في سابقه فريده من نوعها مليت يستبق الحكومه في رفع الرواتب

[مليت]

من الشهر هذا زدنا رواتب مربيات الاطفال والخدم وكان السبب الرئيسي ارتفاع تكاليف المعيشه في بلدانهم
وابصراحه انا صاحب الفكره وللعلم احنا عائله على قد الحال معتمدين من بعد الله على رواتبنا فقط اجتمعت مع الاخوان وتم مناقشة الموضوع ورفع ثلاث اقتراحات تم التصويت على الاقتراح الثاني وهوا جدول فيه حوافز شهرياً عباره عن زياده في الراتب بواقع 250 ريال + رصيد هلا 50 كل شهر الاجمالي 300 عشان يكلمون اهلهم

قلت احنا كل يوم نقول يارب يزيدون رواتبنا وقاعدين ننتظر فما بالكم في رواتب الخدم الي بعضهم مسكين يشتغل عندك 20 سنه يمكن بنفس الراتب او ما يتعدا 800


وبصراحه اشوف النفسيه صارت احسن لهم


والسلام عليكم ورحمة الله وبركاته

[ذيبه مزاجيه]

اي و الله هذيلا مساكين اقل رواتب في كل مكان يكسرون الخاطر بالذاااااااااات اللي صار لهم مده طويله وهم يشتغلون هني هذيلا صج يستاهلون زياده .. وحلوه فكرة كرت هلا علشان يكلمون اهلهم :)

مب دريولنا و خدامتنا حسبي الله عليهم يبون كل سنه زياده 150 !! اللي يقول وكلاء وزرا و انا مادري @_@

ان شاء الله تزيد رواتبنا ويتعدل حالنا ان شاء الله لان فعلا الغلا هالايام ما خلا لنا شي كلش !!!!

تسلم على الموضوع اخوي و حبيت اسجل حضور و اقول عساك على القوه :)

[مزيون الدوحه]

جزاكم الله خير ان شاء الله
مهما يكون هاذول بشر لهم ظروفهم وكفايه غربتهم عن اهلهم وعيالهم

والله يكثر من امثالكم

[غدير البورصه]

الراحمون يرحمهم الله
يزاك الله خير

[اعالي الجنان]

يزاك الله خير

والله ونعم العمل الله يبارك لكم في اموالكم

فكره حلوه ويكفي انهم بشر اتركو اهاليهم وعيالهم عشان لقمة العيش

ازيد عليك اخوي اقتراح

هو تحمل نفقات لبسهم واحتياجاتهم لان البعض ماعليه اله من الراتب ولاله خص بالباقي

ولو فكرنا فيها وش بيبقى لهم ومعاشاتهم شي لايذكر

يكفي نذكرهم لي رحنا الجمعيه وله لو تعشينا برع اتشوف الوناسه والفرحه في عيونهم

وغير كذي يقومون بشغلهم على اكمل وجه

[بوحارب]

الصراحة العنوان عجييييييييب

قلت اشفيه مليت عينوهـ مدير البنك المركزي ولا وشو @@

يعطيك العافية مليت

[لولوتي]

خدامتي الحاليه طلعت روحي
صار لها سبع شهور عندي وللحين جنها جديده
عيزت معاها:weeping::weeping::weeping:
جابت لنا الضغظ

والدلع من صوبي ماله مثيل ومامقصره عليها بشي ابدا
وطلباتها اوامر لأني ملزومه بها ومسؤوله عنها عند ربي يوم القيامه
وراتبها كامل وبزياده احوله لها بنفسي

ولكن مافي فايده منها:weeping:

[لولوتي]

على فكره بطاقة كيوتل الــدوليه الاخيره ممكن اتكون هديه حلوه للخدم بين وقت والثاني
على سبيل المكافأه والتحفيز:discuss:

[بن علان]

الحين الخادمه الأندونيسيه راتبها 700 ريال أكل وسكن ولبس إبلاش غير الطلعات والفسح

ما تصرف بيزه من راتبها إلا كله توفره .. تعال شوف العمال ورواتبهم 400 ريال مع توفير سكن طعشر واحد في غرفه وكل شي عليه .. إيش يوفر من راتبه .. الخادمه تطلع عليه باشا

أنا اشوف الخدم ظروفهم وايد زينه وقارنهم مع العوايل اللي عايشه في بيوت اجار ورواتبهم ما يبقى منها شي .. هذول يجب الإلتفات لهم والا الخدم في خير ونعمه

تقبل رأيي المخالف حبيب ألبي

[امـ عبدالله]

ماخذين رواتبهم كامله مكملهhttp://www.pic4ever.com/images/4u2ap3b.gif


بس حق الي تستاهل نعطيها راتبها وزياده

الحين الخدم طالعه عندهم موضه

يومين اله اهيه شارده

وكثره الدلع اتخربهم واتكبر روسهم

ونووو وي اعطيها جوااااااااال

يكفينا البلااوي الي نسمعها

الله ايكافينا شرهم

[سلمى76]

جزاك الله خير
زين ما سويت
والله يجعلك قدوة دايما في الخير

[LOLOO]

جزاك الله خير...
هوعلى حسب الراتب اذا قليل مومشكلة...
لكن 300 مرة وحدة في الراتب....انا عني مااحبذ هالشيء لان هاجس طلب الزيادة ملازم للخدم يعني لاتستبعد بعد كم شهر يرجعون يطلبون زياده...
يعني ممكن 100 ثابته والباقي حوافز تشجيعية بين وقت والثاني ...اوفي المناسبات
خاصة اذا في البيت ثلاث او أربع خدامات يعني ماعليهم ضغط عمل...ومكفيين من كل شيء

[pure]

يعني مو قطع ارزاق بس احسه وااايد

اي غلاء في بلادهم كل شي هنااك رخييص

والخدم ترا اذا عطيتهم وييه واايد يمصخوونهااا

وبعد ماتعطيهم العين الحمرا

احسن شي عاملهم بالمعرووف

وكثر الله خييرك

[هسلان]

الله يجزاكم خير واحنا راح نحذو حذوكم أن شاء الله
بس لازم نشكل لجان تدرس الموضوع وترفع توصيات وأن شاء الله ما راح يطولون في رفع التوصيات
بس المشكلة أن اعضاء اللجنة مشغولين بلجان أخرى خبركم مافي هالبلد إلا هالولد ومع هذا راح نحول لهم الموضوع وفي أنتضار التوصيات
يعني ماراح تزيد المدة عن عشرة سنوات يعني على الحي قريب

[!قطريـة بنت القمـر!]

جزاك الله خير ماتقصر وكله بميزان حسناتك بيوم القيامه ...." إن الله لا يضيع أجر من أحسن عملاً" ....:nice:

[الوعد2016]

الله يخلف عليكم بخير
وجزاكم الله خير
وعقبال الحكومه تزيد الرواتب التي سمعنا بها ولم نشاهدها في الرصيد

[ANONYMOUS]

حلاتها كل سنه تسوي لهم ترقيه.. وتزيدهم 50 ريال.. وتحط مربوط للراتب

اب هالحركه تشجعهم للابداع والعمل والمثابره..


وتحط ثواب وعقاب.. عشان يلتزمون..


:)

[barod]

جزاك الله خير وفي ميزان حسناتك ان شاء الله

[شيزكيك]

جزاك الله خير اخوي وبعد زوجي خبرني اقولهم ان من شهر 1 بيزدهم 50 ريال واستانسوا

[الخارجية]

أخوي مافي زيادة رواتب خلاص

[المزن الرياني]

حلاتها كل سنه تسوي لهم ترقيه.. وتزيدهم 50 ريال.. وتحط مربوط للراتب

اب هالحركه تشجعهم للابداع والعمل والمثابره..


وتحط ثواب وعقاب.. عشان يلتزمون..


:)


مابقى الا يعطيهم بدل تنقل واجتماعيه وطبيعه عمل :eek5:

[Doha Land]

دريولنا من صار سنير وهو رافع خشمه على العالم :rolleyes2:، وقام يسوق بيد وحده وعلى جنب . .:omen2:

والحين يطالب بإستحقاق الدرجة الخامسة :anger1:، بس قلت له أصبر لين سلم الرواتب الجديد وابشر بسعدك :telephone:

[بنت^البحرين1]

احنا زدناهم مره من يومها كل شهرين ييون يتنقزون عند امي ( مدام سوي زيادة معاش !!)
من البداية قلت لهم والله ماينعطون ويه كلش الخدم، يعيشون مثلنا اكل وشرب ولبس طبعا من عندنا، في الاعياد عن خاطرهم اوديهم اخليهم يختارون بكيفهم ثيابهم، ويوم العيد والله مايرضون يلبسونهم يخشونهم حق لين ردوا بلادهم !
الاحظ ابوي في الاعياد والمناسبات عيادي لهم يزيدهم كل وحده 10دينار او 20 وفعلا يتشققون من الوناسه
(الخدم عندنا كلهم صار لهم فوق الست سنوات، يروحون اجازات شهرين ويرجعون مواصلين عندنا، وكل سنه يزيد لهم راتبهم، بس طبع الخدم جذي كل مازدناهم بعد بيقولون يبون زود !)

[شكري وتقديري]

من الشهر هذا زدنا رواتب مربيات الاطفال والخدم وكان السبب الرئيسي ارتفاع تكاليف المعيشه في بلدانهم
وابصراحه انا صاحب الفكره وللعلم احنا عائله على قد الحال معتمدين من بعد الله على رواتبنا فقط اجتمعت مع الاخوان وتم مناقشة الموضوع ورفع ثلاث اقتراحات تم التصويت على الاقتراح الثاني وهوا جدول فيه حوافز شهرياً عباره عن زياده في الراتب بواقع 250 ريال + رصيد هلا 50 كل شهر الاجمالي 300 عشان يكلمون اهلهم

قلت احنا كل يوم نقول يارب يزيدون رواتبنا وقاعدين ننتظر فما بالكم في رواتب الخدم الي بعضهم مسكين يشتغل عندك 20 سنه يمكن بنفس الراتب او ما يتعدا 800


وبصراحه اشوف النفسيه صارت احسن لهم


والسلام عليكم ورحمة الله وبركاته

بارك الله فيكم ولكم وزادكم من خيره

ما فعلتم هو عين الصواب

الله يفرحكم ويوسع عليكم مثل ما فرحتوا ووسعتوا على هؤلاء الفقراء .

[ANONYMOUS]

جزاك الله خير اخوي وبعد زوجي خبرني اقولهم ان من شهر 1 بيزدهم 50 ريال واستانسوا




ليش مانطر لين شهر 4.. مع الميزانيه اليديده


:nice:

[ANONYMOUS]

دريولنا من صار سنير وهو رافع خشمه على العالم :rolleyes2:، وقام يسوق بيد وحده وعلى جنب . .:omen2:

والحين يطالب بإستحقاق الدرجة الخامسة :anger1:، بس قلت له أصبر لين سلم الرواتب الجديد وابشر بسعدك :telephone:


رمجوه.. جليل الحيا

:anger1: