نسيت باس ورد ايميلي

[ذوق]

السلام عليكم ورحمة الله وبركاته


أخواني خواتي جزاكم الله خير


نسيت باس ورد ايميلي ما يندرى انباق..واغلب الظن اني ناسيته لأن محد يدخل عليه

الله واعلم...شكثر محتااااااااااااااسه والله..والسؤال مال الأجابه السريه ناسيتها بعد

وعندي ايميلات مهمه جدآ جدآ جدآ مالت الشغل...

تسون فيني خير لو حد ثقه يقدر يساعدني ويرده لي


وشكرآ

[Red Eye]

والله انا بعد انباق لي ايميل من سنتين وابيه والله
..
بس ماقدرت ارده:(
..
ان شاء الله حد يفيدج

[Mr.Qatar]

السلام عليكم ورحمة الله وبركاته


أخواني خواتي جزاكم الله خير


نسيت باس ورد ايميلي ما يندرى انباق..واغلب الظن اني ناسيته لأن محد يدخل عليه

الله واعلم...شكثر محتااااااااااااااسه والله..والسؤال مال الأجابه السريه ناسيتها بعد

وعندي ايميلات مهمه جدآ جدآ جدآ مالت الشغل...

تسون فيني خير لو حد ثقه يقدر يساعدني ويرده لي


وشكرآ

أختي المطلوب الجواب للسؤال السري مب السؤال .

طرشي لي الجواب حق السؤال لو تتذكرينه مع الايميل برساله خاصه .

وان شاء الله بساعدج بالي آقدر عليه

[Mr.Qatar]

والله انا بعد انباق لي ايميل من سنتين وابيه والله
..
بس ماقدرت ارده:(
..
ان شاء الله حد يفيدج

لو تتذكرين بيانات ايميلج كامله برجعه لج خلال يوم

[مضارب دوسري]

ماعندج الا تستعينين بهكرز محترم
وتخلينه يبوق ايميلج عشان يقدر يطلع الرقم السري ويرجعه لج

[saud580]

أختي انا يمكن أقدر أساعدج

بس أول شي ابي اتأكد ان الايميل ايميلج

تقدرين تطرشين لي التفاصيل على الخاص

[قطري vip]

اختي حطي الموضوع بقسم البرامج وبيساعدج ان شاء الله بوضاري والاخوان وماراح يقصرون معاج

[فلفل حار]

ودي اساعدج لكن الموضوع فيه ذمه وضمير

الله يعينج اختي

[الـمـحـنـك]

اختي ذوق ارسلي لي الايميل على الخاص وان شاءالله خير


تحياتي

[ذوق]

المشكله اني مسويته من سنتين تقريبآ وناسية نص البيانات

والأيميل ايميلي .... للحين ما صرت حراميه :) يالطيب مثل ما ذكر اخوي الأمر فيه ذمه وضمير

والأيميل المشكله انه محد يدخل عليه...عشان ينباق...

بس الي مستغربه منه اني يوم كنت داخله عليه...مره وحده انطردت منه واحاول ادخل مره ثانيه يقولي ان الباس ورد غلط فأتوقع مبيوق..مع اني ماقبلت اي رساله من احد غريب

[ذوق]

اخواني المحنك وسعود وشقردي طرشتلكم ايميلي ... واي واحد يقدر يرده لي...بدعيله من كل قلبي