المرور او مدير قسم الرادار يقدر يساعدونه بأسقاط بعض او قسم او حتي كل المخالفات

[SomeOne]

حرام عليك .. المفروض يتم اعفاء كل من يتجاوز عمره عن 50 او 55 سنه ..

شيبه يمكن ساهي او نظرة خفيف او حارقين قلبه لعيال او او او .. :anger1:

لا حول ولا قوة الا بالله ..

ليش حرام ،، اذا قتل حد ،، مين يتحمل المسؤلية :telephone:

[د. ضبحان]

لو لي سلطة في المرور كان حذفت كل المخالفات اللي عليه

مثل ما يحذفون حق غيره

احتراما لكبر سنه وشيبته

:shy:

[hamoor4ever]

حذفو حق ناس وايد وهم قاصدين وشباب وبمبالغ اكبر ، جات عليه الشيبه مسكين اللي مايدري شالسالفه

[سهم طايش]

و الله الحل بسيط جدا

( لاااااااااااااا تسرع )

و بس

[simsim1963]

رأي الزعفراني سليم ... لأن المشكله الشايب اذا ساق السيارة ممكن يعدم عائله كامله وهو مسرع وييتم اسرة ويحرمها من ابو او ام او ابن او ابنه ... المفروض من المرور ما يشلون منه المخالفات لكن يعملون قانون أختبار للشياب الي يتعدون سن ال 65 ويتأكدون هل هم قادرين على السواقه والمفروض كل سنه

[هام السحاب]

لو الريال واصل او سيارته كشخه جان اعفوه من المخالفات مثل ما اعفوا غيره

[بوشهاب]

افضل حل في رايي

اعفاءه من المخالفات

بالمقابل سحب رخصة السواقة منه نهائيا حفاظا على ارواح المواطنين والمقيمين

[SomeOne]

يفضل سحب رخصته ،، مع اعفاءه من الغرامة ،،

[سوق واقف]

أشارة الجامعه فيها خطأ متأكد مليون في المية

[سوق واقف]

حذفو حق ناس وايد وهم قاصدين وشباب وبمبالغ اكبر ، جات عليه الشيبه مسكين اللي مايدري شالسالفه

اخي العزيز أنا أختلف معاك والله الردار لو ايش تسوي محد يقدر يحذفه مستحيل ومن مليون المستحيلات

[سوق واقف]

لو لي سلطة في المرور كان حذفت كل المخالفات اللي عليه

مثل ما يحذفون حق غيره

احتراما لكبر سنه وشيبته
كلام غير سليم
:shy:
كلام غير سليم
حتى مدير المرور ما يقدر يشيل الرادار
اسمحولي كلامكم خطأ

[الزعفراني82]

زين هالشيبه تتوقعون عنده مقدره ماديه انه ياخذ له سواق يسوق بداله ؟

او هل من ممكن تعليمه قوانين المرور من اول و جديد و تغيير تفكيره في السواقه ؟

حبيت اقولكم ان الوالد الله يحفظه عمره الحين 64 سنه و صاده الرادار 3 مرات من نفس المكان و يوم علمته قلت له هذا رادار لا تسرع اكثر من هالسرعه لين الحين ما صاده اي رادار

تتوقعون هال كبار السن يتقبلون هالنصائح بخصوص السواقه و بعضهم يسوق اكثر من 40 سنه ؟

تحياتي

[سعادة الوزير]

اول شي ، الرجاء منكم انكم تسمعون كلامي عدل ، ولاتاخذكم الحمية.

المعروف ان المخالفات المرورية هي بالاساس رادع للمخالفه بحد ذاتها ، يعني الاصل هو انك ما تخالف ، واذا خالفت تعاقب بدفع مبلغ معين عشان ماتخالف مره ثانية ، اعتقد الكل متفق معاي في هالنقطة.

طيب واذا خلو الواحد يخالف 600 مره بدون ماتتحصل منه اي مبالغ ، ولا حد يعلمه انه خالف ، شلون راح تكون المخالفه رادع له؟؟؟؟ .. في هالحالة تغير سبب تحصيل المخالفات من "رادع" الى "جباية اموال" فقط لا غير!!!

لذلك ، على ولاة الامر مراعاة ذلك ، واستبدال قوانين "جباية الاموال" بقوانين "حماية المجتمع".

وسلامتكم.

[دلة الرسلان]

:weeping: فضلا الشيبان خلوهم على جنب بعد ما هم الكل في الكل صرنا نطبق عليهم

القوانين ونقول مساواه .

[k__]

مسكين الشيبة الله يعينة بس أكيد عندة اولاد يعينونه

[halcrow]

في حل يكتب كتاب يلتمس فيه العذر وكبر السن لوزير الشؤون الداخليه ....

وظن هو الي بيده القرار ولا تحملون الضباط اخطاء الاخرين والقانون مثل ماتخبرون ماحدد فيه العمر , لانه اذا ابتدى الاعفاء وصبح الشيبه هو المنفذ ,صدقوني بيزدحم اداره المرور بالشياب لتسديد مخالفات ابنائهم الطايشين

[الزعفراني82]

في حل يكتب كتاب يلتمس فيه العذر وكبر السن لوزير الشؤون الداخليه ....

وظن هو الي بيده القرار ولا تحملون الضباط اخطاء الاخرين والقانون مثل ماتخبرون ماحدد فيه العمر , لانه اذا ابتدى الاعفاء وصبح الشيبه هو المنفذ ,صدقوني بيزدحم اداره المرور بالشياب لتسديد مخالفات ابنائهم الطايشين

كلام منطقي

[مرحوم قطر]

انا دفت 10 الاف ريال مخالفات

بس صراحه

قانون جيد

ماتلاحظون ان قلة الحوادث

ما تلاحظون ان قل الاستعراض و قلة المشاكل المروريه

صحيح ما انتهت بس قلت

ولا انا غلطان

؟.؟

من وجهة نظري قانون صارم و ناجح ميه ميه

[غناتي1]

وانا معاك

الشيبه ليش ما يحاسب دايس على القانون وهو يعرف

انه فيه رادار المفروض يكون هالشايب قدوة للأخرين بس

شكله دايس على النظام من كان شباب

[السامـي]

وقيمة مخالفاته كلها 34000 الف ريال .

هالحين ليش توصل مخالفاته لهالمبلغ وما حد يبلغه...هنا الغلط.:anger1:

[Qatar4all]

بصراحه ادارة المرور لازم يكون عندهم حد معين لمبلغ المخالفات ومن عقبها لو كان الشخص غير مشترك في خدمه مطراش، يتم الاتصال بالشخص ... ما أتوقع عدد الغير مشتركين كبير ووصلوا الحد مثلا نقول 10000 من الخالفات، يتصلون بالشخص لتنبيهه وبالذات اذا لاحظو ومن خلال الصورة انه في نفس الموقع ..

[اللورد]

القانون قانون
:nice:
كلام سليم
وقائد السياره مهما كان عمره عليه الإلتزام بقانون المرور والسلامة

[ناصر العمادي]

كلنا نتعاطف مع شيابنا ... ولكن في مثل هذه الأمور لنترك العواطف جانبا ولنفكر ونتكلم بالمنطق والعقل ..
الشيبه هذا لو أسقطوا عنه المخالفات هل سيلتزم بالقانون ..؟؟؟؟؟
ممكن يخالف مره ثانيه ويقول بيسقطونها مثل المره الأولى !!!!!!!!!
أولاده هل سيلتزمون بالقانون لو شافوا أبوهم يخالف وتسقط عنه المخالفات ؟؟؟؟؟
لو تم أعفاءه من المخالفات ..هل يمكن منعه من الضرر بنفسه او الغير بسبب عدم التزامه بالقوانين ؟؟؟؟
لو كان سنه لايسمح له بالسياقه او معرفة القوانين والألتزام بها فمن الأفضل أن لايقود السياره حفاظا على حياته وحياة الأخرين ..

ولاننسى أذا تم التساهل بالقانون مع شخص فسنرى التساهل مع غيره وغيره الى أن يفقد القانون أحترامه وقوته ..!!!

والله يساعده ويعوضه خير أن شاء الله

يعطيك الصحه والعافيه على الموضوع

الله يوفقك ويسعدك ويرضى عليك دنيا وأخره ..اللهم آمين

تقبل تقديري وأحترامي لك

[فيزيائية]

لو هالشيبة دايس له آدمي بتقولون شلوا عنه الدية؟؟؟


مشكلتنا عاطفيين زيادة عن اللازم :anger1:

[سعادة الوزير]

اكرر مره ثانيه ، المشكلة مب في القانون ، المشكلة في آلية تطبيق القانون.

ادارة المرور ليش نايمين في العسل ومخلين المخالفات تتراكم لين وصلت 34 الف؟؟ لو قلنا الرادار الواحد 500 ريال (ماعتقد انه مسرع بشكل جنوني ) معناتها 68 مخالفه!! .. يعني معقوله سيارة وحده توصل مخالفاتها لحد 68 مخالفة ومحد ينبه سايقها؟؟؟؟ وين الجانب التوعوي؟؟ وين الجانب الوقائي؟؟؟ .. بصراحة هذا اكبر دليل ان العملية هي عملية "جباية اموال" ومش عملية منع حوادث كما ذكرت سابقاً.

انتو تناقشون هل الشيبه غلطان او لا ، وهذا الجانب مايصح فيه النقاش لانه امر مفروغ منه ، الي يخالف القانون يصير غلطان ، المشكلة هو اهمال الغلط والعمل على جباية اموال المخالفات فقط.

[diab911]

اكرر مره ثانيه ، المشكلة مب في القانون ، المشكلة في آلية تطبيق القانون.

ادارة المرور ليش نايمين في العسل ومخلين المخالفات تتراكم لين وصلت 34 الف؟؟ لو قلنا الرادار الواحد 500 ريال (ماعتقد انه مسرع بشكل جنوني ) معناتها 68 مخالفه!! .. يعني معقوله سيارة وحده توصل مخالفاتها لحد 68 مخالفة ومحد ينبه سايقها؟؟؟؟ وين الجانب التوعوي؟؟ وين الجانب الوقائي؟؟؟ .. بصراحة هذا اكبر دليل ان العملية هي عملية "جباية اموال" ومش عملية منع حوادث كما ذكرت سابقاً.

انتو تناقشون هل الشيبه غلطان او لا ، وهذا الجانب مايصح فيه النقاش لانه امر مفروغ منه ، الي يخالف القانون يصير غلطان ، المشكلة هو اهمال الغلط والعمل على جباية اموال المخالفات فقط.



:thumbup::thumbup::thumbup::thumbup::thumbup:




كلام منطقي لازم يكون في توعيه

[hamoor4ever]

صح ، وين الاداره ليش مااتصلوا فيه عقب ماتكررت مخالفاته يمكن الرجال مايدري بسرعه الشارع لازم يكون فيه تنبيه يعني لو الريال استمر على هالشي هل بيكون مصيره السجن ؟؟ اكيد الشيبه مايدري مب معقول يدري ويتعمد ويخالف

[الباش مهندس]

اول شي ، الرجاء منكم انكم تسمعون كلامي عدل ، ولاتاخذكم الحمية.

المعروف ان المخالفات المرورية هي بالاساس رادع للمخالفه بحد ذاتها ، يعني الاصل هو انك ما تخالف ، واذا خالفت تعاقب بدفع مبلغ معين عشان ماتخالف مره ثانية ، اعتقد الكل متفق معاي في هالنقطة.

طيب واذا خلو الواحد يخالف 600 مره بدون ماتتحصل منه اي مبالغ ، ولا حد يعلمه انه خالف ، شلون راح تكون المخالفه رادع له؟؟؟؟ .. في هالحالة تغير سبب تحصيل المخالفات من "رادع" الى "جباية اموال" فقط لا غير!!!

لذلك ، على ولاة الامر مراعاة ذلك ، واستبدال قوانين "جباية الاموال" بقوانين "حماية المجتمع".

وسلامتكم.




عين العقل
المفروض يتم تنبيهه وتنبيه الي نفس حالته

[وطن]

انا دفت 10 الاف ريال مخالفات

بس صراحه

قانون جيد

ماتلاحظون ان قلة الحوادث

ما تلاحظون ان قل الاستعراض و قلة المشاكل المروريه

صحيح ما انتهت بس قلت

ولا انا غلطان

؟.؟

من وجهة نظري قانون صارم و ناجح ميه ميه


وين قلت الحوادث !!!

أمس تريلا منسدحه في تحويلة راس بو عبود

واليوم مريت على حادثين !!

[bus3od]

انا دفت 10 الاف ريال مخالفات

بس صراحه

قانون جيد

ماتلاحظون ان قلة الحوادث

ما تلاحظون ان قل الاستعراض و قلة المشاكل المروريه

صحيح ما انتهت بس قلت

ولا انا غلطان

؟.؟

من وجهة نظري قانون صارم و ناجح ميه ميه

الله يهداك بالعكس اعتقد زادت بس مب من القانون إلا من الزياده السكانيه و زيادة الوافدين الى الدوله
والله العظيم أني كل اسبوع أشوف من 3 إلى 4 حوادث ( خشنه) غير الحوادث البسيطه و قبل ماكنت أشوف هالحوادث
قانون صارم نعم ، بس ناجح لا

و بالنسبه للشيبه مسكين الله يعينه شيسوي لازم يلتزم بالقانون مع أني تمنيت لو الضابط تساهل معاه شوي

مشكووور اخوي عالموضوع

[jajassim]

للأسف ،،، بعد التحري في المرور ،، لم نجد اى شخص عليه كل هذه المخالفات ،، بافتراض ،، 34000 ريال قيمة المخالفات ،، مايعادل 68 مخالفة و 272 نقطة ،،

فارجو من صاحب الموضوع ،، ذكر رقم السيارة ،، او يوم الحدث والساعة ، او على الاقل ذكر اسم الضابط ،، اللي يقصده ،،، :telephone:

[مرحوم قطر]

صراحه انا عن نفسي دفعة 10,000

و من يومها و لين اليوم و انا ما اقطع اشاره

ولا اركب رصيف و لا اتجاوز ولا اسرع

و هلكلام الحين من طلعة سنويه اذا ماخنتني ذاكرتي قريب السنه تقريباً

لين اليوم ما علي ولا مخافه وحده


السبب لشدة القانون

10 الاف اقدر ادفعها و ماتتحرك ميزانيتي

بس فكرت فيها و قلبتها في مخي اشتغل و احك و اكرف و اتعب في هلميادين

و في الاخير احطها حق المرور لا و الله ماتستاهل

قبل اذا متاخر عن الدوام اطوف الاشاره لان غرامتها ساهلات ولا افتكر

اما الحين لا اوقف لان غرامتها 6000 ريال و ترى 6000 ريال اتعيشني شهر كامل

ليش اقطها في المرور و انا اولابها

هذا تفكيري بعد ما تطبق القانون ولا يوم نزل كنت نفس الشي اقول لا و بوق و نصب و احتيال و بس يبون فلوس من الشعب

و وايد من ربعي نفس الشي

على سبيل المثال قبل شباب مرافس و دعس الحين يقول اتاخر اشوي ولا اني ادفع دم قلبي مخالفات

يعني هذا الي انا اشوفه و مادري عن الي تشوفونه انتوا بس انا تكلمت يعني بصراحه و قلت الي عندي


هذا الي قصدته ابردي الاول

[سلامي للكل]

لو يدخــل على بوسعــد, مايقصــر معاه :nice:

والله يعينه

[سهم مديون]

القانون على الصغير والكبير مافيه أحد اخير من أحد:thumbup1:

[Riku3]

في مكتب في شرطة المعمورة للتظلم وطلب الترحم في المخالفات المرورية .. اتذكر ان اسم المسئول هو "جمــــال" بس ما اذكر شنو رتبته ..

ويوم رحت هناك اعترض على احد المخالفات لقيت شخص عليه اشارات حمراء كثيرة من دريول شارد واخرتها شالها له جمال وخلاها اشاره واحدة فقط ..

هذا غير باقي المعترضين وكان يرد عليهم ... خالفت .. روح ادفع ! .... بس لو فهم الحاله تراه رجال طيب وان شاء الله بيساعد :) .

هالكلام من سنة تقريباً .

بس بشكل عام ... المخالف مخالف شيبه والا شاب .

[ابوالكلام]

ومره كنت في سكوتلند رحله عمل ولا قاعدين يسولفون ولا يقول واحجد اتعرف ان مخالفة قطع الاشاره تساوي عندنا 1000 باوند.

مما قامو يسألوني وقلت نعم
والكل استغرب.

[السامـي]

للأسف ،،، بعد التحري في المرور ،، لم نجد اى شخص عليه كل هذه المخالفات ،، بافتراض ،، 34000 ريال قيمة المخالفات ،، مايعادل 68 مخالفة و 272 نقطة ،،

فارجو من صاحب الموضوع ،، ذكر رقم السيارة ،، او يوم الحدث والساعة ، او على الاقل ذكر اسم الضابط ،، اللي يقصده ،،، :telephone:

وشرأيك يا (ابو الكلام).:telephone:

[jajassim]

للأسف ،،، بعد التحري في المرور ،، لم نجد اى شخص عليه كل هذه المخالفات ،، بافتراض ،، 34000 ريال قيمة المخالفات ،، مايعادل 68 مخالفة و 272 نقطة ،،

فارجو من صاحب الموضوع ،، ذكر رقم السيارة ،، او يوم الحدث والساعة ، او على الاقل ذكر اسم الضابط ،، اللي يقصده ،،، :telephone:

ما رديت على طلبي وعالخاص يا أخي الفاضل مازلت أنتظر ردك ،،، :telephone:

[غــ Q6R ــلا]

الحل ان الواحد يحاسب وبلاش عبط :)


وانا معاج

[الطيبة كلها]

لازم يحاسب جان سوى حادث وماتوا ناس في فرق اذا اللي دعمهم شيبه والا شاب

[جير قطر]

القانون يمشي على الكبير والصقير
القانون يمشي على الشايب والشاب
القانون يمشي على الرجل والمرأة

[سعادة الوزير]

مرة ثالثة اقول لكم ، المسؤولية تقع عليه ، وعلى المرور بعد ، وين الجانب التوعوي في الموضوع؟؟ .. ما اتكلم عن الجانب الاعلامي ، اقصد ليش محد يكلمه وينبهه من اول مخالفه؟؟ ليش المرور يراكمون علينا المخالفات ومايهتمون باعلام الشخص انه خالف ويشرحون له مخالفته عشان ينتبه ومايخالف مره ثانيه؟؟ .. طبعاً واضح ان الموضوع فيه "تعب زياده" عليهم وهم يفترضون ان المخالفات بتندفع في كل الحالات ، فا ليش يتعبون؟؟

واكرر ، انا ما ابرر خطأ السايق ، في الاول والاخير هذي مخالفه للقانون ويجب معاقبته بموجب القانون.

[بوحارب]

الحين هالكلام اكيد ولا لا ؟؟؟

عشان انعلق على الموضوع عدل ^ ــ ^

ولا انوفر الكلام لموضوع ثاني احسن

[jajassim]

الحين هالكلام اكيد ولا لا ؟؟؟

عشان انعلق على الموضوع عدل ^ ــ ^

ولا انوفر الكلام لموضوع ثاني احسن

لي حد الآن ،،،،،لاء ،،، :deal: مافي داعي اى حد يعلق ،، :victory:

[naklan]

يسوون لنا ( اندر قراوند) بس مكيف وما نبي سيارات ولا مخالفات

[تايد]

يعني والحل معا هالمبالغ الضخمه للمخالفات.crazy


الحل هو عدم الوقوع في المخالفه مره أخرى !



يالله عورت قلبي والله ..

يعني ماحشموا الشيبه ولا حطوا له شيمه ..

وقسم بالله العظيم والله .. ان اي موظف وا مسؤال او ادراي او ضابط او مدير

والله لو يبي شي ولو يبي يساعد بيساعد وبيتجاوز والله ..


اختي الكريمه بنت المرحوم

انا ملاحظ ان الشرطه عندنا في قطر هم اكثر من يحترم الجمهور .. ولله الحمد

ومن ضمنهم فئه كبار السن (الشيبان)

وفي كثير من الأمور يتم التغاضي او التساهل فيها

لكن ركزي في الخبر فوق .. :deal:

يقولج ان هالشايب مخالفاته 34000

يعني شغله ماتترقع

كيف من الممكن التجاوز عن مخالفات بهذا الحجم ؟!!

نحسبها حسبه بسيطه ولو اني مش شاطر في الجغرافيا :rolleyes2:


وقيمة مخالفاته كلها 34000 الف ريال من هذا الرادار الي يصيده دايما crazy


لو فرضنا ان قيمه مخالفه الرادار 500 ر.ق

فـ معناته ان هالشايب ارتكب 68 مخالفه في نفس الشارع

بالله كيف يتم التغاضي عنه وهو كل يوم يعرض نفسه والآخرين للخطر ؟





يمكن ساهي:anger1:


اذا ساهي يشرب شاهي <--- الحين اكتشفت ان فيني ميول شعريه :shy:


او نظرة خفيف


اذا نظره ضعيف كيف يسرع ؟!!

هذا سبب آخر يجعله يقود بحذر مب يسرع !

بنت المرحوم

طبعآ احترم وجهه نظرك لكن اختلف كليآ معاها

[ابوالكلام]

رأي الزعفراني سليم ... لأن المشكله الشايب اذا ساق السيارة ممكن يعدم عائله كامله وهو مسرع وييتم اسرة ويحرمها من ابو او ام او ابن او ابنه ... المفروض من المرور ما يشلون منه المخالفات لكن يعملون قانون أختبار للشياب الي يتعدون سن ال 65 ويتأكدون هل هم قادرين على السواقه والمفروض كل سنه

انا معاك بس هو ماذبح احد خلاص صارت معاه 34000 الف مخالفات
هو المسأله مسألت سعر يعني مثل لوقيمة قطع الاشاره 100,000 راح نتقطع ولو 300,000 راح نتقطع ولو 500,راح تنقطع الأنسان غير معصوم عن الخطأ هاذ شارع واسواقه ونستعمله كل يوم.
وكما ذكر قيمة المخالفات 500 ريال يعني الرجال يسوق فس سرعته ال105 الى ال120 يعني يمكن يكون اعتياد سواقه
وانا ادري ان 90% منكم يسوقون في هالحدود وعند الرادار تخفون السرعه.
وهو مش غلط انا حاطو رادارت في كل الشوارع بس المشكله في سعر المخالفات
وأكيد ان مبلغ 1000 ريال ولا 2000 ريال يسوي خبر لزوجتي وعيالي
ويطعم عائلة السائق(الدريول) الي ارتكب هالمخالفه.الله عرفناه بالعقل.

تحياتي

[شيزكيك]

انا في رايي يدفع هالمره الي عليه وال يعينه ويركز مره ثانيه

[SomeOne]

للأسف ،،، بعد التحري في المرور ،، لم نجد اى شخص عليه كل هذه المخالفات ،، بافتراض ،، 34000 ريال قيمة المخالفات ،، مايعادل 68 مخالفة و 272 نقطة ،،

فارجو من صاحب الموضوع ،، ذكر رقم السيارة ،، او يوم الحدث والساعة ، او على الاقل ذكر اسم الضابط ،، اللي يقصده ،،، :telephone:


ما رديت على طلبي وعالخاص يا أخي الفاضل مازلت أنتظر ردك ،،، :telephone:


انا معاك بس هو ماذبح احد خلاص صارت معاه 34000 الف مخالفات
هو المسأله مسألت سعر يعني مثل لوقيمة قطع الاشاره 100,000 راح نتقطع ولو 300,000 راح نتقطع ولو 500,راح تنقطع الأنسان غير معصوم عن الخطأ هاذ شارع واسواقه ونستعمله كل يوم.
وكما ذكر قيمة المخالفات 500 ريال يعني الرجال يسوق فس سرعته ال105 الى ال120 يعني يمكن يكون اعتياد سواقه
وانا ادري ان 90% منكم يسوقون في هالحدود وعند الرادار تخفون السرعه.
وهو مش غلط انا حاطو رادارت في كل الشوارع بس المشكله في سعر المخالفات
وأكيد ان مبلغ 1000 ريال ولا 2000 ريال يسوي خبر لزوجتي وعيالي
ويطعم عائلة السائق(الدريول) الي ارتكب هالمخالفه.الله عرفناه بالعقل.

تحياتي

ليش تتهرب من كلام جاسم :protest:

[jajassim]

للأسف ،،، بعد التحري في المرور ،، لم نجد اى شخص عليه كل هذه المخالفات ،، بافتراض ،، 34000 ريال قيمة المخالفات ،، مايعادل 68 مخالفة و 272 نقطة ،،

فارجو من صاحب الموضوع ،، ذكر رقم السيارة ،، او يوم الحدث والساعة ، او على الاقل ذكر اسم الضابط ،، اللي يقصده ،،، :telephone:

ما رديت على يا ابوكلام ،،، ليش تتهرب ،، من سؤالي ،، :telephone:

[!قطريـة بنت القمـر!]

والله مسكين الشيبه ترى احنا نسرع اكثر منه وما ندفع شي :secret: .... بس جاجاسم اخوي اقول ؟؟ ياخي شله يكثرون من الرادارات المتحركه وعقب يصيدون مليون واحد متجاوز يمكن متعدي السرعة بخط وبس ويقعد الواحد يدفع ويدفع ويدفع :anger1: .... بصراحة ان بغوا المرور فلوس خل يحطون رادارات ثابته وانتهى الموضوع دام على قولتهم يبون المصلحة العامه الا وهي تخفيف الحد من السرعه .... والرادارات المتحركه ما منها فايدة غير جني الاموال .... لان الواحد يمر من الرادار الثابت وساعات ينسى وجوده ويتجاوز السرعه فكيف بالمتحرك اللي ما يبين وكل انسان له ظروفه :eek5: .... احم :nice: ....

[mohd1987]

صج القانون قانون بس بعد الرجال شيبه ومايدري في هالسوالف اقل شيء يخففوا المخالفات عليه
الله يبعدنا عن هالمخالفات.........

[jwar]

شفت كلمة .. بلاش عبط

واللي قال .. المفروض يكون قدوه .. ويحاسب

----------------

.. يبه الحين الرادار صار .... والا مب متكلم احسن

وبعدين يعني هالقطر اغلبهم مب دف في الشوارع
وعند الرادار يخففون السرعه؟ وبعد مايطوفون الرادار يشخطون مره ثانيه؟

----------
تخلف