توّني أدري

[@ دانتيل قطر @]

السلام عليكم ورحمة الله وبركاته

الموضوع اللي بطرحه اليوم
موضوع مهم
وين أحنا عنه من زمان
وهو موضوع يهم الجميع
السالفة ومافيها 00
أن أحنا 00
ومن زمااان
دايما نشتري أغراض من الجمعية أو المجمعات والهايبر ماركت
مثل العيش والحليب والسكر والزيت
وهالمواد الغذائية بس 000 وبالذات
00كانت تكلفني وايد وتكلف راعي بيتي
بما أنه راعي مجلس ويسوي عزايم داايما
وبعد في رمضان المجلس مايخلى
عسى دوم يارب
وكلكم تدرون بالصرف الشهري
وكانت هالأغرض تكلفني وايد و0000 بالآلآف
ولكن
0000
ولكن
من كم يوم جبنا أوراق وعبيناها من لجنة المناقصات المركزية
على أساس نجيب التموين منها0000
واليوم أرسلت السايق يجيب الأغراض المدونة في الأوراق
مثل الحليب (3كارتون)
والسكر(3 أكياس)
والزيت والعيش(من كل شي 3 )
وأنصدمت
يوم عرفت أسعارهم
وهو ماكلفني شي؟؟
وسعرهم كلهم
(585 ريااااااااال )
والله يابلاش
وأستانست
وين أحنا من قبل عنهم
وطايحه في المجمعات والهايبر ماركتات
وقاعده أخلص مصروف البيت عليهم وكل مره
فوق2000 ريال
ومخلييّه تموين قطر وأحنا أحق الناس فيه
00000
ولما خبرت بوعيالي أن هالتموين ماكلفني الأ600 ريال
قال لي :
صج
وين أحنا عنه من زمان
( وأنا أشوف فلوسي تخلص بسرعة ؟؟؟)
ترى من عيش المجمعات
لأن كل مره أشتري خيشة العيش فوق ال200 ريال
والحليب فوق 120ريال
(عاد أحنا مانيّوز عن الكرك )
والزيت فوق ال120 ريال
والسكر بعد لاحق أسعارهم

لكن اللحين ما لنا الا التموين
0000000
وفي الأخير ما أقول الا
الله يحفظ بلادنا من كل شر
والحمد لله على النعمه والخير

وتسلمون

[مليت]

اختي شنهي الوراق المطلوبه ومن وين نجيبها

[!قطريـة بنت القمـر!]

ابوي الله يرحمه دايما كان يشتري عن طريق التموين .... بس الوالده لانها صحية فتحب تشتري شغلات معينه من الجمعيات وما تهتم لكن شكلي بعلمها على هالشغله عشان التوفير :shy: .... جزاج الله خير اختي قطرية عساج ع القوه :nice: ....

[@ دانتيل قطر @]

اختي شنهي الوراق المطلوبه ومن وين نجيبها



مرحبا
الأوراق المطلوبه
هي صوور من البطاقات الشخصية للعائلة وشهادات ميلاد العيال
وأوراق تاخذها من لجنة المناقصات المركزية

[@ دانتيل قطر @]

ابوي الله يرحمه دايما كان يشتري عن طريق التموين .... بس الوالده لانها صحية فتحب تشتري شغلات معينه من الجمعيات وما تهتم لكن شكلي بعلمها على هالشغله عشان التوفير :shy: .... جزاج الله خير اختي قطرية عساج ع القوه :nice: ....



مشكورا أختي
والله يرحم الوالد
بس التموين كل أغراضهم نظيفة
مب مثل قبل

لكن اللحين أذا جذيه بنوفر00 ليش لا00
وأمج صاجة00 مب كل شي بناخذه من التموين؟؟
بس هالأساسيات00 عندهم
اللي تهلكنا وتكلف
مثل اللي ذكرتهم 00
وتسلمين يارب

[الألماسي]

اختي قطريه . . عندنا بالبيــت ماشيين على سِلْم الوالد رحمه الله عليه . .
الحليب + السكــر تموين دايماً . . وهـ الشئ موجود من زمان . .

اما العيش التموين صراحه شوي تعبان و ناخذه من برا . .

الله يعز الدوله في ظـل بو مشعل الله يحفظه . .

[@ دانتيل قطر @]

اختي قطريه . . عندنا بالبيــت ماشيين على سِلْم الوالد رحمه الله عليه . .
الحليب + السكــر تموين دايماً . . وهـ الشئ موجود من زمان . .

اما العيش التموين صراحه شوي تعبان و ناخذه من برا . .

الله يعز الدوله في ظـل بو مشعل الله يحفظه . .






شكرا لك
والله يرحم الوالد
بس العيش هالمره ماعليه كلام
هذاك أول كان تعبان
وأدري أن التموين من زماان
بس أحنا مدلعين وعيزانين نجيب الأوراق
ونشتري من الجمعيات
لكن اللحين بنعدل الأوضاع ونقتصد
وتسلم

[яέέⓜ]

شكرا لك
والله يرحم الوالد
بس العيش هالمره ماعليه كلام
هذاك أول كان تعبان
وأدري أن التموين من زماان
بس أحنا مدلعين وعيزانين نجيب الأوراق
ونشتري من الجمعيات
لكن اللحين بنعدل الأوضاع ونقتصد
وتسلم



اللهم ادمها نعمه واحفظها من الزوال
ترى حتى اكياس الشعير
(مكرمين)..بعد تموين اقل من سعر السوق
ومثل ماقالت الاخت العيش ماعليه كلام
الخيشه برى 25 كيلو تنباع تقريبا ب600 ريال


مشكورة اختي

[hich]

التموين كان مشهور بين القطريين في السبعينات وبداية الثمانينيات ولم يعد يشتريه الا القليل في التسعينيات وبداية الالفين والان رجع وبقوة

تاريخ التموين في قطر على لسان واحد في اللجنة المناقصات

[@ دانتيل قطر @]

اللهم ادمها نعمه واحفظها من الزوال
ترى حتى اكياس الشعير
(مكرمين)..بعد تموين اقل من سعر السوق
ومثل ماقالت الاخت العيش ماعليه كلام
الخيشه برى 25 كيلو تنباع تقريبا ب600 ريال


مشكورة اختي



مرحبا
صح كلامك
وشكرا

[@ دانتيل قطر @]

التموين كان مشهور بين القطريين في السبعينات وبداية الثمانينيات ولم يعد يشتريه الا القليل في التسعينيات وبداية الالفين والان رجع وبقوة

تاريخ التموين في قطر على لسان واحد في اللجنة المناقصات



مشكور
وماقصرت على التصريح
ايه اللحين شغل عدل ومرتب ونظيف وأنا أشهد بذلك
والعيش يجيكم في الأكياس البيضا دبل بلاستيك
مب في خيشة مثل قبل
00وريحتة زينة
وحتى الحليب زين
أعرف وحدة مسافرة من مبعوثين السفارات في الخارج
ماخذه معاها 10 كراتين حليب التموين

[>>> غــمـــوض <<<]

ماقصرتي اختي العزيزة :)

[وحيد-الشوق]

مرحبا
الأوراق المطلوبه
هي صوور من البطاقات الشخصية للعائلة وشهادات ميلاد العيال
وأوراق تاخذها من لجنة المناقصات المركزية


:rolleyes2:

وليش كل هالطلبات لايكون بنقدم على بيت :eek5:

واي صوب لجنة المناقصات المركزيه :shy:

[فرقة الصقور]

يسلمون على هالخدمة بس ياليتهم يدعمون لنا الاصناف اللي جودتها عالية بدال هالحليب الخربان والعيش الجديد >>>الله لايهينهم يخدمونا شوي

[العمـادي]

احنا ناخذ الزيت والحليب والسكر منهم

بس العيش خذنا منهم مره وما عجبنا مو شي

[غناتي1]

التموين صار احسن من الاول

حتى العيش صار احسن وطعمه حلو

وتدرون كنا ناخذ اوراق التموين ونعطيها صراحة المحتاجين

من جيرانا السودانيين واليمنيين

لكن الحين صرنا نشاركهم وناخذ منها لانها ارخص وانظف

الله يعز الامير بو مشعل

[عـيـون قـطـر]

:victory:

[سهم مديون]

:ok:ماقصرت بلادنا ونتطلع منها الخير الكثير ايضا

[@ دانتيل قطر @]

ماقصرتي اختي العزيزة :)



تسلمين أختي غموض
ومشكورا

[@ دانتيل قطر @]

:rolleyes2:

وليش كل هالطلبات لايكون بنقدم على بيت :eek5:

واي صوب لجنة المناقصات المركزيه :shy:


ماطلبوووو شي الا البطاقة الشخصية:shy:

[شاهين]

المفروض هالشي تسونه من زمان
يمكن أنتي ماعندج علم بالتموين
لكن زوجج .. غريبه مايعرف عنه
أختي قطريه .. نصيحه تعاملي مع مركز تموين واحد يكون ثقه
وأول مايخلص عنكم العيش أو الدهن .. تتصلون له ويوفر لكم السلعه
لان العيش والدهن بسرعه يختفون من مراكز التموين







والله زمن الأول محد ياخذ عيش الحكومه
واللحين ضرب ومضارب عليه:(

[عيد823]

:rolleyes2:

:
واي صوب لجنة المناقصات المركزيه :shy:


بعد أذنج أختي صاحبة الموضوع


موقع لجنة المناقصات المركزية : خلف السنتر وبالقرب من جمعية السكري وشركة الدلالة بالمنتزة , قدم الطلب وأستلم البطاقة في نفس الوقت .

[@ دانتيل قطر @]

يسلمون على هالخدمة بس ياليتهم يدعمون لنا الاصناف اللي جودتها عالية بدال هالحليب الخربان والعيش الجديد >>>الله لايهينهم يخدمونا شوي



بالعكس
الحليب وايد زين
وحتى العيش
صج قبل كان مب زين
بس اللحين
غيرووه
أيه بعد ياليت يبيعون لنا كوارتين الكلينكس وغراش الماي
لانها نستهلكها على طول وضروريه

[@ دانتيل قطر @]

احنا ناخذ الزيت والحليب والسكر منهم

بس العيش خذنا منهم مره وما عجبنا مو شي



:victory:
هالمرا جرب العيش
خلاص تغّير
وشكرا

[بنت المنتدى]

والله احس اني الوحيده اللي بالعالم اللي ماادري عن الاسعار ..

تسلمين ياقلبي والله يسعدج وين ماكنتي

[سلمان_1]

صباح الخير :omg:

[@ دانتيل قطر @]

التموين صار احسن من الاول

حتى العيش صار احسن وطعمه حلو

وتدرون كنا ناخذ اوراق التموين ونعطيها صراحة المحتاجين

من جيرانا السودانيين واليمنيين

لكن الحين صرنا نشاركهم وناخذ منها لانها ارخص وانظف

الله يعز الامير بو مشعل



ماقصرتي
من فترة وحدة فلسطينية طلبتني ورقة زيت (مسكينة)
وذاك الوقت كان ماعندي للحين ماسوينا(وقلت لها ماعندي )
أيه أحنا لازم نستفيد من خير بلادنا
وهالتموين أستوا عشان يحمينا من تلاعب بعض التجار
والحمدلله
والحمدلله

[@ دانتيل قطر @]

:victory:

:victory::victory::victory::victory::victory::vict ory::victory:
شكرا

[@ دانتيل قطر @]

:ok:ماقصرت بلادنا ونتطلع منها الخير الكثير ايضا



أيه والله ماقصرت بلادنا
وأحنا أحقّ الناس في خير بلادنا
وشكرا

[@ دانتيل قطر @]

المفروض هالشي تسونه من زمان
يمكن أنتي ماعندج علم بالتموين
لكن زوجج .. غريبه مايعرف عنه
أختي قطريه .. نصيحه تعاملي مع مركز تموين واحد يكون ثقه
وأول مايخلص عنكم العيش أو الدهن .. تتصلون له ويوفر لكم السلعه
لان العيش والدهن بسرعه يختفون من مراكز التموين







والله زمن الأول محد ياخذ عيش الحكومه
واللحين ضرب ومضارب عليه:(


أمبلا
زوجي يعرف التموين وياخذ منه شعير وشوار تكرمون
بس ماجا في باله تموين للبيت
وحتى أخوانه كلهم ياخذون من التموين
لكن اللحين تأدبنا
:shy:
أيه أنا أعرف محل تموين معيين وبناخذ منه على طول
وحتى الحليب جات فترة كاان مخلص والناس يدورونه وأنا أقول شالسالفه
؟؟؟؟

[lusail]

هلا اخواني ..

بما اني من جيل الخمسينات ههههه .

الحمد لله معروف عندنا ياهل قطر التموين من زمان وبصراحه الكل يمدح فيه وخصوصا الحليب في واحد من الربع من الامارات يدوره دواره ويقول عجيب .
وترى مب متوقف التموين على الاكل وبس فيه لليي عنده حلال(غنم ولا ابل ) فيه شعير وغيره بعد ..
لا وابشركم على الاستثمارت اللي صايره في السودان(لتوفير الغذاء للثروه الحيوانيه )) ودول شرق اسيا وغيرها بتتوفر لنا انواع من العيش وغيره
الدوله مب مقصره ووتدور الاحسن وباسعار زينه ..

ولاهنتو

[@ دانتيل قطر @]

بعد أذنج أختي صاحبة الموضوع


موقع لجنة المناقصات المركزية : خلف السنتر وبالقرب من جمعية السكري وشركة الدلالة بالمنتزة , قدم الطلب وأستلم البطاقة في نفس الوقت .





شكرا عالتوضيح وهالساعة لمباركة

[@ دانتيل قطر @]

والله احس اني الوحيده اللي بالعالم اللي ماادري عن الاسعار ..

تسلمين ياقلبي والله يسعدج وين ماكنتي




ايه أنا كنت مثلّج
نايمة في العسل
واللحين أنا متأدبة
تسلمين حبيبتي
الله يوفقج

[@ دانتيل قطر @]

صباح الخير :omg:

:shy:
صباح النور
:shy:
يافضيحتي
فشيله

[@ دانتيل قطر @]

هلا اخواني ..

بما اني من جيل الخمسينات ههههه .

الحمد لله معروف عندنا ياهل قطر التموين من زمان وبصراحه الكل يمدح فيه وخصوصا الحليب في واحد من الربع من الامارات يدوره دواره ويقول عجيب .
وترى مب متوقف التموين على الاكل وبس فيه لليي عنده حلال(غنم ولا ابل ) فيه شعير وغيره بعد ..
لا وابشركم على الاستثمارت اللي صايره في السودان(لتوفير الغذاء للثروه الحيوانيه )) ودول شرق اسيا وغيرها بتتوفر لنا انواع من العيش وغيره
الدوله مب مقصره ووتدور الاحسن وباسعار زينه ..

ولاهنتو



شكرا لك عالتوضيح
يبه
ايه مثل ماقلت قبل
وحده مسافرة من مبعوثين السفارات في الخارج ماخذة معاها من حليب التموين