اخوتي فرش فلتين وين تنصحونا من قطر او دبي ايهم الافضل

[المغترب 123]

اخوتي فرش فيلا وين تنصحونا من قطر او دبي ايهم الافضل
من حيث الاسعار لفرش فيلا بالكامل
مكونه كل فيلا من خمس غرف ومجلس وصالتين وغرفه طعام
اذا كان قطر اتمنى تذكرون لي بعض اسماء المحلات التجارية الممتازة وان كان دبي كذلك بعض الاسماء
فرش بين الراقي والمتوسط
والله يوفق الجميـــــــــــــــــــــــــــــــــــــــــــــ ـــــــــــــــــــــــــــــع

[خذاني الشوق]

مااااااااااااااااااااااااايبي له كلاااااااااااااااام دبي والسعوووووووووووودية وعندج كويت صراحه خيال خيال خيال ولا سوالف الكويت عندهم شي لين الحين اعتقد مش موجود بقطر تحملو تاخذون من قطر شي عادي يطلع البيت اللي حذاكم نفس الاثاث روضه مو اثاث

[سهم عتيج]

عليك بالسعودية,, خيارات كثيرة وأسعار في متناول الجميع..

روح الخبر وبتحصل الكثير من محلات المفروشات,, وطب واختار..


والله يوفقك..

[بوخالد353]

ما أعتقد في اقوا من الكويت ن باب تجربه لاني احب اتابع هالسوالف اذا سافرت الكويت خيارات كثيره والاسعار حيل معقوله والشحن متوفر من الباب للباب واذا تبي الاماكن طرشي على الخاص وانا اعطيك اسامي الاماكن

[دانة قطر]

مثل ما قالوا الأخوان لا تاخذ من قطر سعر غالي على الفاضي اسال مجربة عافانا الله ما شي حلو في الدوحة لا وبعد غالي
روحي السعوية ابرك لج والشحن متوفر عندهم ويوصلون لين الباب

[فارس قطر]

الدماااام بدون كلاااااام

ونصيحة ا بتعد من الشراء من قطر غالي بدون معنى

[المشتاقه الى الجنه]

السعوديه (الدمام) على طريق الدمام الخبر في مفروشات وايد وفي الخبر
مفروشات المنزل -العامر -العبد اللطيف - عبد الواحد----الخ
عندك محلات وايد وتشكيلات كثيره

[مساهم عادي]

مادري ليش البضائع في الدوحة خاصة في الملابس والمفروشات رديئة ولا فيها تنوع مع ذلك تجدها غالية جدا..


في الدول المجاورة ..وتحديدا في السعودية والكويت... تنوع بشكل واسع جدا والواحد مايعرف يشتري ايش وايش.. واسعار ولا في الأحلام...

[سوق واقف]

الصين

[naklan]

اخوتي فرش فيلا وين تنصحونا من قطر او دبي ايهم الافضل
من حيث الاسعار لفرش فيلا بالكامل
مكونه كل فيلا من خمس غرف ومجلس وصالتين وغرفه طعام
اذا كان قطر اتمنى تذكرون لي بعض اسماء المحلات التجارية الممتازة وان كان دبي كذلك بعض الاسماء
فرش بين الراقي والمتوسط
والله يوفق الجميـــــــــــــــــــــــــــــــــــــــــــــ ـــــــــــــــــــــــــــــع



اخوي المغترب 123 اعرف مكان محترم واسعاره ارخص بكثير اسمه ( حول الامارات) في الشارقه وبجانبه جميع محلات الاثاث خلف وكاله تويوتا الشارقه وبالتوفيق

[مرت محمد]

السسسسسسسسسسسسسسسسسسعوديه مافي اي كلام انا مجربه دبي غالى نفس قطر الكويت موديلاتهم دفشه السعوديه خيارت كثيره ومتعدده بين الراقي والناعم والعملي ........

[Qatar Flash]

ما أعتقد في اقوا من الكويت ن باب تجربه لاني احب اتابع هالسوالف اذا سافرت الكويت خيارات كثيره والاسعار حيل معقوله والشحن متوفر من الباب للباب واذا تبي الاماكن طرشي على الخاص وانا اعطيك اسامي الاماكن

تكفى انا ابغي بعد العناوين في الكويت

[Thamer_Qat]

مادري ليش البضائع في الدوحة خاصة في الملابس والمفروشات رديئة ولا فيها تنوع مع ذلك تجدها غالية جدا..


في الدول المجاورة ..وتحديدا في السعودية والكويت... تنوع بشكل واسع جدا والواحد مايعرف يشتري ايش وايش.. واسعار ولا في الأحلام...


علشان الأجارات وسكن العمال والكهرباء غالية عندنا فيرفعون قيمة البضاعه
هذا على لسان صاحب محل ستائر وتنجيد وصناعة مفروشات محلية كنت اتعامل معاه