موقف تهور كاد ان يهلكني !!!

[سهم مديون]

السلام عليكم ورحمة الله وبركاته ،،،
اخواني واخواتي الكرام.....
امس تعرضت لموقف كاد أن يهلكني وأنا اقود سيارتي برفقة عائلتي في منطقة سكنية بشارع فرعي وفجأة ظهرت سيارتين تتسابقان بسرعة جنونية على هذا الشارع بقيادة شباب متهورين ولولا لطف الله ورحمته بنا لا صبحنا ضحية هذا التهور !!!
السؤال / لو تعرضتوا لموقف مشابه مع هؤلاء المتهورين من الشباب كيف تتعاملون معهم ؟؟؟

[hich]

الحال الناجع لمكافحه الفواجع الصدقة والأستغفار

[بنت المنتدى]

اسجل رقمهم وادق للشرطه واقولهم السالفه خل يسنعونهم

والله كم مره يمرون علي الله يكرهم يربكونك والله !!

[سهم مديون]

الحال الناجع لمكافحه الفواجع الصدقة والأستغفار

جزاك الله خير على التذكير :nice:

[سهم مديون]

اسجل رقمهم وادق للشرطه واقولهم السالفه خل يسنعونهم

والله كم مره يمرون علي الله يكرهم يربكونك والله !!

ماعطوني فرصة اسجل رقمهم من هول الموقف :anger1:

[ABDALAZiZ]

لا حول ولا قوه .. ماراح اسوي شي

[الامير]

الحقهم واصطرهم........واخذ مفتاح سياراتهم وبلغ شرطه وانتظر هم لين يجون........بعدها اذهب الى موسسه عيد الخيريه وتصدق مبلغ

[kare]

لا حول ولا قوه الا بالله
الحمد لله على السلامه زين ما تعورتوا

[بويوسف]

العمل عمل ربنا .. على قولة اخوانا المصريين. الله يهديهم بس انه صادني هالموقف .. وشي غريب ان في ناس تعرض حياة الغير للخطر من خلال تهورهم واستهتارهم.

[Riku3]

الحمد لله على السلامة ..

اذا كان فيها خطر علي او تهور منهم فأعصب شوي واقول لاحول ولا قوة الا بالله >_< ..

بس اذا كانوا بعاد عني او شارع فاضي ورئيسي فأشوف اذا فيني حيل اسابق معاهم واتحرش شوي :] .

[مستثمر 999]

ادعي لهم بالهدايه

الله يهديهم ويحفضهم لاهلهم

مساكين هالشباب الصغار معذورين

لا نوادي سنعه لا جهة تهتم بهم او تتبناهم

عندهم طاقات مب عيرفين كيف يستغلون هم

[مستثمر 999]

اسجل رقمهم وادق للشرطه واقولهم السالفه خل يسنعونهم

والله كم مره يمرون علي الله يكرهم يربكونك والله !!


ومن يصدق

خلاص بناء على طلبج بيلاحقونهم ويطلعونهم من بيتوتهم بس لاجل عيون بنت المنتدى

خليها على الله

[الوعد2016]

الحمدالله على السلامه

[naklan]

ادعي لهم بالهدايه

الله يهديهم ويحفضهم لاهلهم

مساكين هالشباب الصغار معذورين

لا نوادي سنعه لا جهة تهتم بهم او تتبناهم

عندهم طاقات مب عيرفين كيف يستغلون هم

:victory::victory::victory:

[البيئة]

حاول توقفه واذا وقف(افقع وجهه) براشدي..ترى بعض الحقوق توخذ باليد وانا اخوك....

[د. ضبحان]

السلام عليكم ورحمة الله وبركاته ،،،
اخواني واخواتي الكرام.....
امس تعرضت لموقف كاد أن يهلكني وأنا اقود سيارتي برفقة عائلتي في منطقة سكنية بشارع فرعي وفجأة ظهرت سيارتين تتسابقان بسرعة جنونية على هذا الشارع بقيادة شباب متهورين ولولا لطف الله ورحمته بنا لا صبحنا ضحية هذا التهور !!!
السؤال / لو تعرضتوا لموقف مشابه مع هؤلاء المتهورين من الشباب كيف تتعاملون معهم ؟؟؟

انا صار لي نفس هالموقع

في نفق المدماك مادري العسيري

كنت راد البيت في وقت متاخر مع الاهل

اشوي الا اثنين شاخطين واحد عن يميني وواحد عن يساري

ايام ماكانت عندي الكورلا موديل 86

اشوى انها كورولا من لقدام والا عادي كان تبطلت البيبان من سرعتهم

كل اللي سويته اتصلت على الشرطة وبلغت عن نوع السيارتين

لان ما مداني اثبت الارقام

:shy:

[الدوحه%]

وي انتو من صجكم احنا دايما هالسالفه عندنا ,,, في الشمال سيتي طبعا
الله لا يوريكم اطلع من بيتي ابي بيت الوالد مع العيال الا هالسيارتين من يسار ويمين
من سرعتهم سيارتي يصير فيها زلزال ولا تلحق تاخذ رقم ,,, مافي الا امسك اليهال
لحد يطيح منهم ,, وماقول الا الله يهداهم ماقدر ادعي عليهم لايصير فيهم شي في ذمتي
ولا قهر صج لما اشوفهم ,, حتى عيالي اقولهم هذيلا الحين بيمسكونهم الشرطه عشان مايتأثرون فيهم
........الله يحفظنا ان شالله ...... ونتمنى في دوريات توقف على الشارع خصوصا خط الشمال ,,,

[غناتي1]

ما راح اسوي شئ سوى اني بادعي عليهم اولا من شدة الغضب

بعدين بادعي لهم ان الله يهديهم

[لولوتي]

بالفعل من كم يوم ضايقني مثل هالموقف وانا راجعه البيت
و كانوا يتسابقون ولا وشو ماادري لأن كل واحد منهم كان يلف على الثاني:eek5:
والمشكله نوعية السيايير اللي كنا نسميها قوطي طماط

هذي
http://www.qatarshares.com.qa/data/36/38/storm_621294487_1464013158.jpg

من زود سرعتهم وفي الليل ماقدرت اخذ ارقامهم... ولا كنت بعلم عليهم:victory:

[بوخالد911]

الحقهم واسجل رقمهم وبعدين اشتكي عليهم

[Smart]

الله يصلح شبابنا

[بنت^البحرين1]

ابدا ماتحجى بس كل ورقة وقلم واتشكى عند اخواني مب الشرطة ههههههههههههههه
عموما في حالة كان السايق ريال نهائيا مااحاول أأشر عليه والا ابين اني مضايقه، لان ردات فعل البعض منهم وقحه، عشان جذي احسن شي تسجيل الرقم وبسسسس

[السامـي]

أصفط على جنب،و أتعوذ من أبليس،وأذكر الله...وأقول:
"لن يصيبنا إلا ما كتب الله لنا".
(الله لا يريك مكروه).

[الرايــق]

دام شارع فرعي وسباق وتجاوز السرعة بلغ عنهم

اول تقاطع وبتسنعهم لخويا :d

[الارض]

هالموقف يمر علينا وايد على خط الشمال
وصراحه اول شي اقوله الله يستر عليكم ويحفظكم لاهلكم
والله يهديكم ويصلحكم
لأني ادري انهم يهال مايعرفون مصلحتهم

[Ghost]

ادعي بان الله يهديهم ويصلحهم

[أمير المحبه]

الحقهم واصطرهم........واخذ مفتاح سياراتهم وبلغ شرطه وانتظر هم لين يجون........بعدها اذهب الى موسسه عيد الخيريه وتصدق مبلغ

اخوي ضحكتني ههههههه شنو اصطرهم في الابتدائيه ذيلا ياخي اذا في كل سياره 3:eek5:
ولا اربع شباب بيعلمونك الراشدي على اصوله خخخخخ:secret:
الا اذا كنت ضابط او في الالخويا هاي شي ثاني:victory:

[حقيقه]

اهدي السرعه واخليهم يطيرون
مافيه حل حق هالنوعيه من العرب
الله يهديهم ويحفظنا ويحفظ الجميع ان شاءالله