المساعد الشخصي الرقمي

مشاهدة النسخة كاملة : ^^^^^ مواقـــف محــرجة مــن الأطفال ^^^^^



الرميحي
30-11-2005, 01:20 AM
تقول وحده من الأمهات .. كنت معزومة على حفل عشاء فأخذت ابنتي الصغيرة معي ،

فلما جلسنا حول البوفيه ظنت انه مطعم وقالت بصوت عال : هذا الأكل بفلوس و إلا

ببلاش؟؟ فضحكوا عليها الحاضرات..

.................................................. ...........

والثانية ... جانا ضيوف وجابوا معهم هديه للمولود الجديد فكان ابني يريد فتحها

فقلت له ( اصبر حتى يذهبوا ) صار يدخل ويطلع ولما مل الولد من الانتظار دخل

وقال بصوت مرتفع .... (خلاص أبفتحها شكلهم بينامون عندنا) !!!!

.................................................. ...........


وقالت وحده بعد ... ذهبنا في زيارة لعمات زوجي ، وحده منهم كبيرة في السن قلت

لولدي حب رأسها فرفض وقال ريحة رأسها شينه !!! -يقصد الحناء- شوفوا الإحراج

اللي صار لي ...!!!

.................................................. ...........


هذه من جد يبغالها بالشنطه على رأسها...أخذت من أختي شنطه ورحنا لحفله ومعنا

بنت أختي ولما وصلنا وخلعت عبايتي حتى شافت بنت أختي الشنطه وقامت تسحبها بقوة

وهي تقول ) حقت ماما هاتيها ) !!! وأنا أحاول أسكتها ... !!!

.................................................. ...........

و وحده تقول .. زوجي كان عنده ضيوف على العشاء وحطيت العشاء كله لهم وكان ولدي

يبي يتعشى قلت له: إذا خلصوا الرجال بنتعشى.. رحت أصلح لهم الشاهي .. راح ولدي

دخل على الضيوف وقال لهم ( لا تخلصون العشاء لأنا بنتعشى أنا وأمي بعدكم ) !!!

شوفوا وجه أبوه وقتها ....!!!

.................................................. ...........

وحده تقول ....بنتها دايم تحرجها بنقل الكلام قدام الناس – هذا عيب اللي يحش

بالناس - تقول : مره كنت أكلم صديقتي بالهاتف وكنت أقولها عن وحده من جاراتي

وإني ما أطيقها دمها ثقيل وإذا جت تجلس عندي بالساعات في بيتي وتحب الكلام

الكثير ومره دق الباب وطلعت جارتي قلت لها : تفضلي وجتها بنتي الصغيرة وقالت

بصوت عالي : يمه هذي جارتنا اللي دمها ثقيل واللي إنتي ما تحبينها !!! طيب ليش

تدخلينها البيت ..!!! تقول الأم : صار وجهي مية لون ..!!!! ويوم سمعت جارتي

هذا الكلام زعلت وطلعت من البيت ....!!!

.................................................. ...........

تقول أخرى ....هذا موقف حصل لي ومع أقاربي : كنا بنصلي المغرب جماعه في إحدى

الاستراحات وكان أمامنا طفلين , الأول يقول للثاني : أنا اسم أمي فاطمة , ايش

اسم أمك انتا ؟؟؟؟ يرد عليه الولد الثاني وهو اصغر منه بكثير : اسم أمي ماما

!!! وهاتك ضحك وحنا نصلي استغـفـر الله ما قدرنا نمسك الضحكة .!!!


.................................................. ...........


في المدرسة ...كانت المعلمة تشرح لطالبات الصف الثالث الابتدائي عن وسائل

الاتصال الحديثة مثل الهاتف والتلكس والبريد الجوي والفاكس فرفعت إحدى

الطالبات الصغيرات يدها وقالت: أبله حنا عندنا فاكس في البيت عند جدتي

وتستعمله كل يوم....!! فشجعتها المدرسة على إكمال حديثها وقالت: وكيف

تستخدمونه؟؟؟ فقالت الطفلة: تدهن به ...-البنت بالطبع كانت تقصد دهون الفكس-....!!!!!

.................................................. ...........

إحدى الأمهات اعتادت أنها ترى ابنها الصغير يطارد الدجاجات ويدخلها إلى محلها

ويحرص على إبقاء الديك في الخارج وعندما سألته عن السبب قال: ذولا حريم ما

يطـلعـن من البيت ويشوفن الرجال....!!


.................................................. ...........


أيضاً في المدرسة ...طفلة في الروضة كانت تعبث بأنفها أثناء الحصة ...

فانتقدتها المعلمة وقالت لها استعملي المنديل عيب اتسوين كذا فأجابت الطفلة

لا مو عيب !! بابا يسوي كذا !!!!

.................................................. ...........

جاء بيكحلها عماها ...دعيت العائلة للعشاء عند أحد أقارب الزوج وأثناء تناول

الطعام كانت صاحبة المنزل تضـيّـف الأم وتصر عليها أن تأكل صحناً آخر بينما كانت

تتمنع فرد الطفل بلهفة لإنقاذ أمه من المأزق .... (( لا تحطين لها صحن ثاني

ترى بابا يقولها لا تكثرين أكل انتفختي !!! ))


:::::::::::::::::::::::::::::::::::::::::::::::::: :

طبعا منقووووووووووووول
__________________

عزيز
30-11-2005, 01:27 AM
هههههههههههههههههههههههه يحليلهم اليهال والله صدق من سماهم أطفال الجنه

أمووت في براءه الطفوله وخاصه ألي ماطافو الـ4 سنين :nice: عقب مايطوف الـ4 سنين يصير عفريت مب ياهل :eek:

بس حلاتها تربي ولدك علي يدك من صغره وتشوفه يكبر ويصير ريال جدام عينك :nice:

وماطول عليكم (( عقب وشو :funny: )) خخخخخ :D

وتسلم يالغالي الرميحي علي المشاركه الرائعه :app: :app:

abu_yousef
30-11-2005, 01:45 AM
هههههههههههههه ...ذكرتني لما زارنا موجه اللغه العربيه بأول ثانوي ...

دش علينا المدرس متخرع يقول : احين بيدش الموجه , مابي مشاغبات
ورتب الصف وحط الشطار قدام والكسالى بالصف الاخير ..

المهم بدا بحصة اعراب وقواعد ...دش الموجه ...ورحبنا به ...وجا وجلس باخر الصف يراقب الحصه ..

طبعا المدرس اسـتأنف الشرح ... وكتب عالصبوره ...اكلَ خالدٌ الطعام ...

سأل عن اعراب اكل ...وطلب من احد الشطار يعربها ...قام واح واعربها صح .. :nice: .
سأل عن اعراب خالدٌ ...رفعنا يدينا كلنا (عشان نرفع راس المدرس) ....قام الموجه اختار احد الكسالى يجيب ..

الولد قام يتلعثم ويقول : خا ..خا...خالدٌ ....ايه عرفت ...خالدٌ : جي مشلول بالضمه :looking:

(((((الولد كان متولع بالشل))))

طبعا تصوروا شكل المدرس واحنا منفقعين من الضحك عالاعراب الغريب ...

ضحك الموجه وطلع برع الصف ....((فخاطره يقول: صدتك :funny: :funny: :funny: )))


تسلم اخوي الرميحي عالموضوع :funny: :funny:

قناص الخليج
30-11-2005, 01:46 AM
هههههههههههه
صج براءة اطفال
يعطيك العافيه اخوي الرميحي

الرميحي
30-11-2005, 01:58 AM
هههههههههههههههههههههههه يحليلهم اليهال والله صدق من سماهم أطفال الجنه

أمووت في براءه الطفوله وخاصه ألي ماطافو الـ4 سنين :nice: عقب مايطوف الـ4 سنين يصير عفريت مب ياهل :eek:

بس حلاتها تربي ولدك علي يدك من صغره وتشوفه يكبر ويصير ريال جدام عينك :nice:

وماطول عليكم (( عقب وشو :funny: )) خخخخخ :D

وتسلم يالغالي الرميحي علي المشاركه الرائعه :app: :app:



أشكرك على مشاركتك التي أسعدتني

الرميحي
30-11-2005, 01:59 AM
هههههههههههههه ...ذكرتني لما زارنا موجه اللغه العربيه بأول ثانوي ...

دش علينا المدرس متخرع يقول : احين بيدش الموجه , مابي مشاغبات
ورتب الصف وحط الشطار قدام والكسالى بالصف الاخير ..

المهم بدا بحصة اعراب وقواعد ...دش الموجه ...ورحبنا به ...وجا وجلس باخر الصف يراقب الحصه ..

طبعا المدرس اسـتأنف الشرح ... وكتب عالصبوره ...اكلَ خالدٌ الطعام ...

سأل عن اعراب اكل ...وطلب من احد الشطار يعربها ...قام واح واعربها صح .. :nice: .
سأل عن اعراب خالدٌ ...رفعنا يدينا كلنا (عشان نرفع راس المدرس) ....قام الموجه اختار احد الكسالى يجيب ..

الولد قام يتلعثم ويقول : خا ..خا...خالدٌ ....ايه عرفت ...خالدٌ : جي مشلول بالضمه :looking:

(((((الولد كان متولع بالشل))))

طبعا تصوروا شكل المدرس واحنا منفقعين من الضحك عالاعراب الغريب ...

ضحك الموجه وطلع برع الصف ....((فخاطره يقول: صدتك :funny: :funny: :funny: )))


تسلم اخوي الرميحي عالموضوع :funny: :funny:

جي مشلول بالضمه :funny: :funny: حلووووووووه والله

الرميحي
30-11-2005, 02:00 AM
هههههههههههه
صج براءة اطفال
يعطيك العافيه اخوي الرميحي

مرحبا والله

الباش مهندس
30-11-2005, 09:11 AM
يازين براءة الاطفال
الله يعطيك العافيه يالرميحي

الجوري
30-11-2005, 09:21 AM
المال والبنون زينه الحياه

الرميحي
30-11-2005, 09:29 AM
يازين براءة الاطفال
الله يعطيك العافيه يالرميحي


الله يحيك طال عمرك

الرميحي
30-11-2005, 09:30 AM
المال والبنون زينه الحياه


:app: :app: :app: :app: :app: :app: :app: :app:

الجوري
30-11-2005, 09:33 AM
يعطيك العافيه يالرميحي

الرميحي
30-11-2005, 03:25 PM
يعطيك العافيه يالرميحي

كم جميل هو مرورج على موضوعي


تحياتى لج اختي الجوري

abo rashid
30-11-2005, 04:41 PM
مشكور

الرميحي
30-11-2005, 04:47 PM
مشكور


مشكور ع المرور بوراشد

ROSE
30-11-2005, 11:39 PM
يحليييييييييييييييييييييييييييلهم يجننننوووووووووووووووووووووووووووووووووووووووون

:d

تسلم اخوي الرميحي على هالموضوع

الرميحي
01-12-2005, 04:30 PM
يحليييييييييييييييييييييييييييلهم يجننننوووووووووووووووووووووووووووووووووووووووون

:d

تسلم اخوي الرميحي على هالموضوع

يسلموووووووووووو روز ع المرور الرائع

الحره
03-12-2005, 04:15 AM
السلام عليكم

تسلم اخوي الرميحي على هالمشاركه الكيوووت

هذي عجيبهhttp://www.banaat.com/vb/images/smilies/bluebiggrin.gif


في المدرسة ...كانت المعلمة تشرح لطالبات الصف الثالث الابتدائي عن وسائل

الاتصال الحديثة مثل الهاتف والتلكس والبريد الجوي والفاكس فرفعت إحدى

الطالبات الصغيرات يدها وقالت: أبله حنا عندنا فاكس في البيت عند جدتي

وتستعمله كل يوم....!! فشجعتها المدرسة على إكمال حديثها وقالت: وكيف

تستخدمونه؟؟؟ فقالت الطفلة: تدهن به ...-البنت بالطبع كانت تقصد دهون الفكس-....!!!!!

الرميحي
04-12-2005, 01:11 AM
السلام عليكم

تسلم اخوي الرميحي على هالمشاركه الكيوووت

هذي عجيبهhttp://www.banaat.com/vb/images/smilies/bluebiggrin.gif


يعطيك العافيه ,, وشكرج ع المرور السووووويت ;)