ارجوك عطني مجال اتنفس...

[هتـان قطر]

هذي كلمات قد تخرج من افواه بعض النساء اللاتي يعانين من بقاء

ازواجهن في المنزل لفترات طويل..

اوووف لاعت كبدي..طفرت خلاص..!!!

هذي مب حاله..قسم بالله احس بضيقه تكتم انفاسي..!!!!

ابي اطلع على كيفي..ابي اختلي بنفسي على راحتي..!!!

احد بيزورني..انا بازور حد..مب حاله..

اذن ما هو الحل معك عزيزي الزوج..؟

اذا قعدت في البيت ضيقت على زوجتك وكتمت انفاسها..!!!

واذا طلعت من البيت واغلب وقتك برا..قامت الزوجه في البحث

عنك ومطاردتك..واحيانا بتخيس عليك النفس..لاهمالك لبيتك وعيالك..

اذن الحل ..اين الحل..؟

احدى الزوجات السعوديات وجدت حلا لمشكلتها..تعالوا اقروا الموضوع..:

زوّجت سيدة سعودية تبلغ من العمر 35 عاما زوجها من سيدة أخرى، مفضلة أن تكون لها ضرة حلاً لمشكلة ملازمته شبه الدائمة للمنزل. وبررت الزوجة خطوتها بالإشارة إلى ان الزوج يذهب الى العمل لساعات قليلة، ومن ثم يعود ويبقى في المنزل من دون أن يخرج منه، اضافة الى تدخله في كل صغيرة وكبيرة في المنزل، ما جعلها تخرج عن طورها، إذ لا تستطيع أن تدعو صديقاتها أو جاراتها إلى المنزل بسبب وجوده المستمر من دون أن يكترث لأي شخص. ونقلت صحيفة"الحياة" السعودية التي تصدر من لندن، عن السيدة قولها إنها لم تفكر في هذا الأمر إلا بعدما إنه نفد صبرها، فهو لا يرغب في الخروج من المنزل، أو زيارة أصدقائه وأقاربه، بل إنه يمسك ريموت التلفزيون فور عودته من الخارج ليتنقل بين القنوات الفضائية فقط. وأضافت"فكرت في الانفصال عنه، ولكن أهلي عارضوا ذلك واقترحوا أن يبحثوا له عن زوجة ثانية حتى يخرج من المنزل بأي طريقة، ونسّق أحد إخوتي مع عدد من الأقارب وبحثوا له عن زوجة ثانية، لأنه لا يوجد حل سلمي سوى هذا الحل".


:secret:

[عاشق الشهادة]

يتزوج ثانيه علشان الاولى تاخذ راحتها على حل شعرها :anger1:

[هتـان قطر]

يتزوج ثانيه علشان الاولى تاخذ راحتها على حل شعرها :anger1:


تاخذ راحتها في طريق الخير..مب شرط بدور على حل شعرها..

كتم انفاسها..حشى مب رجل ..الا جاثوم..:rolleyes2:

[هسلان]

يتزوج ثانيه علشان الاولى تاخذ راحتها على حل شعرها :anger1:

اصلح النية يا شيخ
في بعض الازوج دبلت كبد بيتوتي ما يفارق البيت وفوق هذا حنان وما يعجبه شيء وهذا النوع يجعل البيت في توتر دائم لذلك هو غير مرغوب فيه من قبل الزوجة والاطفال ايضاً

[hamoor4ever]

اخبر النسوان يحبون الريال البيتوتي

[هسلان]

الفكرة جميلة جداً وسهلة ماتبي تعب يعني الواحد يجلس في البيت ويثقل الدم ويسمحون له بالزواج والعانيه على الزوجة :tease:
اختي هتان أنا من اليوم بسميك الملهمة :victory:

[بدور]

يتزوج ثانيه علشان الاولى تاخذ راحتها على حل شعرها :anger1:

من ملاحظتي على مشاركاتك وردودك عندك تناقض عجيب بشخصيتك مره تنصح ومره تنتقد

ومره ترد مثل هالرد يعني وحده زوجت زوجها بس علشان تلعب على حل شعرها بالله هذا رد

عقلاني ... الله يهديك اخوي ياليتك تنتبه لمشاركاتك وردودك ولا تسيء الظن بالنساء منهم امك

واختك وزوجتك وبنتك

اخت هتان بعض النساء يصابهم الملل من تواجد الرجل بالبيت طول الوقت فمنهم يتدخلون

بكل صغيره وكبيره مما يفتح باب المشاكل بين الزوجين ... الروتين المتجدد يجدد الحياة الزوجيه

وخروج الزوج من البيت باوقات معينه يزيد الشوق لعودته ...

[هتـان قطر]

اصلح النية يا شيخ
في بعض الازوج دبلت كبد بيتوتي ما يفارق البيت وفوق هذا حنان وما يعجبه شيء وهذا النوع يجعل البيت في توتر دائم لذلك هو غير مرغوب فيه من قبل الزوجة والاطفال ايضاً


وانت صادق اخوي هسلان..تواجد الرجل في البيت لفترة طويله يولد المشاكل

وعلى اتفه الامور..وخصوصا تدخله في امور صغيرة المرأة مسؤولة عنها

وانتقادات على كل شي وذلك يرجع لتفرغه وعدم اشغال نفسه بما يعنيه

وترك ما لايعنيه...:rolleyes2:

[هتـان قطر]

اخبر النسوان يحبون الريال البيتوتي


انا عن نفسي ما احب الرجل البيتوتي..واشوى ان الله عطاني زوج

متوسط..لاهو بيتوتي..ولا هو تاركنا وما يدري عنا..

سبحان الله " وجعلناكم أمة وسطا " الاعتدال والتوسط في كل شي

هو الاصح في كل المجالات..

انصحك لا تكون بيتوتي ..يمكن الاهل يجاملونك وفي نفوسهم شي ثاني..!!

[هتـان قطر]

الفكرة جميلة جداً وسهلة ماتبي تعب يعني الواحد يجلس في البيت ويثقل الدم ويسمحون له بالزواج والعانيه على الزوجة :tease:
اختي هتان أنا من اليوم بسميك الملهمة :victory:



سبحان الله نفس كلام زوجي يوم قرا الخبر..:eek5:

قال اذن الامر بسيط..هو بس على قعدة البيت..؟ عادي بنقعد..:)

قلت لا تكفى خلك مثل ما انت..

بس الله يعيننا على التقاعد...:secret:

[هتـان قطر]

من ملاحظتي على مشاركاتك وردودك عندك تناقض عجيب بشخصيتك مره تنصح ومره تنتقد

ومره ترد مثل هالرد يعني وحده زوجت زوجها بس علشان تلعب على حل شعرها بالله هذا رد

عقلاني ... الله يهديك اخوي ياليتك تنتبه لمشاركاتك وردودك ولا تسيء الظن بالنساء منهم امك

واختك وزوجتك وبنتك

اخت هتان بعض النساء يصابهم الملل من تواجد الرجل بالبيت طول الوقت فمنهم يتدخلون

بكل صغيره وكبيره مما يفتح باب المشاكل بين الزوجين ... الروتين المتجدد يجدد الحياة الزوجيه

وخروج الزوج من البيت باوقات معينه يزيد الشوق لعودته ...


الله يهدي الجميع ويصلح الاحوال..

نعم بدور خروج الزوج من البيت باعتدال يجعله يتلهف على العودة

اما اذا تم متواجد طول الوقت..حتى العيال بيزهقون لانهم يحسون انهم

مراقبين في كل لحظه..

كثير من النساء اللي اعرفهم وتقاعدوا ازواجهم عن العمل يشتكون من هذه

النقطه وهي توتر البيت وكثرة المشاكل من تواجد الزوج بشكل دائم في البيت..!!

احدى الاخوات تقول وصلت لدرجة لا تطاق من الملل والضيق..لدرجة انها اتفقت

معه على الانفصال بدون طلاق على ان يعيشان في نفس البيت ولكن لكل منهما

غرفته الخاصه واموره الشخصية وبدون علم عيالهم اللي اغلبهم تزوجوا وعندهم

عيال وعايشين معهم في البيت..تقول ومع ذلك ماسلمت من مضايقته لي وانتقادي

في الدخله والطلعه...!!!!

[!قطريـة بنت القمـر!]

ههههههههههههههههه .... الله يعينها الصراحة :) .... مب شرط كل بيتوتي انسان حنّان يعني احنا في البيت كلنا بيتوتيين واخواني اولنا وما شفنا انهم حنّانين ولا يتدخلون بكل صغيره وكبيره يعني مسالمين للغايه واطباعهم معقوله والحمدلله .... عن نفسي افضل الزوج البيتوتي جدا :) ....

[ناصر العمادي]

أسمحيلي أختي هتان مع أحترامي وتقديري لج كلامج غير مقتع ...
الزوجه شتبغي من الدنيا غير الستر والعيشه الطيبه والزوج الصالح اللي يخاف عليها ويحبها ويوفر لها كل أساليب الراحه ....
وأيش الشي اللي يضايق المره او السر اللي وجود الزوج يمنعها من عمله !!!!!
ماعتقد في وحده عندها شغل او زياره او شي عادي وجود زوجها في البيت يمنعها من عمله !!!!
وأعتقد أن من الأصول أن الزوجه لو كانت بتروح السوق او أي مكان زوجها هو اللي بيكون معاها وبيوصلها ..
اما على زيارات صديقاتها لها ..فأظن أن كل بيت فيه بدل الصاله ثنتين وبدل المجلس مجلسين وماظن الزوج بيجلس معاهم او وجوده في غرفته او مكتبه بيضرهم في شي ..
اللي ترضى تزوج زوجها عشان تاخذ راحتها ماعتقد أنها تستحق أنها تكون زوجه ..
انا كل اللي أعرفه أن الزوجه العاقله هي اللي تتمنى وجود زوجها معها في كل وقت وكل مكان

الله يوفقج ويسعدج دنيا وأخره

تقبلي تقديري وأحترامي لج

[ضوى]

هههههههه

الصراحة تصرف عجيب اكيد زوجها من النوع اللي يحن واااااااااايد

زوجي بيتوتي وااااايد ولو اعد له الطلعات اللي يطلعها بالشهر مع صديقه ما تتعدى الثلاث ، وكله بالبيت مع امه و معاي ومع عياله ، الصراحة هو ما يحن بس انا ابيه هو يطلع حتى ما تضيق نفسه ويمل من عياله ومني من كثر ما يشوفونا ، بس انا بصراحة مش مستاءة لاني اطلع وازرو ويزوروني والحمد لله الحياة ماشية لكن لو زوجي مثل زوجها ما اظن اني باختار حل مثل حلها بس يمكن اقفل على نفسي الغرفة واخليه يتملل ويطلع برع

شكرا هتان

[د. ضبحان]

يالبى قلبها

وين السيدة ذي

:shy:

[عاشق الشهادة]

هذي كلمات قد تخرج من افواه بعض النساء اللاتي يعانين من بقاء
ازواجهن في المنزل لفترات طويل..

اوووف لاعت كبدي..طفرت خلاص..!!!

هذي مب حاله..قسم بالله احس بضيقه تكتم انفاسي..!!!!

ابي اطلع على كيفي..ابي اختلي بنفسي على راحتي..!!!

احد بيزورني..انا بازور حد..مب حاله..

اذن ما هو الحل معك عزيزي الزوج..؟

اذا قعدت في البيت ضيقت على زوجتك وكتمت انفاسها..!!!

واذا طلعت من البيت واغلب وقتك برا..قامت الزوجه في البحث

عنك ومطاردتك..واحيانا بتخيس عليك النفس..لاهمالك لبيتك وعيالك..

اذن الحل ..اين الحل..؟

احدى الزوجات السعوديات وجدت حلا لمشكلتها..تعالوا اقروا الموضوع..:

زوّجت سيدة سعودية تبلغ من العمر 35 عاما زوجها من سيدة أخرى، مفضلة أن تكون لها ضرة حلاً لمشكلة ملازمته شبه الدائمة للمنزل. وبررت الزوجة خطوتها بالإشارة إلى ان الزوج يذهب الى العمل لساعات قليلة، ومن ثم يعود ويبقى في المنزل من دون أن يخرج منه، اضافة الى تدخله في كل صغيرة وكبيرة في المنزل، ما جعلها تخرج عن طورها، إذ لا تستطيع أن تدعو صديقاتها أو جاراتها إلى المنزل بسبب وجوده المستمر من دون أن يكترث لأي شخص. ونقلت صحيفة"الحياة" السعودية التي تصدر من لندن، عن السيدة قولها إنها لم تفكر في هذا الأمر إلا بعدما إنه نفد صبرها، فهو لا يرغب في الخروج من المنزل، أو زيارة أصدقائه وأقاربه، بل إنه يمسك ريموت التلفزيون فور عودته من الخارج ليتنقل بين القنوات الفضائية فقط. وأضافت"فكرت في الانفصال عنه، ولكن أهلي عارضوا ذلك واقترحوا أن يبحثوا له عن زوجة ثانية حتى يخرج من المنزل بأي طريقة، ونسّق أحد إخوتي مع عدد من الأقارب وبحثوا له عن زوجة ثانية، لأنه لا يوجد حل سلمي سوى هذا الحل".


:secret:




من ملاحظتي على مشاركاتك وردودك عندك تناقض عجيب بشخصيتك مره تنصح ومره تنتقد

ومره ترد مثل هالرد يعني وحده زوجت زوجها بس علشان تلعب على حل شعرها بالله هذا رد

عقلاني ... الله يهديك اخوي ياليتك تنتبه لمشاركاتك وردودك ولا تسيء الظن بالنساء منهم امك

واختك وزوجتك وبنتك

اخت هتان بعض النساء يصابهم الملل من تواجد الرجل بالبيت طول الوقت فمنهم يتدخلون

بكل صغيره وكبيره مما يفتح باب المشاكل بين الزوجين ... الروتين المتجدد يجدد الحياة الزوجيه

وخروج الزوج من البيت باوقات معينه يزيد الشوق لعودته ...



سامحج الله ورجاء منج قبل الهجوم علي بهذه الطريقه البربريه شوفي اسلوب ردج وانتي بتعرفين من الي يفكر بالي انتي تفكرين فيه ان بعض الظن اثم

[هتـان قطر]

ههههههههههههههههه .... الله يعينها الصراحة :) .... مب شرط كل بيتوتي انسان حنّان يعني احنا في البيت كلنا بيتوتيين واخواني اولنا وما شفنا انهم حنّانين ولا يتدخلون بكل صغيره وكبيره يعني مسالمين للغايه واطباعهم معقوله والحمدلله .... عن نفسي افضل الزوج البيتوتي جدا :) ....



قطريه شي اكيد ان الناس مب نفس الطباع..ولكن اغلبية الرجال ما ان يقعدون

في البيت حتى تشوفينهم يركزون على توافه الامور واثارة المشاكل..ويمكن

هذا الشي ينطبق على اللي مهب متعود اصلا على قعدة البيت..فتلاقينه اذا تقاعد

او قعد في البيت تحت اي ظرف من الظروف ..يحكر اللي معاه في البيت

وما يخليهم ياخذون راحتهم..

الله لا يغير عليكم ..يالبيتوتيين :nice:

[غيمة مطر]

من ملاحظتي على مشاركاتك وردودك عندك تناقض عجيب بشخصيتك مره تنصح ومره تنتقد

ومره ترد مثل هالرد يعني وحده زوجت زوجها بس علشان تلعب على حل شعرها بالله هذا رد

عقلاني ... الله يهديك اخوي ياليتك تنتبه لمشاركاتك وردودك ولا تسيء الظن بالنساء منهم امك

واختك وزوجتك وبنتك

اخت هتان بعض النساء يصابهم الملل من تواجد الرجل بالبيت طول الوقت فمنهم يتدخلون

بكل صغيره وكبيره مما يفتح باب المشاكل بين الزوجين ... الروتين المتجدد يجدد الحياة الزوجيه

وخروج الزوج من البيت باوقات معينه يزيد الشوق لعودته ...


مافي كلام بعد كلامج:nice:

[هتـان قطر]

أسمحيلي أختي هتان مع أحترامي وتقديري لج كلامج غير مقتع ...
الزوجه شتبغي من الدنيا غير الستر والعيشه الطيبه والزوج الصالح اللي يخاف عليها ويحبها ويوفر لها كل أساليب الراحه ....
وأيش الشي اللي يضايق المره او السر اللي وجود الزوج يمنعها من عمله !!!!!
ماعتقد في وحده عندها شغل او زياره او شي عادي وجود زوجها في البيت يمنعها من عمله !!!!
وأعتقد أن من الأصول أن الزوجه لو كانت بتروح السوق او أي مكان زوجها هو اللي بيكون معاها وبيوصلها ..
اما على زيارات صديقاتها لها ..فأظن أن كل بيت فيه بدل الصاله ثنتين وبدل المجلس مجلسين وماظن الزوج بيجلس معاهم او وجوده في غرفته او مكتبه بيضرهم في شي ..
اللي ترضى تزوج زوجها عشان تاخذ راحتها ماعتقد أنها تستحق أنها تكون زوجه ..
انا كل اللي أعرفه أن الزوجه العاقله هي اللي تتمنى وجود زوجها معها في كل وقت وكل مكان

الله يوفقج ويسعدج دنيا وأخره

تقبلي تقديري وأحترامي لج


اخوي ناصر عادي خذ راحتك ..ومهما اختلفنا في وجهات النظر فتأكد ان هذا الاختلاف

انما هوظاهرة صحية لا تدعو للقلق..

اخوي ناصر ما ينطبق على حياتك الخاصة لا ينطبق على الاخرين..

يمكن انت من الناس السمحين اللي ما يحن او يكدر صفو البيت..بعكسك فيه ازواج

من يقعدون في البيت تلاقي عيونهم تدور اتدور على اخطاء علشان ينتقدها..

اما بخصوص الزيارات انا عن نفسي اذا زوجي موجود في البيت مستحيل حد يزورني

مع اني الح عليهم واقول عادي بس ما يرضون يقولون فشيله ما نبي نزعجكم..

لكن تعال شوف لما يسافر الله يحفظه او في نهاية الاسبوع..جمعات وقعدات شاي الضحى

على قولة خواتنا الكويتيات..

والسالفه كلها يا اخوان بعيده كل البعد عن الشرف والستر او اي شي ثاني..

احنا في مجتمع محافظ وجمعتنا محشومه من كل زله..

:)

[واحد ثقة]

فكرة رااااااائعة للزواج من اخرى :nice:


ولكن لاننسى بأن كيدهن عظيم :(




من ملاحظتي على مشاركاتك وردودك عندك تناقض عجيب بشخصيتك مره تنصح ومره تنتقد

ومره ترد مثل هالرد يعني وحده زوجت زوجها بس علشان تلعب على حل شعرها بالله هذا رد

عقلاني ... الله يهديك اخوي ياليتك تنتبه لمشاركاتك وردودك ولا تسيء الظن بالنساء منهم امك

واختك وزوجتك وبنتك





بدور مايسوى على الرجال علّق بشوية تهكّم طحتي فيه طيحة :omg:

[هتـان قطر]

هههههههه

الصراحة تصرف عجيب اكيد زوجها من النوع اللي يحن واااااااااايد

زوجي بيتوتي وااااايد ولو اعد له الطلعات اللي يطلعها بالشهر مع صديقه ما تتعدى الثلاث ، وكله بالبيت مع امه و معاي ومع عياله ، الصراحة هو ما يحن بس انا ابيه هو يطلع حتى ما تضيق نفسه ويمل من عياله ومني من كثر ما يشوفونا ، بس انا بصراحة مش مستاءة لاني اطلع وازرو ويزوروني والحمد لله الحياة ماشية لكن لو زوجي مثل زوجها ما اظن اني باختار حل مثل حلها بس يمكن اقفل على نفسي الغرفة واخليه يتملل ويطلع برع شكرا هتان



:)

ضوى هذا حل ثاني ..


بس ضوى..بيني وبينك ما تتمللين لما يكون موجود على طول الخط..؟:secret:

الله يخليكم لبعض ولا يغير عليكم :)

[هتـان قطر]

يالبى قلبها

وين السيدة ذي

:shy:


:sneaky:

[هتـان قطر]

مافي كلام بعد كلامج:nice:


:omen2:



فكرة رااااااائعة للزواج من اخرى :nice:


ولكن لاننسى بأن كيدهن عظيم :(







بدور مايسوى على الرجال علّق بشوية تهكّم طحتي فيه طيحة :omg:



:secret:

[بدور]

سامحج الله ورجاء منج قبل الهجوم علي بهذه الطريقه البربريه شوفي اسلوب ردج وانتي بتعرفين من الي يفكر بالي انتي تفكرين فيه وان بعد الظن اثم بارك الله فيج ....



ههههه انا تهجمت عليك بطريقه بربريه يا ليتك تعرف معنى البربريه وهذا يدل على ثقافتك

المحدوده ... اتمنى ترجع لردودك السابقه وتعرف وش نوعية ردودك ...

ما اعتب عليك اخوي من القص واللصق والنسخ على كلام احد الاعضاء :)

ما تستوعب الموضوع لانه متناقض من أساسه وردودك على قد فهمك

هتان اسمحي لي على هالرد كنت بطنش بس كلمة بربريه صعب اني اسكت وما ارد :)

سمعتي بـــــ الحليم اذا غضب هذي انا يا هتان :anger1:

[kare]

مسكينه اكيد ميننها بالحنه خخخخخخخخخخخخخ

[عاشق الشهادة]

ههههه انا تهجمت عليك بطريقه بربريه يا ليتك تعرف معنى البربريه وهذا يدل على ثقافتك

المحدوده ... اتمنى ترجع لردودك السابقه وتعرف وش نوعية ردودك ...

ما اعتب عليك اخوي من القص واللصق والنسخ على كلام احد الاعضاء :)

ما تستوعب الموضوع لانه متناقض من أساسه وردودك على قد فهمك

هتان اسمحي لي على هالرد كنت بطنش بس كلمة بربريه صعب اني اسكت وما ارد :)

سمعتي بـــــ الحليم اذا غضب هذي انا يا هتان :anger1:



اسمحي لها يـ هتان الاخت تقول صعب اني اسكت على كلمه بربريه ؟؟؟؟؟؟

[غيمة مطر]

ههههه انا تهجمت عليك بطريقه بربريه يا ليتك تعرف معنى البربريه وهذا يدل على ثقافتك

المحدوده ... اتمنى ترجع لردودك السابقه وتعرف وش نوعية ردودك ...

ما اعتب عليك اخوي من القص واللصق والنسخ على كلام احد الاعضاء :)

ما تستوعب الموضوع لانه متناقض من أساسه وردودك على قد فهمك

هتان اسمحي لي على هالرد كنت بطنش بس كلمة بربريه صعب اني اسكت وما ارد :)

سمعتي بـــــ الحليم اذا غضب هذي انا يا هتان :anger1:

هههههههههههههههههه

قولي سلاما

وانتهى الموضوع:victory:

[ورقــة أمــل]

ليش ما تكملون هوشتكم في الخاص

بتسكرون موضوع هتان على الفاضي

اختي هتان

في بعض الرجال سندارة ويحبون التدخل في كل صغيرة وكبيرة وفيه العكس اللي يحب يكون مع زوجته وعياله لاطول فترة ممكنة
بس من كلام الاخت الظاهر انه زوجها كان حنان وملعوزها فاختارت الزواج من ثانيه كحل ممكن يريحها
وكل واحد وطريقة تفكيره في ايجاد الحلول المناسبة
مب معناته انها كانت تبي تفتك منه وتاخذ راحتها لابعد الحدود مثل ما كان تعليق بعض الاعضاء
بالنسبة لي افضل الزوج اللي يكون وسط لا يكثر من طلعاته ولا يقعد في البيت طول الوقت عشان يحن ويضايق غيرره..

[هسلان]

ههههه انا تهجمت عليك بطريقه بربريه يا ليتك تعرف معنى البربريه وهذا يدل على ثقافتك

المحدوده ... اتمنى ترجع لردودك السابقه وتعرف وش نوعية ردودك ...

ما اعتب عليك اخوي من القص واللصق والنسخ على كلام احد الاعضاء :)

ما تستوعب الموضوع لانه متناقض من أساسه وردودك على قد فهمك

هتان اسمحي لي على هالرد كنت بطنش بس كلمة بربريه صعب اني اسكت وما ارد :)

سمعتي بـــــ الحليم اذا غضب هذي انا يا هتان :anger1:



http://www.s77.com/3DSmile/04/Bg-015.gif (http://www.s77.com/index.php?t=smiles)
أنا من رأيي أنكم تصالحون وكل واحد يصلح سيارته

[امل الحب]

اصلح النية يا شيخ
في بعض الازوج دبلت كبد بيتوتي ما يفارق البيت وفوق هذا حنان وما يعجبه شيء وهذا النوع يجعل البيت في توتر دائم لذلك هو غير مرغوب فيه من قبل الزوجة والاطفال ايضاً

:nice::nice:

[امل الحب]

اخبر النسوان يحبون الريال البيتوتي

البيتوتي المتوازن ..

مو 24 ساعة برا ولا 24 ساعة فالبيت ..

[هتـان قطر]

ههههه انا تهجمت عليك بطريقه بربريه يا ليتك تعرف معنى البربريه وهذا يدل على ثقافتك

المحدوده ... اتمنى ترجع لردودك السابقه وتعرف وش نوعية ردودك ...

ما اعتب عليك اخوي من القص واللصق والنسخ على كلام احد الاعضاء :)

ما تستوعب الموضوع لانه متناقض من أساسه وردودك على قد فهمك

هتان اسمحي لي على هالرد كنت بطنش بس كلمة بربريه صعب اني اسكت وما ارد :)

سمعتي بـــــ الحليم اذا غضب هذي انا يا هتان :anger1:



اسمحي لها يـ هتان الاخت تقول صعب اني اسكت على كلمه بربريه ؟؟؟؟؟؟



:telephone:

ما ادري اكلم العضيد..؟

:)

استهدوا بالله..ما ادري اشصاير اليوم..كذا موضوع اشوف فيه

مشاحنات..على شان خاطري اهدوا<<< اهم شي الموضوع ما يتسكر :secret:

[عاشق الشهادة]

:telephone:

ما ادري اكلم العضيد..؟

:)

استهدوا بالله..ما ادري اشصاير اليوم..كذا موضوع اشوف فيه

مشاحنات..على شان خاطري اهدوا<<< اهم شي الموضوع ما يتسكر :secret:




اختي هتان السموحه على ما بدر مني تجاهج فقط وحقج على رأسي ....

[هتـان قطر]

مسكينه اكيد ميننها بالحنه خخخخخخخخخخخخخ


يقول اشحادك على المر..قال اللي امر منه..:(



هههههههههههههههههه

قولي سلاما

وانتهى الموضوع:victory:

:omen2:


http://www.s77.com/3DSmile/04/Bg-015.gif (http://www.s77.com/index.php?t=smiles)
أنا من رأيي أنكم تصالحون وكل واحد يصلح سيارته


انا بعد اقول كذا..:)

[sh50]

][/صراحة هذه الزوجة غلطانة 000المفروض بحثت عن هوياته اللي يحبها وشجعته على ان ينميها00بدل ما تدمر حياتها بزوجه جديده واطفال جدد وبيت جديد00وذلك الحين تروح تدوره 0 امثله على الهوايات التي ممكن للزوجه ان تخلي زوجها يعملها000اذا كان بدوي خليه يربي ابل 00وغنم ومعزا000اما ان كان حضري فيشتري طراد ويروح للحداق او 00وان كان غني يشتري مزرعه00المهم اي هوايه تناسبة00رسم00تصوير فوتغرافي000]

[هتـان قطر]

اختي هتان السموحه على ما بدر مني تجاهج فقط وحقج على رأسي ....


راسك سالم اخوي الشهاده لي..

انا ملاحظه في الفترة الاخيرسوء فهم بينك وبين الاعضاء..

وهذي نصيحه من اخت لاخوها..اذا لاحظت ان هناك خلاف بينك

وبين الاخرين ..عليك بمراجعة نفسك اولا لان كل انسان يرى انه هو

الصح دائما ولا يرى اخطاءه الا حين ينبهه الاخرون..وانا اطبق هذا الشي

على نفسي فعندما ينتقدني اي شخص حتى لو كان احد ابنائي..اخذ فترة

صمت مع نفسي واراجعها..حتى اعلم مواطن الخلل واحاول اصلاحها

لا تزعل اخوي الشهاده..مجرد نصيحه..

[هتـان قطر]

ليش ما تكملون هوشتكم في الخاص

بتسكرون موضوع هتان على الفاضي

اختي هتان

في بعض الرجال سندارة ويحبون التدخل في كل صغيرة وكبيرة وفيه العكس اللي يحب يكون مع زوجته وعياله لاطول فترة ممكنة
بس من كلام الاخت الظاهر انه زوجها كان حنان وملعوزها فاختارت الزواج من ثانيه كحل ممكن يريحها
وكل واحد وطريقة تفكيره في ايجاد الحلول المناسبة
مب معناته انها كانت تبي تفتك منه وتاخذ راحتها لابعد الحدود مثل ما كان تعليق بعض الاعضاء
بالنسبة لي افضل الزوج اللي يكون وسط لا يكثر من طلعاته ولا يقعد في البيت طول الوقت عشان يحن ويضايق غيرره..



اختي كيو..اغلب الرجال ينظرون للامر غير نظرتنا احنا النساء..

المطلوب هو جانب من الحريه للزوجه تتصرف بنفسها دون فرض

قيود من قبل الزوج..والتحكم في كل صغيره وكبيره..خصوصا اذا كبروا

العيال.. طبعا كل شي باعتدال..

[شاهيناز]

عوده حميده اختي هتان للقصص الاجتماعيه


كل شئ يزيد عن حده ينقلب ضد
وترك مساحه للاخر يزيد من قوه العلاقه

لكن للاسف البعض يخنقك تواجده
حتى تتتمنى ازاحته لمساحات حتى تشعر باهميته

ليس في الزواج فقط حتى في الصداقه بين الاصدقاء بعض الاصدقاء يحاول ان يستحكم على كل مجريات حياتك وكانها ملك له
تصرف الزوجه خطئ
بدل ماتبحث عن من تشغل وقت زوجها حتى تنشغل في حياتها

عليها ان تجد حل بدون شريكه تشربك الامور وتزيد تعقيدها

بس الظاهر فقدت المشاعر تجاهه
الي يحب مايحب حد يشاركه في اللي يحبه

وتسلمين خيتو هتان

[امـ حمد]

الله يعيني على التقاعد

[Doha Land]

قصـــة عجيبــة :)

شكرا على الموضوع

[بوحارب]

يسلمو ع الموضوع هتان :nice:


اخبر النسوان يحبون الريال البيتوتي

ههههههههههههههههههههههههه

هذاك اول يا يبه:eek5:

[ezgert]

كان زين كل الحريم كيذيه , كان باخذ اجازه وباقعد في البيت لين مرتي اتخطب لي ثانيه

[هتـان قطر]

][/صراحة هذه الزوجة غلطانة 000المفروض بحثت عن هوياته اللي يحبها وشجعته على ان ينميها00بدل ما تدمر حياتها بزوجه جديده واطفال جدد وبيت جديد00وذلك الحين تروح تدوره 0 امثله على الهوايات التي ممكن للزوجه ان تخلي زوجها يعملها000اذا كان بدوي خليه يربي ابل 00وغنم ومعزا000اما ان كان حضري فيشتري طراد ويروح للحداق او 00وان كان غني يشتري مزرعه00المهم اي هوايه تناسبة00رسم00تصوير فوتغرافي000]



حلول ممتازه ياليت الاخت فكرت فيها قبل ما تخرب حياتها بيدها..

الا اذا كان جربت وما نفع معه..هنا بنقول معها حق:secret:

[أمة الله]

ههههههه اسمييه كل جبدها من قلب وإلاّ في وحده تخطب لريلها!

[Bu Rashid]

ليت كل الحريم جذيه ... ازوجون ريالهم.. جان احنا بخير...
وبعدين شبلاكم على اخوي الشهاده.. اعتبروها مزحه وخلاصنا..

[ANONYMOUS]

هذا درس مجاني للحريم

:p

[الخيميائي]

عرفتوا الحل يا ازواج علشان تاخذون الثانية بدون مشاكل

عموما المفروض الزوج او الزوجة يعطي كل منهم الاخر (استراحة) مابين فترة والثانية

هاي الاستراحة او المساحة (ترجمة حرفية) محتاجها كل طرف وخصوصا للراحة الفكرية وتجديد النشاط

مافي احلى من التوزان ومسك العصى من النص

يعني مايحتاج 18 ساعة جالس في البيت وماسك الريموت وعنده 300 قناة ومن قناة للثانية وكل شوي يصارخ سوي قهوة سوي شاي سوي لي غدا ابي سناك ابي عشا وين المقراض من الى حرك المزهرية وين العيال .................................................. .............................الخ

ولا 12 ساعة خارج البيت لعب ورقة وشيشة وكرك وكورنيش ومجمعات ونوادي .................................................. ..الخ

ملاحظة : تم اختصار ساعات العمل الرسمية والنوم

[فتى الجود]

أعتقد الأعتدال في كل شي مطلوب

وكل شي يزيد عن حدة ينقلب ضدة

[هتـان قطر]

عوده حميده اختي هتان للقصص الاجتماعيه


كل شئ يزيد عن حده ينقلب ضد
وترك مساحه للاخر يزيد من قوه العلاقه

لكن للاسف البعض يخنقك تواجده
حتى تتتمنى ازاحته لمساحات حتى تشعر باهميته

ليس في الزواج فقط حتى في الصداقه بين الاصدقاء بعض الاصدقاء يحاول ان يستحكم على كل مجريات حياتك وكانها ملك له
تصرف الزوجه خطئ
بدل ماتبحث عن من تشغل وقت زوجها حتى تنشغل في حياتها

عليها ان تجد حل بدون شريكه تشربك الامور وتزيد تعقيدها

بس الظاهر فقدت المشاعر تجاهه
الي يحب مايحب حد يشاركه في اللي يحبه

وتسلمين خيتو هتان


شاهيناز انتي تحرضيني على اني اتفرغ للمواضيع الاجتماعيه..:)

بس انا احب التنويع..مرة كذا ومرة كذاك..:victory:

عجبني ردك شاهي..عندنا مثل يقول كثر الدق يفك اللحام

يعني اذا بتم مشاهده شخص ليل ونهار اكيد بزهق وبتملل..حتى وان كانت صديقتي

او اختي..حلو الواحد يبعد شوي..على الاقل يجرب غلاة..روووح بعيييد وتعاال غااالي


الله يعيني على التقاعد


التقاعد ..كابوس تخشاه النساء


قصـــة عجيبــة :)

شكرا على الموضوع


عفوا..دوحه لاند

[هتـان قطر]

يسلمو ع الموضوع هتان :nice:



ههههههههههههههههههههههههه

هذاك اول يا يبه:eek5:

:omen2: نبي تعليقك بوحارب..خصوصا انك منيشن على اربع بدل الوحده..


كان زين كل الحريم كيذيه , كان باخذ اجازه وباقعد في البيت لين مرتي اتخطب لي ثانيه

تحمل تسويها..النسوان يختلفون عن بعض..لاتخسر مرتك على سبة موضوع


ههههههه اسمييه كل جبدها من قلب وإلاّ في وحده تخطب لريلها!

:victory:

[!الشايمه!]

لو كل زوجه بتتصرف هذا التصرف.....كان انتهت مشكلة العنوسه :)

انا اشوف انه تصرف غير حكيم.....تتخلص من مشكلة لتقع في مشكلة اكبر
لو فكرت ان تستغل هذا الجانب في زوجها....وتكون معه صداقة....تشاركه
تفكيره وهواياته....من مشاهدة التلفزيون الى الدخول في عالمه...ومنها
اكيد سيتجاوب ويدخل في عالمها الذي تفضله....فلا مانع من بعض الطلعات
والبحث عن اهتماماته خارج البيت.....وتشاركه فيها.....
وتتفاهم معه بخصوص ان يكون لها جانب اجتماعي...خاص بها.

اما موضوع الحنه.....فهو رد فعل على انشغالها ......والفراغ الذي يواجهه...
الزوجة الحكيمه تشغله.......فيها......لا بغيرها.
شوفوا الاجانب كيف.....ينتظرون التقاعد ....عشان يعيشون احلا ايامهم...
ويسلون نفسهم.....مع بعض وليس كلن بجانب...مشكلتنا هنا
اول الزواج مع بعض.......وفي الاخير.....هي تجد نفسها في حياتها الاجتماعية
مع صديقاتها واهلها........وحتى سفراتها مع اهلها......
وهو حياته مع اصدقائه.....وسفراته معهم.....ومع الوقت......يفتقدالاثنين
الطرف الآخر.........وللأسف اغلب الرجال......حين يصل لهذه المرحلة
يحس ان الزواج مجرد.....واجب......وهي تحس انه مجرد شكل اجتماعي.....
حينها .....يسهل للزواج البحث عن أخرى............!!
البعضضضضضضضضضضضضض وليس الكل :) عشان محد يزعل

وبعدين هالزوجه......لا خذت قلبه الزوجة الثانيه.....ساعتها بتشتغل الدموع اربع اربع......
وبتركض ورا راعيين الطبوب عشان ترجعه :)

تحية

[المخفي]

يعني قطت بلوتها على غيرها... صج حريم:pardon:
ان كيدهن عظيم escape
يا الله يا رب عديها على خيرomen

[(الفيصل)]

لايجلس معها بالبيت ...فتنفر
ولايتركها ويخرج من البيت ...فتقهر
بل يصطحبها للخروج معه خارج البيت وسوف ترضى :)

[هتـان قطر]

البيتوتي المتوازن ..

مو 24 ساعة برا ولا 24 ساعة فالبيت ..


:eek5: ما فهمت..املوه وضحي شوي..:secret:






ليت كل الحريم جذيه ... ازوجون ريالهم.. جان احنا بخير...
وبعدين شبلاكم على اخوي الشهاده.. اعتبروها مزحه وخلاصنا..



والله احنا بعد يالحريم بخير لو كل رجال عرف وش له من حقوق

ووش عليه من واجبات..:sneaky:



هذا درس مجاني للحريم

:p


اعتقد اني بغيتها طرب..وصارت نشب

او اني بغيت اكحلها..وعميتها:secret:

[هتـان قطر]

عرفتوا الحل يا ازواج علشان تاخذون الثانية بدون مشاكل

عموما المفروض الزوج او الزوجة يعطي كل منهم الاخر (استراحة) مابين فترة والثانية

هاي الاستراحة او المساحة (ترجمة حرفية) محتاجها كل طرف وخصوصا للراحة الفكرية وتجديد النشاط

مافي احلى من التوزان ومسك العصى من النص

يعني مايحتاج 18 ساعة جالس في البيت وماسك الريموت وعنده 300 قناة ومن قناة للثانية وكل شوي يصارخ سوي قهوة سوي شاي سوي لي غدا ابي سناك ابي عشا وين المقراض من الى حرك المزهرية وين العيال .................................................. .............................الخ

ولا 12 ساعة خارج البيت لعب ورقة وشيشة وكرك وكورنيش ومجمعات ونوادي .................................................. ..الخ

ملاحظة : تم اختصار ساعات العمل الرسمية والنوم



جبتها يالخيميائي...وشهد شاهد من اهلها..

هذا اللي ابي اوصل له..

كل شي وسط حلو..والزوجين محتاجين لكسر الروتين ومحتاجين

تجديد ونشاط بعد كل فتره حتى ما يدب الملل في نفوسهم..

اما بتم سنين على نفس المنوال..اشهد اني بازوجه:rolleyes2:

[khalid969]

هذي كلمات قد تخرج من افواه بعض النساء اللاتي يعانين من بقاء

ازواجهن في المنزل لفترات طويل..

اوووف لاعت كبدي..طفرت خلاص..!!!

هذي مب حاله..قسم بالله احس بضيقه تكتم انفاسي..!!!!

ابي اطلع على كيفي..ابي اختلي بنفسي على راحتي..!!!

احد بيزورني..انا بازور حد..مب حاله..

اذن ما هو الحل معك عزيزي الزوج..؟

اذا قعدت في البيت ضيقت على زوجتك وكتمت انفاسها..!!!

واذا طلعت من البيت واغلب وقتك برا..قامت الزوجه في البحث

عنك ومطاردتك..واحيانا بتخيس عليك النفس..لاهمالك لبيتك وعيالك..

اذن الحل ..اين الحل..؟

احدى الزوجات السعوديات وجدت حلا لمشكلتها..تعالوا اقروا الموضوع..:

زوّجت سيدة سعودية تبلغ من العمر 35 عاما زوجها من سيدة أخرى، مفضلة أن تكون لها ضرة حلاً لمشكلة ملازمته شبه الدائمة للمنزل. وبررت الزوجة خطوتها بالإشارة إلى ان الزوج يذهب الى العمل لساعات قليلة، ومن ثم يعود ويبقى في المنزل من دون أن يخرج منه، اضافة الى تدخله في كل صغيرة وكبيرة في المنزل، ما جعلها تخرج عن طورها، إذ لا تستطيع أن تدعو صديقاتها أو جاراتها إلى المنزل بسبب وجوده المستمر من دون أن يكترث لأي شخص. ونقلت صحيفة"الحياة" السعودية التي تصدر من لندن، عن السيدة قولها إنها لم تفكر في هذا الأمر إلا بعدما إنه نفد صبرها، فهو لا يرغب في الخروج من المنزل، أو زيارة أصدقائه وأقاربه، بل إنه يمسك ريموت التلفزيون فور عودته من الخارج ليتنقل بين القنوات الفضائية فقط. وأضافت"فكرت في الانفصال عنه، ولكن أهلي عارضوا ذلك واقترحوا أن يبحثوا له عن زوجة ثانية حتى يخرج من المنزل بأي طريقة، ونسّق أحد إخوتي مع عدد من الأقارب وبحثوا له عن زوجة ثانية، لأنه لا يوجد حل سلمي سوى هذا الحل".


:secret:

دربك ملون من شليلة الطابور السادس..... كثروا الطوابير

اللي بعده

[$بيرق العز$]

والله انا اشوف ان يعض الزوجات حنانه على كل شي ومايعجبها شي وكل شوي براي!؟
أن قعد الزوج في البيت قالت صاك علي وان طلع من البيت قالت هادني وهايت وهلم جره
والله يعين