المساعد الشخصي الرقمي

مشاهدة النسخة كاملة : فتح حساب للحريم في المجموعه !



Chambray
29-11-2005, 09:35 AM
الواحد إذا يبي يفتح حساب للحريم في المجموعه .. شلون الطريقة ؟؟ وبعدين يصير حسابين على رقم هاتف واحد ؟؟

Qatari 1980
29-11-2005, 09:48 AM
السلام عليكم

أخوي فيه فورمه ( طلب ) تعبيه بالبيانات المطلوبه
ولازم يكون عندك كشف حساب بالاسهم المتوفره عندك وهذي تأخذها من سوق الدوحه للأوراق الماليه ( البورصه ) ولازم بعد يكون عندك البطاقه الشخصيه الأصليه لصاحب الحساب...

بعد كل هالطلبات تقدر تفتح حساب حق الحرمه ...

أحيان يطلبون منك وكاله في بيع وشراء الأسهم لأن ما عندك الحق تفتح حساب بأسمها وأحيان يكون الموظف متساهل ويفتح الحساب بدون اي مشاكل ...


وبخصوص الرقم أنا حطيت رقمي على 9 حسابات عندهم وهذا مسموح
الاهم هو انك تسجل اي رقم تبغي يتم من خلاله عملية البيع والشراء حتى لو كان الرقم مسجل ألف مره من قبل ( طبعاً الرقم يسجل بموافقة صاحب الحساب ) ...

Chambray
29-11-2005, 10:55 AM
كتاب الذكريات

ألف شكر لك يالغالي

يعني ما داعي أودي المرة للمجموعه علشان تفتح حساب ؟؟؟ كفايه أنا اروح مع البطاقة الشخصية !!

وشئ ثاني الله لايهينكم ويهينك ..

بخصوص العيال شلون أفتح لهم حساب وابيع .. مع العلم ان العيال ( قصر ) يعني ماتعدوا ال 4 سنين !!! شسالفة في ذي الحالة .. لازم الشؤون القانونية في البورصة ولا الامور سهالات !؟

Qatari 1980
29-11-2005, 11:08 AM
كتاب الذكريات

ألف شكر لك يالغالي

يعني ما داعي أودي المرة للمجموعه علشان تفتح حساب ؟؟؟ كفايه أنا اروح مع البطاقة الشخصية !!

وشئ ثاني الله لايهينكم ويهينك ..

بخصوص العيال شلون أفتح لهم حساب وابيع .. مع العلم ان العيال ( قصر ) يعني ماتعدوا ال 4 سنين !!! شسالفة في ذي الحالة .. لازم الشؤون القانونية في البورصة ولا الامور سهالات !؟

العفو أخوي وهذا واجب

ترى كل الكلام اللي قلت لك اياه بخصوص فتح حساب في ( المجموعه للاستثمار )

بخصوص الحرمه مثل ما قلت لك أما يكون عندك توكيل منها في البيع والشراء أو انك تجيب بطاقتها الشخصيه الأصليه واحتمال كبير انهم يمشونك

أنا قبل فتره فتحت حق الوالده حساب في المجموعه وكان الموظف متعاون معاي مع أنه قالي أن المفروض فتح الحساب يكون عن طريق الشخص نفسه ...

أفضل طريقه أخذ طلب حق فتح حساب في المجموعه و روح البيت وخل المره توقعه نفس توقيع البطاقه وأخذ بطاقتها الاصليه وانشاء الله راح يمشونك ....
بس لا تنسى كشف الحساب من البورصه ... والبورصه ما يعطونك كشف حساب الا اذا جبت بطاقتها الاصليه ...

المهم بخصوص الاولاد القصر طبعاً ما يحتاج انك تجيبهم معاك ولا يحتاج توقيعهم

كل اللي عليك تجيب شهادات ميلادهم وبطاقتك الشخصيه تكون عندك
طبعاً هذا في محالة انك الوالد واذا كنت وطي عليهم تجيب كتاب الوصايه

الأوراق المطلوبه :-
1- كشف حساب بالاسهم المتوفره من سوق الدورحه للأوراق الماليه ( يتطلب البطاقه الشخصيه الأصليه )
2- رقم المساهم ( وهذا الرقم يكون موجود في الكشف اللي خذته من السوق )
3- البطاقه الشخصيه الأصليه .


معليش دوختك لان الكلام يمكن ماهو مرتب

لكن حاولت أكتب كل اللي عندي علشان ما تصادفك اي مشكله في المجموعه ...

Chambray
29-11-2005, 12:13 PM
جزاك الله خير

أوراق الاكتتاب مثل أكتتاب ناقلات هل تكفي .. لأن فيها رقم المساهم كما اعتقد !؟

ورحم الله والديك على التعاون الرائع ..

Qatari 1980
29-11-2005, 01:09 PM
جزاك الله خير

أوراق الاكتتاب مثل أكتتاب ناقلات هل تكفي .. لأن فيها رقم المساهم كما اعتقد !؟

ورحم الله والديك على التعاون الرائع ..

والله يا أخوي احتمال يقبلونها

ممكن تتصل على المجموعه ورقمهم 4444444 وخله يحولك على واحد مختص بفتح الحسابات واسأله

بس على حسب علمي هم يطلبون كشف حساب من سوق الدوحه للأوراق الماليه

أخوي أنصحك تروح وتخلص أمورك أول الصباح

روح الساعه 7 البورصه وأخذ الورقه في نفس الوقت
وبعدها روح المجموعه على طول وافتح حساب

المجموعه يفتحون الساعه 7ونص ولو جيتهم أول الصباح راح تلقى المكان فاضي وتقدر تجيب الحرمه معاك لو حبيت علشان تسهل اجراءاتك ...


اتمنى أني أفدتك