صــوت مب طبيعــي بالسيــارة ؟؟؟؟

[!قطريـة بنت القمـر!]

السلام عليكم ورحمة الله وبركاته ....

بغيت حد يفيدني ....لاني شبه يأست من هالشغلات اللي تصير لي سواء مع الكراجات او المحلات اللي يشوفون لي السياره .... طبعا مشكلتي القديمة كانت مع ميزانية التواير .... وديت السياره وشافها هندي وقال ميزانية التواير اللي قدام تعبانه وايد وراح وعدلها .... مع اني قلت له انا جيتكم من فترة اسبوع اسبوعين بس وعدلوا لي الاربع لكن ماشوف في فايده وفوق هاي كله طلع لها صوت عود وغريب من بعد ما سويتوا ميزانية التواير الاربع ابيك تشوف سالفتهم قال وين الصوت بالضبط قلت له مادري والله احسهم ورى ؟؟ راح الاخ يشوف اللي قدام ويقول ميزانيتهم تعبانه وراح وخذ وقت لين ما عدلهم وعقب قال خلاص المشكله راحت :eek5: .... ورديت البيت ويعني يمشي الحال لكن الصوت القديم خف بس للحينه موجود وهاي اللي مخوفني ؟؟ الصوت كأنه احتكاك شيئين ببعض مادري شلون مثل صوت ربلات محتكه بشي مادري شلون وبالذات لما ابتدي احرك السياره والف السكان كامل او نص لفه يطلع الصوت حد يفيدني هالصوت من شنو وليش وشلون اقدر افتك من هالشغله وين اوديها بالضبط :shy: .... اسمحوا لي طولت عليكم وجزاكم الله خير مقدما ......

[..er..]

الصوت وين بالضبط قدام ولا ورى ,,

اذا ورى تأكدي من عمود التوازن ,,

واذا قدام تأكدي من الاكسل

وتأكدي من عمود التوازن :)

[فــلان]

أختي السياره عليها رنقات الوكاله ولا إمبدله رنقاتها ؟

[الـking]

السلام عليكم

التواير متى مركبتهم من زمان ولا توها جديده
اكيد منها واذا التواير مياجر 100% منها الصوت

[بنت سعادة السفير]

لوعندي فكره ماقصرت معاج يالغاليه

الله يجزي الشبااب خير ماراح يقصرون معااج

[jajassim]

ايش نوع السيارة وموديلها ،،، :victory:

[واقع]

اذا شي يخص التواير انصحج بميزانية دبي صج انه كله شباااب بس طرشي السواق

[شورت تايم]

ايش نوع السياره
واي موديل

[شورت تايم]

يا دبي وإلا شركة المناعي

بس أتأكدي من السفايف
او ادرام ويل

[!قطريـة بنت القمـر!]

الصوت وين بالضبط قدام ولا ورى ,,

اذا ورى تأكدي من عمود التوازن ,,

واذا قدام تأكدي من الاكسل

وتأكدي من عمود التوازن :)

انا اسمع الصوت ورى الصراحه و اسمح لي اخوي ماعرفت شنو عمود التوازن :shy: ....



أختي السياره عليها رنقات الوكاله ولا إمبدله رنقاتها ؟

رنقات الوكاله ....


السلام عليكم

التواير متى مركبتهم من زمان ولا توها جديده
اكيد منها واذا التواير مياجر 100% منها الصوت


التواير تقريبا ما تغيرت من خذيت السياره يعني من سنة وكم شهر تقريبا اخوي .... بس وحده منهم تبدلت بجديد ....


لوعندي فكره ماقصرت معاج يالغاليه

الله يجزي الشبااب خير ماراح يقصرون معااج


تسلمين لي فديتج من طيب اصلج كفاية مرورج الغاليه :nice: .....

[!قطريـة بنت القمـر!]

ايش نوع السيارة وموديلها ،،، :victory:

موديل 2007 ....


اذا شي يخص التواير انصحج بميزانية دبي صج انه كله شباااب بس طرشي السواق

انا اصلا موديتها ميزانية دبي اربع مرات وكله هاي سوالفهم معاي :weeping: ....



ايش نوع السياره
واي موديل


تمت الاجابه بالاعلى اخوي :nice: ....



يا دبي وإلا شركة المناعي

بس أتأكدي من السفايف
او ادرام ويل


دبي وديتها للاسف وقطعوا قلبي هناك اربع مرات رحت لهم ..... السفايف ماصارلي شهر مبدلتها .... الادرام ويل شنو :shy: ....

[رأس بروق]

شنهي سيارتج

[!قطريـة بنت القمـر!]

هوندا :) ....

[مستثمر 999]

ارجعي للموضوع القديم بتلقين الحل

الصوت بالنسبه للهوندا Crv طبيعي والسبب الوحيد هو الحادث


والميزانيه ما تصلح ولا تفيد


انتي محتاجه كراج متخصص يرجع القواعد مكانها ( قواعد المقصات ) وبعدين تنحل بالمزانيه

طيعيني انا مجرب

والصوت بسبب عدم نسويه التواير وصوت قريب من خرير الماي او

[بوحارب]

روحي الكراج وقولي له امسح الهد 3 ملي :)

وبيروح الصوت بأذن الله

[BUHASSEN]

انا اقول نفس الشى بعد

[سمو انسان]

الله يعينج

برايي الحل بيعيها واخذي لج غيرها

نصيحه التيوتا مافي احسن منه اي كراج اي محل بعرف له

[تراب قطر]

روحي الكراج وقولي له امسح الهد 3 ملي :)

وبيروح الصوت بأذن الله

الله يقطع سوالفك يابوحارب ...لاتسويها البنية بس

ههههههههههه

[مزيون الدوحه]

احتمال الاكسلات اذا الدفع امامي ومع اللفه تطلع اصوات
طقطقه متقطعه .
ونصيحتي لج اذا مسويه حادث في السياره بيعيها وخذيلج
سياره على حسب ميزانيتج ويفضل كامري .

والله يوفقج ان شاء الله

[بوجاسم525]

وديها وكالتها وارتاحي ولاتعورين راسج هم اهل التخصص ويسساعدونج

[الجنتل]

روحي الكراج وقولي له امسح الهد 3 ملي :)

وبيروح الصوت بأذن الله

بس وداها بوحارب في داهيه باقي يقولها ركبي بوالين وطيحي الموتر


اختي نصيحتي بلا عوار راس وديها الشركه وشوفيهم شيقولون واعتقد انتي قلتي سيارتج موديل 2007 اعتقد لين الحين الضمان عليها من بدال ما يوميا تخسرين عليها يمين ويسار ادفعي شوي زياده بس في الشركه وافتكي من كلام الكراجات والهنود
تحيييييييييييااااااااتي

[شورت تايم]

طبعآ الوكاله افضل مكان

وانا اشوف سواقة الهوندا وايد افضل من الكامري
و غريبه ان يطلع فيها خراب بس يمكن من الحادث

ويعطيج الف عافيه اختي

[الوفـى طبعي]

روحي الكراج وقولي له امسح الهد 3 ملي :)

وبيروح الصوت بأذن الله

هههههههههههههههه بوحارب حرااام عليك تبي تقص عليها خخخخ حاسبي


الله يعينج الشيخه على مشكلتج وان شاءالله يروح الصوت من الموتر

[qatar25]

اختي الكريمه
انتي قلتي انه بدلتي احد التواير فقط,, وهذا يسبب مشكله

كل تاير بعد فتره من الاستخدام,, تتغير قدرته على مقاومه الانزلاق والاحتكاك في الارض, FRICTION
لما التواير مع بعض تتغير,, الموضوع ماشي,, لكن تركبين تاير جديد وتاير قديم,, كل تاير يتعامل مع الارض بطريقه مختلفه,, مع العلم انه هذي الامور محسوبه مع تصنيع السياره,, فلذلك ينصح بالالتزام في قواعد تغيير التواير,, حتى لما بتغير ورى مع جدام فيه طريقه معينه لازم تتبعها ,, مب اي تاير مع اي تاير
وحتى لما بعض الشباب يبدل يمين بيسار ولا جدام بورا على كيفه,, يغير الحسبه كلها,, ويعرض السياره ونفسه للخطر , هذا غير الخرابات الي ممكن تنتج في الاكسل وتدهور ميزانية التواير



احتمال الصوت يكون من اي شي,, والاسباب عديده,, ولكن الشئ الي اقدر اقولج انه اكيد انه خطأ
هو انكي غيرتي تاير واحد فقط,, من بين التواير,, وهذا راح يسبب لج انه كل فتره تختل الميزانيه وتضطرين تروحين تضبطينها

[qatar25]

واذا انج مسويه حادث,, او ضاربه رصيف,, "وهذا توقعي الشخصي"

خاصه اذا الضربه قويه على التاير,, وبعدها شوي اعتوى ووديتيه القراج وضبطوه لج

احتمال كبير يكون البيرنج "Bearing" تعور,,, وهذا يسبب صوت ويسبب ايضا انج لما تهدين الريس تحسين السياره شوي ثقيله,, او كانج ميوده بريك على خفيييييف

يعني السرعه تخف ,, اسرع من السياره في وضعها الطبيعي

للاسف , كثير من الميكانيكيه يغفلون عن موضوع البيرنج,, حتى الوكاله احيان كثيره , يصلحون كل شي ويتركون البيرنج مكسور,, والسياره تمشي عادي,

انا نصيحتي, اذا السياره تطلع صوت,, وخاصه اذا ضربتي فيها رصيف,, وديها الوكاله , قولي لهم يشيكون البيرنجات,,

[restricted_1]

الشيــــــــــــــــــــــــخه
بدلي السفايف والدرام ويييلات
شكلج كارفتهم مضبوط
وانشاالله بيروح الصوت

[عاشق N]

وبالذات لما ابتدي احرك السياره والف السكان كامل او نص لفه يطلع الصوت حد يفيدني هالصوت من شنو

على حسب كلامج

هااي صوت الاستيرنج بوكس

كل الود

[!قطريـة بنت القمـر!]

اشكر جميع من رد على الموضوع وجزاااااااكم الله خير ما قصرتوا الصراحه وجعلها بميزان حسناتكم وان شاء الله بحاول اشيك على كل اللي قلتوه باذن الله وعساكم ع القوه اخواني الافاضل :nice: ....

[رقم مميز]

الشيــــــــــــــــــــــــخه
بدلي السفايف والدرام ويييلات
شكلج كارفتهم مضبوط
وانشاالله بيروح الصوت

انا معاك

في الراي

احتمال الدرامويل رايح


بعدين خلي منج دبي ولا غيره

روحي التيسير الى عند المجموعه ... ولا خلاص


هم بيشكون على الموتر كامل ..