المساعد الشخصي الرقمي

مشاهدة النسخة كاملة : قانون الليسن ""


بوعلي-Qtr
29-10-2008, 03:49 PM
السلام عليكم ورحمة الله وبركاته ,,

من شهر سمعت انه اذا قطري يبي يطلع ليسن لازم يكون عمره 18 ..

تدرون يعني شنو لما يكون عمره 18 .. يعني بيكون في الجامعه ..

واحد يداوم في الجامعه مع دريول ..

والله حرام .. مساكين عيالنا ..

لا ومايبونهم ياخذون الموتر ويسوقون بدون ليسن ..

رجعو القانون اللي كان من سنتين .. 17 ياخذ ليسن ..

فابي رايكم ؟؟

انا رايي .. حرام يكون ظلم .. ولد فلان يسوق وهو لا ..

ورايكم يهمني ..

؟.......................
قطري كيووت
29-10-2008, 04:08 PM
كلامك في السلييم

بس الشباب .. اكثرهم يسوقون بدون ليسن ...
واعطيك مثال في المدرسه 2 ثنوي الي اصغر مناا .. يداومون بمواتر وتقريبا اكثرهم بدون لياسن

...
ناصر العمادي
29-10-2008, 04:11 PM
انا بقول رأيي بكل صراحه ...

انا أشوف لو يرفعون العمر لغايه 21 سنه وبعدها يعطونه الليسن ...!!!!

يكفي تهور وطيش وخربطه وضياع في الشوارع ..

مراهق وعنده سياره أشلون بيدرس ... ؟؟؟؟؟

وين تحصله في البيت غير الهياته مع ربعه وأستعراض ومشاكل وفي النهايه حادث ونايم في المستشفى ...
ياخوي لازم نخاف على عيالنا ونترك عنا ولد فلان عنده سياره ولدي ماعنده ... ولد فلان لو مات في حادث بتقول لولدك روح موت مثله ...لا ياخوي ترى الندم مابينفعك لو خسرت ولدك عشان تشوف الغير ..
اللي يحب ولده مايعطيه السياره الا لما يشوفه عقل وركد وتصرفاته رجوليه ....

الحوادث كل نشوفها ونسمع عنها والسبب طيش الشباب ...شباب في اول عمرهم راحوا من أحضان أمهاتهم بسبب سياره ...

لازم يرفعون السن عشان نحمي شبابنا ونحمي أنفسنا ونحمي الأخرين

أسف على صراحتي

الله يوفقك ويرضى عليك دنيا وأخره أن شاءالله

تقبل تقديري وأحترامي لك
روح الاطلس
29-10-2008, 04:12 PM
17 سنة و6 شهور يعطون ليسن
Night KNight
29-10-2008, 05:18 PM
17 سنة و6 شهور يعطون ليسن

انا الي اعرفه ان 18 سنه الى 3 شهور كتشه
و18 ليسن

طبعـآ مب للكل واكيد فاهميني :secret:

انا اقوول قانون بو 17 احسن

تقريبـآ 30% في قطر ماعندهم لياسن

تسلم ياراعي الموضوع على الطرح المميز

تقبل مروري
jajassim
29-10-2008, 05:26 PM
انا الي اعرفه ان 18 سنه الى 3 شهور كتشه
و18 ليسن

طبعـآ مب للكل واكيد فاهميني :secret:

انا اقوول قانون بو 17 احسن

تقريبـآ 30% في قطر ماعندهم لياسن

تسلم ياراعي الموضوع على الطرح المميز

تقبل مروري


الله يعافيك أخوى ،،، كلامك صحيح ،، بالنسبة لـ 18 الا 3 شهور ،، بس ماتصدر الرخصة الا ان يكمل 18 بالتمام والكمال ،،، حتى اذا نجح في الفحص في خلال ال 3 شهور ،،

طبعا للكل ،، :nice:
دكتور قطر
29-10-2008, 05:27 PM
انا بقول رأيي بكل صراحه ...

انا أشوف لو يرفعون العمر لغايه 21 سنه وبعدها يعطونه الليسن ...!!!!

يكفي تهور وطيش وخربطه وضياع في الشوارع ..

مراهق وعنده سياره أشلون بيدرس ... ؟؟؟؟؟

وين تحصله في البيت غير الهياته مع ربعه وأستعراض ومشاكل وفي النهايه حادث ونايم في المستشفى ...
ياخوي لازم نخاف على عيالنا ونترك عنا ولد فلان عنده سياره ولدي ماعنده ... ولد فلان لو مات في حادث بتقول لولدك روح موت مثله ...لا ياخوي ترى الندم مابينفعك لو خسرت ولدك عشان تشوف الغير ..
اللي يحب ولده مايعطيه السياره الا لما يشوفه عقل وركد وتصرفاته رجوليه ....

الحوادث كل نشوفها ونسمع عنها والسبب طيش الشباب ...شباب في اول عمرهم راحوا من أحضان أمهاتهم بسبب سياره ...

لازم يرفعون السن عشان نحمي شبابنا ونحمي أنفسنا ونحمي الأخرين

أسف على صراحتي

الله يوفقك ويرضى عليك دنيا وأخره أن شاءالله

تقبل تقديري وأحترامي لك

كلام جميل وهذا الصح
!قطريـة بنت القمـر!
29-10-2008, 05:37 PM
انا بقول رأيي بكل صراحه ...

انا أشوف لو يرفعون العمر لغايه 21 سنه وبعدها يعطونه الليسن ...!!!!

يكفي تهور وطيش وخربطه وضياع في الشوارع ..

مراهق وعنده سياره أشلون بيدرس ... ؟؟؟؟؟

وين تحصله في البيت غير الهياته مع ربعه وأستعراض ومشاكل وفي النهايه حادث ونايم في المستشفى ...
ياخوي لازم نخاف على عيالنا ونترك عنا ولد فلان عنده سياره ولدي ماعنده ... ولد فلان لو مات في حادث بتقول لولدك روح موت مثله ...لا ياخوي ترى الندم مابينفعك لو خسرت ولدك عشان تشوف الغير ..
اللي يحب ولده مايعطيه السياره الا لما يشوفه عقل وركد وتصرفاته رجوليه ....

الحوادث كل نشوفها ونسمع عنها والسبب طيش الشباب ...شباب في اول عمرهم راحوا من أحضان أمهاتهم بسبب سياره ...

لازم يرفعون السن عشان نحمي شبابنا ونحمي أنفسنا ونحمي الأخرين

أسف على صراحتي

الله يوفقك ويرضى عليك دنيا وأخره أن شاءالله

تقبل تقديري وأحترامي لك


:nice::nice:
بوعلي-Qtr
29-10-2008, 06:37 PM
انا بقول رأيي بكل صراحه ...

انا أشوف لو يرفعون العمر لغايه 21 سنه وبعدها يعطونه الليسن ...!!!!

يكفي تهور وطيش وخربطه وضياع في الشوارع ..

مراهق وعنده سياره أشلون بيدرس ... ؟؟؟؟؟

وين تحصله في البيت غير الهياته مع ربعه وأستعراض ومشاكل وفي النهايه حادث ونايم في المستشفى ...
ياخوي لازم نخاف على عيالنا ونترك عنا ولد فلان عنده سياره ولدي ماعنده ... ولد فلان لو مات في حادث بتقول لولدك روح موت مثله ...لا ياخوي ترى الندم مابينفعك لو خسرت ولدك عشان تشوف الغير ..
اللي يحب ولده مايعطيه السياره الا لما يشوفه عقل وركد وتصرفاته رجوليه ....

الحوادث كل نشوفها ونسمع عنها والسبب طيش الشباب ...شباب في اول عمرهم راحوا من أحضان أمهاتهم بسبب سياره ...

لازم يرفعون السن عشان نحمي شبابنا ونحمي أنفسنا ونحمي الأخرين

أسف على صراحتي

الله يوفقك ويرضى عليك دنيا وأخره أن شاءالله

تقبل تقديري وأحترامي لك

كل الحوادث اللي تصير الاغلبيه ماعندهم ليسن

بس لو تجبرهم ياخذون اسبوعين في مدرسة التدريب وتصدر الرخصه في 17 سنه .. صدقني مابيسير شي

ياخوي في مجتمعنا الولد من عمره 15 ويسوق ولا تقول لا ..

لو انت كنت مكان الولد بتقول هاي الكلام ؟؟
بوعلي-Qtr
29-10-2008, 06:38 PM
طبعا للكل ،، :nice:

متاكد .. :secret::anger1:
بوعلي-Qtr
29-10-2008, 06:39 PM
أخوى ،،، كلامك صحيح ،، بالنسبة لـ 18 الا 3 شهور ،، بس ماتصدر الرخصة الا ان يكمل 18 بالتمام والكمال ،

:nice:

ليس يطلعون حق ناس رخصة تدريب سواقه واعمارهم 17 .. وناس ماتقدر تاخذ الا لم يسير عمرهم 18 الا 3شهور
؟؟
الزعفراني82
29-10-2008, 06:40 PM
اخوي جاسم معا احترامي الشديد قانون العمر في الليسن ما يمشي علا الكل

في بعض الحالات يا تسوق سياره يا عندها رخصه و هم تحت 18 سنه و انت عارف هالشي اخوي الكريم و اعتقد من الافضل ما نتكلم بهالشي
بوعلي-Qtr
29-10-2008, 06:58 PM
^^^

يرجال ناس 16
لاداعي
29-10-2008, 06:59 PM
انا بقول رأيي بكل صراحه ...

انا أشوف لو يرفعون العمر لغايه 21 سنه وبعدها يعطونه الليسن ...!!!!

يكفي تهور وطيش وخربطه وضياع في الشوارع ..

مراهق وعنده سياره أشلون بيدرس ... ؟؟؟؟؟

وين تحصله في البيت غير الهياته مع ربعه وأستعراض ومشاكل وفي النهايه حادث ونايم في المستشفى ...
ياخوي لازم نخاف على عيالنا ونترك عنا ولد فلان عنده سياره ولدي ماعنده ... ولد فلان لو مات في حادث بتقول لولدك روح موت مثله ...لا ياخوي ترى الندم مابينفعك لو خسرت ولدك عشان تشوف الغير ..
اللي يحب ولده مايعطيه السياره الا لما يشوفه عقل وركد وتصرفاته رجوليه ....

الحوادث كل نشوفها ونسمع عنها والسبب طيش الشباب ...شباب في اول عمرهم راحوا من أحضان أمهاتهم بسبب سياره ...

لازم يرفعون السن عشان نحمي شبابنا ونحمي أنفسنا ونحمي الأخرين

أسف على صراحتي

الله يوفقك ويرضى عليك دنيا وأخره أن شاءالله

تقبل تقديري وأحترامي لك


:nice:
بوعلي-Qtr
29-10-2008, 07:01 PM
:nice:

لو انت مكان الولد بتقول هاي الكلام ؟
ناصر العمادي
29-10-2008, 07:40 PM
كل الحوادث اللي تصير الاغلبيه ماعندهم ليسن

بس لو تجبرهم ياخذون اسبوعين في مدرسة التدريب وتصدر الرخصه في 17 سنه .. صدقني مابيسير شي
ياخوي في مجتمعنا الولد من عمره 15 ويسوق ولا تقول لا ..

لو انت كنت مكان الولد بتقول هاي الكلام ؟؟

اولا ياخوي من قالك أني مقتنع بالمدارس ..كل الأجانب اللي يسوقون تعلموا في المدارس وشوفهم لغاية الحين مايعرفون يسوقون ...
المشكله مب في السياقه وتعلمها ...المشكله في أسلوب وطريقة قيادة الشباب للسياره ...

ثانيا لوكنت انا مكان الولد أكيد ماراح أقول هذا الكلام لأني صغير ومافكر مثل تفكير اللي أكبر مني ...
كلنا لما كنا صغار كنا متحمسين للسواقه وكل همنا ناخذ الليسن ومانعرف وين مصلحتنا لأن تفكيرنا على قدنا وانا عن نفسي كنت أسوق سياره من كنت في اول ثانوي ولكن الحين لما أتذكر ذيك الأيام أقول ياريت ماسقت السياره وانا في المدرسه لأن مستواي العلمي نزل بسبب أنشغالي بالسياره عن الدراسه ...

هذا غير الأستعراض وتعريض حياتي وحياة الناس للخطر ولولا لطف الله لكنت في عالم ثاني وضاع مستقبلي ... والحمدلله أن ربنا سترها معاي
لذلك انا من تجربة وخبرة 24 سنه سياقه أقولك هذا الكلام من أخ كبير لأخوه الصغير

والله يوفق الجميع
YaZone
29-10-2008, 07:42 PM
صدقت والله عيالنا مساكين ! عمره 18 وعقله عقل ابو 15 ! سذاجة وقلة أخلاق وذوق في السواقة! طبعا هذا إلا من رحم ربي وهم قله.
فيزيائية
29-10-2008, 07:48 PM
لا مب عيب يروح الجامعة مع دريول
مب احسن من الهياتة في الشوارع وذبح الاوادم؟؟؟
انا اقترح انه قبل لا يستلمون الليسن
يدخلونهم معهد لتعليمهم السلوكيات الراقية في التعامل مع الناس
ودورة لصقل شخصياتهم وتهذيبها ترا عيالنا
لاتغتر بطولهم وبالشعر في ويهم ترا العقل ماميش
وسامحني طولت عليك...........:shy:
ezgert
29-10-2008, 08:06 PM
انا ما سقت سيارة الا بعد ال18 يعني اول ما دخلت الجامعه

والمفروض اليسن ينصرف حق واحد مسؤل عن تصرفاته , يعني اذا خلص المدرسة على الاقل , اما انه يشتغل او يكون طالب جامعي , وفي كلتا الحالتين بيكون مسؤل عن تصرفاته
Night KNight
29-10-2008, 10:09 PM
اناا اشووف ..
يا أنهم يطبقوون القرار على الكل :secret:
ياتصيرر مصخرره :rolleyes2:
واحد من الاثنين
مع احترامي الشديد
:shy:
6611
29-10-2008, 11:18 PM
اخوي انا صارلي سنه اسوق بدون ليسن ولي حين ما طلعته


ان شاء الله لي عودت من لندن مفكر اروح اطلعه

والحمدالله ولا مره حد وقفني الا اذا كان في ثبوت او شي والحمدالله يمشوني
هدوء العاصفة
29-10-2008, 11:26 PM
بالعكس افضل ولو كان 21 سنة بعد احسن .. على الاقل يكون الشاب عقل.
ALKASER
29-10-2008, 11:27 PM
الله يهدي شبابنا الاول من الطيش

والسرعه الزايده

اللهم امين
ضوى
29-10-2008, 11:35 PM
عاد تصدقون

اقول لولدي اللي باول ثانوي ياللا كلها سنة ان شاء الله وتتعلم السواقة وتفكني انا واختك من العبالة والدريول بالبيت تدرون اشقال لي ؟؟

قال يمه اشدعوه تبين تتخلصين مني ؟؟ قلت له اسم الله عليك ليش تقل جذي قال لي المفروض ما اتعلم الا لما اكون بسنة اولى والا ثانية جامعة غير هذا غلط اسوق وانا بسن صغيرة ؟؟

والله اني قلت له ربي يكملك بعقلك ويخليك ويبارك لنا بعمرك

وانا من راي اخوي ناصر العمادي لازم السن يكون بالعشرين مش اقل من هذا
eXpert*
29-10-2008, 11:38 PM
انا ما سقت سيارة الا بعد ال18 يعني اول ما دخلت الجامعه

والمفروض اليسن ينصرف حق واحد مسؤل عن تصرفاته , يعني اذا خلص المدرسة على الاقل , اما انه يشتغل او يكون طالب جامعي , وفي كلتا الحالتين بيكون مسؤل عن تصرفاته


أحييك على رأيك وانا مع مبدأ الجزاء والعقاب ،، اتمنى يتم ربط الليسن بانهاء الثانوية العامة
ابن قطر
29-10-2008, 11:54 PM
ايامنا تقريبا من 20 سنة تاحذ الرخصة حتى لو كنت 16
استثناء بس الافضل ان يكمل الفرد 18 سنة
لله الحمد
30-10-2008, 09:13 AM
اسمحولي اقولكم ان كلامكم مب في محله عندنا اكثر من 6 شباب باعمار 17 وشهور

وماخذين الليسن , ويعطيكم العافيه ولكم اجمل تحياتي
وكر الذيب
30-10-2008, 09:46 AM
الله يرحم ايام زمان ذكرتوني بايام الدراسة . انا اذكر اني طلعت الليسن وكان عمري حزتها 16 وست اشهور كنت توني مخلص اول ثانوي هالكلام سنة 2000 يوم كان قوانين المرور سهالات وفي المخبى . اما الحين فالله المستعان .
Night KNight
30-10-2008, 01:56 PM
عاد تصدقون

اقول لولدي اللي باول ثانوي ياللا كلها سنة ان شاء الله وتتعلم السواقة وتفكني انا واختك من العبالة والدريول بالبيت تدرون اشقال لي ؟؟

قال يمه اشدعوه تبين تتخلصين مني ؟؟ قلت له اسم الله عليك ليش تقل جذي قال لي المفروض ما اتعلم الا لما اكون بسنة اولى والا ثانية جامعة غير هذا غلط اسوق وانا بسن صغيرة ؟؟

والله اني قلت له ربي يكملك بعقلك ويخليك ويبارك لنا بعمرك

وانا من راي اخوي ناصر العمادي لازم السن يكون بالعشرين مش اقل من هذا

ماشاء الله عليه
اتوقع ولدج الوحيد في قطر بهاذا التفكير
الباقي ودهم يسوقون اليوم قبل باجر
الله يخليه لج
بو الجوري
30-10-2008, 02:46 PM
والله أخوي اولا اللي اعرفه ان اللي عمره 18 بيكون في ثالث ثانوي او توه مخلص ..

نادر اللي يكون فالجامعه ..

وانا اشوف ان 18 سنه هو السن المناسب بشرط اجتياز الامتحان كامل .. مب بس شارع :anger1:

انا شغال فمدرسة مستقله ثانويه .. صراحه يمكن فوق ال15 طالب عندهم مواتر بدون ليسن ..

ولو تشوفهم اخر الدوام .. توني جاي من المواقف اللي برع المدرسه . . قاعدين يستعرضون ..

كان خاطري ادق سلف واردد الموتر وياهم :secret:

الشرهه على ابهاتهم اللي ماعطينهم مواتر ..

عالعموم تقبل مروري .. برووووح البيت :nice:
Night KNight
30-10-2008, 03:03 PM
والله أخوي اولا اللي اعرفه ان اللي عمره 18 بيكون في ثالث ثانوي او توه مخلص ..

نادر اللي يكون فالجامعه ..

وانا اشوف ان 18 سنه هو السن المناسب بشرط اجتياز الامتحان كامل .. مب بس شارع :anger1:

انا شغال فمدرسة مستقله ثانويه .. صراحه يمكن فوق ال15 طالب عندهم مواتر بدون ليسن ..

ولو تشوفهم اخر الدوام .. توني جاي من المواقف اللي برع المدرسه . . قاعدين يستعرضون ..

كان خاطري ادق سلف واردد الموتر وياهم :secret:

الشرهه على ابهاتهم اللي ماعطينهم مواتر ..

عالعموم تقبل مروري .. برووووح البيت :nice:

لاتردهـا في خاطرك
قم الصناعيـه :tease: