ياجماعه يصيـــــــــر ولا لا ؟

[ريــــــــان]

السلام عليكم اعضاء الشبكه الكرام

قبل كل شيء سواء افدتوني ولالا
احب اشكركم على كل ردودكم وتجاوبكم وفعلا صار هالمنتدى الحل لمشاكل كثيره
ومناقشاتكم تفيد وتأثر في القرارات


المهم يا جماعه
انا ابي ابني غرفة بحمامها في حوش بيتي ( يعني البيت ملكي)
هل فيها مشكله قانونيه ولا عادي ؟
واذا فيه وش الاجراء اللي لازم اسويه ,, مع الشكر مقدماَ

[ANONYMOUS]

اتوقع لازم تصريح..


والله اعلم

[بو نايف]

رخصة بناء من البلدية اللي انت تابع لها

[ALFAISAL]

الافضل تاخذ رخصه من البلديه

[mohd1987]

اخوي لازم ترخيص من البلديه لانه لوكل واحد سوى مثلك ممكن يصير ضغط على الخدمات
ومشاكل اخرى ..........

[فراغ]

أخوي تروح حق أقرب بلدية في منطقتكم
وتحمل معاك سند الملكيه + مخطط لبيتكم + كروكي للغرفه الي تبي تبنيها وين بالضبط في خارطة البيت

بعدين بيعطونك موعد وبيطلعون معاك مساح وعادتآ بيكون هندي وهذيه الهندي لازم تريقه (دهان سير)
وبيمتر بيتكم وبيرسمه على ورقه وأذا أنته مسوي بنيان ومو موجود في الخارطه ممكن يغرمونك كمخالفه
بعدها بيعطونك موعد ثاني تمر عليهم علشان الموافقه والطوابع

وهذي من خبرتي لأننا متراعصين في البيت من كثر ما بنينا داخل البيت مممممملاحق
وسلامتك

[ريــــــــان]

ANONYMOUS سلمت على الرد :nice:


بو نايف بارك الله فيك :nice:


ALFAISAL سلمت اخوي :nice:


mohd1987 عدل كلامك الغالي :nice:



فراغ افا عليك الجباتي والشاي الكرك موجودين :nice: تسلم الغالي على المرور المميز :)