هل يوجد لاب توب بطاريته ماتفضي بسرعة ؟؟؟؟؟

[الواعد]

السلام عليكم

أكثر اللاب توبات بطاريتها ( الشاحن ) ماتطول ساعة أو ساعتين وتفضي

فايش أفضل لاب توب بطاريته تطول أكثر من ساعتين ؟؟؟

أنا سمعت ان فيه بالفعل وتقريبا ديل أو غيره

فياليت أحد يقول لي اي نوع بالضبط فيهم ؟؟؟؟

[محمد2]

انا عندي وااحد للبيع .. بـ4300 .. سعره جديد بـ4800 .. عليه ضمان .. واللاب توب بكراتينه .. للحين مافتحته .. يعني جدييييد .. شووفي الرابط وفالج طيب .. .. فرق 500 ..

http://qatarshares.com/vb/showthread.php?t=215230 .. ^_^ ..

[شاهين]

السلام عليكم

أكثر اللاب توبات بطاريتها ( الشاحن ) ماتطول ساعة أو ساعتين وتفضي

فايش أفضل لاب توب بطاريته تطول أكثر من ساعتين ؟؟؟

أنا سمعت ان فيه بالفعل وتقريبا ديل أو غيره

فياليت أحد يقول لي اي نوع بالضبط فيهم ؟؟؟؟


مرحبا الواعد
المشكله مب في البطاريه
المشكله في الحفاظ على فاعلية البطاريه
نعم فيه بطاريه تدوم من 2 الى 3 ساعات
وماعند ي فكره عن اللاب توبات الثانيه
بس الأيسر ( travel mate ) أأكد لك أن بطاريته الليثيوم
تدوم أكثر من 3 ساعات متواصله
لكن في أقل من سنه قدرة البطاريه تقل
والسبب سوء الأستخدام
والأحسن فصل البطاريه لين يكون الجهاز موصول بالشاحن
وعدم ترك البطاريه فاضيه مده طويله
وأذا كنت ناوي تاخذ لاب توب تأكد من سنة الصنع وأنها من فئة الليثيوم
يمكن يكون الجهاز جديد لكن بعض أكسسواراته قديمه والقطع قديمه
والله يوفقك





ملاحظه
فيه برنامج يطيل عمر البطاريه
لكن ماأنصحك تنزله
( حاسب منه )

[قطري vip]

اعتقد الدل xps سمعت عنه انه بطاريته تطول وهذا والعلم عند الله

[دكتور قطر]

اعتقد الدل xps سمعت عنه انه بطاريته تطول وهذا والعلم عند الله

كلام صحيح هذا الجهاز انااستعمله وبطاريته ممتازه تخدم تقريبا من 4.5 الى خمس ساعات والله اعلم

[sad-o-bas]

السلام عليكم..
الديل أخوي، والتوشيبا بعد.. بس عيب التوشيبا انه غالي..

بالتوفيق..

[غيمة مطر]

الدل xps

البطاريه تدوم بين 4 الى 5 ساعات

[بوحارب]

انا انصحك يالدسك توب

يقولون بطاريته تقعد طول العمر & ــ &

[الواعد]

ألف شكر لكل من رد

بس بخصوص الديل XPS

هل كل أنواعه نفس الشيء في البطارية ؟؟

أو هناك نوع محدد فقط ؟؟؟؟

لأني شفت انه يوجد أكثر من نوع مثل

Dell XPS M1330

Dell XPS M1530

Dell XPS M1710

Dell XPS M1730


هل كل هالأنواع نفس الشيء في طول مدة البطارية ؟؟

وايش الفرق بينها اصلا ؟؟؟

[ام وليد]

في ال جي الي عندي بطاريتة اتم 4 ساعات

[محمد2]

Dell XPS M1330 .. اختي انا عارض هذا النوووع للبيع .. وتدوم بطاريته للـ 4 ساعات الا ربع .. وحطيت لج الرابط فوووق ^_^ ..

[الواعد]

Dell XPS M1330 .. اختي انا عارض هذا النوووع للبيع .. وتدوم بطاريته للـ 4 ساعات الا ربع .. وحطيت لج الرابط فوووق ^_^ ..

الله يهديك أنا أسمي الواااااااااااااعد :) يعني MAN :nice:

[محمد2]

^_^ السمووحه اخووي <<< والله ماكنت منتبه << ,, انشالله خير ^_^

[abo0o0od QtR]

السلام عليكم

ما توقع انه عمر البطاريه يعتمد على نوع الجهاز كثر ما يعتمد على استخدامك

في اعدادت معينه في الجهاز من قوة اضاءة الشاشه وشغلات من هالقبيل اعدادت لازم انت اضبطها و من هالاعدادات انك لما تكوت شغال على البطاريه بدون شاحن تشوف اضاءه الشاشه تضعف في ناس وانا منهم اخلي الجهاز دايم على اعلى اداء وفي هالحاله سواء كنت موصل الشاحن ولا لا ما تضعف الاضاءه ولا يتحول الجهاز لوضع ستاندباي

علشان جذيه ما تكمل عندي البطاريه اكثر من ساعه ونص

لكن نفس جهازي عند رفيجي يقعد 3 ساعات لانه مغير الاعدادت مثل ما ذكرت فوووق


بالنسبه للبطاريات في اكثر من نوع في بطارية انزلت يديه سمعت عنها من الشباب اسمها

long live مادري لو اسمها جذيه ولا اهما يسمونها لونق لايف

المهم هاي تقعد 11 ساعه بس سعرها غالي اسال عنها في السوفتيل ولا في pc1

وشوف

[ابو ضاري]

السلام عليكم

أكثر اللاب توبات بطاريتها ( الشاحن ) ماتطول ساعة أو ساعتين وتفضي

فايش أفضل لاب توب بطاريته تطول أكثر من ساعتين ؟؟؟

أنا سمعت ان فيه بالفعل وتقريبا ديل أو غيره

فياليت أحد يقول لي اي نوع بالضبط فيهم ؟؟؟؟



هلا بك اخوي الواعد

ماقصروا اخواني، من اللابتوب التي عمر بطاريتها الافتراضي طويل هي :

Dell Latitude E6400

http://i.dell.com/resize.aspx/latitude_e6400_color_500x500/249


حيث مدتها 5 ساعات



HP EliteBook 6930p


http://h10003.www1.hp.com/digmedialib/prodimg/lowres/c01404964.jpg

من اللاتبوبات التي عمره بطاريتها طويل يوزاي 5 ساعات واكثر بقليل حسب تصريحات المدونات التقنية





Ailenware Sentia M3200

http://www.mobilewhack.com/images/alienware_sentia_m3200_laptop.jpg

http://www.notebookcheck.net/uploads/pics/gallery_5700_left_02.jpg

المدمج بتقنية The Battery Control Technology التي ساعادت على دمج بطارية ليثوم قوية وطويلة الامد لكن لم يذكر كم تدوم البطارية لكن اللي استطعت معرفه سابقا بان البطارية قوية وتدوم طويلا






الامر الاخر تستطيع ان تضع بطارية اضافية تزيد من عمر بطاريتك الى 8-10 ساعات وهذه بطارية اضافية لأغلب انواع اللابتوبات المشهورة

http://www.hp-laptop-batteries.net/image/cheap/universal-external-battery.jpg

سعرها مايقارب 120 دولار وتستطعون طلبها :- من هنا (http://www.hp-laptop-batteries.net/universal-laptop-battery.htm)





أخيرا وليس اخر لتوفير بطارية اللابتوب لتدوم اطول عليكم بهذه النصائح:-

1-اغلاق كرت الوايرلس عند عدم الحاجة
2-تقليل ضو الشاشة
3-اغلاق البلوتوث
4-استخدام خاصية power management التي تاتي دائما مع البطارية للخيار الانسب لك وتقليل الاستهلاك



هذه مايحضرني اتمنى افدتكم تحياتي لكم

فمان الكريم